1 Belamnou atha nua un
10,14,10,15,6
- Upa Lalsiamliana
1. Aw Nang ka Mangpa leh ka Pasian dei,
Loupinate, pahtawinate, silbawltheinate khu;
Na ginna zal in mu tah na na hi,
Nang in bangkim Na siem a,
Na deina zala um leh siem;
Khu ahi sieng ngal a.
“Belamnou a tha nua un zong,
Mangtoupha a tou in;
Tam simlei vai khu a hawm ding”,
Angelvamte’n chi uh.
2. Mangtoupha a tou leh A silsiemte’n,
“Belamnou sieng ah khun guolzawlnate, pahtawinate;
Loupinate leh vaihawmnate khu,
Tangtawn in na um den tahen”
A chi uh khu ka thei a;
Sil ganhing lite khu.
3. “Tam puonvam silte khu koite ahei?
Hei a pat a hing pei ahi uoi?” chiin hing dong hi;
Keima’n a sieng ah Na thei ka na chi,
Ama’n ka sieng ah,
“Genthei um nasatah a pat pawtte,
Khu ahi” chi’n ei hil.
~~~~~~~
2 Sulhei kia nawnlou ding
11, 6, 8, 6
-Saihnuna
1. Simlei tuong nungsie lei sulhei kia nawnlou in,
Nuom a pei masate’n;
Pieugal gam nuom ah hing ngah uh,
Tangtawn nopna gam ah.
Kana gam lungngaina,
Simlei ka tenna mun;
Lungmuonna Zion muol tunga,
Len kal haibang ngahla’ng.
2. En vawi Mangpa ka lenna gam lungkhamna mun,
Gamdai genthei ahi;
Phamna in guolngai gibang khen,
Na gam tuong ka tun ma’n.
3. Van Mang Immanuel khopi Zion ah khun,
Gibang khenna umlou;
Khunah liengvai vontawi zousie,
Dawnbang tuoh kal ngahla’ng.
~~~~~~~
3 Damlai Tuipi Kinawng
10, 9, 10, 9
-C. Z. Huala
1. Damlai Tuipi Kinawng chieu gallam ah,
Ka lungkham gam vah hoi khu a um;
Haibang ngahla ing Hundampa sieng a,
I len hun ding khu, guoldeite toh.
Tuong hing tun in ka Mangpa deipen,
Lili pah hoina Na gam nunnuom;
Aw bangchih chieng in tuong ka tung diei?
Hundampa mun chiem khenlouna gam.
2. Haibang ngahla’ng Mangpa lungkham ni in,
Ginna’n hing musah in khum gam nuom;
Aw kilawm sem in ka lungsim sung ah,
Khu’n ka baang ding naubang ka kana.
3. Haibang hing ngah uh tu’n ka lungdeite’n,
Hundampa lenna gam Zion ah;
Aw bangchih chieng in tuong ka hing tung diei?
Khum khu zai-awipi vang, khenlouna.
4. Sawnban hing kai in aw ka Hundampa,
Ka mauna gamdai a kipat in;
Ke’n zuon zel vang Belamnou Mang lenna,
Aw khenlouna gam tangtawn pieugal.
~~~~~~~
4 Hundampa phamna mun
13, 9, 9,. 9
-Thanherha
1. Hundampa lungkhamna Kalvari lam khu zuon in ,
Hagau siengthou aw hing pui zel in;
Meelin mu nuom ma’ng e Hundampa,
A linglukhu leh a thuohna khu.
Aw na sa seng ing e nei tatna,
A khut, A keng, Anahah liemnate a thuoh;
Kei di’n Kross tung ah hinna a pie.
2. Sunni chin in ka ngaituo Hundampa phamna mun khu,
Ginna’n simlei apat mel in mu’ng;
Migiloute kalah khaikang uh,
“Ka dang a tah” Mang Jesu’n a chi.
3. Ngaai di uo Hundampa lungkham in huibang a mau,
“Ka Pasian bang achia hing peisan;”
A thumsah Ama khenbehte di’ng,
Kross tung a, A shi kuon ding mama’n.
4. Aw Mangpa amau dia Na thuohna Kalvari ah,
Namchin zata Na mel musah in;
Hekhuo Na tuo dan theisiem le-uh
Mang Jesu lambang pah chim sia uh.
~~~~~~~
5 HUNDAMPA NA MANGPA’n
8,8,8,8
- Manhleia
1. En in Hundampa na Mangpa’n,
Sing hansie dong tung ah hing ngah:
Kei zong Hundampa’n hing ngah in,
Ka peina tuonglam ha nanleh.
Tuonglam simzing dougal laiah,
Aw Mangpa ku’ng ngillouna di’n;
Van Angel lungtuoh muon-umte,
Ka ngai ni’n hing tung thei lengleh.
2. En in guobang hinna tuonglam,
Zui a ha tunlou ding zau ing;
Mangpa van hagau puilou in,
Koi ahei hing tung thei tading.
3 Bangchih chieng in ka hing mu diei?
Haibang ngahla’ng nuoi simlei ah;
Don zel vang ka luo ding gam nuom,
Aw Mangpa hepina zal in.
4. Tongse banna tulsing piendang,
Lungkham thuoh a Na hing tatna;
Ka hinnapen tulsing Na hi,
Chi in hing tawisang zel leng vang.
~~~~~~~
6 Van Khopi Tuollaai a
8, 8, 8, 11
-Saihnuna
1. Van khopi tuollai a lengsa,
Lei lungkham thuoh in amau hi;
Ka Pa hing peisan sin a chi,
Panpi a ngai ahi a mel ka et in.
Mangpa ka mu chieng phat in zai-awi vang,
Simlei genthei hi kei di’n nopna hing hivan in;
Van ka zalenna ding gam nuom,
Nisim ka galdot.
2. Israel namchin lungmawlte,
Salem kul sung gallien suo uh;
Mang sisan namchin di’n a luong,
Kei mawnei silsiengna lui siengthou ahi.
3. Hundampa tatna sisan luong,
Kalvari hansie dong sing ah;
Vuohna lingphan a khuh lai in,
Mel mu nuom mang e, aw Van khopi tha tuol.
~~~~~~~
7 Hallelui Non Hen
11, 10, 8, 8, 6
-Patea
1. Ngai vawi Kalvari a na lungkham da ni’n,
Melma simsengloute hing pungkhawm uh;
Koi hei na lungkhamna lel nuom,
Thangvan ngoumei in a hing bawm,
Kalvari a hing liep.
Amen, Amen, Halleluiah, Amen,
Lei leh van-te’n Amen lem hen;
Tuisuogiet leh nuoi simlei in,
Hallelui non uhen.
2. Ngai vawi shina zou in thelbang thoukiata,
Shina suun a khopi ngui albang da;
Kalvari pahtawi in leng uh,
Thuohna suun in, zawna lawm uh;
Buoina um nawnlou ding.
3. Shina luigal a aw Salem khopi khu,
Lalna gam pallun zem in a bawm e;
Khunah Phaiphuleng a lem uh,
Guolzou Mangpa pahbang tawi uh;
Phatna dai nawn tasia.
4. Aw ka Laukha na khopi galdot zel in,
Hundampa leh Angelte tuollenna;
Shina, lusuun, huibang mauna,
Um nawnlou ding Laukha vangkhuo ah;
Naubang ka bang tading.
~~~~~~~
8 Simlei Aigupta Gam ah
8, 8, 8, 10
-Suma
1. Simlei Aigupta gam ah khun,
Muonna leh nopna ka sui a;
Guobang hin sung man sieng tum in,
Kana leh lungkham buoina bou ahi.
Aw i pienna gam in a zil nawnlou,
Muonna leh nopna sui nanleng;’
Mu zou sia’ng e, amun hilou,
Ka Mang Khrista gam hilou zieh in.
2. Albang mang ding gam a lengte,
Tatna sisan mantam zal in;
Tangtawn hinna tang sam ding in,
Michin-namchinte ding in a hongta.
3. Aw khum mun a ngabang leng di’n,
Mangpa na hatna’n hing pui in;
Simlei nunnop mang sieng ding khu,
Ngai in don kia tasia’ng nunlui gam khu.
4. Hepina gam lam zuon ding in,
Ka Hagau na’ng zong sui inlen;
Simlei hoina’n hing han nanleh,
Lili pah Mang nunnem in hing ngah hi.
~~~~~~~
9 Aw Na Sisan Luong Khu
8, 6, 8, 6
-Upa Zasiama
1. Aw hei ah hei ka Hundampa’n,
Lungkham genthei a thuoh;
Amel dei-um mu nuom veng e,
Hepi sisan luonna.
Aw Na sisan luong ka mu chieng,
Ka siet vompen a silsieng ding;
Lungkham mangbat a bei tading,
Aw Na sisan ah khun.
2. Aw hing ngai ing Mangpa tu in,
Ka maw sawpsieng ding in;
Simlei tung ah Nangma loungal,
Tuibang sienna umlou.
3. Ka laita hun a hing tun chieng,
Hepi in hing pui in;
Zau nawn tasia’ng shina luipi,
Nuom in hing galkai vang.
~~~~~~~
10 Na Hagau In Hing Luodim In
8, 6, 12, 12, 12, 8
-Lianvela
1. Nuoi simlei a liengvai vontawi,
Sah, hang, sim, mal a mi;
Meel kimu ni’n Mangpa Jesu’n hing nuompi in,
Lungguoltah a Na hepina khu donkhawm in;
Simlei kana zong beisah in.
Na Hagau in hing luodim in,
Simlei kalai bang in;
Hing pahtawi ung, Aw Na hepina khun,
Hambang a nuolsa uh;
Aw loupi in hing leng taven.
2. Ka sut, ka gen chim theiloute,
Na zal a lengkhawm uh;
Kal a simthu hoi khu lel uh na sisan in,
Muolchin leh tangchin gam a pat hing peikhawmte;
Aw leng inlen pawl siengthou in.
3. Tam nuoi simlei lungkham kana,
Mun in na guot nanlei;
Hagau siengthou loupi leh guolzawlna lul khu,
Michin a di’n nuomna leh lungmuonna hihen;
Hagau siengthou pe chiet taven.
4. Aw Mang Jesu liengvaitah in,
Hing umsah sin Mangpa;
Aw Na zal a lawmguol ngaiteng a kim chieng in,
Tangtawn a sietlei pah hoina khu heisan in;
Michin sinlung ah teng ta in.
~~~~~~~
11 Sisan Lul Aluong
10, 8, 10, 9
-Upa Zasiama
1. En un Pasian Belamnou siet popa,
A min Kalvari tang ah khun;
Sing hansie dong tung ah a khaikang uh,
Kei di’n A sisan lul ahing luong.
Hundampa nah siengthou ah khun,
Sisan leh tui ahing luongkhie;
Ka lungsim in sumil sinlen,
Mawnei tuibang sienna.
2. Hepina lui siengthou a luong khunah,
Hundampa phamna munah khun;
Sun-zan in khunah khun valeng inlen,
Ka laukha na Hundampa sieng ah.
3. Koi zong khum sisan lui a kibuolte,
A siet vuabang in vam van in;
Aw na siet ninpen khu hing silsieng in,
Hing pei naw ven Hundampa’n a chi.
4. Hing vahmang san tasia’ng sietlei tung ah,
Ka hepi ka Mang Hundampa;
Aw Na Hagau siengthou in hing pui in,
Na mel dei-um khu hing musah in.
~~~~~~~
12 Albang Mang Kuon
13, 13, 13, 13
-Lianvela
R. Sankey 975
1. Albang mang kuon nuoi sietlei, Van nuom hing lang ding hi;
Don leng vang khum gam ngai in,
Hing lang ding gam nunnuom;
Sietlei simbang zing nanleh, Loupina Vangam nuom;
A naita suongmantam tuol, Immanuel gam nuom.
2. Aw Jeu tuikhuh Na hi, Hepina tuipi lien;
Ka chiem leng tam simlei ah,
Van ah a uong sem ding;
Hepina tuisuogiet ah, Ka teng ding Na zal in;
Van loupina kim a dim, Immanuel gam ah.
3. Hing hepi van Vaihawmpa’n, “Kei a na hi” hing chi;
Siet genthei mun neilou di’n,
A phal Vanmang inn khu;
Zou nuom veng Na sat vangkhuo, Tangtawn mun ding umlou;
Gam ni tumlou Belamnou, Vahna gam loungal.
4. Mou in Mouneipa bou, A mu nop bang ke’n zong;
Mu nuom ing vangkho sang zong,
Hepina Mang mel khu;
Tan ding Manglukhu sang in, Ka ngaina hing pepa;
Vangkho nuom a loupina, Belamnou ahi.
5. Van Mang ta hepina in, Lei mun zong a nuomsah;
Lungkhamna a hing tung leng,
Hepina Mang mel khu;
Mangpa khu phat sem va ui, Tan guollou Mangtouna;
Hing tangsah ngun suongkuolkhum, Salem kulpi sung.
~~~~~~~
13 Itna Piendang
8, 6, 9, 6
-Patea
1. Aw Kalvari tulsing tung ah,
Ka Mangpa a mau a;
Jerusalem Kanan gam zousie,
I Mangpa hilou i? (2vei)
Aw kagen theilou, Aw ka sutsiemlou,
A hepina piendang e,
Itna thuh dan ka gen theilou,
Hing itna piendang seng sang.
2 Puonzah loupi a hing keha,
Suongpi hing pawhkeh in,
Lungsiet Pasian sinlailung sung ah,
Bangchin a na tadiei? (2vei)
3 Nuoi simlei zong a hing mielta,
Zilpi a hing ling a,
Zau in sietlei a taimangta a,
Misiengthou a thouta. (2vei)
~~~~~~~
14 Hagau Siengthou hing pei in
11, 9, 10, 5
-Siamliana
1. Pentikos ni bang in aw Hagau siengthou,
Hing peikia in namchin zatamte,
Kumtawn pieugal lam mang in a vai uh,
Puidoh kia ta in.
Buoina gam lungkhamna salvah ding in,
Hing tawi ta in Na siemna loupi;
Mawna kang sieng ding in, Meikuong bang in,
Hagau hing pei in.
2. Shina mulkimhuoi thuoh a Na tatte,
Sietlei pallun zou a muongte khu;
Nang in pui in Na kumtawn gam lalna,
Lam theiloute khu.
3. Hagau siengthou nunnem hing pei kia in,
Hundam ngai ung Na ta taimangte’n;
A kumtawn hinnau lampi theilou in,
Beimang dingte khu.
4. Ngil sawt seng ung e sing a Na thuohna,
A lungsim sietmiel uh salvah in;
Hing thengsah in aamna simlei pallun,
Na pui theina di’n.
~~~~~~~
15 Lei Mihing Achi Ding Uoi?
8, 7, 8, 7
-Pastor Thangur
1 Bethlehem muol sunni tum kuon,
Sietlei namchin kisuikhawm;
Khunah lemna Mang hing piengta,
Lei Mihing a chi ding uoi?
A phatna ging khu ngai un,
Misiengthou tongluong lawmnou;
Tungnungpen ah loupi tahen,
Lei ah tamna leng tahen.
2. Gilou liengvai saltangte leh,
Shina lim a toute di’n;
Pieugal sunni a hing tangta,
Sietlei miel hing tanvahta.
3. Hing vah kia in Jingsol Alsi,
Thangvan vah toh hing zop in;
Aw hing vah in phatna zaila,
Van mipi sinlai phawng hen.
4. Hing vah kia in Bethlehem muol,
Hundam Mang Jesu pienna;
Mite’n simmaw nanleh uzong,
Minthang tungnung Bethlehem.
~~~~~~~
16 Hagau Siengthou Nunnem
8, 7, 10, 8
-Upa Zasiama
1. Hagau siengthou khuva nunnem,
Hing leng kia in hing ngai ung;
Hing suhal kiata in mipi nguite,
Muolliemlou in hing kia maita’n.
Aw kahing ngai uh Hagau nunnem,
Nang tellou in mipite selung mawl;
Hing pui kiata in Jingdam Solnou Zion,
Nopna lam siengthou ah.
2. Ngai in Mangpa Na tatsate’n,
A kumtawn tuonglam ngil uh;
Lei Belampute’n lah a pui theilou,
Bangchi’n ahi tadiei Mangpa?
3. Hagau siengthou Nang na umleh,
Simlei lungkhamna a nem;
Siet huipi leh buoina gal lien nanleh,
Na min pahtawi zaila’n sa vang.
4. Jesu nunnem hing mau kia in,
Lungkhamtah a Na thuohna;
Theisahta in aw Na Linglukhu toh,
Na lungkhamna ngil theising e.
~~~~~~~
17 Gam nuom Lam Zuon
9, 8, 9, 9
-R. Sankey 992
1. I kuong un gam nuom lam khu zuon hen,
Mangpa thu khu puongzah ding in;
Midang pua dingte khu pui ding in,
Khawlna mun nuom tun dong a sem di’n.
Khawlna mun nuomah khun luonhi a hul ding,
Khum tangtawn khawlna gam nuomtah ah khun;
Tatsate’n nop la sa kikou khu i za ding,
Khum Mangpa nopna ah hing peikhawm in.
2. I kuong un gam nuom lam khu zuon hen,
Zaulou in i pei zel ding uh;
Kuongkhawlna mun nuom khu i naita,
Khawlna vah noptah khu imu ding.
3. Gam nuom a tang hoi kilawm leh vah,
Khum khu pahpe lun in a bawm;
Khunah hing Tanpa leh Hepipa,
Phat in nunnuom zaila i awi ding.
4. Gam nuom a kipat in huikhi hing lang,
Khum mun ah khun khuo navah ding;
Chia Hundampa mel khu ka mu ding,
Khunah shi leh natte a bei ding
~~~~~~~
18 Hinna Luipi a Luong
8, 7, 8, 7, 10
-Anon
1. Hinna luipi a luong zing hi,
Shina lim a toute di’n;
Lungkham leh thawmhaute di’n zong,
Nunnop leh kipahna hi;
Kalvari ah, Kalvari ah;
Hinna tuikhuh a hing luong. (2)
2. Chiin khum muol ah khun vapei in,
Hinna tuichim na mu ding;
Khunah khieltengteng ngaidamna,
Ka mu hun chieng ka nuom ding,
Khum mun ah khun, Khum mun ah khun;
Ka khel ngaidamna a um. (2)
3. Hinna luipi luong khu ka mu,
Hepina in libang ching;
Kei di’n a luong khum muol ah khun ,
Dangtah a ka balouna’ng;
Khrista bou khu, Khrista bou khu;
Kei di’n hinna tui hing ahi. (2)
4. Tang dang zousiete sang in zong,
Ka Hundampa thuohna khu;
Golgotha ka ngai thupipen,
Ka Hundamna tang kilawm;
Kalvari tang, Kalvari tang;
Hing ngil nawn vawt tasia’ng. (2)
~~~~~~~
19 Zion Khopi Tha khu
8, 7, 8, 7
-Hleia
1. Ka ngahla Zion khopi tha,
Mang lenna vangam loupi;
Lunghel kan in gal in don ing,
Lei genthei nunglam hei ing.
Aw gam siengthou hinna gam vah,
Mang gam nunnuom mu nuom ing e;
Tuong ka tun ma’n aw Mang nunnem,
Halou in in hing pui zel leng in.
2. Tunglam a leng in ha a zah,
Natna leh lungkhamnate’n;
Phamna muol vum a tuong ka hi,
Hinna gam gal in don vawi.
3. Damlai simlei khu don vawi uh,
Lungkham ngoumei zing leng hi;
Sietlei pel a hin tha ngai in,
Ka kap Mang nunnem ma’ ah.
4. Pham ngai hing nem in aw Mangpa,
Shina vontawite nuomna’n;
Phamngai lenkawl a sieng zouta,
Zion gam gal in don vawi.
~~~~~~~
20 Mangpa Ka hing Muta
8, 6, 8, 7
-Kamlala
1. Tu in Mangpa ka hing muta,
Min dang ngai nawn tasia’ng;
Nangma angsung ah ka teng ding,
Hepina tuisuogiet ah.
Ka Mang Na hi ka hing mu ding,
Ka hing mu ding ka Mang Na hi;
Aw nei hepina ka thei in,
Na thuoh e Kalvari ah.
2. Aw Na thuohna Kalvari,
Galdot vang sietlei pan;
Na hepina in ka mu ding,
Aw Na vahzaw ni sang in.
3. Mipi leh mangloupite’n,
Musit in sangbang naw;
Nang zong gentheite Mangpa bou,.
Kei di’n Na hun e ka Mang.
4. Na pienna lei mun ngiempen,
Na phamna lugu mun;
Na gentheina ka tang tei ding,
Aw ka nuom hi Na zal in.
~~~~~~~
21 Hundampa Thelbang Thouta
8, 6, 8, 10
-Siamliana
1. En vawi khaikang uh melmate’n,
Lemna simthu lel ding;
Vanmang vontawi ngei a hing hi,
Kalvari sing hansie thuoh a pham khu.
Thelbang thouta, thou kiata e,
Phat un ka Hundampa thelbang thouta;
Loupi in a melma a zouta,
Tangtawn in misiengthoute toh Vaihawm di’n.
2. A luong silpuon nem in tuom uh,
Pasian gam lam-ette’n;
Huon ah kulsin haibang ngah in,
Zawna loupi toh thelbang thoukiata.
3. Han a pat in thoukiata e,
Hundampa Mangpen khu;
Han simzing a pat in thou in,
Khovel siet leh shina a nuoisieta.
4. Shina ngei khu a zouta a,
Zoupa Mangpa phat un;
Halleluijah ka Hundampa,
Phatna’n sietlei nopna’n hing dim tahen.
~~~~~~~
22 Kumtawn Khuo A hing Vah E
13, 11, 13, 11
-Suakliana
1. Hossanna chi zel in aw, Halleuijah Amen,
Mang Khrist mimbang hing pieng e Bethlehemah khun;
A tongluon siem hepi thu namchin damna ahi,
Nuomtah in kikou vai Hosanna chi in.
Aw Bethlehem muol tungah,
Tangtawn khuo a hing vah e, vagen kawita un;
Koi in zong khum hinna vah nuomtah a a ginleh,
Lungsiet ka leh buoina thuoh nawn tasia’ uh.
2. A loupi in limdang e, i damna Mangpa khu,
Hepina a hing luong e khovel gamchin ah;
Sietna a pat a i taidoh thei zingna ding un,
Hepi gam lunmang i Mangpa Jesu khu.
3. Pa hunchiem tuong tungta, ei di’a damna ahi,
Hepina a luonglet e Kalvari ah khun;
A piendang koi in gen thei nuoi sietlei vannuoi ah,
A hepina gam ah tuong hing tunta va.
4. Zion loupina Mangpa, beimangte suipa khu,
Van khopite’n it nanleh palbang nangla uh;
Bangkim a bangkim tung ah Mangpen tahen, Amen,
Hing hepina khu koima’n a nuol theilou.
~~~~~~~
23 A Loupi Uh
8, 7, 9, 9
- Chali
1. A loupi uh sil hing chinteng,
Tang chin nuom a lungguol in;
Zaila’n Vanmang awi in sietlei ah,
Aw Mang loupipen chiin zai-awi uh.
Aw Halleluijah tungnungpen,
Lei mun genthei leh Na sulnua gamdai ah khun;
Genlieng a mau in Nang hing ngai uh,
Hing leng in loupipen Mang Jesu.
2. Ka damsung sietlei simzing ah,
Ka thum zel ding Hundampa;
Tun kal ka ngahla hin tawplou gam,
Hing vahin tangtawn gam nunnuom nou.
3. Damlai ni kawlah liem nanleh,
Ka ngah Kanaan khopi tha;
A hing vah ding ni tumlouna gam,
Nuomna kimta ding Manglukhu toh,
4. Mang lenna Zion gal muonna’h,
Aw lei leh van Mangpa khu;
Halleluijah chia zai-awi in,
Angel toh Mangtoupha kimvel in.
~~~~~~~
24 Hundampa Pahbang Tawi Vang
7, 6, 8, 7
-R. Sankey 629
1. Ka Hudnadampa pahbang tawi vang,
Nangma a mai ka hi a;
Sisan in hing silsieng zal in,
Belamnou loupita hen.
Loupi Jesu’n hing hundamta,
A min siengthou thangvel hen;
Sisan in hing silsieng zal in,
Belamnou loupita hen.
2. Khawlna kim nopna tang ding in,
Kum tamtah ka sui nua in;
Ama khu nuomtah a ging in,
Guolzawlna khu ka muta.
3. Mitphet kallou zong ka ging ding,
Sisan lulpen luong ah khun;
Hinna tuikhuh ah khawldam vang,
Ka Hundampa sieng ah khun.
4. Na nasem a kimang zou in,
Nang di’n hing in ka shi ding;
Hundamna khantan nuom-um khu,
Nuomtah in ka puong zel ding.
~~~~~~~
25 Lungkhamna In Hing Tuom
10, 6, 9, 7
- Lalthangpui
1. Lungkhamna siet chinteng in a hing tuom,
Shina a pui ding in;
Ginna in nunglam sulhei kia ing,
Ka Hundampa’n a hing sui.
Ka kipah mama hi tu in vang,
Hundampa nunnempen leh hepipa’n;
Ka Hagau a hundam kiata.
2. Nopna tah mai sinlung a ka nei khu,
Jesu hing pieh ahi;
Lei nopna sang a nopna loupi,
Van nopna in ka dim hi.
3. Belamnou Mang lenna tang ka galdot,
Nuomna in hing lamtuo;
Shina Jordan ka kai hun chieng in,
Van guolvahna ka imm ding.
4. Kalvari a hepina ngil zou in,
Sietlei nunnopna ah;
Mangpa Na hepina banzal in,
Lamkhielte hing pui kia in.
~~~~~~~
26 Teng Zing In Mang Jesu
12, 10, 10, 10
- Thanherha
1. Na hepina zal a nuom a kikhawlkhawmte,
Gibang ka kikhen chieng un aw Mangpa;
Henem ding um vawtlou sietlei tung ah,
Aw Mang Jesu ka sieng uah hing leng in.
Aw teng zing in Mang Jesu ka sieng uah,
Hing umpi in genthei, lieng vontawite;
Na Sahmel ah nunnopna kim,
Ka ngai bang theilou ding.
2. Tam simlei vang kap a gibang kikhenna hi,
Aw Mang Jesu Na hepina zal a;
Na tangtawn gam nunnuom ka tun chieng un,
Gibang kikhen nawnlou ding gingtute.
3. Lunghel in Mang Jesu tu in malbang kou ing,
Hing leng taven aw ka sinlung sung ah;
Thangvan Alsi sang in na vah hoizaw,
Na mel ah nunnop leh muonna kim um.
~~~~~~~
27 Immanuel Gam Nuom
10, 8, 10, 10
Thupil. 7
-Pastor Rova
1. Van Mang nunnem Immanuel gam nuom,
Ngai in don ing sun-zan chin in;
Simlei loubang tul nua a khawlna ding,
Donchim lang e tangtawn gam nunnuom nou.
Gam hing tung ding ka gel chieng,
Sietlei pallun tul kal haibang ngahla’ng;
Gam hing tun kal haibang ngahla’ng,
Khensa guolngai toh laituol lenna ding.
2. Simlei ah hambang vai in kap nanleng,
Van Mang nunnem sieng vatung tei na vang;
Ka lungkham luonhi hing nulsieng van in,
Naubang nui siusieu in leng tei tavang.
3. Lungkham banna ding um vawtlou,
Simlei lungkhamna’n a dim zouta;
Hing pui inlen tangtawn gam nunnuom ah,
Naubang ka luonhi nul a hulna ding.
4. Thangvan gan nunnuom tuong ka tun chieng in,
Ka Mang nunnem in naubang hing pom va’n;
Damna lui tui sieng ah hing sil van in,
Tangtawn hinna tang in ka nui tading.
~~~~~~~
28 Ka Siet Vang a Na Thuohna
9, 5, 8, 6
- Upa Sȃptȃwna
1. En vawi Hundampa khu puita uh,
A linglukhu toh;
Melma simsengloute’n pui uh,
Kalvari tang dong in.
Ka siet vang a Na thuohna khu,
Na ul sisan in a luong hi;
Na aw nem dei-umtah mai khu,
A tham leng ka lungsim sung ah.
2. Ka en ngamlou ka Mangpa deipen,
Melmate’n vuo uh;
A thuoh nat dan leibang lel maw’ng,
Kei di’n a hinna pie.
3. Shina mulkim huoi a thuoh lai in,
Koi in hei panpi;
Ka Pa ka Pa chi’n a thum,
Sing hanse dong tung ah.
4. Aw ka Hagau Hundampa phamna
Zion zuon inlen;
Khunah ngaidamna mu vateh,
A sisan luonna ah.
~~~~~~~
29 Ginna Ha A Leng In
6, 9, 8, 10
-Lianvela
1. Ginna ha a leng in,
Kalvari muol lam vazuon talei;
Ka Mangpa phamna mun ah khun,
Ka tenna ding tung Salem tha muvang.
Ka lei lungkham naubang ka bangta ding,
Nuomna pah hoi pahna ka galdot.
2. Kalvari tang tung a,
Sisan luongkhie Hundampa nah ah;
Namchin tuibang a sienna hi,
Aw ka Hagau khunah vabuol in.
3. Jerusalem vangkhuo,
A latna tang dang a umlou e;
Gal in don vawi Kalvari ah,
Khunah a lang Hundampa nah ah khun.
4. Aw ka Hagau leng in,
Vabuol in na Hundampa phamna;
Nangma vang a a phamna khu,
A sisan luong ah vabang vabuol in.
~~~~~~~
30 Mouneipa Kikou Aw
8, 8, 8, 8 Mt.
25:6 -Anon
1. Ngai vawi Mouneipa kikou aw,
Hing thang dehta lummei lai ah;
Tatsaten nuom la’n dawn uhen,
Hossanna chi a zai-awi in.
Hing pei ding ka hita,
Chiin Mangpa’n namchin a hil;
Hing kiging un miza namchinte aw,
A hing peina ding a naita.
2. Aw tangtawn khuo hing vah naw ven,
Hundamtate’n sietlei ningta;
Na gam loupi Jingsol Alsi,
Toh hing vah in aw Mang Jesu.
3. Aw tangtawn khuo hing vah naw ven,
Tatsate liengvai sawt sengta;
Luonhi nullouna gam nunnuom,
Hing kihong in Salem khopi.
4. Miel leh vah in hing tuom sung in,
Nunnopna mawngmawng nei theising;
Aw nuomna Mangpa hing pei in,
Na gam pah Lili hing hieh in .
5. Aw tangtawn muolvum a pat in,
Hing pei kia teitei ding hi’ng chi;
Tatsate’n nuom lan dawn uhen,
Hossanna chi a zai-awi in.
~~~~~~~
31 Pasian Belamnou
8, 6, 8, 6
-Patea
1. Aw phat un Pasian Belamnou,
Kalvari a shi khu;
Nangma leh keima a tatna’n,
A sisan a luongta.
Sisan in.....Sisan in,
Hing tanta Belamnou sisan in ;
Hing tanta....Hing tanta,
Belamnou Helluijah phat un.
2. Aw Mangpa hepi loupi khu,
A hausat liin guollou;
Sang nempi a peta kei zong,
Guolzawlna khu hing pie.
3. Halleluijah loupina khu,
Ama’n nei kumtawn hen;
Vannei khiel leh kei khu Khrista,
Sisan lul khun hing tan.
~~~~~~~
32 Bethlehem Vangkhuo ngai um
8, 6, 10, 6
-Patea
1. Mang lung-awi kum hun nuom-um khu,
Tu in tuong tung kiata;
Galdot zel lei Bethlehem dai mun khu,
Vanmite zai-awina.
Aw nang Bethlehem vangkhuo hing ngai na’ng e,
Na tangtung a puipa Alsi vah khu;
Kap in ka hing sui zel ding hi,
Ka Mang pienna lei mun ngiempen khu.
2. Ngailou um diei maw khum mun khu,
Ka Mang sieng a lawina;
Kaisar lutlai sun nisa kai nuoi ah,
Ka Mang naubang kap e.
3. Galdot vawi un Angelte aw,
I ngahla Mang Jesu;
Mimbang piengta liengvai vontawi nuomna’n,
Pahbang in tawisang vai.
4. Taam lai ve un Belampute,
Gamdai nuasielou in;
Lungkham umlou Alsi khen gam nuom ah,
Laituol lengkhawm tavai.
~~~~~~~
33 Van Angelte Zai-awi Gin
8, 8, 8, 8,
-Upa Zasiama
1. Lei ah mimbang pieng thangvan Mang vontawi,
Angel in phat uh nuom la loupitah in;
Tungnungpen ah loupi tahen,
Lei mihing di’n tamna leng hen chi uh.
Aw van Angelte zai-awi gin in,
Bethlehem vangkhuo hing thawn e;
A kipahna la aw git in,
Immanuel Mang tungnungpen tahen a chi uh.
2. Lemna Mang siengthoupen khu hing piengta,
David suon Alsi vah hoi tangtawn a di’n;
Tangtawn in a lal zing ding hi,
Amin loupi tangtawn in pahtawi uh.
3. Aw van Angelte’n zai hing awi kialeh,
Bethlehem mun sun khosawt a ka len lai in ;
A ginglawm leh a thawmte khu,
Ka lunglai ah tangtawn in thamta hen.
~~~~~~~
34 Aw Loupipen Halleluijah
-Kamvela
1. Aw loupipen Halleluijah,
Hing pahtawi ung Immanuel;
Pahtawina leh lalna tengteng,
Tangtawn in Nang a ana hi.
Halleluijah, Halleluijah, Amen (2vei).
2. Leitung mihing namchin vontawi,
Angel vam toh lung kituoh in;
Na tatna sisan luong zal in,
Salem tha tuol ah lengkhawm ung.
2. Aw tuibang thuh gamsing bang sang,
Na pilna, leh Na hepina;
Hagau leitung a ginglawmte,
Leh van hamten genseng sih uh.
4. Aw hing hil in tui bang thuhdan,
Gan annkuong leh sing hansie thuoh,
Van manglukhu toh a kizop,
Lei Eden leh Van Salem tha.
~~~~~~~
35 Hinna Damtui a luong
8, 7, 8, 7, 8, 7, 8, 7
-R. Sankey 287
1. Tanah hinna damtui a luong,
Kalvari a hing luong hi;
Mi zatam suhdamna di’n luong,
A dawn nuom tapou dawn di’n;
Nang Eden umlai veipa aw,
Hing pei in vadawn kin in;
Chiin Kalvari damtui chiimtah,
Na lungsim ah a luong ding.
2. Chiin damtui khu thei zing inlen,
Midang zong theisahta un;
Mi koi in zong a dawn uleh,
A dam ngeingei ding chiin;
Jesu loupina hivan in ,
Van Angel siengthoute khun, ;
Nuom la piendang tangkoupi in,
I Pa Pasian masang ah.
3. Tana pat in tangtawn dong in,
Tam hinna damtui a luong;
Thoukia tate’n a tui siengthou,
Tangtawn in dawn tava uh;
Belamnou hinna siengthou in,
Hundam tate buol va un,
Eden sil lui um nawnlou in,
Hin tha in leng den va uh.
~~~~~~~
36 Kei a din a thuoh zouta
8.6.8.6
-Puna
1 Hundampa khu ka siet tan di’n
Lei ah a vahvai a;
Mawnei hing tahloute bang in,
Tulsinglel ah hing thuoh,
Aw hinna Mang siengthoupen in,
Kei din a thuoh zouta;
Lungkham shina tan hing thuoh in;
Kei a hing tan zouta.
2 Ka Hundampa’n ka dang a tah,
Chi a a thum lai in;
Mipi tul zatamte lai a,
A pe ding um vawtlou.
3. A tuonglam khu galdot zellei .
Kalvari tang dong in;
Mangpa na sul zui ngam sih ung
Gingtute’n a chi uh.
4 A lungkham a genthei lai in,
Panpi a ngai mama;
A deilam sil bawl zel ding in,
Ka theina tuibang tawm.
~~~~~~~
37 Nopna ni loupi
8.8.8.8.
-Kamlala
1 Nopna ni loupi khu a vah,
Zanlam chieng kawlmong a atum;
Lei Bethlehem mun daidam ngah,
A sahmin Mang Immanuel.
A tungnung pen, A tungnung,
Tungnungpen Mang loupi;
Simlei ah kumkhuo in,
Lem leng hen Haleluiah.
2 A melin simmaw huoi nanleh,
Van leh sietlei Mangpen ahi;
Lei a lalte’n dou nanle uh,
A gam a za deudeu ding hi.
3 Tua kawlmong ate hing thou un,
Chingtang leh phaiphuleng lem in,
Tungnungpen ah loupi tahen,
Chi in Angel zai awipi vai.
4 Liengvaite leh Lal di’n mun um,
Lei Bethlehem leh thangvan ah;
Sinlung ah lam na hon talei,
Gou sildang ngai nawn talou ding.
~~~~~~~
38 Tungnungpeng ah loupi tahen
8, 7, 8, 7
-Kamlala
1. Ngai vawi Angel tongluong lawmnou,
Ni loupi hing tung lawm in;
Khovel siet leh solna tung ah,
Lem leng hen chi in sa uh.
Tungnungpen ah loupi tahen (2),
Chi in chingtang ginglawm toh,.
Lem leng hen chi in sa uh.
2. Tuon a Aigupta gam bang in,
Jubilee a hing tungta;
Loupita hen tungnungpen ah,
Salem tha kot hing hong pa.
3. Mel theilou vang lah mi ahi,
Mangpa phat a zai-awite;
Kumsawt lemna Mangpa phat in,
Lem leng hen chi in sa uh.
4. Etlawm sang e silpuon loupi,
A mel uh nibang in tang;
A silpuon vam duong a bat in,
Lem leng hen chi in sa uh.
5 Hing hil di uo Angel-te aw,
Thangvan Mang Immanuel;
A Mangtouna loupi nuasie’n
Mikhielte di’n a hing pei.
6 Hing vah kia ven ka kungtung ah,
Chiemtena Zingdam solnou;
Lemna leng hen mun gamchin ah,
Chi’n zai-awipi va-ui.
~~~~~~~
39 Kumtha tuong hing tungta
8, 8, 8, 8
- Patea
1 Kum tha khu tuong hing tung kiata.
Ngaitam sielna gam sing bang sang;
Nua chieng muolliem galkhuo donlei,
Simlei guol ngaite kimu va.
Aw hei ah hei guolngaite khu,
Mangpa haibang ngah gam nuom ah;
Hing pei unlen hinna pahhoi
Namtui khu va lou chiet va-ui.
2 Hun leh nite muolliem tasia,
Sana vangkhuo tuol nunnuom ah,
Lungkham liengvai luonhi nulna,
Bei tava kumtawn gam nuom ah.
3 Mubang ngaiveng lungsietna gam,
Galdot vai khovui kai nuoiah,
Alsi khel van salem tha khu,
Lungdeite tuol lenna gam hi.
4 Ngahleng veng aw khum gam nunnuom,
Dachieng a tuong i tunna ding,
Guolngaite gibang khen nanlei,
Khunah nuom in lengkhawm tavai.
~~~~~~~
40 Mang pien hun
10.9.8.79.
-Ralngama
1 Mangpa pien hun kipah um tung kiata,
Nunnuom zaidei awi in pahtawi vai,
Shina mielnuoi a buolte din,
Vahna loupi hing tungta;
Haleluijah chi in pahtawi va-ui.
Amin lamdang kilemna Mangpa,
Kumtawn Pa kilemna Mang loupi,
A gam in tawpni neita sihvan,
Lien deudeu tava tangtawn dong in.
2 Tu in zong Bethlehem vangkhuo zuon in,
Ginna ha zah a vabang leng in,
Tun lieng Mari tawi lei leh van,
Mang liengvaite’n i mu ding’
I nei gou sil zousie pe va ui.
3 Ginnan ka galdot a ka tung vangkhuo,
Lemna Mang vontawi mimbang pien ni’n
Khennan simthu lem a aw hoi,
Thangthawn in sietlei tung ah,
Ka tung thangvan sang khu a thawn vel,
4 Hing tanpa Mangpen vontawi hing pieng khu,
A sahmin lun Mang Immanuel;
Hossana tungnungpen a khun,
Loupitah in umta hen;
Lemna thu leng hen tam sietlei ah.
~~~~~~~
41 Aw ka Mang Nunnem
10.10.10.8.
-Patea
1 Mangpien kipah nikhuo hing tung kiata Selung liengvaite lung a hing kaithou,
Vannuoi hil un Bethlehem muol tung ah,
Ginna ha in leng galkai vai,
Aw ka Mangnunnem nang in hing pui zelin,
Na tun leh juo ngai a;
Senlai naubang na kana mun khu ka ngai.
2 Bethlehem Alsi hing vah kiata,
Eden dawngkot khah miel a vah kiata;
Khang un thou un Eden taikhuo vahta,
Lungtup gam nuom zuonta va-ui.
3. Ngaina venge aw Bethlehem muol khu,
Thangvan kawlni lenmuol a khum kiata;
Bawnginn sung a genliengthei Hundampa,
A tun Mari’n Sennaubang pom.
4. Nuom seng sang e Mangpa na gam khu,
Kei di’n Bethlehem khuo a vah kiata;
Tang a pi leh pute’n a muphah lou,
Saron pah hoi phat in leng vang.
~~~~~~~
42 Van a Aw Ging In
7, 8, 7, 6
-Pastor Thangur
1. Zankhang lai in Belampu,
Bethlehem zau a giehte khu;
Van a aw ging in hing phawng,
Ngai ding in a thou uh.
Nunnopna huikhi lang hiuhieu,
Angel siengte aw gin khu;
Mizatam ding a nunnopna,
Mang Jesu pien thu hil in,
Lei ah tamna leng hen.
2. Van Mang ta va-en di uo,
Bethlehem bawnginn sung ah khun;
A tun liengnu Mari in,
Gankuong sung ah lumsah.
Jingsol Alsi hing tang singseng,
Gankuong a lupna zawn ah;
Khosah mipilte’n hing sui uh,
A goubawmte uh tawi in,
Mangpa sumbang bie uh.
3. Tami ahi Van thugen,
Namchin zata hundam ding in;
A khut leh keng a kil in,
A nah teipi’n sun uh.
Hinna damtui in hing luong van,
Aw Kalvari tang tung ah;
Tam sietlei ah hing luong van in,
Jawlneite genlawh bang in,
Namchin thoidamna di’n.
~~~~~~~
43 Bethlehem khuo ka tun man
8.9.9.6.10.11. -Patea
1 Gam siengpen a Mang hing pieng khu,
Thangvan Alsi vah in a zuon hi,
Mipil Ama sienglam zuonte khun Alsi khu a en uh;
Kei zong khum Alsi vah khu vazui leng,
Mang pienna Bethlehem vangkhuo hing tun va.
Aw Bethlehem khuo ka tun masien,
Khawllou in pei zel vang;
Thangvan Alsi em in hing pui leng van,
Mari pomlai nausen mel va mu tavang.
2 Tangtawn nopna dawngkot minthang
Kei a ding in a kihong kiata
Gam daidam a ngabang na lengte Vangam gouluo ding in,
Kipah in zai-awi va-ui Mang hing pieng,
Nuoi sietlei zaila ngaiin dimta hen.
3 Koi hei pahtawi lou ding Mangpa,
Van misieng tulzan zong zai-awi uh,
Mangpa ngai in van dawngkot kihong Kap in simlei en uh;
Thangvan alsi zousien zong hing zui uh,
A pienna Bethlehem a hing tutta.
4. Aw tu in zuon in pei va ui,
I lunggul gam lam khu zuon va ui;
Lei mangten Ama dou nanle-uh mipite zousien zong,
Kei khu ka Mang dei ka lunglai nemtu;
Lunghel mun ah zong Ama’n hing umpi va.
5. Tung leh nuoi mihing kidong tuo’n,
Mangpien sil lui zousie hing puongta ,
Tungchieng nopni nuoi a pawtdohna Van leh lei kituona,
Van lentawm ging in sietlei dawngkhawn hen,
Sietlei mizousien sennau pahbang tawi in.
~~~~~~~
44 Nunnop luipi hing luong in
12.7.12.9.
-
1 Ka hundampa gitlou dana simlei tung a,
Laukha hambang hing huoi in;
Na sisan a na tatsate sietna liemin,
Nunnop luidung a umbang khawl uh.
Nunnop luipi’n hing luong in,
Sietlei gimna mun ah;
Van Mangta ka Hundampa,
Ka masang ah pahbang hing pah in.
2 Mangpa Na silpieh masa loupi simlei hi,
Na lungsietna gen chimlang;
Vanmun loupi na lungsiet chinteng kigawmna,
Kalvari muol a na hing tatna.
3 Silsiem dang sang na loupi hi ka Hundampa,
Na khutsuoh hoi kipahna;
Zingsolnou sang in na hoi zaw ka hundampa,
Na lungsietna ke’n genchim lang e.
~~~~~~~
45 Halleluiah Amen
10.8.8.8.8.
Pastor Thangur
1 Eden huon a, suonte lungmawl zal in,
Gitlou shina’n vai hing hawmta’
Shina halim sim zing nuoiah,
Mipi sangtam kap in mau uh’
Hundampa pieh chiem khu ngai in.
Haleluijah, Amen, Amen,
Thangvan Alsi hoi mel in kilangta;
Nuom in ka ha zaidei awi in,
Albang mangsa pieugal ah;
Khun hing pui kia ding hi.
2 Mangpa lungkham tanpa hing pei ni ding khu,
Abraham, Mousi Leng David in;
Ngai in don uh gal gamla pan,
A Hundampa uh hi chi gingta’;
Mel a mu’n kipah seng uh.
Thangvan Alsi sietlei tan mellawm khu,
3 Zui ven ka ha lungkhamlou in;
Phamna’n a ha hing zah khumva,
Khiel dougal khuoi bang hang van;
Nanleh bit in ei huoi ding hi.
4 Gilou a siemmaw tan zaunawn vawt sia’ng,
Mang sisan lul ka gin zal in;
Thangvan itna tui libang ching,
Kalvari a hing luongkhie khun;
Ka kimvel hing tum taveh aw.
~~~~~~~
46 Sawt nawn tasia
11.10.11.11.
-Patea
1 Hinlai luipi dung vasui kawile nanleng,
Machieng khuonuom Kanan galdot zel in;
Ka nunnopna Mang lukhu a naita hi,
Kap in tam simlei ah umsawt nawnta si’ang.
Sawtnawn tasia damlai lungkham lungzin;
A hing hatna aw nem kazah in;
Mangtouna ma’a hing ngahlana aw in,
Lungsiette kana khau bang sau seng chi uh.
2 Ka vahvaina luipi dung khu sau nanleh,
Lamkai valpa Alsi khu don leng vang;
Kuongkaina tang siengthou hing tut tei van in,
Khunah lawm guolngai leh itteng kimta va.
3 Galdot zel vang tangtawn gam huisieng lanna,
Belamnou leh van pahhoi lenna tuol khu,
Tullou in pah hoi khu ana umvan in;
Sisan zal in khunah tuong hing tut teiva.
4 Vangkhaw nuom minthang kigen a ka len chieng,
Simlei gentheina ngai kia nawn vawt sia’ng,
Mangpa lenna gam nuom lungmuonna mun ah,
Tawplou in tangtawn vah in salvah tava.
~~~~~~~
47 Donchim lang e
8, 6, 9, 6
-Kamlova
1. Donchim lang Salem vangkhuo nuom,
Lei lungkhamna gallam;
Damlai lungkham simzing nei ah,
Pel tavang kana gam.
Lei lungkham luonhi hul van in,
Naubang ka ka ni bei van;
Mangpa mel mu kal ngahla ing,
Albang mang hen nuoi simlei.
2. Hing it Mangpa’n Kalvari ah,
Thangvan dawngkot hong hi;
Khunah vapei in ka Hagau,
A lang hi Vangam nuom.
3. Albang mang van ka leh mauna,
Jordan lui gal gam ah;
Aw ka ngai ka nuomna pente,
A lennau gam ah khun.
4. Aw bangchih tuong tung ding ka hei?
Ka tung khuo nuom ah khun;
Lei gentheina ka pel chieng in,
Ngai sia’ng kana simlei.
~~~~~~~
48 Kipah in lam ven
6, 10, 8, 8, 9
-Pastor Thangur
1. Van inn shina luigal,
Gamlatah a mangte sui ding in;
Giloute tang a shi ding in,
Van Mang ta ngei hing sawlsuh in;
Midang a theisiem umlou amah?
Kipah in lam ven ka Ha liengvai,
Manthaina in hing vua nanleh;
Paradise a hing tunta hi,
Gamlatah a hing na suipa khun.
2. Ka khel in a shita,
Aw ka khel in liemna hing thuohta;
Dan botsete bang a ngai in,
Mi kizenpi thuohsahta uh,
A phamna zal in kei ka hingta.
3. Mi genthei gen talei,
Mang Jesu khel khie um ding amah?
Ahing lungsiet sengseng zal in,
Khosa sisan bang a luong in;
Sim leh mal ah vasui tavawi in.
4. Sisan pha, sisan pha,
Van Mang Tapa ngei sisan pha khu;
Sietna leh dougal kikal ah,
Hinna khopi hing kisiemta;
Van in a minthan a suota hi.
~~~~~~~
49 Van Mang Jubilee
8, 9, 9, 6, 6
-Pastor Thangur
1. Adam suon khiel nuoi a tangte,
A puidoh ding koi hing pei ding hei?
A lungkhamna uh henemsah in,
A luong a shi ding in;
Van Mang Ta hing pieng hi.
Halleluiah kipah in pahtawi vai,
Van Mang Jubillee khu;
Bethlehem leh Kalvari muol tung ah,
Sal pawtna dah a ging.
2. Sheol nei a Mansawl khopi,
Sal pawtkhiehna lummei hing zing in;
Nouma ding in Van Mang Belamnou,
Sisan a kithuom in;
Dougal khopi a sim.
3. Nungchieng dougal thel thoukiata,
Gitlouna’n ha a zahkhum hi;
Jehojire tang a hing kai in;
Hossanna hing sam in,
Salem puonlap nei ah.
4. Salem puonlap nei ah bitna,
Salem Mangpa vang a kipahna;
Jehojire muol a mite khun,
A tang chiet ding uhi;
Halleluiah Amen.
____~~~~~~~
50 A Halim Nei ah Teng Vai
8, 8, 12, 5
- Upa Rȃlngama
1. A hepina halim nuoi ah,
Hundamte kitawldam tava;
Ama uah tangtawn hinna a mu chieng unleh,
Nuomsa tava uh.
Teng va un teng den tava uh,
Hepina Pasian pahtawi in;
A tangtawn in hal zing tava uh,
A hepina halim nuom ah.
2. A hepina halim nuom ah,
Ka leh mauna um nawn vawtlou;
Solna lummei leh zauhuoi gallien,
Bei tava khopi nuom ah khun.
3. A hepina halim nuom ah,
Gentheina zousie nuasie in;
Hinna luitui ah kisilva un,
Vua sang in ngouzaw tava uh.
4. Aw khuna ngabang lengte khun,
Simlei gentheina nuasie in;
Van semguo dah ginngai tum va un,
Van khopi khu vel tava uh.
~~~~~~~
51 Kiem Bai Seng Sang E
10, 9, 8, 6
-Upa Zasiama
1. Kiem bai seng sang e, ka leitung hinna hi,
Ka noplai niten muolkhum siengta;
Nisim muong in um thei vawtsiang,
Ngai in don nanleng zong.
Aw ka lawmguol ngaite,
Gibang kikhen nanlei;
Kipahtah leh lung khat puo in;
I Sietlei hinkhuo tom nanleh,
I Mangpa na sem chiet va-ui.
2. Zan khomiel leh sun khosawt gentheina ah,
Sietlei buoina’n eina dal leng hi;
Ka gentheina nopna suoh hen,
Ka ka ni bei tava.
3. Mangpa hing pui ven ka lawmguol ngaite toh,
Na lenna gam nuom melmu ding in;
Kikhen kianate bei tava,
Sietlei buoina gal ah.
4. Luonhi nul in gibang khen zau nawn vawtlou,
Alsi khel gam nuom a lengte khun;
Aw ngaih suo in zaila sa uh,
Loupina vangkhuo ah.
~~~~~~~
52 Ka Mang Kross ka ngai thupi
8, 8, 8, 8
-Kamlala
1. Ka Mang Kross ka ngai thupipen,
Leitung sum leh pai ngai dau ing;
Khunah michin namchin ding in,
Nopna kipahna kim um hi.
Aw ka ngai Nahi hing pahtawi zel vang,
Ka Mangpa Kross sing ka hinna pen;
Liengvai tate Nangma vang a,
Ka machieng ua kipahna’n khuo hing vah.
2. Leitung hoina leh loupina,
Et in lungkhamna a zuol deu;
Tangtawn a Hagau khawlmun leh,
Kipahna ding dang mu vawt sing.
3. Solna huipi leh simzing ah,
Leh gal ma a ka din chieng in;
Ka kulpi leh ka bitna pen,
Kalvari sing ngaina pen ing.
4. Tuisuogiet van leh tam sietlei,
Belamnou hing phamna thupi;
Phat in zai-awi vang kumtawn in,
Hallellui, Halleluiah, Amen.
~~~~~~~
53 Hinna Tuikhuh
8, 10, 6, 10
-Pastor R. Tanga
1. Na gam loupi hing tun chiengleh,
Misiengte leh Vansawlsiengte haw toh;
Mikhiel hing chien va un,
Kei zong hinna tang zou na ding kamah?
Aw sietnaa liem hi ung,
Hing pui ven Hundampa;
Hinna tuikhuh ah hing pui in,
Ka maw sawpsieng ding in;
Khuchieng Na gam,
Nuom tung thei tava ung.
2. Vangkhuo nunnuom ngai puldouna’n,
Tung sunni tum zou vawtsia’ng simlei ah;
Guolngaite lenna khu,
Mangpa tuong hing tun kal ngahla seng ing.
3. Na gam loupi hing tun chiengleh,
Tam simlei a huibang ka maunate;
Ngai in don kia tasia’ng,
Khunah nuom in laituol leng tava ung.
4. Tam simlei lungkhamna gam ah,
Kipah thanopna ding um vawtlou hi;
Mangpa Jesu chilou,
Ka lungkhamna henem ding dang umlou.
~~~~~~~
54 Mu Nuon Ing E
11, 11, 9
-Pastor R. Khuma Biate
1. Jerusalem kulpam Kalvari muol ah,
Hundampa lungkham a A mauna mun ah;
Aw Hagau Siengthou Nang hing pui ven.
Mu nuom ing e, ka Mang Hundampa,
A khut, A keng, A nah ah liem a thuoh;
Migilou ei ding a a phamna.
2. Juda mipite leh Siempu Mangte khun,
Elkan in a pui uh Zion huong sung ah;
Kross tulsing lel ah a khehbeh uh.
3. Genthei machie izaw ka Mang Hundampa,
Sietlei gitlou zieh in Van Mang ta hing thuoh;
Vangsiet get senglou in kha na’ng pham.
4. Hing pei kia’n aw Mangpa tunbang hing ngai ung,
Genthei chiteng thuoh a Na tatsate;
Gilou hesuo zal in ngui siengta.
5. Penticost ni bang in aw Hagau Siengthou,
Hinna tui hing puon len mei leh hui bang in;
Hing kihawmzah kia tan ka tung uah.
~~~~~~~
55 Hing Kia Ta’n
10, 7, 12, 11
-Ngulsang
1. Adam suonte sietna’ albang mangsa,
Van Mang Ta tang kiata hai;
Hing un Biehinn sung a van hinna thu um khu,
Lawmguol lungtuoh nunnuom in machieng suon vai.
Aw ka ta mel a ngilmaw,
Du-amna zal in maw sim leh mal na tung a;
Hing kia taven, ka ta lungsiet sengseng,
Na sieng a Hundamna um in hing nuasan va.
2. Tam sietlei khu tangtawn gam chingzoulou,
Muonna mun hi vawtlou hi;
Tangtawn khuo hing vah chieng bangchiin i um tadiei?
I tan ding a kiguot khu ka ngaingam sih.
3. Tam sietlei pawtsan ni hing tung taleh,
A um dan ding zauhuoi sa’ng;
Solna galhat zal in mi zatam albang mang,
Kei khu aw Mang nunnem ka ban ah hing kai in.
4. Aw Mang Jesu hinna lampi Nangman,
Hing huoi zel in Mang Jesu;
Na hamuonna khut hat a na hing pui chiengleh,
Na van khopi nuom ah zaidei aw tavang.
~~~~~~~
56 Pa Thununna
12, 8, 9, 10
-Rev. Thangngur
Heb. 12:6; Job. 5:17
1. Pielgal sunni ka lungsung ah hing vahta hi,
Ka hamuon zal a pei zel in;
Ka gimthuoh teng nuomna’n hing pahta,
Pa thununna ka thuoh muolsuo zou in.
Pa thunnunna ka thuoh lai in,
Lungkham luonhi’n aw ahing buol sun chin in;
Theisiem ngai vawt sing ka Pa hepina.
2. Thununna lawlou kholai ta lah hi vawtsing,
Ka pienna Mang Sisan ahi;
Siet nasem a um leng ding kamah,
Kumtawn a gou ding ka Mang nna loungal.
3. Keima ding a ka hin lai in nuom thei vawt sing,
Ka Mangpa hing hatna bang a;
Isak maitam a ka kilat in,
Guolzawlna luipi nuomna’n ahing luong.
4. Mansawl khopi ah khun mun leh gam nei vawtsing,
Ka Mang Khrista a musitna’uh;
Puo in khopam lam ah pei tavang,
Salem tha tuol ah mun vatang tavang.
5. Nang a hing e hing sumil sin aw Mang Jesu,
Na hinna in hing musah in;
Damlai gamdai a ka zin sung in,
Ka pheiphung suon chin na thu hi tahen.
~~~~~~~
57 Aw Ka Nuom Hi
9, 10, 9, 9
-Rev. Chhawna
1. Pielgal gam nuom tuong ka tun chieng in,
Sietlei albang mang ding tuong nungsie in;
Tahsa hinna khu ngai nawnlou in,
Hinna sing leh Mangpa khu bel vang.
Aw ka nuom hi pielgal gam nuom,
Thoukia tate laituol a lenna;
Phamna lusuun kana a bei ding,
Aw pielgal kei di’n na kihong in.
2. Khum gam ka et chieng ka lung a leng,
Belamnou leh a tatsate lenna;
Tam simlei ngai nawnlou in leng uh,
Khum gam tuong tung thei nai tadi sing.
3. Dachieng in taikhuo hing vah van in,
Chi ka thei in naubang kap ka baang hi;
Lei gentheina meibang hing bawmte,
Pel tavang khum gam tuong ka tun chieng.
4. Khuna ma a thuoh a liemsate,
Nunnuom in leng uh genthei vontawite;
Hundampa leh a tatsate toh,
Aw khenlou a tuol i lenna ding.
~~~~~~~
58 Hinna Singlim Dam Nei Ah
8, 8, 6, 7, 6, 6, 8
Thupil 22:2
-Pastor V. T. Kappu
1. Pielgal ka ngai ka Mang lenna,
Lungkham umlouna gam nuom khu;
Bangchih chieng ka tung diei? Ka lungkhamna luonhi nul hi,
Bangchih chieng a hul diei, Chi a ka ngaituo chieng,
Ka ngai Mangpa Nang hing pui in.
Hinna singlim dam nei ah khun,
Hing khawlsah ven aw Mang Jesu;
Solna tung sunni dou zou vawtsia’ng;
Hinna singlim dam nei ah khun,
Hing khawlsah ven aw Mang Jesu.
2. Tam lei gimhuoi thuohzoute tung,
Silpuon nem in Na zahkhum maw;
Kei zong hing zahkhum in, Khawldamna ding a umlou;
Tam lei gamdaidam ah khawlna dailim umlou,
Solna tung sunni saseng e.
3. Tam nuoi simlei gam daidam ah,
Khawldamna mun ke’n ka sui a;
Khawlna mun hi vawtsih, Kumtawn gam ding hi vawtsih;
Tam lei gimhuoina mun, Hi chia ka ngaituo chieng,
Hinna singlim dam nuoi ngai ing.
4. Hinna singlim dam nuoi ah khun,
Misiengthoute kikhawldamta;
Kei khu bangchi ka diei? Tawldam theilou a ka um,
Ka sietlei tahsa hing danglam ni tuong tungleh,
Kei zong kitawldam tavang maw?
~~~~~~~
59 Mangpa Bawlsa Khopi Nuom
8, 7, 8, 10
-Patea
1. Ni loupi hing tung ding hita,
Ngah zing Mang Immanuel;
Gitlou zinmang bei ni ding khu,
Hundam tate laituol lenna ding hi.
Khumi hun chieng nuom in zaila sa vang,
Mangpa bawlsa tangtawn vangkhuo,
Tuong i tun chieng;
Aw bangchiin a nuom tadiei,
Bangchi nunnuom hiding,
Nop kiemlou in leng tava ui.
2. Zawna ni ka melmuna ding,
Bangchih hita hei Mangpa;
Leng in Jordan hing kai vang in,
Na gam nunnuom ah ngabang leng tavang.
3. Hima e izaw aw Mangpa,
Na khopi sat tha tuol ah;
Na sisan a na tatsate,
Hing un Ka sieng ah hing un Nachi hi.
4. Khopi tha hoi va-ia tei chie,
Na tuol a galzoute leng;
Zawna zaila a sa ding uh,
Sietlei albang man nua chieng hiding hi.
~~~~~~~
60 Khovah Leh Gam Nuom
9, 9, 8, 7
-Rev. Thangngur
1. Ka nuomna pahbang a vul siengta,
Guolngaite shina’n a puita e;
:$: A sulnua gam daidam ah khun,
Kap in kei hambang vai ing;
A lenna ding khu ngil thei vawtsing e. DS
2. Ka hatleh kinunghei vawtsih uh,
A tongluong un lenmuol khumta e;
:$: Mang Immanuel gam zuon uh,
Suongmantam salvah khopiah;
Khunah nunnuom in ngabang lengta uh. DS
3. Simlei ah naubang nuina umlou,
A sung ah sunsawt naubang ka kap;
:$: Van khopi Salem tha tuol leh,
Guolngaite ka mu mateng,
Naubang ka tapuon bang baang theising e. DS
4. I kal ah Jordan tuipi kinawng,
Lei mihing kuong in galkai theilou;
:$: Miel nuoi ah kap in hing ngah ung,
Mang Jesu aw hing nai in;
Van kuong ah Jordan galkai nuomta’ng e. DS
~~~~~~~
61 Lungdei Khenna Gam
7, 7, 7, 7
-Pastor Thangler
1. Aw u leh nau it umte,
Gibang khenlou theisih hai;
I lenna lei gim-um khu,
Kikhenna gam ahi hi.
2. Gibang i kikhen ni chieng,
Khenlouna gam en ngai hai;
Bangchih chieng i tungkhawm diei?
Lungdei gibang khenlouna.
3. Khenlouna gam en ngai hai,
Lungdeite laituol lenna;
Bangchih chieng tuong i tung diei?
Mangpa sat Salem tha ah.
4. Tu in kikhen nanlei zong,
Tangtawn khuo hing vah chieng in;
Nuom in kimukhawm kia vai,
Khenlouna gam nunnuom ah.
~~~~~~~
62 Lung In Gel Chim Mawng
10, 9, 10, 10
-
1. Lailung a zuon ni’n ka don kimvel a,
Muonna ding umlou simlei tung ah;
Aw Kalvari singkung lim dam diidiei,
Genthei liengvai nunnuom ngabang a leng.
Aw lung in gel ing gel chim mawng e,
Mipite leh lalte’n simmaw nanleh;
Namchin damna singkung,
Aw ken mubang ngai veng.
2. Pasian lungsietna Kalvari muol ah,
Vanmi leh leimi a hing zop ni’n;
Van Mang thum in ka dang atah a chi,
Hagau mubang ngai a dangtah ahi.
3. Kei zong vapei vang Kalvari muol ah,
Jesu sisan kei dia a luonnah;
A nah a sisan leh tui ahing luong,
Tangtawn guobang hinna tuinah ahi.
4. Kalvari pal zou in ngabang ka leng,
Hinna tulsing kung na lim nuoi ah;
Hing pui zel in Zion gal muonna ah,
Salem vangkhuo nunnuom ka luona di’n.
~~~~~~~
63 Gal in don leng ing
1.2.8.6.10.
-
1 Ginnan galin don ing Van mite lungguolna,
Bethehem leh Kalvari muol;
A kal ah gou kiphum,
Tangtawn limna leh hinna hamuonna .
Hagau siengthou a pilna neiten,
A mu thei giap Pasian gouphum;
A pienna leh A luong lupna,
Mu tuten thu in a puong senglou.
2 Hagau Siengthou nang hing tengin kalung laiah,
Kalvari a na hepina;
Siet mielna’n lie zouta
Hagau hing pui in Zion galmuonna’h.
3 Kalvari muol tungah ka hundampa thuohna’n,
Hagau saltang a puidohta;
Haleluijah chiin,
Lei leh vanmin pahtawina in zai-awi vai,
4 Pahtawina’n zai awivai in min tungnung Jesu,
Eden dawngkot a hing hongta;
A sung ah kilutta,
Halleluiah Mangpa min loupi hen.
Sietlei gamdai ah
~~~~~~~
64 Ka buoina simlei gamdai ah
8.8.8.8.
-Kawlthuom.
1. Ka buoina simlei gamdai ah,
Ka Mang ka tanpa mel dei um;
Luigal gam nuom a guotsa khu,
Ngai in ka selung leng na e.
Khum gam nuom ah khawldam tavang,
Mangpa tenna gam nuom ah khun;
Khawldam tavang buoina gal ah,
Keidin tangtawn galmuonna ah.
2. Mun siem ding hi’ng Mangpan a chi,
Gingtute nuom a khawlna ding;
Ngai nawn tasiang sietlei pallun,
A guotsa gam ka tun hun chieng.
3 Lei ah liengvai mun neilou in,
Gamdai gamgaw nawh kimvel ing;
Mangpan kei ding a a guot sa,
Khawldam tavang luipi gal ah.
4 Zai-awi va-ui Mangpa phat in,
Belamnou pham hing thou kia khu;
Pellou in hing pei kia vang chi,
Nuom un lungkhamte nunnuom un.
~~~~~~~
65 Hun muol liemsate
12.12.11.12
-Upa Ngama
1. Hun muol liemsate nung khu pammai hi Mangpa.
Na khotuona zal in ka han kia thei diei?
Hat kia thei nawnlou ka ta hun liemsa khu,
Lungsietna thu kigen lai in hei a um?
Ka gen thei diei Mangpa ?
Ka gen thei diei Pa aw?
Setan vanzah a thupipen hilou kamah.
2. Bethehem a salpawtna dah ging khu hei nagen,
Kalvari tatna dah ging khu hei Pa na gen;
Ahi kata lungsiet um mi liengvaipa,
Sietlei siet nopna na nan zoulou zieh in.
3 Tam lei khel nopnan hing tum buoi nanlezong
Na tate khiel kisia na ngaidam leng maw Pa?
Ngaidam leng e ka ta liengvai lungsiet um,
Ka hamuonna khut tu zing in ta lungsiet um.
4 Na khut zietlang ahi diei Mangpa na veilang,
Hing tu phot mai vang na veilang hinanleh;
Na tuhna khut khu ka zietlang hing hivan,
Ka’ng deisahna khut siengthou khu kituh zing tan.
~~~~~~~
66 Hagau Hundam ding in
8.8.8.8
-Rev. Thangngur
1. Hundampa khu ka melthei ma’n,
Midang Pasian hiva ka chia;
A tangmipha ka hing simleh,
Ka Pa ka mansuo khu ahi.
Ka manna’uh zauhuoi a a hing suina khu,
Gimhuoi zatam a hing thuoh a;
Ka Hagau hundam ding in.
2. A tanchin gen zel nangawn in,
Selung naubang a taisah hi;
Hagau a meltheina vang in,
Luonhi luonglou thei vawtlou.
A bukim a mu ding lunggul seng ing,
Ka maw sawpsiengna ding sisan;
A luonna mapawn ngel khu.
3. A pham ding kuon in zong Jesu’n,
A melma di’n a thumsah a;
Aw Pa amau khu ngaidam in,
A silbawl theisiemlou hi uh.
Hekhotuona di’n zong a tawpkhawh vawt hi,
Pasian hepina Kalvari;
Kan a hing hil thei ding umlou.
4. Mikhiel koute a ding bep in,
Kipe phal nalawm chie Jesu;
Na silpuon zong tang zoulou maw,
Na puon a di’n dawi-ai san uh.
Hinna pe khop hiel a hing lungsiettu khu,
Phamna dawnbang tuoh dong, Mangpa;
Hing manghil nawn vawt sia’ng e.
~~~~~~~
67 Tung Pasian Hepipa
8.8.8.8.8.
-Upa Ngama
1. Aw tung Pasian hing hepipa,
Kalvari a nei hepina
V Lungsim a ka ngil zaw nua un.
Na hepina thu siengthou in,
Ka lunglai ah gubang ei zen. DS
2. Na hepinan lei na khu a,
Silbawltheinan na domkang a;
V A tung ah kei zong ka leng hi,
Ka siet zal in ka Mang Jesu;
A hing phamta Kalvari ah. DS
3. Kei zong Mangpa ka siet tan di’n,
Nat a neisun na hing sawl a;
V Kei zong theitawp suo’n hing pang vang,
Ka nei zousie hing nuasie in;
Ka pum in hing kipe tavang. DS
4. Ka damlai ni a beima in,
Na Hagau in hing pui zel in;
V Nangma a dingin hing tavang,
Ka hinkhuon hanmuol a liem chieng;
Ka ha nang sieng ah leng tava. DS
5. Kei zong Mangpa ka siet tan ding,
Na ta nei sun na hing sawl a,
V Kei zong ka theitawp hing suo vang,
Ka nei zousie hing nuasie in
Ka pum in hing kipeta vang. DS
~~~~~~~
68 Mang sisan kai puonlap
12.8.7.
-Laithangpui.
1. Dougal sat din hing pui inlen Mangpa Jesu,
Tuilien bang a lien mielna gal;
Gehen galmi tawnsete.
Mang sisan kai puonlap gal ma ah leh un,
Zau sia ui Mang galsat i hi uh;
Solna tuipi kinawng nanleh.
2. Zinmang dougal mite sang in i loupi zaw,
Zinhem chinthu zatam dougal;
Kaap vai Zion galkapte’n.
3. Gehen dougal sisan vang a i zaw chieng un,
Lentawm leh chiendal toh thuo vai;
Van Zion khopi nuom ah.
4. Manglukhu hoi i san chiet ding galkap zousie’n,
I ai ding lentawm chiendal toh;
Van Zion khopi nuom ah.
~~~~~~~
69 Nou Jerusalem Mite
10.8.10.9
-Patea
1. Zan lungzin um Zion inndan sung ah,
Ka Mangpa’n a sisan a hawm a;
Khuchiin lungkham meipi ahing zing hi;
Ka Mangpa lungkham in naubang kap.
Aw nou haw Jerusalem mite,
A hepina tan uh thei zing un;
Na natnau chinteng a damsah zal in,
A khotuona khu manghil keei sin.
2. Jerusalem kulpi kulpam lam ah,
Siemgau shidan hi vawtlou chi in;
Nanleh en vawi Kalvari muol lam khu,
Ka Mangpa mipi lai ah ka mu.
3. En vawi Kalvari muol tung ding hita,
Bangchia bawl ding ka hi tadieileh?
Aw Mangpa hing pei kia siateh izaw!
Na mun ding khu Kalvari ahi.
4. Hing manghil sih vang e Mangpa Jesu,
Kalvari lam hing don leng navang;
Kei ding a Na thuohna ka lungsung ah,
Ka laita tanpha’n thei zing navang.
~~~~~~~
70 Mang Liengvai
8.10.10.5
-Hrangkapa
1. Belam siet popa khu en vawi,
A shina ding muollam zuon in pui uh;
A lungkham panpi ding um vawtlou hi,
Siet teng popa khu.
Aw ka Mang liengvai panpi ding neilou in,
Kalvari muol uon ding in puita uh;
Nu-naute selung zuong,
Kap in nuakiata uh.
2. A shina muol ding a tungta,
A bawl dan uh khu va-en vawi un chia;
A puoh sing ah khun etnop in bawl uh,
A en zata nui.
3. Va-en nanleng nui thei vawt sing,
A shi piendang khu lungnat um sa’ng;
A mel siengthou sisan puonbang in tuom,
Hing en chiet vawi un.
4. A sisan tuibang luon zal in,
Siemmaw a tang khiel a vahvai zousie’n;
Hinna tuonglam ding khu a hing hongta,
A vonte zui di’n.
~~~~~~~
71 Ka Pa Na hi
10.10.10.8
Late 18:2
-Rev. Thangngur
1. Ka pa Na hi ka Pasian ngei Na hi,
Tam lei jinmang sala ka tan lai in;
Na lungsietna thupieh ahing tung a,
Hing kia tan hundamna Ka siem zouta.
Na hepina thupieh zop khu,
Kisia um ngai vawtlou maw Mangpa;
Tam leimi leh Vanmi tanpha’n.
2. I aw Mangpa na guolzawlnate khu,
Nang sang in mi nempi’n a ngaizaw uh;
Tahsap vang a luonhi a nai lai zong,
Na gam leh na belna’n hing nai zel in.
Nang bou Mangpa ka hing neileh,
Bang dang ngai nawn tasia’ng maw Mangpa;
Bangteng a ka bangkim Na hi.
3. Mi tul nempin tam lei nopna sui in,
Mel mulou in phamna hanmuol liem uh;
Thupina lim adel uh mei lim bang,
Mu a tangten zong a nei den sih uh.
Jesu Nang bou neitah Na hi,
Kumtawn dong a loupi leh hoi deudeu;
Lei len Van a vangpiehna lul.
~~~~~~~
72 Lilipah leh Loupina
12.9.9.8
-Upa Zasiama
1. Jingdam solnou Hundampa lenna gam nuom ah,
Simlei lungkham lungzinna zousie;
Hinlai lungkham meipi zingta sia,
Kap a kikhen kia vawtlou ding.
Lilipah leh loupina vah kimvel,
Belamnou leh A tatsate lenna;
Van tuolnuom leh Vansawlsiengte,
Melmu ut seng ing.
2. Gal in don vawi loupina mun a tungte khu,
Nunnop semguo toh zaidei awi uh;
Lei lawmguol ngaiten han nanleh uh,
Ngai in nuachieng hei tasia uh.
3. Jingtai khovah tanpa Jerusalem nuom ah,
Aw a leng uh khum gam nuom tuol ah;
Selung vabang phawng zai tongluong in,
Ka lunglai ah vaibang a tham.
4. Buoina gal a Mangpa tenna tung thangvan ah,
Ni, Ha, Alsi vah ngainawnlou ding;
Muikhozin lungkhamna um nawnlou,
Belamnou sunni bang tang zing.
~~~~~~~
73 Tu In Kitel Khawl Tan
6.5.8.6.7.11.6
Mt. 12:3
-Rev. Thangngur
1. Tangmipha thu kidang (3vei),
Na zata amah;
Ahi damsung sil ngaituo ding,
Poimaw leh kuul ahi;
Khiel ngaidamna simthu hi,
Shi nualam thawkia simthu kipah um khu,
Aw hun kikhelpi sin.
2. Tu a kum za nua chieng (3vei),
Heisung um ding nahei?
Ahi damsung sil ngaituo ding,
Poimaw leh kul ahi;
Nuasie tading sietlei khu,
Van leh gawtmun hoipen na tang diei deizawh,
Tu in kitel khol tan.
3. Zata lel Thangvan inn (3vei),
Mun na tang tai mah?
Ahi damsung sil ngaituo ding,
Poimaw leh kuul ahi;
Khumna mun na tanlouleh,
Shina leh gawtmun nang di’n pellou hizing,
Aw hing kingaituo vawi.
~~~~~~~
74 Lilipah Bang Ding
8, 6, 11, 10
-
1. Na lungsiet seng ding ka sa a,
Tambang bep ding amah?
Lili bang pallun ding kasah lai i gam,
Simkhuo zingta taikhuo vah nawn tasia.
Galili gam tuipi tung a na thugen khu,
Hing gen sawnsah kia ven aw Mangpa;
Buoina tui in a tai laiteng,
Puipa ka ngai uh.
2. Na nuoisie zouta kasa a,
Tachi khop in bawl thei;
Na Belam Na huong a lawikhawm khu khelnan,
Delzah ven in taimang tum siengta uh.
3. Gosen gam a a mau bang un,
Ka mau uh ngai sam ven;
Tuipisan gallam tun theina khut hat in,
Hing pui inlen Zalenna hing tun in.
4. Miel lal siemna a kim chieng in,
Mel hing musah sam vang;
Khahkhum sunggil a saltang bawn ka ha thei,
Keima a te ngil talawm ding kamah?
~~~~~~~
75 Abul leh Tawp
9.10.8.11
Isai 55:1; Kih. 22: -Siamliana
1. Amau khu A sieng ah teng va un,
Amau khu A mite hi tava uh;
Pasian ma in umpi van in,
A luonhite uh khu nulsiengsah tava.
Dangtah poumate sieng ah,
Hinna lui a damtui aman bei in pevang;
Aw Hagau dangtah zousien,
Hing dawn uhen.
2. Shinate um kia thei talou ding,
Lungkham luonhi nulna natnate zong;
Um thei nawn vawt tasih van in,
Sil masa zousie zong khu a bei siengta.
3. Ngaiven sil bangkim Ka bawl thata,
Giel vawi tami thudih ahi chi in;
Hinna Ka sieng ah hing tungta,
Kei Alpha leh Omega Abul leh tawp.
4. Sil masapen leh a nukhiapen,
Hinna tulsing ah thu nei tava un;
Vankhuo a lut theina ding un,
Tuibang sieng a buolte’n nuom sa tava uh.
~~~~~~~
76 Ka Lung zuon Chieng
6.9.6.6.6.9.
Kil. 7:17 -Siamliana
1. Ka lung a zuon sun chieng,
Mangpa hing leng ven ka lungsung ah;
Liengvai tate khawlmun Nangma lenna tuol ah;
Hing hil vawi a simthu,
Tam nuoi simlei a ka lenlai in.
A vangletna simthu,
Lel chim lang keiman aw;
Van Semguo dah gin ngai,
Pahtawina dah kei dia ginna khu.
2. Tam sietlei gentheina’h,
Liengvai in kap in maumau nanleng;
Shina Jordan ka kai chiengleh hing it Mangpa’n;
Aw hing na dawn van in,
Lungkham luonhi nulna bei tava.
3. Khuna ngabang lengten,
Gibang khenna simthu lel vawtlou;
Khosieng nuom leh Belamnou khu tongdam zailan;
Misiengthou Serafim,
Te toh pahtawi chim nawn talou ding.
4. Aw khuna ka len ding,
Sietlei buoinan ahing na dal leng;
Aw ngahlang Na Van gam nuom mel a mu ding khu;
Zawna tumna tawi a,
Salem tha mu kal ngahla seng ing.
~~~~~~~
77 Mangpa Ken Sang Nuom Ing
8.7.8.10.
Lk. 19:8 -Upa Ngama
1. Hun liem lengte Mang tellou a,
Hei kuom tuong tung sieng atai?
Sui kia guollou muolkhum siengta,
Hun um sunteng bang chia mang ding ka tai?
Mangpa ke’n sang nuom ing,
Ka hin leh sil bat teng;
Hagau in hing panpi’n len,
A leli’n ken sang vang.
2. Mang hing zuon ing kei giloupa’n,
Nang mulou siet nna sem in;
Ka hun sauzaw ka man sieng nua’n,
Hun tawpmong ah pahbang na hing pah maw.
3. Mangpa Jesu hatna suong in,
Adam suon siet miel nuoi ah;
Keima bang a sietna’n Hagau a khahkhumte,
Puidoh ka ut seng hi.
4. Aw ka Hagau khahkhum sung ah,
Mang Kristan hing tandohta;
Nang zong thou in Mangpa a ding,
In bou hing tan tangtawn dong a ding in.
~~~~~~~
78 Zinmang Solnan Aman
8.7.8.8.7.7.
Mt. 27:27-30
-Pastor V. T. Kappu
1. Aw Mangpa simlei mawna puo, Jinmang solnan aman hi;
Misiengte leh Mangpa Jesun, Bangchi tuh in a ngai di - uoi?
Na sang e ka Mang nunnem, Tai ni himhim nei vawt sia’ng.
2. Aw Simon Peter leh Martha, A shi hi ka Hundampa;
A lennau Kanan gam nguisieng, Khopi sung leh Biehinn sung khu,
Hing tuon ngam na ding kamah? Ka Mangpa toh ka lenna?
3. Na sang e na taluo sang e, Ka vahvaina Kanan gam;
Bei thei vawtsih ka lungkhamna, Simeon genlawh ma bang in,
A hing tung hi tu ma’ma’n, Ka sinlai gubang ei zen.
4. Kanan a ka moulop lai uh, Ka ngai hi ka nunnop ni;
Tun lah pahbang in vul siengta, Na mel hoi pahbang in vulta;
Galili na lenna gam, Bangchia tuonsuoh ding kahei.
5. Aw ngai ing e khopi sung a, Hosanna a chi lai uh;
Nat chinteng a na leh dammaw, Kipah nopna umsah kiapa;
A pham ka gitlou zal in, Noplai ni muolkhum siengta.
6. Aw tu in ka Mang Hundampa, Na Vangam Na tun chiengleh;
Linglukhu hi ngai nawnlou in, Na thupina Manglukhu hoi;
Na khuh chieng liengvai kouma, Hing en ven misiengte toh.
7. Kei ding a ka hamuonna leh, Ka lunglai hing henempa;
A phamta Kalvari tang ah, Zion tate a liengvai uh;
Solna lummei hing zing in, Tul ni nei kia talou ding.
~~~~~~~
79 Simlei a Ngui Siengta
6.7.10.12.
John. 14:2
-Rev. Thangngur
1. Simlei a ngui siengta,
A sung a mihingte zong;
Gitlouna leh buoinan a dim siengta;
I mi ngai-umte leh,
Guolngaite muolkhum sieng.
Aw ka Mang nunnem in,
Gam tha a vasatna;
Aw ka Hagau nang zong,
Khum gam lam hing zuonta’n;
Sietlei nuasie chieng a,
Na tangtawn gamlei ding.
2. Dihna gam bawlzouta,
Aw i tangtawn tenna ding;
Simlei gimna’n minbang hing chim nanleh,
Khrista na gin pouleh,
Gam tha ah leng vateh.
3. Tuon a pi leh puten,
A muphahlou uh gam khu;
Sisan zal in keiman ka hing muta;
Khumi zotna lampi,
Mang Khrista khu ahi.
~~~~~~~
80 Khenlouna Gam Khu
8.8.8.6.
Kil. 21:1
-Pastor V. T. Kappu
1. Gal in don vawi Thangvan khopi,
Gibang khenlou gam khu alang;
Khenna ding ni tuong hing tungta,
Ngai ing kikhenlouna.
Tom seng sang e lei kipahna,
Pahbang in a pulkia leng;
Kikhenlou thei hi vawtsih hai,
I lennau a dan zieh in.
2. Aw ngai ing kikhenlouna gam,
Nuom a i len na’ng uh gam khu;
Bangchih chieng tuong tung ding ka hei?
Kikhenlouna khopi.
3. Genthei thuoh a i kikhennau,
Bangchih chieng i kimukhawm diei?
Simlei gimna i khen chieng un,
Nuom in lengkhawm va ui.
4. Ngai ing kikhenlouna khopi
Simlei ah i kikhennau lung;
Kham tutna ding um vawtlou hi,
Simlei gentheina hi.
~~~~~~~
81 Kanan Gam Tha
8.6.8.7.8.
Heb. 11:10 -Rev. Thangngur
1. Kanan gam tha hing zuong ding in,
Gamdai ah ka zin a;
Ka vah kawileh gammang tang tu’n;
Mei leh meikuong hing lang in,
Ka ma’h Nang nibang hing tang ven.
Aw ka Hundampa hing lamtuo ven,
Kanan gam taan ding lungzau veng;
Lungkhamna meipi nei ah,
Kap leh lungdong in ka mau hi.
2. Dangtahna gam suongpi sung ah,
Hinna tuisieng pul hen;
Kanaan gam zuon dangtah dawn ding;
Sietlei a ka lenlai in,
Aigupta gam ka ngilna di’n.
3. Ka ma sang za a lutta hi,
Kanan gam nuom ah khun;
Aigupta gam ngai kia tasiang;
Shina gamlei nuasie in,
Hinna khopi lam zuonta vang.
4. Alsi khel Innpi vanzawl ah,
Hundampa pahtawi uh;
Lei a genthei manghil sieng in;
Kipahna latha sa in,
Khuna len ding ngahla seng ing.
~~~~~~~
82 Lungkim Maw uh
9.10.8.8.5.9.
Lk. 23:23 -Pastor V. T. Kappu
1. Siet galdouna aw Van Mang Tapa,
Linglukhu a khuh ding khu a en a;
Lungkham in A pa sieng ah thum,
A ul sisan bang a luong in Getsimani ah,
Elkan in pui uh Israelte’n.
Lungkim maw uh (2vei),
Israelte lungkim maw uh;
A tung ah suonlam ding sui uh,
Mipin vaihawm in,
Pilat in pekhie khetbeh ding in.
2. A Mangpa huo uh Israelte’n,
Kalvari muol tung ah a khenbeh ua;
A tun genliengthei Mari in,
A von dawng hoilai khu tan niin “Lai ah na sang a chi”,
Nopna gam nuasie i Mangpa khu.
3. Khumi lungkham huoi simzing nei ah,
I Mang nunnem Hagau a muolkhum ni’n;
Jerusalem Biehinn sung a,
Puonzah lienpi kibotkeh in Sietlei zilbang ling;
Misiengthou laukha kia siengta uh.
4. Hunta e siet galdouna tawp ven,
Sietlei Thangvan Mangpa leh Khrista gam;
Siet douna galzoupa Mangpan,
A sisan in tanzouta veh Kalvari muol ah;
Khumin kilepnan Mangpa mel muol.
~~~~~~~
83 Dachieng Nunnuom In
10.6.10.6. -Kamlala
1. Tu a tha kihepina gam nuomtah,
I Mangpa mun thupi
Khunah nunnopna pah hoi apah hi,
Tulkia talou ding hi.
Dachieng nunnuom in lengkhawm va ui,
Tung Thangvan a misiengthoute toh;
Sietlei buoina a i kana sie,
I Mangpa mai a kipah la ding.
2. I damlai ni a muolliem masangsien,
Ei din lummei zing leng;
Dachieng khumi gam nuom ka tun chieng in,
Ngai kia tasiang sietlei.
3. Khum van khopi vah hoitah khu zuon in,
Lei nuasie tavai in;
Tun a gim namtui neunou chiemkha tang,
Aw nopna va-ia e.
4. I Hundampa mel dei-um liemsa khu,
A Mangtouna tung ah;
Vaihawm van in tatsate kipahnan,
Halleluiah, Amen.
~~~~~~~
84 Hing Puikhawm Kia Ven
9.9.10.10. -Patea
1. Aw Halleluijah Mangpa loupipen,
Gamchin ah Ama pahtawi va ui;
Michin Mang lienpen leh za-umpen in,
Mihing lunglai ah thu hing gen kia in.
Hing puikhawm kia ven vahmangsate,
Ihmute khu kaithou kia unlen;
Simlei lamkai valpa thupipen,
Lungkhamna leh lungzinna gam salvah in.
2. David Mangpa leh lamkai Mousi khu,
Thangvan vangkhuo nuom a tungta uh;
Tu in Mang Khrista leh Hagau siengthou,
Siempu lienpen leh lamkai thupipen.
3. Lei leh van tuisuogiet kisiem ma a,
Na um theiphahlou Pasian ahi;
Ni leh Ha leh Thangvan Alsi zousie,
Nangma vang a vah hoi nei ahi uh.
4. Thuneina leh pahtawina sangpenpen,
I Mang Khrista tung ah kinga hi;
Lei kisiem chil a gawsa Belamnou,
A sisan in sietlei hundam tahen.
~~~~~~~
85 Hing Kidaw Ven
9.9.9.9. -Zampau
1. Jakob lawm hoi leh a leisang khu,
Ka Pasian ka bangkim Nang Na hi;
Shina tuipi kinawng tung ah zong,
Aw van lei sang hing kidaw kia ven.
Hing kidaw ven Jordan lui tung ah,
Lungkhamlou a ka hing lenkai na’ng;
Aw nang Jingsol hing pui zel inlen,
Shina tuipi lien tung ah zong.
2. Mangpa vanlei a Na kidawleh,
Na ta gal zau a hing ngaite khun;
Muong leh dam in Na Van Kanan khu,
Hing galkai thei bep ding ka hi uh.
3. Ginnan lei pieugal kaina loungal,
Lei dang bangma um vawtlou hi maw?
Khuzieh in aw palai Mang Khrista,
Ginglelte lung leh vanlei zop tan.
~~~~~~~
86 Aw Nopna Ni Loupi
10.10.10.10.10.
-
1. Van khopi tuolnuom a sawlbang heisa,
A hing kum sietlei siet simzing neiah;
Van mipi simsenglouten ginglawm in,
Phat zailan Bethlehem muol a awi uh.
Aw nopna ni loupi Bethlehem muol tung ah,
A hing piengta michin a ding in;
Lei leh van mi zousien Ama pahtawi va ui,
A phat zaila noptah in kikoupi vai.
2. Khosah mipilte leh Belamputen,
Lemna Mang hing pieng phat in a awi uh;
Aw ka ha sui zel in hing tanpa hi,
Hambang a vai nangma sietna vang in.
3. Kanan gam ni tum kuon ka et chieng in,
A kap gankuong sung ah i Hundampa;
Ama pahtawi ding koima hing peilou,
Hing pei un Ama pahtawi di’n kuon vai.
4. Eden kotkhah Salem Mangpan hing hong,
Vanleng Mang min phat in pahtawi va ui;
Halleuijah chiin Ama pahtawi vai,
Damna Mangpa hing piengta ei ding in.
~~~~~~~
87 Sietlei Mihiem Bange
8.8.10.8.
John. 3:16 -N. Chinlang
1. Sietlei mihiem bang e Mangpa,
Thangvan nuasia Na Ta ning sawl;
Na itna thuh Na itna sang Mangpa,
Mihing chitnan lung in gel mawng.
Gelmawng e, gelmawng e, gelmawng,
Mihing leh Na itna simthu;
Mihing chitnan lung in gelmawng Mangpa;
Laukha’n lailung ah hing gel in.
2. Sietlei mihiem bang e Mangpa,
Van Mangtoupha nuasia ning tat;
Na hepina lien in thuh e Sianmang,
Sietlei mihiem lung in gelmawng.
3. Sietlei mihiem bang e Mangpa,
Kum sangzatam na lungkhamna;
A gawl han a lei solna hilou i?
Naubang Na kana kaan sang sang.
4. Sietlei mihiem bang e Mangpa,
Van gou luo dia Na hing lungsiet;
Itna sang hi gupna lien hi Mangpa,
Mihiem simthu zailan gelmawng.
~~~~~~~
88 Mangpa Na Simthu
8.8.8.8.8.
-
1. Tam nuoi simlei albang mang kuon,
Sung ah ngabang ka lenlai in;
Aw Mangpa na simthupha leh,
Na hepina banzal hat in,
Hing huoi zel ven aw tung Pasian (2vei) D.S.
2. Sim leh mal a solna huipi’n,
Nuachieng machieng hing imm kimvel;
Sawlbang ka heina ding gelmawng;
Jingdam solnou hing Tanpa aw,
Ka ma’h Nang nibang hing tang in (2vei) D.S.
3. Albang mang kuon nuoi sietlei ah,
Jinmang in phamnan simthu lel;
Van Hagau Nang hing huoilou in,
Zatam Hagau hanmuol liemta,
Nuoi simlei gibang khenna ah (2vei) D.S.
4. Tung Thangvan vangkhuo i tun chieng,
Mangpa toh dawnbang kituoh in;
Simlei da leh kana khen in,
Albang mang hen tam nuoi simlei;
Lawm guol lungtuoh gibang khenna (2vei).D.S.
~~~~~~~
89 Ka Damna Mangpa
8.8.11.11.7.
-
1. Nuoi sietlei tuisuogiet tung ah,
Ka damna Mangpa Nang na hi;
Aw Nang hing puipa mal Alsi vah kilawm,
Solna khopi niim lai ah zong hing tang in,
Sietlei siet buoina zing nuoi ah.
Aw Van khopi hoi ngoumei khel ah,
Lili pah bang lutna gam ah;
Kipahna huikhi bang a lang,
Tuong hing tut in khu gam nuom ah.
2. Enchim mawng e aw Zion muol,
Tatsa lungtuohte lenna gam;
Lungmuonna tuipi bang in a luong kimvel,
Van Mang Belamnou Mangtoupha ma ah khun,
Buoi leh shina um nawn vawtlou.
3. Gal in don vawi Zion muol khu,
A thupi dan ka sut siemlou;
Aw Van Angel tongluongten zaila sa uh,
Nang na loupipen Halleluijah chiin,
Belamnou thasa kung tung ah.
~~~~~~~
90 Hing Thuom in Imanuel
8.8. 8.9
-Shangkunga
1. Ka galthuomnna tuolkoi ngam lang,
Aw ka tenna gal zauna mun;
Nichin solna in hing dou leng,
Aw ka Hundampa heisan ding in.
Aw hing thuom in Immanuel,
Na Hagau in hing galthuom in;
Tam sietlei shina miel kulpi
Nang din kahing dou zel ding hi.
2. Ba leh nguitah a ka um in,
Nang dia taaimel ka puoh chieng in ;
Doutute dia Van Manglukhu,
Aw na chiem khu hing hilsawn zel in.
3. Hing galdot vawi ka Hundampa,
Na sisan a Na tatsate;
Tam sietlei miel kulpi sung ah,
Aw tang uh Mangpa simsengloute.
4. Nang na hing puileh melmate,
Na zou zel ding sisan zal in;
Na kumtawn gouluopi ding in,
Aw siet miel a pat hing puidoh ven.
5. Dachieng taikhuo ahing vah chieng,
Ka Hundampa mel mu vang in;
Khunah galvan tuolkoi tavang,
Aw puonvam loupi hing silsah va.
~~~~~~~
91 Ka Pa Sienglam Zuon Vang
12.8.12.8.
- R. L. Kȃmlala
1. Aw thou vang in ka Pa sienglam zuon kia tavang,
Ka ma meipi bang in zing veh;
Ngaikhuo hing tuo ding um vawtlou sietlei tung ah,
Ka Pa loungal ka dougal hi.
Siet vang tuong nungsie nanleng,
A nopna tul theilou;
Kisia a ka sui kialeh,
A sieng ah leng tavang.
2. Ka Pa inn ah keima ding in sum leh siel um,
Mi liengvai kei he hing nem ding;
Kei migilou sunggilkiel a shi ding hitang,
Bang dia mawh vah kawi le kadiei?
3. Aw a sieng a ka ten lai in khum bang a nuom,
Sietlei nopna zousie zong kim;
Tu’n ka gelleh ka Pa inn nuom ngai tabou ing,
Tongdam nem in zuon kia tavang.
4. Kei migilou mi tawnsie leh Pasian zalou,
Kei ding a mun a phal zal in ;
Tam sietlei paal ka dougal hi ngai nawn vawt sia’ng,
A pallai ni tom seng taluo.
~~~~~~~
92 Genthei Thuoh Nanleng
12/.10.12.9.
- Thanherha
1. Sietlei thupina leh a nunnopna sang in,
Mel mu nuom ing Hundam Mang Khrist mel khu;
Simmawna puon sil in linglukhu khu nanleh,
Etlawm sang sietlei lunmang sang in.
Aw ka kipahna Ka Hundampa,
Selung muonna leh ka nunnop zaila na hi;
Pahtawinan dim hen ka lung sung ah,
Aw tul ngailou ding ka Hundampa.
2. Hundampa lungsietna singta’n lel zoulou ding,
Ngaikhuo hing tuonan genthei hing thuoh;
Bethlehem leh Kalvari muol ah hing sui in,
Hing pui kiata lungsietna huong ah.
3. Aw Mangpa ngaikhuo Nang tuona mel mu nuom ing,
Lungkham liengvai genthei vontawite;
Nuoi sietlei gam daidam mubang ngai nawnlou ding,
Na ang sung ah naubang hing pom in.
4. Hing pei kia ding thupina toh Thangvanzawl ah,
A tatsate hing puikhawm ding in;
Lei genthei tuong nuasiena ding ni naita,
Halleluijah kipah ung Mangpa.
~~~~~~~
93 Ka Hagau In A Zomta
8.5.8.6.7.6.8.6.
- S. A. 276
1. Ka Hagau in a zomta a,
Khrista Grep hing khu;
Sawtpi ka na nuasieta a,
Nanleh ka nei kiata;
Pasian ah mituom ka na hi,
Jesu hing lah masie;
Zau um ah ka ha a tandoh,
Ka mawna ngaidam thuoi.
2. Ka nei tengteng toh ka zuon a,
Tatna sisan luong ah;
Hagau siengthou ahing lut a,
Pasian ta ka hita;
Ka khelna a ngaidam zouta,
A sisan ka na thei;
Thangvan tanphan ka zui ding a,
Khrista ka gin pouleh.
3. Mei leh tuilien in hing tuom vel,
Nanleh hing dal zoulou;
Nuoi sietlei a sil thupite’n,
Hing subuoi nawnlou ding;
Khrist hundamna ka nei pouleh,
Bangma eng nawn vawt sing;
Siemmaw tan ding zau nawn vawt sing,
Ka Pa lung a awita.
~~~~~~~
94 Mangpa Hing Hepina
7.8.7.6.
- Kaplianchhûnga
1. Mangpa hing hepina khu,
Van dangkatah gam nuasie in;
Siet tate hing sui ding in,
A thuohta Mang Jesun.
Lungkhamna Sing Kross khu kei din a puo a,
Baa in a pua a;
Kilna siakhet kei din ana taluo,
Aw ka gen theilou.
2. Tenna ngailou gamvan khu,
Puonsan leh lingkai diel khu in;
Genthei zousie thuoh zou in,
Belamnou Mang Jesun.
3. Etchim theilou Mang Jesu,
Mikhielte dia Kross khu puo in;
Kalvari lam zuon ding in,
A baa ahi ka Mang.
4. Aw kei ding a thuoh zou in,
Kalvari muol Sing Kross tung ah;
Ka mawnate pokawm in,
Hing tanta Mang Jesun.
~~~~~~~
95 Kahing Zuon Uh
8.5.8.8.8.
- Upa Tȃwnluia
1. Hundamna dawngkot kihong e,
Kalvari muol ah,
Lungdon liengvai mun neilou di’n;
Kipah a i tenkhawmna ding,
A kisiemta Vanmang sau nuom.
Ka hing zuon uh hi ka Mangpa,
Na mun siem khu;
Lungkhamna dougal hat nanleh,
Nangman hambang hing huoi zel in.
2. Ka laukha Na hundampa phamna Kalvari ah,
Sun leh zan ngabang valeng ven;
Khuna na tenna ding gam nuom,
Galdot ven lungdon he hing nem.
3. Siemsil lui zousie bei sieng in ahing tha kiata,
Sietna phamsa thoukia unlen;
Tenna ding a a siem gam nuom,
Kipah a i tenkhawmna ding.
4. Immanuel lei leh van tha khopi mun nuom ah,
Aw bangchih tuong ka tung tadiei?
Mubang ngai veng tangtawn gam nuom,
Guolngai lungdei teng kimna mun.
~~~~~~~
96 Ka Khel Na Ngaidam in
13.9.10.5
-
1. Sietlei ah vang solna leh khelna bei vawtlou ding,
Nisim in sol in ka um leng a;
Ka mitmu leh bil a ka zahte khun,
Khelnah hing puilut.
Nanleh ka Mangpan hepina vanglien in,
Khiel kisia a ngaidam;
Kisia’n kahing zuon hi aw Mangpa, (2)
Ka khelna ngaidam in.
2. A hepina vang a hing in dam in ka um a,
Nanleh a hepina ngil leng ing;
Kalvari a tatna theilou bang in,
Lei pah ka sui leng.
3. Sietlei a pallun zousie tangtawn gam ching zoulou,
Nanleh a hoina ka sui leng a;
Sietlei ah nunnuom in leng nanlengzong,
Vahmang hibou ing.
4. Vahmangte sui a hundam ding in Mang Jesu in,
Hepina’n hing sui lieng vontawite;
Siet shina miel a na mang zousiete,
Thou kia tava ui.
~~~~~~~
97 Mangpa Hing Ngaidam in
6.4.6.4.
- R. L. Kȃmlala
1. Tawnsie ka hi Mangpa,
Hing ngaidam in,
Thupha ka hing tawi hi;
Na kengbul ah.
Ka sieng a na um louleh,
Sietlei kei dia shina;
Van zong ka kana mun ding,
Aw hing umpi in.
2. Muonna dang um vawtlou,
Tam sietlei ah;
Nang bou hing masuon vang,
Dougal ma ah.
3. Sawtpi gamdai a,
Ka manthai nua in;
Tun vang na tongdam za’n,
Ka hing nai hi.
4. Tu in Mangpa Nangma’n,
Hing sawpsieng in;
Na gam huol in melma,
Ka dou leng ding.
~~~~~~~
98 Hinna Siengthou Siempa
11.12.12.12.12.12.
-Rev. Thangngur
1. Hinna siengthou siempa dei sih uh Zion ah,
Minsiet leh lungkhamna puo in a mansah uh;
A tanghou nete khu dougal a suoh zou in,
A sulnua hing zui uh mipi simsenglouten,
Juda in ma a pui maw a matsah tum in.
2. Khuchin a manta ua Siempu lal innsung ah,
Thuchiem dettah chiem uh linglukhu khu ding in;
Linglukhu khusah uh ka Mangpa lu ah khun,
Khut in ahing beng ua sisan kai niunieu in,
Ka Hundampa pui uh Kalvari lam zuon in.
3. Singphelna lemkhawm un Kalvari tang tung ah,
Kilna koikholsah uh ka Mangpa kilna din;
Ka Mangpa khaikang uh sahmel ngui ngiungieu in,
A nah ah a sun uh sisan leh tui apawt,
Zion huongzawl sung ah jingvai bang hawmkhiel uh.
4. Jingvai a hawm bang un Hundampa a thuohta,
A chiemtah mabang un Hundampa a phamta;
Van misiengthoute khun a tongluong ging uh toh,
Phamsa Hagau hing thou piellei a zalsate,
Hundampa suon ding in khosiengthou ah leng uh
5. Na thuohna ngil ding in khelna lummei hing zing,
Singta maimit hing tuom Na vah hoi lie ding in;
Tu in hing thengsah in Na vah ngoubang lang hen,
Na mel a hepina luonhi tuibang luong in,
Ka sinlung miellai ah Mangpa aw hing leng in.
~~~~~~~
99 Kross ah Khun
8.6.8.6.
-Old Sankey 88
1. Kross ah khun sisan lul a luong,
Kross siengthou khu ka mu;
Sisan khu Jesun hing theisah,
Keima ding a luong khu.
Aw sisan loupipen khu,
Jesun a thuohna khu;
Kross tung ah sisan lul a luong,
Ginna in ka muta.
2. Kross khu aw Kross gihtah mai khu,
Jesun kei din a puo;
Lungkhamtah a a thuohna khu,
Kalvari ah ngakhie.
3. A zang ei Kross lientah mai khu,
Kross khu ka hing dawn ding;
Ka pokang zou sam diei izaw?
Tun van Manglukhu khu.
4. Manglukhu loupi pentah khu,
Zoupa Manglukhu khu;
Van a Jesu ka mu hun chieng,
Ken zong ka khu tei sam ding.
5. Ka luonhi a luong nawn sih ding,
Hepina gam nuom ah;
Sietlei a pat hing puidohleh,
Nopna mun a hing tun ding.
~~~~~~~
100 Piendang Tuom Sih Uh
11.13.10.5.
- Suakliana
1. Jerusalem Zion khopi khu don vawi un,
Aw mi tam uh Belamnou Mang lenna ding mun umlou;
Aw lungkhamna leh nopna Kalvari,
Tang ahing lang e.
Aw namtengteng leh,
:$: Chichin hamchin in;
Van Mang naubang a kana Kalvari ah,
Piendang tuom sih uh. (2) D.S.
2. Jerusalem khopi tha nuom khu don vawi un,
Aw mi tam uh Belamnou Mang lenna mun nuom ah khun;
Aw Kalvari a Pasian hepina,
Don akul nah e.
3. Halleluijah sut siem hilei Halleluijah,
Aw hepina dai tuom ngailou nopna hinna pah hoi;
Sut siem um diei gen siem um tadiei maw,
Aw hepina khu.
~~~~~~~
101 Aw Jesu Ka Hundampa
8.10.8.8.8.
John. 19: -Rev. Thangngur/Suakliana
1. Mangpa Na min za in um hen,
Na gam loupitah in hing tung tahen;
Envawi Na gam suhsiet tum in,
Lei thuneina sietnan a zou;
Na min hoi kipahtawi tahen.
Aw Jesu ka Hundampa, Na min hing tawisang ven;
Phaijang pah lili khomuol ngui ah khun,
Sietna subei ding in Nang hing pah in.
2. Gingtu lah ah sietna zal in,
Ahi Mangpa min a kigense leng;
A min siet ding i phal dieimah?
A mel siet ding i phal dieimah?
I Hagau liem damna ahi.
3. Jesun Ka min a gensiet uh,
Ka sinlai lung na taluo e a chi;
A min siengthou pahtawi ding leh,
A belna puon a sil ding in,
Tatsa mihing umlou amah.
4. Khelnan taluo aneisih hi,
Hagau simsengloute a puimang zou;
Van Mang Tapa siengthoupen zong,
Simlei a ahing len lai in,
Sisan kai niunieu in a thum.
Siet vang in lah mun umlou,
Simlei genthei mun ah;
Vangam ka ngai e ka Pa inn nuomnou,
Sietna lummei jing nawn tasia chi uh.
~~~~~~~
102 Aw Jerusalem Dai
8.8.9.5.
- Suakliana
1. Ka gam tul ding ka tenna gam,
Aw bangchih tuongnung kasie diei?
Angelvamte leh ka Mang mel khu,
Mu kal ka ngahla.
Aw Jerusalem dai, ka Mangpan,
Lungkham in angah;
Hansie dawng tullel ah thuohsah uh,
A linglukhu toh.
2. Na thuohna leibang lel mawng e,
Siet thoinan Van Mang Belamnou;
Na hing pieng mun genthei Bethlehem,
Bawnginn daidam ah.
3. Mang Jesu gal in donchim la’ng,
Kalvari lam ka hing sui ding;
Simlei siet puo a Na lungkhamna,
Ngilni um tasia.
~~~~~~~
103 Aw Ka Hagau Thou In
6.6.6.6.8.8.
-Charles Wesley
R. Sankey 154
1. Aw ka laukha thou in,
Na mawna peisan in;
Tatna sisan lul khu,
Kei di’n ahing luongta;
Ka luong in Mang mai ah a ding,
Ka min a khut ah a tuong e (2vei).
2. Ka kung ah a um leng,
A tatna hepi thu;
Leh a sisan lul khu,
Keima ahing pieh hi;
Kei din a sisan hoi nah e,
Hepina zieh a luongkhie khu (2vei)
3, Liem nasatah a thuoh,
Kalvari tang tung ah;
A thumnate ah khun,
Kei din a hing ngetsah;
Ngaidam in aw ngaidam ta in,
Tatsa mawhna shi phal sinlen (2vei).
4. Ka Pasian ka muta,
A von ding in hing dei;
A aw nem khu ka za;
Ka zau nawn tasih ding,
Nangma ging in kahing nai hi,
Ka Pa guol hing zawlpieh ta in (2vei).
~~~~~~~
104 Aw Guolzawlna Ni
7.5.7.5. -Kamlala
1. Lungkhamna meipi kal ah,
Keima ka leng e;
Nopna nivah ahing zing,
Khuo a vah theilou.
Aw guolzawlna ni hing ngai ing e,
Ka tung ah hing vah in;
Mielna dougal in hing nang vel e,
Aw hing vah in na tangtawn gam,
Nopna pieugal ah hing puita in.
2. Adam han simjing nei ah,
Aw na vah ngai ing;
Tatna sisan lul zal in,
Nang ka hing han hi.
3. Mauna in simlei adim,
Nam chinteng a di’n;
Aw Eden nivah tang nuom,
Ngai a um zel hi.
4. Chiin dachieng Hagau sietlei,
Nopna tul hun chieng;
Miel leh sietlei pahte vang,
I nuasie tading.
~~~~~~~
105 Aw Jesu Keilam
10.10.10.8.
- Lianbuaia
1. Sietna kulpi lam ah khun pei zel in,
Khum lam ah khun muonna ka sui lai in;
Khum lui miel a mau thawm khu kazah in,
Zau in ka um kiata thuoi hi.
Aw Jesu keilam hing hei kia ven,
Mangpa Na lammang in ka vahvai hi.
2. Siet man khu shina ahing hita a,
Ka kai ngamlou shina luipi lien khu;
Nanleh peina ding a umlou Mangpa,
Hamuonpa Nangma hing ngai ung.
3. Kum nempi ka na vahmangsan nua in,
Hepina in Na hing na veng zel a;
Bangkim a ka bangkim Na hi Mangpa,
Sietlei phatna zailan dim hen.
~~~~~~~
106 Gam Ngai-um
9.10.6.9.8.6.
II. Kor. 5:2 -Pastor V. T. Kappu
1. Ginnan Kalvari muol tung ah khun,
Gam ngai-um leh khuo siengthou ngoubang lang;
Misiengthoute lenna,
Khum khopi a tuong ka tun chieng in,
Damsung buoina leh kanaten;
Hing tum pha nawn tasia.
2. Hing tum pha nawn sia chi ka thei in,
Halleluijah chiin Mangpa ka pahtawi;
A hing tatdoh zal in;
Siet gih puo leh siemmaw tangsa nua,
Sisan in siem ahing tangsah;
Gam nuom a leng ding in.
3. Gam nuom a ngabang ka len chieng in,
Simlei gim-um gal in don nawn tasia’ng;
Hambang ka vaina gam,
Khuchieng luonhi nulna bei tavan,
Ka Mangpan hing umpi van in;
Nuachieng ngai talou ding.
4. Mangpa ngai a ka thumna gam hi,
Ka Hagau in tuongnung a sie chieng in;
Mangpan hing pui van in,
A hazah lim nei ah hing huoi van,
Jordan tui kinawng leh zauhuoi;
Hing lenkaipi tava.
~~~~~~~
107 Bethlehem muol tung a
6.10.9.6.
Lk. 2:10
-Pastor Thangngur
1. Bethlehem muol tung ah,
Vanmi siengthoute tong hing luong ging in;
Michin a din khantan hoi nuom um,
Ahing tung chiin hing hil (2vei). D.S.
2. Ka gimthuoh luong hing thuoh,
Bethlhehem leh Kalvari muol tung ah;
Gimhuoi chinteng thuoh muolsuoh zou in,
A shi Kalvari ah (2vei). D.S.
3. Aw a min Kalvari,
Sietlei Hundampa a phamna mun khu;
Tangtawn la ngai in thang kimvel hen,
Halleluijah Amen (2vei). D.S.
4. Thu in gen seng sing e,
Keima ding in gimhuoi zousie hing thuoh;
A lungdonnate thuohpi ding in,
Khopam lam ah pei vai (2vei). D.S.
~~~~~~~
108 Jinmang Henkol Bulsa
6.9.9.6.
Eph. 2:5 - Sumi
1. Jinmang henkol bulsa,
Mang Jesu in a hing tansuohta;
Ka hinnan Mangpa pahbang tawi hen,
Ka laukha Hundampa Mangpa khu (2vei).
2. Lungsiet siem ka Mangpa khun,
Hing hingsahta hinna tha in;
Van khopi tuong tun theina ding in,
Hepi sisan mantam zal in (2vei).
3. Vankhuo tuong ka tun chieng,
Tangtawn gam nuom ka Juo sau nuom ah;
Ka Hundampan naubang hing pom van,
Sietlei ngailou in leng tavang (2vei).
4. Ginnan galkhuo don ing,
Mubang ngai ing Juopa siem sau nuom;
Aw Hagau siengthou hing pui inlen,
Tuong hing tun in hepina gam (2vei).
~~~~~~~
109 Khantanhoi Kei Dia Damna
13.12.16.12.
- Laidȇnga
1. Tam leitung damlai gamdai meipi bang zing nei ah,
Siet chinteng leh lungkhamnaten hing tuom kimvel;
Hinanlehzong ka Hundampa,
Na khantanhoi ka hing mu in,
Ka lungkhamna tengteng nopna ahing suohta.
Khantanhoi kei dia nopna,
Khantanhoi kei dia damna;
Ka Mang thuchiem thupipen ahi,
Aw kei dia damna.
2. Siet huipi leh gamdawiten hing imm kimvel nanleh,
Ka Hundampa Na hepina kulpi sung ah;
Ka Hagau liem a pui ding a,
Ka tanpa thuchiem dettah khu,
Bangma in a dal zoulou aw A hepina.
3. A hepina min lunpen sang a lienzaw umlou,
Kei mikhiel liengvai genthei hing tahloute di’n;
Tangtawn pielgal kot hing honsah,
A sisan lul hoi leh siengthou,
Lungsim in hing musah in aw ka Mang Jesu.
~~~~~~~
110 Kipah Va Ui
11.9.11.11. -Taisana
1. Eden tulsa guobang hin kiana ding in,
Sietlei Hundampa a hing piengta;
Pieugal gam nuom tuong i tun theina ding in,
Mangtungnung pen in mun niempen a hing tel.
Kipah va ui Hundam Mang hing pieng khu,
Pahtawi zailan Thangvan dong khawn hen;
Ei a ding a kipahna Mang hing pieng khu,
Pieng tasia hing pieng kia nawnsia kumtawn in.
2. Tang a miten mel ana mu nuompen uh,
Mulou in mi zatam albang mang;
Mang hing pien kipah um Hundamna ni khu,
Mel a mu zousien pahtawi zaila sa vai.
3. Nuoi sietlei ah mi sangza na pieng nanleh,
Hundam ding in koima pieng vawtlou;
Tanglai misiengthou Simeon ma bang in,
Melmu a kipahte vangneipen ahi.
4. Lei leh van a simsenglou miza lai ah,
Hoipen sang e i Mang Hundampa;
Israelten Mang loubang a paisa uh,
Vanleng Mang gou pielgal suongmantam kei a.
~~~~~~~
111 Bangkim a Bangkim
10.10.10.10. -Kamlala
1. Aw Van hui hing ngai ing e hing leng in,
Ka sinlung lummei hing zing thengsah in;
Miel leh lungkhamna’n kei hing tuom kimvel,
Ka manaw tangtawn pielgal khu alie.
Aw Mangpa kei dia bangkim a bangkim,
Hinna tuikhuh Na hi ka hing ngai uh;
Loupina leh van mun ken ngen tuomlou,
Van khu nangma Na hi e hing umpi’n.
2. Malai in Eden pal zou a lengsa,
Vai ing e tam sietlei leh miel nuoi ah;
Nanleh Kalvari muol a lengte khu,
Guolngaite Eden tha nuom ah leng uh.
3. Lei pahpe apahte zong avuoi leng,
Nop zaila leh ginglawm zong adai leng;
Aw ka Mang Na mel in tul ni neilou,
Hing nem in tangtawn heisa bang pal di’n.
4. Na min theibang lou in simzin kihong,
Gamdai gam khu zaila’n ka awi hi;
Ka nop zaila tha zel ka gensenglou,
Kei di’n khuo hing vahta Na vah zal in.
~~~~~~~
112 Ngilni Lah Um Tasia’n
10.8.8.10.
- Saihnûna
1. Gal in don vawi kholen ngoumei zam ah,
A lennau Zion muol ah khun;
Laituol leng uh houlung tuoh in,
Sietlei loubang tulsa ngai nawnlou in.
Ngil ni lah um tasia’n kap veng,
Mangpa Na gamv ngai in;
Leng vadiam uh houlung kim in,
A awi uh Mang nunnem.
2. Hing ngailou in leng uh gam siengthou ah,
Nuachieng heilou machieng suon uh;
Tam sietlei nuasie ding gam hi,
Pallai zou pahbang muol hing heidangsan.
3. A hun tuong hing tung ding ngahla seng ing,
Nuomna pielgal hing pui kai van;
Aw khenlou in lungdeite toh,
Kumtawn pal zou in Mang pahtawi va ui.
~~~~~~~
113 Ka Pasian Aw
8.8.8.8. Sam. 22:4
-
1. Ka Pasian aw ka Mang Pasian,
Bang ding a hing taisan nahei?
Ka thumnan ahing nuazui hi,
Ka thumna beh hing ngai vawi chia.
Ka thumna sumil hitava,
Ka thumna beh theipi hileh;
Midang vang han vawtsia’ng Mangpa,
Hekhuo tuo siem Nangma loungal.
2. Nuoi sietlei ah mi tampi um,
Van ah mi simsenglou zong um;
Ka thumna koi sieng ka tun diei?
Nangma loungal tutna’ng umlou.
3. Solna gal hat chieng kang ngai hi,
Dougal khuoibang hang khawllou in;
Na dan lambang tuonkhielsan di’n,
Nisim solna’n ahing tuom.
4. Na angsung dougal muonna ah,
Ka mi teng uh muontui dawn uh;
Mubang na hing ngaina ding ua,
Na zalai ua buol dap hing e.
Na thumna suhmil hiveng i?
Na thumnate ka theizing hi;
Ka thuchiem ah ka um zing hi,
Ka dan siengthou a humbit di’n.
~~~~~~~
114 Kipahna Khristmas
11.9.11.5.6.6.11.5.
-Rev. Thangngur
1. Aw kipahna Khrismas ka pahtawi lai un,
Muol hing liem ding kumlui zui tum a;
Na ban a tu a nuachieng hing hei kia di’n,
Hing ngai nalai ung.
Khongai ven,(2vei) hing ngai ung khongai ven,
Seinou guol na pahtawi zai sa’n nunnuom ung;
Kipahna Khrismas.
2. Kum muolliem ding ken zuilou thei hivawtsing,
Ni khat zong tam thei ding hi vawtsing;
Na kipahnau tu’n peimang ding ka hita,
Damta un mangpha.
3. Tung Pasian zal a mel kimu kia ding in,
Na ngah leng uh kumtha kia masie;
Kinepna ga pha tawi in hing kia vang in,
Dam ta un mangpha.
4. Na hing pei chia maitai a kimu kia di’n,
Kipah nopna toh hing kia inlen;
Na gensa kipahna ga hing puoh inlen,
Kipahna Khrismas.
5. Nunnuom lamtang kai kichim man nailou a,
Khen tading zata sinlai a vei;
Nang pahna zai tongluong lawm lung ah tham den,
Kipahna Khrismas.
~~~~~~~
115 Hundampa Lenna
9.8.6.8.10.6
Job. 14:
-Rev Kappu
1. Hundampa lenna Zion gam khu,
Ka lung a zuon ni’n galdot ing;
Ngabang leng nuom ing e,
Ka lungkhamna tam simlei gam;
Tom kal a beimang pai ding ana hi;
Ka Pa gam siem ka ngai.
2. Ka Hundampa nunnem ngai ing e,
A mel mulou a ka umleh;
Ka Ha hambang vai veh;
Sietlei buoina dougal hat toh,
Ka sieng ah nang na hing um zing pouleh,
Bang di’n ka lungngai diei?
3. Simlei gimthuoh in huibang mau veng,
Ka Mang nunnem in hing enleh;
Hing khotuo ta mava;
Chi ka thei in ka ha a muong;
Dachiengleh a gam ah hing pui van in,
Naubang in nui tavang.
4. Simlei ah lalieng mimbang pieng ing,
Hinanleh lungkham nawn tasiang;
Ka Pa Mang nunnem in,
A halim nei ah hing huoi van,
Tam lei ah hambang in vai nanleng,
Na sisan lul nuom ing.
~~~~~~~
116 Suongmantam Khopi
8.11.9.8.5.
Kih. 21:18-21
-Rev. V. T. Kappu
1. Aw ngai veng e kumtawn gam nuom,
Leh lumsuong mantam khopi a khumvum khu;
Nisa sang in a vahzaw chi uh;
Mu nuom ing e Mangpa sau nuom,
Van misieng lenna.
2. Zata tuonglam van inn zotna,
A gei lumsuong kenlieng a manding zau ing;
Kei ka mawl a ka hatmaw zal in,
Van Kanan gam hoi leh loupi,
Tunlou lung zau ing.
3. Mangpa Na ha sieng puilou in,
Koi ahei hing tung thei ding tam sietlei pan;
Hagau albang a manna gam hi,
Na vontawite khu aw Mangpa,
Sietnan ha zah khum.
4. Guolzoute khu a pau gam ah,
Sunni tang leh tuibang sieng laituol leng uh;
Tam sietlei lungkhamna leh buoina,
A kipahna uh hing pah va’n,
Tul kia talou ding.
5. Leng nuom veng aw Van sau nuom ah,
I kumtawn tenna ding khu hoi seng sang e;
I Mangpa’n a siem Salem khopi,
Ngabang leng lei namchin vontawi,
Albang da nawn sia.
~~~~~~~
117 Immanuel Gam Nuom
7.6.12.10
Kih. 22:2
-Rev. Khuanga
1. Khenlouna gam ka ngai e,
Immanuel gam nuom;
Khenna ding tung sunni kawl ah hing suoh kiata,
Ka ngai khenlouna Zion tang kilawm.
Ka ngai van pahpe pahna,
Aw khenlouna khopi;
Mangpa mel leh hinna tulsing,
Van heisa pal ahi.
2. Thangvan Jerusalem ah,
Hinna damtui a luong;
Mit a muphahlou leh hinna tulsing hieng lah,
Salem vangkhuo nuom ah hing puilut ven.
3. Manna gam khopi nuom ah,
Van Belamnou a leng;
Muikhozin lungkham leh naubang kana umlou,
Pielgal gam nuom i tunna ding gam ah.
4. Manna vangkhuo tangmi ngai,
Simthu zailan lelmawng;
Ka Mang Hundampa leh van misieng tuollenna,
Hundampa lenna Zion tang nuom nou.
~~~~~~~
118 Len Kum Sawt
9.9.7.7.10.
-
1. Tung Thangvan ah ka sau bawlsa’n um,
Ana ngaituo di’n Mangpa peita;
Tatsate gam nunnuom ah,
Hundam a lungsiette toh;
Buolkhawm a pahtawi zaila sa zing ding.
Len kumsawt um ngailou,
Kipahna gam nuom ah;
Gim genthei um talou,
Khum mun ah dachieng in i teng ding.
2. Kei a di’n Hundampa hing shita,
Ka laukha khu a hing tanzouta;
Tam sietlei gimna mun ah,
Keima um sawt talou ding,
Vangam nunnopna ah teng zing tavang.
3. Hun sawtpi a kipat in Mangpa’n,
Keima naubang hing don chi ka thei;
Mangpa ngei in manglou in,
Gam nunnuom tuong hing tut van,
Miza namchin kitam a buolkhawm di’n.
4. Ngun kham sana khopi tuolnuom ah,
Luonhi nul gentheina um nawnlou;
Nunkhuo nopna ngen hiding,
Gimna bana umlou ding;
Nop tawp um nawnlou a laituol leng ding.
~~~~~~~
119 Aigupta a lungngaite
9.8.10.10.
- Upa Zathanga
1. Tang a Aigupta a lungngaite,
Tungnung khut in a puidoh a;
Ngai nawn vawt sia’ng tulsa Aigupta khu,
Nunnopna Kanan gam nuom zuon tavang.
Lummei ding kama pui in,
Nang hing zui zel va ung;
Na chiem gam Kanan vangkhuo ah,
Hing puilut tei in,
Kanan pallun zou in lengnuom veng.
2. Simlei buoina leh kana pat in,
Luonhi toh Zion ka don a;
Ka lung a leng galdot in don chim mawng,
Kei sang a ngaizaw mi a um diei mah?
3. Paran gam daidam ka hing tungta,
Pheiphung suon lang hin kimuong lang;
Hinna sing kung na hieng kilawm nuom nou,
Nang loungal lunglai hing nem ding umlou.
4. Tunna ding naita ka zot gam nuom,
Salem vangkhuo git khu ngai un;
Kanan lenkawl vah khu a zam kimvel,
Hundamte lungngailou in a leng uh.
~~~~~~~
120 Sum leh Suongmantam
8.7.12.8.7.
Kila. 21:21
-Rev. Thangngur
1. Simlei in sum leh suongmantam,
A hoi chi’n sui kimvel in;
Hinanleh a hoinan pielgal kai zou vawtlou,
Van hoinan pielgal hing tanvah, Khumi khu hi ka gen nuom.
A simthu sut siem leng aw khum van khu,
A hoi dan hil siem leng aw ka Mang lenna;
Michin in lung in hing gul van,
Van Inn ah hing lawikhawm ding.
2. Sietlei thupina leh hoina,
Ni tampi muolkhum zouta;
Hinanleh van hoinan,
Mi sang zatam bei nua’n;
A tha in hing hoi ta deudeu, Khumi khu hi ka gen nuom.
3. Van Inn hoi thupi leh innsang,
Kot khu kun a lut ahi;
Aw Kalvari muol leh Bethlehem bawng-inn ah,
Zal ding leh Kross a puoh lai in,
Koi ahei Mang puon se ding.
4. Hambang vaina gam leh kana,
Bangchih chieng in a bei diei?
Aw vangam thupi leh;
Hoi gensenglou gam khu,
A nopna teng toh hing tung ding,
Mubang ngai huibang mau ing.
~~~~~~~
121 Na Sa Seng Ing
8.6.12.10
-Rev. V. T. Kappu
1. Mangpa thuohna ka ngaituo chieng,
Kaplou thei hivawt sing;
Amai a behnau leh avuohnau aliem khu,
Ka geldoh ni chieng ka la’n ka awi leng.
Na sa seng ing a hing tatna (2vei),
Sietlei Hundampa khu kai uhi muollam ah,
I Mang nunnem ahi genthei nanleh.
2. Judate’n siem tangsahlou di’n,
Ngaituo nanleh uh zong;
Ke’n vang ka ngaina hi ka Mang nunnem ahi,
Eite gitlou zal in siemmaw a tang.
3. Lei lal shi ni’n zata’n suun uh,
Van Mang shi suunlou in;
Shina in naubang awi i Mang nunnempa khu,
Han sung a zalna’h koiman en ngamlou.
4. Thelthou kiata i Mangpa khu,
Khawlna gam zuon ding in;
Olive tangtung ah meipi in a tuom a,
Khawlna gam manawta i Mangpa khu’n.
5. Khawlna gam na manaw phet in,
Nuoi simlei nguui zouta;
Hing sulle kia maita’n simlei gimna mun ah,
Na tatna thu gen in nunnuom ta ning.
~~~~~~~
122 Hagau Hing Sawl in
8.7.11.11.8
-
1. I lungsim siet miel zing nei ah,
Van hinna chi kiphum hi;
Pah ding leh ga ngei ding a enkol ding in
Thupieh ihi,
Hinna Manglukhu law ding in.
Mangpa Jesu Hagau hing sawl in,
Nang a ding a pahnamtui hing hithei ding in;
Na Manglukhu zepna ding in,
Ka hinna susiengthou in.
2. I gam lungsiet um miel nuoi ah,
Damna Gospel tangmipha;
Pah ding leh ga ngei ding a enkol ding in,
Thupieh ihi,
Belna Manglukhu law ding in.
3. Mangpa Hagau a loungal in,
Pilna siemna, chitnate;
Hoina dan leh belna dante lungsung a,
Hing pahte khu,
Siet dougal in khuombang luo thei.
4. Hepina’n kot lienpi’n a hing hong,
Van Mang nasepna ding in;
Tui tah khat leh sing hal khat sil musit um,
Chitengte khu,
Vangam a di’n sesum tang thei.
~~~~~~~
123 Van Mang Ta A hing Liem
8.6.10.11
-Rev. Thangngur
1. Ka khel zal in aw ka Mangpa a hing liem,
Thuohna genseng hilou;
Liemna gen seng hilou,
Aw A mel dei-um sisan a dim siengta.
Van Mang Ta a hing liem (2vei),
A luong pum a pawm in;
Kilna sia zum leh nah a liem thuoh in,
Chiin Mangpa’n hanmuol a liempita.
2. I Mangpa liemna sietlei ah gen kawi un,
Sim leh mal a mi’n zong;
Na thei chiet uh henlen,
Aw Mangpa chi’n kala’n hing awi uhen.
3. Mangpa liem havai thum aw gin kilawm nou,
Sietlei a thong kimvel;
Phamsa thelbang thousah,
Aw khahkhum sung gil a sietlei tangsa khu.
4. Gim-um sim zawlou thuoh in a hing tanta,
Sisan man hi ing e;
Buh a tatdoh ka hi,
Aw ka Pa gam lam a hing pui kiata in.
5. Ka hinna tulsing leh ka muonna na hi,
Na hieng ah leng va ung;
Na ang ah hing awi in,
Aw Salem tha ah naubang in hing awi in.
~~~~~~~
124 Zan Havat Umtah Ah
12.12.12.6
-Rev. Thangngur
John. 14:13; 15:19 Lk. 22:19,20
1. Zan havat umtah ah i Mangpa Jesu in,
A tahsa a hawm a, A sisan a hawm a;
Nei thei zingna ding un tam khu dawn un a chi,
Lungkham luonhi pum in.
Simthu leibang lel uh Zion huongzawl sung ah,
Gel ching in um tava chi’ng;
Simthu leibang lelmaw uh,
I Mangpa tung ah khun
2. Huon lam zuon in pei uh dougalte tuoh ding in,
A lawite lungkham in ana ngui siengta ua;
Mangpa’n Amatang in a ul sisan luong in,
Lungkham in a thum hi.
3. Roman galkapte khun a tung ah engbawl uh,
En vawi uo kotzing khu sisan kai niunieu in;
Khodung leh khovai ah elkan in apui uh,
I Mang nunnempa khu.
4. Tawp ding simthu lellou a tung ah engbawl in,
Kross a posah ua ama lungahna di’n;
Kalvari muollam ah mipi’n sangbang naw uh,
Et ngam guol hilou hi.
5. Tang khu a tungta ua a khai ua singdawn ah,
A nuoi a mipite’n nunnop zaidei awi in;
Tui ahing dawnsah ua a lu a hing kun in,
Khapham laukha khenta.
~~~~~~~
125 Van Mang ahi
Cor. 2:8 8.6.8.8.6.10.
-Rev. Thangngur.
1. Ka henkol bu gitlou henkol, Sutna’n ka Hundampa;
Linglukhu toh Salem dai ah,
Sisan kai niunieu in pui uh; Siempu lal innchin ah,
Shina mulkim huoi a thuohsahta uh.
Aw Van Mang ahi, Genthei chinteng thuoh khu;
Israel leh tam sietlei ah,
Vaihawm liente’n theisiem uleh,
Loupina Mangpa khu,
Sing Kross tung ah koima’n khaisanglou ding.
2. Mi a phamleh phungguol in suun, A juo sausuon sung ah;
Van Mang liengvai sausuon tan in,
Giloute di’n kha hing phamta, Kalvari muol tung ah,
A dougalte hanla sa in lam uh.
3. Aw tung Thangvan nang hing mau ven,
Van Mang Ta suun ding in; Sietlei ngui in kala’n awi hen,
Tuisuogiet luonhi bang luong hen;
Simlei zilpi’n ling hen,
Van Mang dawnglai lungkham a a pham ni’n.
4. Gitlou kulpi shina khuh miel, Zou in thel thoukiata;
Tatna zal a liengvai tate,
Hinna tha pahbang in lawm uh; I Hundampa vang in,
Hinna khopi tuolnuom a luota uh.
~~~~~~~
126 A Tanghou Nete
Mak. 14:50 9.12.10.11.8 -Pastor Kappu
1. Lei a Na hing len lai in Mangpa,
Dougal khuoibang hang e panpi ding neilou in;
Jerusalem khopi sung Na velsuoh,
Nangma mai a panpi ding neilou in maw;
Na lungkham henem ding ngai in.
Na lungkhamna henem ding koima umlou,
Na sulnua zuite’n zong sul hing heisanta;
Bupi Pilat thutanna ma ah,
Melma dougal tam e siemtang thei ding hilou.
2. Tuipi leh gamchin Na vahkawi lai,
Na nuazui ding tam e Mang na thu zal in;
A natna teng uh Na suhdamsah zal in,
Na pham na’ng ni leh dah ahing gin phet in,
Mangpa nua zui ngam um vawtlou.
3. Mangpa phamna’ng nichiem hing tungta,
A nuazuite zousie hei a vaibang tham hei;
Kalvari muol lam ah sangbang naw uh;
A lu ah sia linglukhu khusah va uh,
Kalvari muol zotpita uh.
4. A nuazuite teng hing peikhawm un,
Mangpa panpi di’n bangchi jingvai hawm ding;
Kalvari lam ah sielbang in tai uh,
A genthei dan maimit suon ngam ding hilou,
Mangpa hing itna na seng e.
~~~~~~~
127 Van Khopi Eden Tha
7.7.7.6.6.7.7.6.
-Suakliana
1. Ngahleng ven ka Hundampa, Tam sietlei simzing nei ah;
Na hing suina Salem tuol, Aw ke’n tunbang ngai ta’ng;
Sietlei gentheina leh, Miel nuoi ah leng nanlei zong,
Hing khotuo a hing suipa, Ka ngai bang theilou ding.
Van khopi Eden tha tuol nuom,
Lungkham umlouna gam nuom khu;
Khunah bangchi tung ding kahei,
Na kumtawn nopna gam,
Vah hoi nuompen ah.
2. Aw hing nai ven Hundampa, Sietlei ah gal hat sengseng;
Sisan a Na tatsate, Lungkham in a kap uh;
Lei a Na lenlai a, Na hing phamna Kalvari;
Na dougal ahing nai hi, Na gam dou dingte khu.
3. Aw heisung ah Hundampa, Zion muol galmuonna mun;
Maw silsieng a hing khotuo, Kei ding a Na thuohna;
Gitlou shina kulpi, Na tangtawn vangkhuo leh tui;
Hundamte Na liim nuom a, Ngabang a lenna uh.
4. Aw hing mangvan tam sietlei, A thupina zousie toh;
Mi hing khawm van Hundampa’n, Ke’n lei nuaise tading;
Krista itna tangte’n, Mang loupina tang va un;
Lungsietna a kinawng hi, Nuom un Halleluijah.
~~~~~~~
128 Thawkiana Ni Loupi
10.10.10 -Patea
1. Simzin hing bei in ka gam nuom zuon vang,
Nuoi simlei ah selung muong zou lang e,
Mangpa siem Salem tha va khuol le vang.
Aw thawkiana ni loupi shi leh zoutu
Kho siengthou ah tuong hing tun in,
Lui gal gam nuomzaw ah,
Lungkham shina zou in zaila sa vang.
2. Ka kap hi Mangpa na mel mulou in,
Selung zuong in sunni ka tum zoulou;
Zion kulpi heisung a um namah?
3. Pielgal ni vah hoi ka lam simzing ah,
Hing tanvah in Mangpa kei gammang tang;
Buoi leh hankhuh miel in hing nang kimvel.
4. Ka damlai ni hi han ah pel tavang,
Zuon tavang Hundamte hing na ngahna;
Tuipi luong gin sipna ah khawl tavang.
~~~~~~~
129 Leppipa Hagau
John. 14:26 11.11.8.12
-Upa Chunga
1. Kalvari a Na hepina tuibang a hing lien in,
Kei mawnei gamdai gamgaw sietna mun ah;
Dam dildiel in ahing luong a,
Atung a ginna kuong lep dan siem thei vawt sing.
Leppipa Hagau ka ngai,
Leppipa Hagau ka ngai e!
Noah kuong leppipa Hagau ka ngai.
2. Mangpa Zion zotna tuonglam Hagau puihuoilou in,
Kouma hatna muong in koi hing tung ding hei;
Mangpa kei vang hing pei thei sia’ng,
Na pilna leh ka siemna a kikal zal in.
3. Mangpa Na khut loupi ngai ing solna tuipi tung ah,
Don ding neilou nausen bang in ka um a;
Na lungsietna ahing tung a,
Guobang ka hinna ding tu in tuong hing tungta.
4. Ka Hundampa ka Mang Krista ngoumei bang hing lan chieng,
Ka gimna leh ka buoina taimang tava;
A hepina’n hing na dawn van,
A sieng a khawl ding in hing puilut tei tava.
~~~~~~~
130 Ngai ing e Kumtawn Gam
Gen. 3:6 8.8.7.7.7.
-Pi Rosiem
1. Suontu lung amawl zal in,
Shina leh lungkham danate;
Namchin tung ah hing leng in;
Kei tung ah zong hing tu in,
Lungkham huiva bang mau ing.
Ngai ing e kumtawn gam,
Ka ngai e ka Pa gam nuom;
Laukha aw hing huoi in;
Lawmguol ngai umbang khawlna,
Tuong hing tun in.
2. Tam lei hinkhuo ka gel chieng in,
Lungkham meipi’n mangbang hing bawm;
Phamsa lenmuol a khum chieng,
A sulnua ngai lai na e,
Lungkham huiva bang mau ing.
3. Lungdei muolkhum gal in don ing,
Phamsa ngai huiva bang mau ing;
Nuachieng heilou in leng uh;
Mangtoupha khu kimvel in,
Halleluijah chiin leng uh.
4. Thangvan khopi ka tun chieng in,
Gibang khenna um nawn vawt sia;
Lungdei chibang a kimna;
Angel sieng Serafim toh,
Mang nunnem pahbang tawi vai.
~~~~~~~
131 Ka Mang Naubang Kap
Mat. 8:20 6.6.6.6.6.6.6.
-Pastor Thangler
1. A lalna gam nausie’n, Van Mang ta a hing pieng;
Bethlehem bawnginn ah, Gan kuong sung ah zal in;
Ka Mangpa naubang kap, Lalieng sa seng ing e,
A hing khotuo zal in (2vei). D.S.
2. A hing khotuo zal in, Mang vontawi lalieng e;
Lu ngahna neilou in, Ka hinna ding in maw,
Genthei chinteng a thuoh; Kalvari muol tung ah,
Kha a hing phamsahta (2vei). D.S.
3. Aw Kalvari muol khu, En chim thei vawt sing e,
Ka Mangpa phamna khu; Tuolthatte bang in maw;
Kross tung ah khaisang uh, Tambang in mi a pham,
Ngai ei hing en vawi un (2vei). D.S.
4. Singta kha pham khu aw, Sausuon sung ah zal in;
Phungguol in haibang ngah. Mangpa kha pham khu aw,
Kalvari muol tung ah; Phungguol lambang theng in,
Migiloute kal ah (2vei). D.S.
~~~~~~~
132 Nuomna Kim khu
Late 4:6-7 7.7.7.7.7.7.
-Rev. Thangngur
1. Nuomna Jingdam Sol Mangpa. Nopna lumsuong Mang Jesu;
En vawi sing vontawi liengte, Simlei nunnopna sui in,
Manthaina mun lam manaw, Ama uah nang hing ding in.
Na mel a nuomna kim khu,
Nangma nei a lungmuonna;
Michinteng in na theisiem tamaleh,
Ko’n siet nopna sui ven i?
Albang manna ding bep in.
2. Shina gu a nat hing hil, Khiel hansie a hang hing hil;
Hinanleh ka Mang Jesu, Hambang vai eite vang in;
Linglukhu leh hankhuh miel, Kalvari ah hing sutkhie.
3. A thuhdan leh a sandan, A saudan leh a letdan;
Lei leh van a sil zousie, Ginglawm leh ham chinteng in,
Na hepina thuhdan khu, Nuom in puongzah le tau hen.
4. Ka lunglai Biehinn sung ah, Amun sangpen tang lechin;
Thupina thupi tung a, Nopna tung ah Van nopna,
Kei a hi tava izaw, Khum bou nangma khu na hi.
5. Ka lungsim lungkham nawnsuo, I Mangpa’n mel in thei na;
Lungkhamna leh gim-umna’h, Kap a mau a na umleh,
Nuoilam leh na tunglam ah, Khotuo in hing en zing hi.
~~~~~~~
133 Kanaan Phaijawl
Late 2:1 8.9.11.11.10.
-Rev. Thangngur
Solomon La
1. Kanan phaijawl Saron pah hoi,
Tanglai Rom mite’n ana susie;
:$: Simkhuo hing zingta Saron pah pul zal in,
Tun leh von liengvai limbel ding neilou in,
A damnau Saron pah a pul zal in (2vei). DS
2. Sharon pah hoi pulsa nung khu,
Ama lungkhampite sieng ah khun;
:$: Lilipah bang a lungsung ua hing pah in,
A lutung zawn uah Jingsol Alsi hing tang,
A kim uah nuomna gimtui in zam hi (2vei). DS
3. Sharon pah hoi zou nai vawtsih,
Sim leh mal leh Zougam zing nei ah;
:$: Lummei hing zing e Na pah hoi lie ding in,
Nisa’n hing vah in Na mel hoi hing lang hen,
Tuachi’n Na hoidan theisiem tava uh (2vei). DS
4. Kanan phaijawl Sharon pah hoi,
Juda gam ah hing sel tha kiata’n,
:$: Silsiem chinteng zong zalen nuom siengta uh,
Ngai in hing don uh liengvai lei mihiemte’n,
Isarelte’n zong hing pahtawi tava. (2vei). DS
5. Sharon pah hoi mel mu nuom ing,
Van mun loupia Na hing pah ding khu;
:$: Kitamna sing a Na hing phamna mun ah,
Hing kithuom vachin zalenna thupi in,
Sa leh mihiem dougal a bang tading (2vei). DS
~~~~~~~
134 Kumtawn Gam Nuom
8.9.10.10.
-
1. Mimbang pienna tam nuoi sietlei,
Albang mang ding gam i lenna khu;
Kumtawn suongpi Mang Krista a kinga’n,
Mei leh tui kinawngte tup phahlou ding.
Kumtawn gam nuom, kumtawn gam nuom,
Ding a Mangpa sau nuom;
Sesum tui luon vang kholai,
Melmu nuom ing ka lungkham banna di’n.
2 Jerusalem, Jerusalem,
Mangpa sau nuom ah leng nuom ing e;
Aw van Hagau sieng khaltui bang hing lan,
Tamlei lungkham gim huoi palbang nang lang.
3 Suongmantam vangkhuo nunnuom ah,
Sianmang vontawi laituol ngabang lenna’h
Khunah kei zong hing kitawldam tavang in,
Simlei lungkhamna puonbang bang tava.
~~~~~~~
135 Jesu ka laukha itpa
Rome 8:22. 8.9.8.6.
-Upa. Thangsung
1. Jesu ka laukha itpa, Na angsung ah hing pom in;
Solna ahing nai lai in, Nang hing hum hing domsang in;
Hundampa’n hing pui zel in, Tangtawn nopna’h hing tun in;
Solna ahing nai lai in, Nangma’n ka laukha kem in.
2. Kei hing hundampa Na hi, Ka laukha tanpa Na hi;
Aw Jesu hing nuasie sin, Hing tungding in hing pui in;
Nangma bou ging thei ding in, Ka shi ni a tun dong in;
Mangpa aw hing pui zel in, Na Vangam nuom hing tun in.
3. Sietna’h pua in khupdin ing, Hepina in hing huoi ta’n;
Tuikhuh hoi luongsah inlen, Khunah hing sil in Mangpa;
Nang tuikhuh hoipen na hi, Taitah in hing dawnsah in;
Ka lungsung ah nah nei in, Tangtawn dong in luongsah in.
4. Ngaipen ing e I Mang Khrist, Ka deitengteng Na hing pie;
A zawng a baite phong in, Mittawte mitvahna pie’n;
Nangma min a siengthou hi, Kei vang siemmaw tang hing e;
Kei hatlouna’n dim nanleng, Nangman hing panpi zel in.
~~~~~~~
136 Aw Pasian na ta hi
6.6.8.6.
1. Pasian in lei mihing,
A lungsiet seng zal in;
A von khattang bawnginn sung ah,
Gankuong ah hing lumsah.
Aw Pasian Na ta hi,
Gankuong sung ah hing lum;
Thangvan gambang dai uh amah?
Gankuong dawn uh a mah?
2. Aw Mangpa kou a di’n,
Gankuong ka gel chieng un,
Nunnop leh dana luonhi khu;
Teutui bang in hing luong.
3. Aw vansin nuoi a min;
Gankuong hing en uh hen;
Tuhtui bang in a luonhi uh,
A bieng uah luong ding hi.
~~~~~~~
137 Mindang zousie sang in
6.7.6.7.5.
-Suakliana
1. Min dang zousie sang in,
A ngai pen Mang Jesu min;
Mawna a pat hing tan,
Envawi Vanmang touna ah,
Vai a hawm zing hi.
Ginnan galdot le hai,
Kipahna leh a itna lummei zamah,
Tun guolngai teng kim tava maw?
2. Aw ka hagau vahvai,
Na Mang mukha lou namah?
Envawi Zion tate,
Kumtawn gamloupi zuonin,
Pheiphung suon zing uh.
3. Siet mielna’n gam thupi,
Leh ka Mang mel hoi lie veh;
Pielgal zot lam hai tang,
Hagau hing huoi in lungzin,
Tui kinawng lai ah.
~~~~~~~
138 Ngai namang e
Kil. 21:22,23 8.10.10.10.
-Pastor Lienrum
1. Sinni tumlou Zion khopi,
Ngai in ka mau ka kap sun nisim in;
Puon loupi sil in a leng tatsate,
Kei di’n mun a um diei khum gam ah khun.
Ngai namang e, ngai namang e,
Amun loupi a hoina teng sang in;
Milungsiet Mang Krista mel etlawm nou,
Munuom veng ka lungkham banna ding in.
2. A hoi dan gen senglou gam khu,
Sisan in a hongta zalenna gam;
Ka Hagau khum gam hoi khu don leng in,
Sietlei gam loubang a tul ding ahi.
3. Lungdei Hundampa lenna mun,
Tun theilou zau mang e aw Mang Jesu;
Sisan in hing sil in Hagau in hing huoileh,
Mang nunnem gam nuom khu ngai namang e.
~~~~~~~
139 I Ngahla Kumtha
10.7.6.6.
-Laithangpuia
Key C
1. I ngahla kum tha tuong ahing tungta,
Nun nuom in zaidei awi vai;
Kumlui muolliem ngailou,
Machieng gal in don vai.
Pahtawina’n zai-awi ung,
Nang hun leh kumtha hing tung;
Lei mihing te’n na pallai hing zou va ung,
Tangbang dam leh nunnop theitawp in.
2. Nang mulou zatam kawllai ah a liem,
Nuoi sietlei guobang hinna;
Kumtha mel mu manlou,
Kumlui in peipita.
3. Kum lui muolliemsa ka ngilna ding un,
Kum tha nang hing pahtawi ung;
Nop pallun chin suo ven,
Sietlei mihingte di’n.
4. Kumtha nang vang laituol leng tava ung,
Tangbang dam nun khonuom in;
Na pallai zou va ung,
Tangbang ka damsung un.
~~~~~~~
140 Lai ah na sang
Isai 53:4,5 8.8.11.
-Ngursang
1. Nopna leh kipahna Nang a,
Ka nopna leh ka kipahna;
Van Mang Jesu Nangma hing pieh ngei ahi.
Lai ah na sang Pa Kalvari muol,
Na thuohna liem mitsuon ngamlang,
Na phamna sing kung.
2. Mi sang tampi in mel in ma,
Israel vontawite’n nuol uh;
Jentel Hattuomte’n Kalvari ah lampah.
3. Jentel Hattuomte’n vang nei hai,
Lei silthawnpieh bou hilou in,
Hutdamna leh Van Manglukhu tan be hai.
4. Pienthana Hagau nanglou in,
Tung zou sih vang Van Gam Inn nuom,
Aw Van Hagau Sieng nang in ei pui leng tan.
~~~~~~~
141 Kumtawn Gam Chinglou
9.10.8.5.
-Zailuaia
1. Tam nuoi sietlei kumtawn gam ching zoulou,
Lungkham naubang kana gam hi Mangpa;
Kipahna’n lenmuol khum siengta,
Nopna pah a vulta.
Gal in don ing Thangvan sang khu,
Angel lenna gam loupi ah khun;
Hundamte khawlna gal muong ah,
Sietlei albang mang hen chi uh.
2. Ngai in gam nuom pahpe zekim pahna,
Vadon ding Mang nunnem in a siem gam;
Sawnban kai in hing pui zel in,
Kaplai hing nem in.
3. Belamnou lenna Zion ka tun chieng,
Lungdei khenna mun ngai nawn ta sia’ng e;
Namchin ki-it sungkuon tenna,
Nunnop kim mun ah.
~~~~~~~
142 Hundampa Lenna
I. Thes. 4:17 10.9.9.9.
-Pi Runchong
1. Aw ngahlang e Hundampa lenna gam,
Tangtawn gam nuom tuong hing tung ding khu;
Tuong tunna ding sunni nai henlen,
Tangtawn gam nuom khu tuongtung tahen.
Tuong tung henlen ngabang leng lei,
Khum khopi a Hundampa leh Angel siengte toh;
Salem tha nuom Tangtawn pallutna,
Khunah simlei khu ngai nawn tasia’ng.
2. Pahbang vul ding sietlei genthei ah khun,
Na gam nunnuom ngai in ka mau a;
Hing huoi inlen aw ka Mang Jesu,
Khunah sietlei khu ngai nawn tasia’ng.
3. Tu in sietmiel nei ah mau nanlengzong,
Da chieng Tangtawn khuo hing vah van in;
Khunah lungzin buoina umlou ding,
A sung a Belamnou a len zal in.
4. Van khopi simthu khu ka geldoh ni’n,
Ka lunglai nuomna in a dim leng;
Salem tha nuom ah hing pui sam ven,
Khunah kei nuom in leng tavang e.
~~~~~~~
143 Zion Muol
3 Alex. 29 8.6.8.6.
-Patea
1. Zion muol leh Thangvan Alsi,
Mangpa’n kei dia a siem;
Dachieng khumi gam ka tun chieng,
Kipahna’n zai-awi vang.
Bang hun in ahei tu a hing dal,
Sisan zal a kei dia Zion muol;
Aw bangchih chieng tuongtung ding kahei?
Hundampa siem sunni tumlou gam.
2. Tu in phamna Jordan gal ah,
Ka ngah hi Hundampa;
Khum Alsi khel gam nuom tuol ah,
Bangchih chieng ka tung diei?
3. Hun in pei in Zion tate,
Gam thupi i ngahla;
Ka lenna gam daidam ahi,
Ke’n nuasie pai tavang.
4. Guol tungtuong Mang Immanuel,
Na gam tuong ka tun chieng;
Lungsietna Mangpuon sil vang in,
Tangtawn in leng tavang.
~~~~~~~
144 Aw ngai ing e
8.8.9.7
- Upa Chawngbuaia
1. Hun muolliemsa teng ka don in,
A vul in muol a liem zouta;
Van pahpe hoi nopna tullou khu,
Tul ni mawng nei kia nawnlou.
Aw ngai ing e khum gam tullou khu,
Kumtawn a dia Mangpa bawlsa gam;
Tatsate leng uh tul ngailou in,
Belamnou thupi phat in.
2. Khum gam thupi gam ka don in,
Ka umna lei pahpe bang in;
Kumtawn a dia ching zoulou hie,
Aw ngai ing gam luo ding khu.
3. Lei kipah leh nopna tan zong,
Ka leh lungkhamna bou ahi;
Hing tung tha kia ven, Hagau Sieng aw,
Nopna tullou sangzaw in.
4. Hagau Siengthou pal zoute khu,
Ka don in muol a liem siengta;
Aw ka Mangpa hing pui kia inlen,
Tanpa phat in zai-awi vang.
~~~~~~~
145 Aw Mangpa Davida
11.11.11.11.
- Patea
1. Aw Mangpa Davida leh a suon Alsi,
Na hoina gam ding a na hing na guotsah;
Ka nuomna Tuisuogiet bang in a lien a,
Shina lui gei ah na min zaila’n phat vang.
Aw Mangpa Na min zaila’n hing phat vang,
Sietlei a Na siem zousie’n sahen;
Mangpa lambang pahna’n zai-awi un,
Sietlei phat zaila’n hing luo tahen.
2. Mihing ka hi ma in zong Mangpa Jesu,
Sisan a bou man ding in na hing tanta;
Theisiem in va sui siem hi tamaleng aw,
Sietlei a dimsah di’n keima’n ka sem ding.
3. Mangpa heisung ah e mun nei bawlpiehna,
Danial bang in kotta pan gal in don vang;
Suongmantam a siem leh amun thupi,
Gentheina mun ah zong thum in galdot vang.
4. Aw Immanuel lei leh van tha siem khu,
Adung leh vai a khun va suile henlen;
Genthei hesuoh thuoh a Na tatsate khu,
Van loupina in Na mel hoi ka mu ding.
~~~~~~~
146 Kum lui Mangta
11.10.11.11.
1. Kum lui mangta ni leh ha kum kikhelta,
Tu zing kumtha nivah em suohta;
Laikhun pan in hing thoudoh un nunnuom in,
Kipah in pahtawi vai ninou vah siel toh.
Hing un, hing un Mangpa pahtawi va ui,
A lungisetna sumil ding i mah;
Tangtawn a hing enkol zing pa khu ahi,
Tangtawn, tangtawn in A min loupi zing hen.
2. Dam kum ching a pei masa lawmguol ngaite,
Tu in Vangam nunnuom ah leng uh;
Eite’n khumte pul i dou uh sietlei ah,
Kumtawn a ei chingpa Pasian pahtawi vai.
3. Kipahna thu leh sepga keng in hing un,
Tu in Pa a hing pei vang hawm di’n;
Huhhingpa’n na tawndan thupuon a ngai nuom,
Kumtawn a mawsiet pieng in lungiset bangta.
4. Kumlui ha vai kumtha manna’n la sa vai,
Na bawn un na siensung hing han un;
Tun leh juo vangpieh zousie kisia hing hi’n,
Nuisieu in pah va ui Pa leh Hundampa.
~~~~~~~
147 Hing Puikai In
9.8.8.5.
- Upa Zasiama
1. Tam sietlei ah aw Hundampa,
Liengvai in sawlbang hei veng;
Nei pui in Na tuonglam sieng ah,
Aw ka Mang Jesu.
Shina luigal nei puikai in,
Ka leh mauna gallam ah khun;
Lungdei gibang khensate toh,
Nuom in laituol leng vang.
2. Lungdon puldou leh luonhi luonna,
Genthei thuoh naubang ka kana;
Loubang tul hen mauna simlei,
Lungkham ka kana.
3. Mubang ka ngai Hundampa sieng ah,
Khen ding chinthu lel nawnlou in;
Belamnou ei dia a phamna,
Zaila’n awi va ui.
4. Thangvan Alsi Hundampa Mangpa,
Ka lungsim siet simjing nei ah;
Hing vah inlen Na tuonglam sieng,
Nuom ka mu theina’n.
~~~~~~~
148 Khawh nah e
Genesis 3:15-19 12.6.12.12.
-Hrangkapchin
1. Tuon a pi-le-puten Eden huongjawl sung ah,
Dougal ahat zal in;
Phamna leh lungkhamna mawpuo in a pawta,
Kana theilou ding khu Kapnau ahing tangsah.
Khawh nah e, khawhna lawmlawm e maw,
Tu tanpha in;
Lungsiet kul sung a mi a suoh a um ding in,
Zehotna vang in maw henkol ahing bul hi.
2. Soldan siempa Setan galhangpa bawl dan khu,
Eite’n theisiem lehai;
Solna Hagau namsau Pasian thu hiem zang in,
Dougalte zou ding in simthu chiemsa ahi.
3. Tam sietlei tul nua a ngabang ka len lai in,
Ka ban ah hing kai in;
Lungkhamna khuh miel a hambang ka vai lai in,
Aw Hagau Siengthou na’ng hambang hing huoi zel in.
~~~~~~~
149 Kalvari muol tung ah
John. 9:2,3 9.7.7.7.
-Pastor V. T. Kappu
1. Kalvari muol tung ah Mangpa khun,
Singlamte linglukhu toh;
Mipite nuisan ding in,
Tulsinglel ah khaisang uh.
Aw lai ah na sang ka Mangpa thuohna khu,
A khut a keng a lu en un;
I siet zal in a sisan siengthou khu ahing luongta.
Lungsiet a um ngei e!
2. Ka dang a tah chia a ka lai in,
Zu thuapi a dawnsah ua;
Zu thua in pha vawtlou ding,
Hagau ngai a tau ahi.
3. A shi kuon a dangtah lai in,
Koima’n tui a penuomlou;
Melma simzawlou lai ah,
Dangtah ngawingawi in a shi.
4. Ka Hagau na Tanpa nat dan,
Keima’n vang hil thei vawt sing;
Pei inlen Kalvari ah,
Na Mangpa khu va dong tan.
~~~~~~~
150 Muolliem lou aw Tunlieng
1. Tam simlei daidam ngabang ka len lai in,
Albang da luonhi toh lungkham meipi’n hing bawm;
Aw daluot nem di’n Van Mang Laukha ngai veng.
Muolliem lou aw tunlieng,
Sulkia lel ven tun aw,
Na von henem ding in;
Albang da luonhi nul in tam simlei,
Ah vonliengte’n sangbang hing sui ung.
2. Albang da lusuun umlai vei bang na e,
Na vontawi naubang kap na vang mubang ngai ing,
Aw hambang huoi di’n Van Mang Hagau ngai ung.
3. Aw Mangpa simlei lungkham dana’n hing bawm,
Daluot he hing nem di’n Van Mang Hagau ngai veng,
Aw nuoi simlei gibang khenna gam daidam ah.
4. Aw Mangpa ka lungkhamna he hing nem di’n,
Mubang hing ngai veng aw simlei gam daidam ah,
Albang da luonhi toh huiva bang mau ung.
5. Kulsin manaw a tun aw pheiphung na suon,
Albang da luonhi toh galsielbang don leng veng,
Umlai vei bang ka duong tham gubang ei zen.
6. Lahlieng naubang kana simlei gam daidam,
Na pallai loubang tul albang in mangta veh,
Van khopi tuolnuom ah ngabang leng nuom ing.
~~~~~~~
151 Kalvari Tang ngai ing
John. 19:18 9.8.7.
-Pi Runchong
1. Aw ngai veng e Kalvari tang,
Hundampa sisan tuibang luong;
Tam lei mawna silsieng di’n.
A phamna Kalvari muol tung ah,
Ka Mangpa’n sunsawt haibang ngah chi uh,
Mubang ngai veng lungkham mei zing nuoi ah.
2. Solna lummei zing ka lenlai,
Simlei lungkhamna’n dim siengta,
Mangpa ka hing tung thei diei?
3. Tua mun khu bang a sienna gam,
Ka Laukha nang zong va sui ven,
Gimtui pahpe’n imm kimvel.
4. A sisan a i sien pouleh,
A gam nuom ah khawldam tavai.
Tuoilou pahpe bang pah vai.
~~~~~~~
152 Simthu zaila’n lelmawng
Luk. 23 13.7.9.8.
- Pastor V. T. Kappu
1. Na pienna ni leh na shina ni mulkim huoi sang,
Aw ka Mang ka Hundampa;
Bawnginn sung Na zalna ka et in,
Tam lei mawpo di’n na hing pieng.
Simthu zaila’n lelmawng, ka Hundampa,
Na pienna leh Na shina tangmi khu;
Sing hanse dong tung ah,
Paradise ah Na mang.
2. Van Misiengte’n bangchi’n ana ngai tading uoi maw?
Amau henempa Mang khu;
A pienna gimhuoi bawnginn se nuoi,
Kha a phamna Kalvari tang.
3. A pien ni nuom in A shina mun va-en lehai,
Bethlehem leh Kalvari;
A pien ni’n Van mite’n zaidei awi,
A shini’n Israelte nuom.
4. Ka nopna leh ka kipahna pen ka Mangpa khu,
A pien nia pat genthei in;
Aw A min Kalvari muol tung ah,
Linglukhu phan khu in kha pham.
~~~~~~~
153 Salem Huong Sung
Mark. 14:65 8.6.6.5.8.8.
-Rev. Thanggur
1. Salem huong sung khu en ve un,
Mi zatam umbang khawl;
Nunnop ningbang zou in zaidei tembang tawi uh,
I Mang Hundampa khu en vawi;
Gethsimani huon sung ah khun.
2. Mel a mate’n Mangpa pui uh,
Siempu lal innsung ah;
Nuizat bawlnan nei uh i Mang Hundampa khu,
Jing taikhuo ahing vah phet in,
A phamna ding muol khu zuonta.
3. I maw zal in Kalvari ah,
Lungkham sengseng in maw;
I Mang nunnempa khu gimhuoi chinteng thuoh in,
A thuoh ding mel a theisa in,
A hing peita i Mang Jesu.
4. Kalvari muol lam ka etleh,
Mangpa Jesu mel mu’ng;
Sisan kai niunieu in Van Mang Belamnou khu;
A lungkham man A Pa a han,
Hing peisan sin aw Ka Pa chi.
5. A zalna hankhuh miel nanleh,
Van misiengte’n tamlei;
Jilbang lingsah in Ama thelbang thousahta,
Lei mite leh Van mite khu,
Hossanna chiin kikou va ui.
~~~~~~~
154 Ka Tenna Ding
8.8.8.8.8.8.8.5.
1. Ka tenna gam sietlei simzing,
Gamdai mangbat lungkhamna ngen;
Khumi lam ah teng tavang in,
Belamnou Mang Jesu sieng ah;
Ka tenna ding aw ka gam khu,
Ka ngai e lungtuoh a lenna,
Tatsate nunnuom a lenna, Gal in don zel vang.
Gam nuom ka tup ka tenna ding,
Lei ah genthei in vai nanleng;
Ka Hundampa’n liengvaite di’n,
Kipahna tuikhuh siengthou hong.
2. Kei hing tanpa na thuohna teng,
Hepina in melmu thei leng;
Bangkim a ka bangkim Na hi,
Ka Hagau di’n bangkim Na hi;
Sana khopi tuol a leng di’n,
Na thuohna in a man zouta;
Aw nei hepina khum ahi, Kei migenthei di’n.
3. Aw Mang Jesu mel mu theileng,
Lungdeite laituol a lennau;
Kalvari hepina zal in,
Chiteng namteng ngabang leng uh;
Kei zong Na gentheina zal in,
Mangbatna gam peisan tavang,
Ka Pa Mangpa hing pui zel in, Hepina gam ah.
4. Sietlei thupina leh nopna,
Albang mang van a hoina toh,
Hundampa sieng ah khun teng vang,
A vangletna zekim nei a,
Lei nopnate ngai nawnlou in,
A hepina sung ah teng in,
Tangtawn phatna la sa tavang, Belamnou ma ah.
~~~~~~~
155. Hun Tuibang Kiem
12.10.12.12.
- Puna
1. Hun tuibang kiem zel e sietlei nunnopna bei,
Nuoi sietlei ah nunnopna kim vawtlou;
Van Mang hing tuolkum in nunnopna sunni toh;
Genlieng vontawite’n sietlei tuong nuasie nuom ung.
Aw Eden tha sau nunnuom ah hing tun in,
Da leh kap gibang khensate toh lengkhawm in;
Nunnop teng kim in lambang hing pah va ung,
Nuoi sietlei mubang ngai sia ung Na gam ah khun.
2. Nang ding a thuohte khum gam ngai in kinem ung,
Sietlei ah nunnopna kim thei vawtlou;
Zion mi zata leh ki-itna Mangpa mel,
Minthang sunni tuong hing tun kal ngahla seng ung.
3. Simlei dana kana buoina meipi nei ah,
Gingtuten nunuom in zaila awi uh;
Muoldawn sunni hing suoh aw Salem nunnuom ah,
Guitangbang na khopkhawm hun ding ngahla seng ung.
~~~~~~~
156 Tunglam Jerusalem
8.8.12.11.
- Patea
1. Tunglam Jerusalem tha nuom,
Van misiengte tuollenna hi;
Tung Thangvan Immanuel vaihawmna gam hi,
Lungtup Zion gam nuom vang mubang ngai ing.
Tam nuoi sietlei sang in,
A nuomzaw hi tangtawn gam;
Nisim in a tung hachin in tam,
Kumteng in pung zel;
Zion muol tung ah,
Belamnou phatna’n zaila sa uh.
2. Immanuel Na sisan pha,
Ka kumtawn la hing hivan in;
Zaila’n sa vang misiengthou gam ka tun chieng in,
Tangtawn pah hoi Belamnou melmu tavang.
3. Halleluiah aw Hundampa,
Sietlei thangvan Nang a ahi;
Na sisan in hing silsieng in Nang a hi’ng e,
Hing ngahleng ing Jordan meipi zing nei ah.
4. Hing pei naw ven ka Hundampa,
Ka gam buoina meipi’n a bawm;
Kanan gam leh Na vang ngai kei tawp thei vawtlou,
Jing nisuoh sim in khosieng ah leng nuom ing.
~~~~~~~
157 Guolzawlna Ni
9.6.9.6.
- E. E. Hewin (SSS 872)
1. Tung sunni sang a zong vah thupi,
Ka lung sung ah a vah;
Sietlei vah sang a zong vah zaw khu,
Jesu ka vah ahi.
Aw guolzawlna ni ahing tangta,
Muonna leh nuomna in ahing dim;
Mangpa mel hoi ka et sung in,
Ka Laukha nuomna’n a dim.
2. Mangpa ka pawl leh ka lung sung ah,
Hamuonna tui a luong;
Ka lungsung ah nuomna aw ging khu,
Hoina in a pah kia.
3. Ka lungsim sung a nuomna um khu,
Kinepna leh phatna;
Tun guolzawlna in ahing vua a,
Van nuomna hing theisah.
4. Thangvan khopi nuom sunni bang tang,
Ka tenna ding ahi;
Kei zong khum mun nuom ka tun chieng in,
Van muontui dawn tavang.
~~~~~~~
158 Ka Nuom Tading
7.7.8.7.7.7.
- Upa Ngama
1. Ka pienna Zinmang kulsin, Na vah mu di’n aw Jesu;
Na vontawi siet sal a tangsa, Na bawltheina khut hat in,
Nopna zekim gam nuom ah, Lungsietna hing tungsah in.
Khun kipah tavang Mangpa,
Khun nunnuom tavang Jesu;
Simlei gim-umte nuasie san in,
Angel lenna siet um nawnlouna’h,
Khunah khawl kumtawn tavang.
2. Khum gam khu tung thei ding in, Theina bangma ka neilou;
Nangma theina bou ahi Pa, Vah muna ding lampi khu;
Kei zong hing tang sam vang e, Hing siem muolsuo tei ding in.
3. Ka sung a umte lai ah, A mengpen khu Nang Na hi;
Hinanlehzong ka Mang liengvai, Vaihawmpa hatpen ding in;
Tun vang hing chiel tavang e, Bangteng Na thu hi mai tahen.
4. Siengthou tavang Nangma thu’n, Sietlei na don nawnlou in;
Nangma zotna lampi keima’n, Na Laisiengthou thu hoi khu;
Tuni a pat aw Mangpa, Ka thupipen himai tahen.
5. Nuom thu sutsut mai ding khu, Ka Hagau nang bou na hi;
Khelna zousie mauna kal ah, Pei inlen Kalvari ah;
Kumsawt hinna na tan khu, Khawllouin genleng mai tan.
~~~~~~~
159 Mel hing musah in
10.8.8.8.
- R. Thanghuta
1. Tam sietlei a ka lenlai in,
Nisim buoina in hing bawm;
Shina lui chieugal ka galkai ma’n;
Mangpa lungkhamna’n meibang hing bawm.
Mel hing musah in Na siem Salem,
Lungdei misiengte lenna, Khenlouna gam nuom;
Leitung lungkham tuong nuasie in,
Aw bangchih chieng tuong ka tung tadiei?
2. Genthei leh albang date khu,
Mun nuom tuong a tun chieng un;
Tuong tung masa leh Angel sieng toh,
Aw Salem Mangpa phat zai-awi uh.
3. Kumsawt nunnop zaila sate’n,
Malbang hing han guol ngaite’n;
A tongluong lawmnou uh ka zah in,
Gam nunnuom ngai in naubang ka kap.
4. Aw hing ngai veng Immanuel,
Na siem Salem tha nuom khu;
Ngabang ka lenna gam daidam hi,
Aw Hagau sieng hambang hing huoi ven.
~~~~~~~
160 Mangpa Hatna Muong In
- Zumi
1. Machieng vangkhuo nunnuom tung Thangvan a,
Tuong ka tun kal ngahla’ng Mangpa;
Sietlei ah galmuonna umlou,
Mangpa sieng tuong tun masang sie.
Aw peilai i hi tutkhawllou in,
Mangpa hatna muong in,
Van Mang sieng zuonta ni.
2. I tung Thangvan vangkhuo lam manaw in,
Khawllou in zuon va ui khum gam;
A gam nunnuom tuong hing tun ding,
Nunnop pallai lutna gam ah.
3. Theisiemta malei aw phat chimlou ding,
Gal zau-um ah leng nanlei zong;
Thangvan gam nuom tuong i tun chieng,
Phatna la dai di’n ka ging lou.
4. Aw tung chieng Thangvan Hagau hing leng in,
Lailung simzing tanvah ding in;
Na gam nuom ah tuong hing tun in,
Nunnop libang chinna gam ah.
~~~~~~~
161 Phamsa Guol Kim In
Kil.7:17 7.6.7.7.8.
-Pi Lalnu
1. I pienna tam lei gimhuoi,
Hambang vaina gamdai;
Phamna’n jingvai hing hawm in,
Ka vondei enchim la’ng e;
Phamna in lenmuol khumpita.
Aw a tun-le-juo genliengthei ung,
Puikhawm ni atun chiengleh;
Ka vondei ka etchimlou,
A mel lambang in pahtawi tavang.
2. Thangvan Saunuom zata lel,
A thupi dan hing hil;
Phamsa lawmguolte leng uh,
Hundam Mang limbang bel uh;
Ngai ing e phamsate lenna.
3. Kanam gam nuom zalente,
Sungkim laituol leng uh;
Kei ka lenna simkhuo bang zing,
Ka von lungdei kha phamna;
Ka gel chieng lailung tai zou la’ng.
4. Ka lungdei khu aw Mangpa,
Na angsung ah pom in;
Na lungsietna’n thuom inlen,
Hin damtui dawnsah inlen;
Etchimlou ka von lungdei khu.
~~~~~~~
162 Kiem bai seng
I.Peter 1:24 8.9.9.6.9.10.
-Rev. Thangngur
1. Kiem bai seng sang e maw, I sietlei damlai sunnite khu;
Nunnopna pah vul kia ding hita,
Gibang khenna ding in; Kawlni sielbang ahing suoh kiata,
Gibang khenlouna gam en ngai hai.
Kikhenlouna zata lel gamnuom ah,
Ami vannuoi vakhawl vai in;
Hambang huoi Mang Krista,
I Hundampa sieng i tun chieng un;
Lungkhamna bei tading.
2. Simlei daidam ah aw, Kap in mau in liengvai nanleizong;
Buoina gallam ah gamnuom a um,
I Hundampa Mang Krista, Zui a i hinnau i phal samleh;
Khum gam nuom ah naubang in nui tavai.
3. Nopna pallutna mun, Hundampa ngabang a lenna mun;
Ngai in nisim in gal in don ing,
Van sawlsieng mite leh; I guolngai gibang khensate toh,
Bangchi bang nunnuom in i khawlkhawm diei?
4. Ami zata zousie’n, Sem va ui ninglou in i Pa nna;
Hun hoi nisim in muolliem leng hi,
Jingdam Solnou Mangpen; A latna ding nai deudeuta hi,
Nasem zou a i khawldamna ding ni khu.
5. Aw ka Mang Hundampa, Ka nunnopna heisa’n hing pal in;
Simlei nopna pal a vul siengta,
Na sahmel nou ah aw; Nopna zekim nibang hing tang e,
Nopna pallun Saron pah hoi na hi.
~~~~~~~
163 Bulah Ding Nem
12.8.6.6.9.6.6.9.6.6.
- Tune G. B. 92
- Laibȃta
1. I kim uah bu lah ding nempi a minta hi,
Amau va-at ding in kuon un;
Mangpan hing pui van in, Na hatna suonglou in,
Mangpa hatna khu muong zel inlen;
Na chi the hing pou van, Mangpa’n hing pui ding hi;
Na Tangtawn mun na tun theina di’n;
Na hatlai in sem in, Mangpa hatna muong in.
2. Na seplou ziehin nempi mangthai siengta hi;
Mangpa itte mang khielta uh;
Amau panpi ding kuon ding nahei?
Pui ding ngai mama uh, A manthai sieng ma un;
Kuon inlen vasem in, Amau di’n ni kiem hi;
Laukha mangthai ding simsengloute,
Khu hepilou namah; Khat beh hing pui taven.
3. Dahkhien len enkawi vawi tatna theiloute khu,
Mangpa’n atat lam theilou in;
Muong in tou nalai uh, Apui ding in koima um vawtlou;
Hundampa theisih uh; Amau vapui ding in,
Mangpa’n nang hing dei hi;
Bangchih Jesu mai a kun ding uoi,
Ka Tanpa chi thei in, A lalna min phat in.
~~~~~~~
164 Kei Di’n A shi ahi
8.6.8.6.
- C. Wesley
1. Mang Jesu min a sangpen hi,
Sietlei leh Thangvan ah;
Angel leh mihing in bie uh, Gamhuoite’n zong zau thuoi.
Nuolna himhim nei nawn tasia’ng,
Min dang ngai nawn tasia’ng;
Mang Khrist ashi a hunta hi,
Kei ding ashi ahi.
2. Mang Jesu min mawnei ding in,
Mawnei dia a pieh khu;
A siet puohgih adawnzangsah, Gawtmun van a suohsah.
3. Jesu’n sietna kulpi phel in,
Nuoi zinmang a zouta;
Hatloute di’n hatna a tun, Mishite hinna toh.
4. Aw vannuoi in thei in chiemleh,
A hepina let dan;
A hepina ban nemnou in, Mi zousie zong pom va.
5. A thupina va-ensah in,
A Hundam thu ka puong;
Ka bawl ding tamte khu ahi, Belamnou ensah in.
6. Nuomtah in A min ka puong ding,
Shikuon laita dong in;
Michin kung ah tangkou vang in, Belamnou ensah in.
~~~~~~~
165 Aw Kalvari, Aw Kalvari
Sam. 55:6 9.9.9.9.9.
-Pastor V. T. Kappu
1. Kawlva bang a len siem hileng kei,
Ka Mang shina muol va kanle vang;
Khuchiin ei tatna vamu vang in,
A mel a sisan kai niunieu khu,
Lungsiet puon nem in vanul sieng vang;
Aw Kalvari, Aw Kalvari,
Na tung a na Mang a khaisang uh;
Thou inlen a kilna botdoh in,
A sisan luong khu vanul sieng in.
2. Kidron luidung nang zong hing thou in,
Na Mangpa dangtah va dawnsah in;
Zuthua in a dangtah phalou ding,
Pei inlen amun sieng nei ah khun,
Dam diidiei in aw valuong ta in.
3. Kei hing ngai a dangtah hileh vang,
“Kidron chiin” kei hing han tava;
Khun a muol ah khun va dawnsah tang,
Nang hing ngai a dangtah hibou e;
Pei in Hagau tui va dawnsah in.
4. Vapei nanleng bang ka law tadiei?
I Mangpa dangtah a phatna di’n;
Bawl thei bangma ka nei vawtloupi,
A pei vang vapei vang Kalvari ah;
A sisan tah beh vanulsieng vang.
5. Kalvari leh aw Jerusalem,
Ka Mang nunnem khu ei kapi un;
I khel zal a liemna thuoh ahi,
Thou unlen kap in hi vanul vai;
Van Belamnou kha a pham ni khun.
~~~~~~~
166 Nuom in Leng Vang
13.14.8.13
1. Tuon a Eden pallun nei a lungkhamna leng hing,
Tu in van Saron pallun nei ah sawlbang ka heita;
Asung a lut in ka lengta,
Mang Khrista sieng a muonna kim khu kei a ahita.
Sisan in van pielgal kei di’n kihong,
Genthei vontawi liengvai tuollenna ding in;
Manglukhu pahbang zem zilziel in akhu in,
Nuom in leng vang Mang Khrist lim ah
Kei zong leng tavang.
2. Nuoi Simlei lungkham da leh kana gam ahi,
Muonna leh nuomna gam hilpa kumsawt hambang vaina;
Pielgal dawngkot hing kihong in,
Genlieng vontawi nunkhonuom laituol ka lenna ding.
3. Ka tangtawn tenna ding ka Pa umna gam khu,
Aw ngai ing Vanmi tuollenna, Vangam ngai in mau ing;
Lungkham genthei umlouna gam,
Manaw va ui i tun chieng thupina tang tavai.
4. Pielgal gam nunnuom nou tuong i vatun chieng un,
Ama bang in um tavai in lungkhamna bei tava;
Lungkham genthei um nawnlou ding,
Tunkal ngahlang Mang Khrista Lalgam khu hing tung taven.
~~~~~~~
167 Nuomlou thei hising
6.6.6.6.
-Kamlala
1. Ginna’n don siem hilei,
Tam sietlei a pat in;
Phat nuom veng Hundampa,
Na lungsietna deihuoi.
Nuomlou thei hising e,
Nuomlou thei hising e;
Hundampa na sieng ah,
Tatna sisan luonna;
Envawi ei tat dan khu,
Lai ah na sang e.
2. A manna tangtawn gam,
Nuasie in sietlei ah;
Ka gimthuoh luong a thuoh,
Hanse dong singlel ah.
3. Tuon a pi-le-pute’n,
Deilou in van pielgal;
Aw na sisan zal in,
Keiman ka hing muta.
4. Angel siengte lenna,
Sunni tumlou gam khu,
Aw na sisan zal in,
Keima’n ka hing muta.
~~~~~~~
168 Gina’n Vangkhuo
II.Kor. 5:2 8.8.8.8.8.8.
-Rev. V. T. Kappu
1. Ginna’n vangkhuo gal in don ing, Simlei gim-um thuohzoute khu;
Naubang nui siusieu in ka mu, A nuom la uh ging kilawm nou;
Nisim ngil lai ka nei theilou, Tun kal ngahla thei sam ing e.
Hing en di vawi Van Mang Siengthou,
Lungsiet um leh mi hatlou hing;
Sietna’n henkol a hing bul hi;
Na gam hing tun ding nuom maleng,
Mielna leh lungkham danate’n,
Nisim in a hing bawm.
2. Utman vang a tun thei hilou, Chi a na hing theisah zal in;
Lungmuonna in ahing vua leng; Tun kal ka ngahla man ahi,
Mangpa na gam siengthou nuom khu, Ngai in kaa la’n ka awi leng hi.
3. Bangteng lunglai a ka gel chieng, Ka genthei dan ka thei leng a;
Ka kani sauna ding bep in; Kalai naubang ka nuina ding,
Tam simlei ah mu zousing e, Ngailou thei mawng hi vawtsing e.
4. Kaplai naubang nui thei vawt sing, Mangpa aw na hing pui masang;
Ka lungkhamna van ah bei va; Ka umdan ding ka thei tel ma’n,
Vangam tunkal ngahla nanleng, Mangpa hing tung thei sih vang maw!
5. Sietlei nin-um lai ah khun aw, Mangpa aw Na hing umpileh;
Bang di’n hambang ka vai dieimah! Na hing umpi chi ka thei in,
Kaplai nausen bang a nui in, Simlei gim-umna a tawm leng.
~~~~~~~
169 Tuong nuasie lou aw
Kihl.7:17 11.7.7.8. -Pi Lalnu
1. Hun kidang ven vaihawmna ni thupi,
Nisim ka nai deudeu;
Solna leh lungkham buoinate,
Ka dougal khuoibang hang veh aw.
Khattang tuong nungsie lou aw,
Ka sieng ah um leng ven;
Zion muol tuong ka tun masie’n,
Ka Hundampa hing pui zel in.
2. Ka machieng solna dougal hat,
Albang man ding zau ing;
Tam dougal palbang nanglate,
Tangtawn gam nuom tung sih va uh.
3. Noah damlai a sil umdan bang in,
Sodom vangkhuo bang in;
Sietlei nunnopna ngaituo in,
Mangpa hing heidang santa uh.
4. Na Lai Siengthou a gel bang in,
Sietlei lungkhamna’n bawm;
Kilungsietna dai deudeu veh,
Buoina leh lungkhamna’n zel suoh.
5. Simlei lungkham tuong nuasie in,
Pa mel mu nuom veng e;
Zion tate tuollenna ding,
Kawl ninou suoh kal ngahla’ng e.
~~~~~~~
170 Dougal Lien e
8.12.8.12
1. Dougal lien e sietlei ah vang,
Setan dougal nichin in khuoibang hang deudeu;
Na Hagau a nei huoilou leh Na min kilawm,
Mangpa hing suong ngam sih va ung.
Malai Nuazuite Na thuom bang in,
Na Hagau in hing galthuom in;
Ginna’n Na mel hoi hing musah in,
Nuom in Na min hing pahtawi vang.
2. Kalvari muoltung ah Mangpa’n,
Ka khel zal in lungkham genthei chinteng hing thuoh;
A lungkhamna ngil guollou khu,
Siet zal in aw a lungkhamna i ngil zouta.
3. Hing ngaidam in aw Mang Jesu,
Kei di’n Na lungkham gentheina ngil nanleng zong;
Nangma hing hepipa Na hi hing ngai mama’ng,
Mangpa Na mel hing musah in.
4. Na gam hing tung ding in Mangpa,
Na tatsate siet sal a tang puidoh ding in;
Siet dougalte dou kia ding in Ka tai zel leng,
Immanuel ma pui kia in.
~~~~~~~
171 Eden Tha Ngai ing
10.8.10.9.
- C. Z.Huala
1. Eden lui hi ka nuasie ding gam hi,
Nisim malam gal in don ing;
Buoina lummei theng di’n kilawm nailou,
Kap a luonhi nul bailam nah e.
Aw Eden tha, ka hing ngai man in,
Sunni chin in ginna’n ka hing galdot;
Aw malai ka lawmguol lui peisate teng,
Naubang nui siusieu in ka mu.
2. Lungzuon ka ka ni in ka don vel a,
Buoina mei gal lam hing lang khu;
Aw kilawm e lawm guolte tuollenna,
Mang Immanuel gam nuom ahi.
3. Sietlei vang nunnopna a umlou,
Kap in guoldei kikhen leng ung;
Eden tha tuollai a na lengsate,
Kaplai naubang a nui kiata uh.
4. Ngai nanlengzong Na gam tunma in vang,
Ka kana in muikhuo zing e;
Na sat tha gam siengthou hing tun sam in,
Kaplai zong puonbang ka bangta ding.
~~~~~~~
172 Mangpa Hing Suina
7.7.7.7.7.7.7.7.7.
- Pastor V. T. Kappu
1. Simlei a ngaituo zal in, Lei ah gim-um a thuoh a;
Sietlei min agel lai un, Bethlehem bawnginn sung ah;
Hundampa ahing sui a, A umdan sulamdang di’n;
Bethlehem bawnginn sung ah, Gankuong sung ah hing lumsah;
2. Herod in a sui kawi a, Ka Mangpa thatlum ding in;
Hinanleh Vansawlsieng in, Joseph sieng ah a hil a;
“A nu leh naungeh pui in, Aigupta gam lam tai un”;
Chi in Mangpa’n a hil a, A hing lungsietna zal in.
3. Mangpa hei ah a um e, Chi in sui kawi le va ui;
Aigupta gam lam manaw’n, Ka laukha in sui zel in;
Nangma a ngaituo zal in, Gimhuoi chinteng thuoh ding in;
Hundampa a hing piengta, Sietlei mawteng po ding in.
4. Ka Mangpa’n a hing sui a, Getsemani huon sung ah;
Aw suongpi khu en vawi uh, A tung ah ka Mangpa khu;
Lungkham in a hing thum a, A ul sisan bang a luong;
Nat chitengte’n ahing bawm, I Mang lungsiet umpa khu.
5. Pilat in theisiem vawtlou, I Mangpa hing sui dan khu;
Jerusalem kul sung ah, Elkan in a pui kawi ua;
A lu a linglukhu leh, A tung a Kross gihtah khu;
Kingah in Kalvari muol, Lungkham in manaw sah uh.
6. Kalvari na tungta maw! Sietlei khelna teng puo in;
Ka khel vang a na thuohna, Khu manghil vawtsia’ng Mangpa;
Ka dang atah na chi khu, Manghil thei vawtsia’ng Mangpa;
Bangchi’n ka hing bawl ding uoi, Na dangtah subei ding in.
~~~~~~~
173 Aw Sisan Pha
10.6.10.10.6.10.
1. Selung zuon niin ginna’n gal in don lei,
Alang Van gam thupi;
Lei a lungkham tate tuollenna khu;
Belamnou leh hinna sing pal zou in,
Guoldeite lengkhawm uh,
A thupina nuom in zaila’n awi vai.
Aw sisan pha zaila’n pahbang tawi vang,
Hing hepina thupi;
Kalvari a tatna sisan,
Zaila’n pahbang tawi vang.
2. Lungzuon siel in sawlbang vahei talei,
Nopna ahing nai leng;
Hepipa sisan zal a nopna khu;
Hampha ma’ng e Pasian ta hiding in,
Khristan hing tangsahta,
Nopna kim hi nasepna khu ahi.
3. Ka tan ding a nopna thupipen khu,
Hepi siengthou ahi,
Pasian Ta leh nasem mi hinna toh;
Hing humbit in keima ah bou sem in,
Aw ka Mangpa itpen,
Hing zang inlen Hagau hundam ding in.
~~~~~~~
174 Phamsate Vangkhuo
John 14:2 13.11.11.14.
-Upa Lientlungvel
1. Ka ginna’n phamsate vangkhuo khu ka galdot chieng,
A lah uah lungtailou mel puo um vawtlou;
Hundam tate hinkhuo nuom in a leng uh,
Kei zong khum mun a leng ding in haibang in hing ngah uh.
Ngai naveng e gam loupi,
Lungdeite laituol a lennau;
Tuong tun ding kal ngahla na’ng e,
Phamsate a vangkhuo uh.
2. Hundampa nunnem in mun a hing sat tha tuol khu,
Tuong ka tung thei diei kei mikhiel liengvaipa;
Tung thei e ka ta lungsiet um liengvaipa,
Milungsiet um leh liengvaite a ding a siem ahi.
3. Sietlei ah khun gentheina chinteng thuoh nanlengzong,
Lungkham vawtsiang ka Mangpa’n a hing puileh;
Bangchih chieng sietlei gimhuoi khu taisan in,
Ka lungdeite toh lungkhat puo’n ka kidawn tadi uoi!
4. Aw khum mun ah khun i mingaite tung siengta,
Mishi ngai kap lungkhamna zong um nawnlou;
Khum mun khu tuong tun kal haibang ngahlang,
Ka Mangpa’n linglukhu khu a vankhuo a siem ah khun.
~~~~~~~
175 Buoina ngoumei khellam
7.8.8.10.
- Ralngama
1. Aw a pallai muol a liemta,
Aw a sahmel pahbang a vul;
Kap in kou ing nualam hei ing,
Sun sawt lungzuon teng aw puonbang baang mawng.
Aw gal in don ing buoina lummei khellam,
Khunah nuom in laituol leng uh;
Lungkham, liengvai, genthei Mangpa,
Lal lai pal zou in laituol leng uh.
2. Munuom ing e lungkham vangkhuo,
Gal in don lei hinna muol ah;
Khunah ka von khu leng va maw?
A tun leh juo lam vang khu hei vawtlou.
3. Hinna sihtui sieng dawn uh e,
Tullou pah pal lai a hieh uh;
Hing ngailou in muolliemta uh,
A hepi Hundampa sieng ah leng uh.
4. Hing pui sam ven ka Mang nunnem,
Na lenna Thangvan sang ah khun;
Ka von dawnglai khensate toh,
Nunnop pal zou in laituol lengkhawm vang.
~~~~~~~
176 Hundampa zal in
8.8.7.8.
- Kamlala
1. Damsung in Hundampa zal in,
Nunnuom in buolkham nanleizong;
Kap in gibang khen kia leng hai,
Aw ngai ing khenlouna gam khu.
Hundampa mun sat tha ah khun,
Tam lei a gibang khensate;
Tangtawn Mangtouna kimvel in,
Aw bangchih chieng i kikhawm diei?
2. Ngoubang alang Kalvari ah,
Gal in don vai khenlouna gam;
I lenna muolte dang nanleh,
Ginna in aw lengkhawm va ui.
3. Malbang kou lei i Mangpa mai,
Sunkhosawt liengvai henem di’n;
Ama loungal hing nem umlou,
Aw tom seng sang e lei nopna.
4. Tam sietlei ah zong khu Ama’n,
A hepina hazah nei ah;
Nunnuom in hing puikhawm kia va’n,
Kap in kikhen tadi nanlei.
~~~~~~~
177 Aw Nopna luigal
11.9.11.11.
1. Nisim ka sieng uah um zing inlen Mangpa,
Kei zong na sieng ah um ka chimlou;
Ka ngai ni in khawlna gam hing donsah in,
Zaila’n awi vang lungkhamna meipi nei ah.
Aw nopna luigal tuong ka tun chieng,
Huibang mau gibang khensate toh;
Ka Mang mel liemsa khu zaila’n awi vang,
Khunah van pielgal pah a pah zing tading.
2. Kiembai seng sang e i nunnop lai sunni,
Aw Kalvari hing kihong kia in;
Zaila’n awi vang Na nopna pal zou ding in,
Nuom in gam siengthou lam hing zuon tava ung.
3. Malai i nopnan pielgal taan nanleizong,
Kalvari ah khuo a vah kiata;
Zion gam nuom kihong kiata achi uh,
Thou va ui nunnop lenna ding khuo vahta.
4. Tu in lungtuoh in ngabang valeng talei,
Lungkham ni a lenguol ka ngaite;
Nuom a Mang maa a zai ka awipi hun ding,
Gal ka don ni chieng aw ke’n mubang ngai veng.
~~~~~~~
178 Khenlouna gam nuom
10.10.10.12. - Ngurtawna
1. Aw lungkhamna kei di’n a na taluo,
Lungsietpa Mang dei-um kiemsah inlen;
Ka ngilmaw Salem tha khu hing don vang,
Haibang ngahlang nopna pah hoi lutna gam nuom.
Aw ka ngai khenlouna gam nuom,
Ka mi ngai-umte toh zaila awi in;
Nunnop sut senglou mel mu vang,
Ka nuomna pen ka Hundamna.
2. Siet lummei zing thengmaw ding bang,
Jingsol Alsi Mangpa hing nai kia ven;
Nuom in hing zuon zel vang lalna gam nuom,
Miel in hing imm kimvel ka leh lungkhamna toh.
3. Kap in hing ngahleng ing Immanuel,
Hinna luipi sietlei ah hing luong in;
Namchin di’n Saron pah hoi hing phut in,
Buoina meipi kal ah Mangpa hing ngah zing ung.
4. Lawmguolte taikhuo vah ding hita,
Hepi gam nuom mel in ahing langta,
Miel silbawl pai in vah thuom a ngaita,
Halleluiah ka Mang dei-um hing umpi in.
~~~~~~~
179 Pielgal gam nuom
8.6.8.5.
1. Pielgal gam nuom leh ka Mangpa,
Hepina tung ding khu;
Galdot zel vang solna huipi,
Leh siet miel zing nei ah.
Dachieng a solna huipi leh,
Simzin a then hun chieng;
Hing lang zel van A hepina,
Nuomna tuikhuh lul khu.
2. Sietlei buoinate peisan in,
Hepina Mang mel khu;
Phat kal ngahla’ng nopna tullou,
Van zaila nuom sa in.
3. Sietlei buoina nei ah Mangpa,
Na hepi min thupi;
Hing phat seng sing aw Hundampa,
Ka khelna in hing dal.
~~~~~~~
180 Hing pui in Damlai
8.8.8.8. - Patea
1. Ka ummuonmaw lunghel kan chieng,
Ka don vel tam sietlei gam hi;
Lungkham meipi’n muolchin abawm,
Ka Hagau lungkham in a vai.
Aw hing huoi in damlai,
Lungkham meipi bang zing nei ah;
Hing umpi’n len aw ka Mangpa,
Kaplai ka bang tading.
2. Aw ka lungkham Alsi khen gam,
Angel vam lungtuoh a lennau;
Kei lunghel liengvai ka kana,
Lungkham meipi zing nei ah khun.
3. Aw ka Hagau na lungkhamna,
Tam lei nin-um khu peisan in;
Khuva bang in ha in leng in,
Nunnopna gam khopi ah khun.
4. Khunah lungkham ka leh buoina,
Um nawn tasia Kanan gam ah;
Aw Hundampa hing huoi zel in,
Shina luigal gam nuom ah khun.
~~~~~~~
181 Hing Donsah in
8.8.8.8.
1. Lungkham melma um nawn vawtlou,
Angelte laituol lenna ah;
Simlei lungkham thuoh a maute’n,
Kalai bang in Mangpa bel uh.
Mangpa khum gam mel hing musah in,
Tam simlei a ka lenlai in;
Lungkham thuoh a ka kanate,
Aw nemtah in hing thuoh vang e.
2. Aw khum mun a na lengte khun,
Khensa guoldeite ngai nawnlou;
Hinna damtui luong a dawn uh,
Tuachiin nopna heisa pallun.
3. Don zel lehai mun loupi khu,
Angel sieng leh Jingsol Alsi;
Lummei kai in selung zuongsah,
Belamnou laituol lenna ah.
4. Khum mun loupi tuong ka tun chieng,
Kei zong Mangpa’n hing umpi va;
Angelsiengte lai ah buol in,
Tangtawn in Mangpa pahtawi vang.
~~~~~~~
182 Damlai ni Abei ma
8.8.8.8.
1. Ka tahsa lungkham nanlezong,
Vangam ah ha in leng tavang;
Tu in baa in mau nanlengzong,
Dachieng in ha in ka leng ding.
Damlai ni a bei ma Mangpa,
Guobang hin chinthu lel mawng e;
Tangtawn Zion khuo hing vah tava’n,
Buoina tengteng nuomna’n tang tahen.
2. Siet shina miel zing nuoi ah,
Tangtawn vah lam khu ka sui a;
Kei genthei maw leh saguoh hi,
Nopna in hing dimsah ta in.
3. Khopi hoi ngunn tui luon gam nuom,
Tung talei pielgal khopi khu;
Nunlui gam gal in don tavang,
Ka kana gam ngai nawnlou ding.
~~~~~~~
183 Semgimte khu Khawl va
8.5.12.8.
1. Lungkhamna leh buoina khel ah,
Shina lui gal ah;
Tangtawn Saunuom thupitah khu ahing vahta,
I Mangpa’n a sat tha gam ahi.
Khunah semgimte khu khawl va un,
A Hundampau’ vanglien phat in;
Van kotzing ah Angel vam toh laituol leng uh,
Aw a ginglawm un selung hing phawng.
2. Aw Hundampa lungsiettah in,
Hing huoi zel ta in;
Na hazah lim dam nei ah khun lungkham tate,
Aw a khawlna uah hing khawlsah in.
3. Ka damsung in na Hagau in,
Hing huoi zel ta in;
Ka maa ah hing tang zel ta in na gam siengthou,
Aw ka Mangpa hing pui kia ta in.
4. Tuonglam zotna hing pui ding in,
Nang hing ngai pen ing;
Simlei lungkham buoina teng khu ka peisan ding,
Aw Na gam siengthou ka tung tei ding.
~~~~~~~
184 Zaila’n Awi vang
10.8.8.10.
1. Zaila’n hing awi vang ka hun muolliemsa,
Sangtam zaw dia nopna ni thupi;
Simsenglou di’n kana ahi,
Lungkham nunnuom in Mang thupi maa ah.
Mel mu vang nunlui muolliemsa,
Peh chin gielnah tuong nanleh mielna gallien;
Na belna zal in ka lungkhamlou ding.
2. Eden miel nei ah naubang in ka kap,
Na gam nuom Van ka tun chieng in;
Mawna vua sang in vamzaw va’n,
I Mang Immnuel gam nuom ah khun.
3. Hepina tha zel ding lam galdot ing,
Hunlui muolliem ni a thata;
Hagau siengthou hing suhal in,
Pham ngai hing nem in khuo vahsah kiata.
~~~~~~~
185 Thuohgimna gensenglou
6.6.6.5.
1. Sietlei siet miel ah khun,
Na hepina khantan;
Hagau in hing puileh,
Gen ka nuom nah e.
Thuohgimna gensenglou,
Sing hansie dawng tung ah;
Kei di’n na hing thuohta,
Hing pahtawi zel tavang.
2. Jesu Na hepina,
Sietlei munteng ah khun;
Gen ding in hing pui in,
Nang dia vahna ah.
3. Zion kulpi gei ah,
Melmate’n hing imm kimvel;
Aw ka Hundampa khu,
Liengvai khel na chie.
4. Na hepina khantan,
Nang na hing puilouleh;
Mikhielte bil ah khun,
Ka gensiem thei lou.
~~~~~~~
186 Gal in Don Ing
13.9.9.9.
1. Ginna’n gal in don ing ka tung vangkhuo alang e,
Mangpa sat tha Salem tha ah khun;
Martalte leh Angelvamte toh,
Tu in Mangtoupha ah hing ngah uh.
Khumnah hing ngah khenlouna ah,
Hepi tate a kimna uah;
Lungkham genthei thuoh a maute zong,
Khawl tava uh chi Mangpa’n a hil.
2. Tu in kap in khen nanleizong i lawmguol ngaite,
A gen Suongmantam Sana tuol ah;
Khenna simthu mawng lel a um nawnlou,
Khenlouna ni hing zou tava.
3. Aw tu in lei lungkhamna tengteng abei hun chieng,
Belamnou leh Mangtoupha vah khu;
Ami siengthoute toh tangtawn in,
Zingsol Alsi bang in tang va uh.
4. Bangchih chieng Hundampa tangtawn mun ah tuong tung in,
Lungkham simthu mawng lel nawnlou in;
Khenna lungkham thuohzoute toh,
Nuomna la sa’n a kikhawm tadiei?
~~~~~~~
187 Hun leh kum tuibang kiem
7.7.9.11.
1. Hun leh kum tuibang kiem zel,
Nun i nopna sunni zong;
Khovel hoina leh pallun zousie,
Kei di’n huibang mau leh kana gam ahi.
Aw ka kumtawn vangkhuo dougal muonna,
Hundamte lenna vang mubang ngai veng;
Lungkhamna leh huibang mauna,
Um nawn vawtlou kana bei tava.
2. Nuoi simlei lungkhamna leh,
Luonhi nulna gam ahi;
Ka lennau gamdai leh ka mauna,
Pel in lungsiette toh laituol leng nuom ing.
3. I noplai ni tuibang kiem,
Nuoi sietlei pallun lai zong;
Sietlei nopna puonbang tul kia leng,
Pahbang pahna kumtawn gam nuom en ngai hai.
4. Hing nem inlen aw Mangpa,
Liengvai genthei ta ka hi;
Hing pui ven Nangma lenna tuol ah,
Lungkham buoina simlei ke’n ngai talou ding.
~~~~~~~
188 Na Vangam ah hing pui in
10.8.10.7.
1. Mangpa Na Hagau in hing puihuoi in,
Simlei lungkham kana gam hi;
Hundamna kulpi sung a leng ding in,
Na mite pui leng zel ven.
Na van gam ah hing pui in,
Simzin lungkhamna nuasie’n;
Ka dougal sietgal khu zou tei vang,
Na vah nuom ah leng tavang.
2. Mangpa Hagau ka sieng a a umleh,
Ka maa meipi a theng zel hi;
Simlei lungkhamna ka nuasie chieng in,
Leng tavang Na vah nuom ah.
3. Mangpa Hagau puihuoina loungal in,
Sang tampi manthaina gam hi;
Bittah in gam siengthou hing tun van in,
Mangpa Na hatna suong in.
4. Genthei zousie kipahtah in thuoh vai,
Hatloute Mangpa’n panpi van;
Lei tawp ma’n Hagau in hing pui zel in,
Thangvan vangkhuo ka tun ma’n.
~~~~~~~
189 Ka lungsim sietna Dimsa
8.7.8.7.
1. Ka lungsim sietna dimsa khu,
Na Biehinn suohsah inlen;
Hing teng leng ta’n aw ka Mangpa,
A sung ah kumtawn dong in.
Na umnateng, Na umnateng,
Kumtawn nunnopna suoh leng (2vei).
2. Sietlei hoina zousie sang in,
Se tampi a na hoina;
Ka masang ah ngoubang lang in,
Khatvei beh mel mu nuom ing.
Ka kiphal hi, Ka kiphal hi,
Na sieng tengkhawm kumtawn di’n (2vei).
3. Hawhkhe sieng in ka gitlouna,
Ka Hagau hundam ta’n tu’n;
Ning taseng ing miel a um khu,
Hing vah in van vah loupi.
Na hing vah chieng, Na hing vah chieng,
Ka lungsung kipahna’n dim (2vei).
~~~~~~~
190 Lili pahlun Mang Jesu
9.9.11.9.
- C. Z. Huala
1. Lei lal puon thupi khu hing tul van,
Sietlei pallun zong sawlbang heu van;
I hinna uh zong tomnou kal in pul sieng thei,
Hinanleh Mangpa Jesu kei a.
Lili pallun Mang Jesu kei a,
Kei ding a pah kumtawn gam nuom ah;
Genthei liengvaina’h Aman hing nem leng van,
Lili pallun Mang Jesu kei a.
2. A lungsietna vangam tuollai ah,
Ama kumtawn Jingdam solnou hi;
Genthei thuoh nanlei zong tami simlei tung pan,
Hing tut tei va a vangam nuom ah.
3. Tu in kap in maumau nanleizong,
Shina in i mit a siin chieng in;
Zaulou in shina khuhmiel pan hing kaithou van,
I luonhi hing nul hulsah tava.
4. Lawmguol ngaite’n tam nei sietlei ah,
Ei nuasie chieng un ka lung ahel;
Nanleh ka lungkham lou khattangin ka hei zong,
Lili pallun Jesu’n he hing nem.
~~~~~~~
191 Kap in Mau tasia uh
12.10.12.7.
- Kamlala
1. Kap in mau tasia uh, Buoina dougal thengta,
Van Salem nunnuom a ngabang lengte’n;
Sietna gal nuasie uh, shina zau nawn vawtlou,
Aw nuom in zaila sa uh.
2. Aw sietlei ka et chieng, lungkham meipi’n abawm,
Genthei liengvai tate huibang mauna;
I kipahnau sunni lenkawl ah hing liem veh,
Aw ka gam nuom ngai na’ng e.
3. Aw sisan pha zal in khum khopi khun ei nem,
Luigal a guolngaite kimna gam khu;
Hing pui galkai ngei va van misiengte lenna’h,
Aw zaidei awi nuom veng e.
~~~~~~~
192 Hundampa Tuol Lenna
8.8.8.9.
- Lianvela
1. Albang mang hen i nuoi simlei,
It leh ngaite gibang khenna;
Natna leh lungkhamna zousie,
Kumsawt nunnopna hing hi tahen.
Lungkham buoina um nawnlou ding,
Hundampa lenna vangam ah;
Sietlei lungkhamna tuong nuasie’n,
Ka Hagau khumnah khawl den tava.
2. Ngai vawi un ka hing kiana ding,
A hun leh ni tung ding hita;
Silsiem lui zousie a thata,
Aw ka Hagau nuom in khawl tava.
3. Lawm guol ngaite’n nunbang nuom in,
Zion Mangpa pahbang tawi uh;
Mangpa kei zong tatna zal in,
Hambang hing huoi in na vangam ah.
4. Tam simlei a albang date’n,
Zion Mangpa pahbang tawi uh;
Mangpa Jesu tatna zal in,
Nunkhuo nopna gam ah hing pui in.
~~~~~~~
193 Hing thou chiet un
13.11.9.11.
- Upa Ngama
1. Enven Mangpa Na sisan a Na tatsate khu,
Tam lei thupina pahpe bang a tul ding;
Misang zatam in hing delsan uh,
Tangtawn gou ding van Sharon Nang donlou in.
Aw hing thou chiet un damlai ni a beisieng ma’n,
Lungchingtah in Mang nna sem va ui;
Tam lei thupina albang mang ding khu,
Tuong nuasie’n len tangtawn gam nuom del naw vai.
2. Tam lei siemsilbawl leh van siemsilbawl mipite’n,
Lei gou sui a van gou taisan na tup khu;
Tam sietlei albang hing mang henlen,
Kumtawn khuo hing vah chieng bang na suoh tadiei?
3. Mang nasem ding dachieng sem vang chichi nawnlou in,
Gen kawi chiet vai Zion tate’n i ma zawn;
Kulsin vangkhuo pan hinna khopi,
Hagau mangte siem hatna’n nua puikia vai.
4. Hing puikhawm tan namchin zata tam sietlei a mi,
Sim-le-mal a mi’n Van Mang Belam sui in;
Tam lei thupina khu taisan in,
Hundampa a pahtawi kal uh ngahla’ng.
~~~~~~~
194 Gal in don leng vang
10.9.10.9.
- Patea
1. Ka thupina ni leh ka hinna di’n,
Gal gim huoi leh zauhuoi umlouna;
Gam daidam apat mel ka muphahlou,
Khum gam tuong tung ding khu ka kinem.
Gal in don leng vang tuong ka tun masie’n,
Ki-lungsietna gam vah leh nopna;
Mite’n khum mun khu lui in gel nanleh,
Etchim theilou pallun in a bawm.
2. Khumi hun chieng in chichin namchin in,
A thupina pallun lai nuoi ah;
Hundampa mel hoi leh a thupina,
Amu chieng un zaila’n awi va uh.
3. Ka Laukha lungkham leh genthei kung ah,
Kilungsietna Khrista thu hinna,
Kei ding a zong kinepna thupi hi,
Halleluiah pahtawi chim lang e.
4. Nuoi sietlei gamdai vahmangthai hi’ng,
Sun nisim lungkham dana’n hing bawm;
Hundampa ang a tuong ka tun chieng,
Ka lungkhamna teng kipahna ding.
~~~~~~~
195 Zuon Vai Nopna Gam
10.8.8.6.
1. A kumtawn gouluo ding in manaw zel vai,
Lungkhamna a i umlai un;
Ka sieng uah hing umpi zing ven,
Ka Hundampa deipen.
Aw nopna gam zuon chiet va ui,
Tangtawn khawlmun ding;
Mubang ngai ing khensate teng,
Kimna gam nuom.
2. Nuoi sietlei pallun lai sawlbang heu van in,
Loubang tullou tangtawn gam nunnuom;
Ngoubang langva tangtawn dong in,
A gam tullou ding hi.
3. Mit a muphahlou ei dia mun guotsa um,
Manaw zel va ui khum gam nunnuom;
Aw khumi gam nuompen ahi,
I tangtawn tenna ding.
~~~~~~~
196 Kanan Gam ka Galdot
9.10.11.9 - Patea
1. Tang a Mousia’n Kanan gal in dot,
Luo zoulou in Mangpa thukham pota;
Kanan gam thupi leh hoina mel in mu,
Kisia a mubang ngai in kap va.
Aw ke’n zong Kanan gam ka galdot,
Keima hatna muong in tung zousia’ng;
Nanleh Mang Jehou in hing pui van in,
Van Kanan gam nunnuom mel in mu vang.
2. Kanan khovui leh sunni tum kuon,
Lamkai Mousia’n sun chin gal in don ven;
Jordan galkai ding khu Hundampa’n phallou,
A it a ngai zousie nuasieta.
3. Lungzuon muoltang aw mubang ngai veng,
Nunnopna’n lawm e tangtawn gam nunnuom;
Khunah galzou Belamnou Mang khawldamta,
A kimvel nopna pallun in bawm.
4. Kanan pallun leh vangkhuo nunnuom,
Lamkai Mousia’n nuachieng heisan zouta;
Ngailou bang in Salem vangkhuo zuon touta,
Kisia a mubang ngai in kap va.
~~~~~~~
197 Ka gimthuoh lai in
9.10.10.9.
- Rev. Thangngur
1. Mangpa Jesu aw Nang ka hing ging hi,
Ka lungkham niin hat ding dang nei vawtsing;
Na sisan zal in nang ka hing nai hi,
Gimhuoi chinteng a tat ka hi zal in.
Ka gimthuoh lai ka sieng hing leng in Mangpa,
Ka havai ni chieng ngai in hing don veng;
Ka gimthuoh lai ka sieng hing leng in Mangpa,
Nang liengvaite henempa na hi.
2. Mangpa koi sieng dang ah ka pei diei?
Nang Tangtawn hinna nei hilou namah;
Na zangaina damtui libang ching in,
Ahing sawpsieng kei mawna dimpa zong khu.
3. Mangpa hunta e na phatna khu?
Na gimhuoi thuoh lah mang di’n ka hing ngen;
Hatmawna ah na silbawltheina khu,
Hing kilah ding khu na kipahpi leng.
4. I Mangpa Jesu’n lul achi khu,
A min a gimhuoi thuohna khu ahi;
Kammei a sana haltuisa nung khu,
A hoi khopteng hi a kipahpi.
~~~~~~~
198 Kumsang Vaihawm Ni
8.9.10.10.
- Pastor Lienpum
1. Kum sang Vaihawm ni hing nai ven,
Keibang lahlieng albang a vai;
Silsiem chinteng leh lei hattuomte khun,
Ngai in hing ngah ung Mangpa hing nai ven.
Mangpa vaw hing kum ven hing ngai ung,
Salem Zion muol Mang thupipen;
Tun leh Juo phungguol muolkhum siengta,
Aw ka Mang nunnem hambang hing huoi ven.
2. Phamngai huibang mau ing Mangpa,
Tam lei daidam ah hambang vai veng;
Mangpa guolzawlna thupi ka mu khu,
Pahbang tawi ma’n lenmuol khum kiata.
3. Phamngai naubang ka ka lai in,
Hundamte laituol ngabang lenna;
I tung Thangvan vangkhuo galdot leng veng,
Lungdeite lailenna Zion mel mu’ng.
4. Ngai ing Jerusalem Zion,
Jawlnei Martar Hundam tate khu;
Phamsa thel thoukia leh Thangvan Saunuom,
Mel mu nuom ing phungguol chibang kimna.
~~~~~~~
199 Hing Pei Mai Ven
9, 7, 8, 8, 12
1. Ka gam tulsa simlei Igip,
Gam leh ka vaina siet gimhuoi;
Nuasie chieng a lungmuonna leh,
Van nopnate ke’n ka luota,
A sung a ka lawm luite zong hing hadoh ta’n.
Hing pei mai ven Mangpa sieng ah,
Aw hing pang ven, Mangpa sienglam;
Mang nasemte kichinglou hi uh,
Theitawp suo a sem di’n nang zong hing chiel uh.
2. Aw simlei a Mang tellou a,
Sum zatam khawl a maute khu;
Abeina ni ding ngaituo vawi,
Laibu Siengthou in ei hil khu;
Dei-umna teng toh albang mang sieng ding chi hi.
3. Sietlei nunnopna’n ei nuasie,
Tu’n gibang khen ding hita hai;
Ka Mangpa hing hatna zal in,
A nasem ding in kiguongtang,
Khantan hoi khaubang sut di’n ke’n guolngai chiel vang.
4. Khai e i Mang na sem chiet vai,
Nuoi a Hattuom a mi sangza’n;
Siet dougal zatam sietlei ah,
Hagau Hundamna khu ngai in,
Hing ngah uh koute zong hing pui naw ven chi in.
~~~~~~~
200 Na Pammai, Na Pammai
10.7.6.6.
1. Kum lui beita i nunnopna teng toh,
Nua chieng hing hei kia lou ding;
Muolliem kumlui ngai ing,
Nunnuom a ka lenna.
Na pammai, na pammai,
Nang hun leh kumlui muolliem;
Na lungsiet zal a namchin nuomsa teng toh,
Huibang mau in galsiel bang don ung.
2. Hun kipah um a liem aw mi tampi,
I damlai pallun a tul;
Hun muolliemsa ngai in,
Zata thum in kap uh.
3. Hithei leh hou ning aw kum kipah um,
Muol nung liemsanta mai maw;
Ngai veng kumlui ngai veng,
Nuachieng hei kia vawi chia.
4. Kumlui toh i kikhen hat kia theilou,
Guolngai kikhenpite zong;
A hinkhuo bei chieng in,
Kumlui toh zawhkhawmta.
~~~~~~~
201 Buoina Muolvum ah
9.8.9.7.
- C. Z. Huala
1. Tu in buoina muolvum a ding in,
Ngahlel in vangkho nuom don veng;
Kumsawt a ka ngillou lungdeite’n,
Nunnuom a, a lenna uh.
Hing ensan sin aw, ka Mangpa,
Naubang ka kana gam daidam;
Tatsate’n tawplou a zai-awina,
Dougal muonnah hing tun in.
2. Sietlei gamdai a ka lenlai in,
Kumsawt taikhuo hing vah chieng’n;
Buoina zousie lummei bang thengva,
Haibang ngahlang nopna ni.
3. Khaubang sauseng kei ding a buoina,
Loubang tul hen sietlei pallun;
Mu nuom veng e tatsa tuollenna,
Lungdeiteng a kimna uh.
4. Damlai gamdai i nuasie chieng in,
Vanmite nunnuom a lenna;
Aw khenlou in khawlna singlim ah,
Tawplou in zai-awipi vai.
~~~~~~~
202 Ka Gam Ngai Khu
8.9.11.5.
1. Lungzuong in muolchin galdot ing,
Lungmuonna um vawtlou simlei ah;
Aw ka tenna gam nuasie in pei tavang,
Ngai kia nawnlou ding.
Aw ka gam ngai khu pahpe hoi in abawm e,
Migenthei hing umpi’n Na sieng ah,
Lal na pah hoi gam,
Lal na pah hui gam,
Nuom ka tang tei ding.
2. Huiva bang a leng thei hileng,
Leng tavang Thangvan sang lam zuon in;
Kalvari muol tung hansie dawn a singtung ah,
Vabuol zing tavang.
3. Heisung ah buol lei guol kim in,
Sunsawt lungzuon abei tadiei maw?
Ahisih guol kim in lunglen a baang dieh lou,
Ka lah baang diehlou.
4. Awleh thuohkhawm chiet vai lungzuon,
Tung Pasian ven zal in dam chiet vai;
Immanuel khopi tuolnuom ah lengkhawm vai,
Sietlei ngailou in.
~~~~~~~
203 Hambang hing huoi in
9.7.10.6.
1. Solbang hing suoh Na simthu pha in,
Tam sietlei tung zelsuoh hen;
Mi sangza’n Jesu a mu theina di’n,
Sian Mang hing tuolkum in.
Aw Mang Jesu hambang hing huoi in,
Pi leh pu dungsun in sietlei miel nuoi ah;
Hambang vai veng e.
2. Hinanleh Mang vontawi Jesu in,
Khiel a shisa hundamte;
Sietlei misieng guitang bang khawm ding in,
Van Mang hing tuolkum in.
3. Tung Vangam nunnopna gam vah ah,
Hambang vaite ngabang leng;
Van Mang Jesu hambang hing huoi ding in,
Sianmang hing tuolkum in.
4. Jesu sieng zuon in nisim pei ing,
Sunchin ngai in galdot ing;
Albang da luonhi a hulna ding in,
Sianmang hing tuolkum in.
~~~~~~~
204 Muot theilou a thou di’n
6, 6, 8, 8.
- Pastor Khawnga
1. Muot thei a tu’n i um,
Muot theilou a thou di’n;
Pahtawilou a tu in i um,
Thupina toh kaithaw ding in (2vei).
2. Hatlou a tu’n i um,
Silbawlthei a thou di’n;
Tahsa a tu in i umta,
Hagau a thou kia di’n i um (2vei).
3. Lei tahsa a piendang,
Van tahsa zong kidang;
Lei loupina a danglam a,
Hagau loupina a kidang (2vei).
4. Mangpa khu aw gin in,
Vansawlsieng loupi toh;
Pengkul ging in hing han tava’n,
Mangpa sieng a tutkhawl ding in (2vei).
5. Shina um kia tasia’n,
Kana um kia tasia;
Shina gu in hing zou tasia,
Melma nukhia khu zouta hai (2vei).
~~~~~~~
205 Hepi Pasian Ahi
8.7.8.7.
1. I Pasian hepina thuh dan,
Jangaina in a dim a;
Buoina zousie hing dawn zangkhai,
Mal a hing zawlpieh leng hi.
Hepi Pasian ahithuoi (2vei).
2. Sil hing um in a mang kia leng,
Mihing a mang kuonte toh;
A hepina pen angaingai,
Tangtawn a zong dang ngailou.
3. Vangsietna i chite zousie,
A hepina theisahtu;
Nanleh lungkham mangbat buoina,
Nuomna’n a bawl zouta hi.
~~~~~~~
206 Kalvari ah, Kalvari ah
8.8.8.8.8.8.
1. Ka Hundampa khu puita uh,
Kalvari ah, Kalvari ah;
Kross gihtah khu a posah uh,
Baa mama in a puapi a,
En un Pasian Belamnou khun,
Sietlei mawna a po zouta.
2. Mikhiel toh khun a khaisang ua,
Kalvari ah, Kalvari ah;
Engbawlna lukhu khusah in,
Sing hanse dawn ah amau a;
Tu tan in zong ka mawna in,
Ling sa’ng zong a sun naazaw hi.
3. Nuomna tuipi chim ka dawnta,
Kalvari tang a luongkhie khu;
Van Manglukhu khuh theina di’n.
Ama’n linglukhu ana khu;
Hing hepi dan ka gen theilou,
Mangpa phatla’n ka pahtawi ding.
4. Ka Hundampa khu ashita,
Kalvari ah, Kalvari ah;
A thuohnate khu ka thei in;
Ka mawna lummei jing thengsah;
Sisan lul in ahing tanta,
Mawna pat pawt in ahing chi.
5. Dangkatah Manglukhu sang in,
A linglukhu a etlawmzaw;
Sietlei hoinapen sang inzong,
A melsiet lai khu a hoizaw;
A loupina a kijem khu,
Bangchi lawm in a kilawm diei?
~~~~~~~
207 Gibang khenlou ding
8.8.8.5.
1. Mou leh mounei annbang ki-it,
Houlungtuoh a sumbang tuosa;
Gibang khenna um nawnlou ding
Simthu chiemsa hi.
Nang na khen ding maw?
Hinna khat suohsa;
Mangpa dan in,
Gibang khenlou ding.
2. Mang vontawite sumbang tuo in,
Ngabang lenglai thuchiem ahi;
Lie leh tang pallai hing kilou,
Gibang khenlou ding.
3. Lungmuonna vondei zatam toh,
Mangpa’n lumbang in hing sung hen;
Banzal a siakuol a khamsa,
Gibang khenlou ding.
4. Houlungtuoh a sumbang tuoh in,
Seiniem, seisang, lie leh tangte’n;
Simthu leh zaila piendang in,
Lambang pahtawi vai.
~~~~~~~
208 Sawlbang baang theilou
12.12.10.12.
1. A hing hepi Mang vontawi in he hing nem in,
Sietlei dougal hing hat lungkham meipi’n hing bawm;
Hambang hing huoi di’n hing naw ven Hagau,
Nuoi sietlei gam daidam ah vaibang tham sih vang.
Aw ka ngai sawlbang baang theilou Thangvan gam nuom,
Gal in don vang tam sietlei simkho zinna ah;
Ka ngai semsem etlawm vangkho nunnuom,
Khum gam nunnuom sisan zal in.
2. Khuoimu bang hing leng ven sietlei gam daidam ah,
Liengvai seng ung na tatsate nuoi simlei ah;
Hambang hing huoi in mang sawt nawnlou di’n,
Na satsa gam nuom tullou a tuong tung ding in.
3. A hing lungsiet Mang Jesu aw ka damnapen,
He hing nem in lungkham liengvai Na tate khu;
Na ban hat in hing kai in Mang Jesu,
Nunbang nopna sunni bang tanna gam nuom ah.
4. Thangvan gam nuom tuong tung nuom in aw Mang Jesu,
Sangga liengte’n Mang Jesu pahtawi uh khumnah;
Ngabang leng nuom ing e Jesu sie’ng ah,
Pahpe bang lun gam nunnuompen Thangvan tuol ah.
~~~~~~~
209 Ngai in Galdot ing
11.9.11.10.
- C. Z. Huala
1. Adam suon shina han miel zing nuoi ah khun,
Simlei namchin vontawi kap in mau;
Kei bang a vangsie umlou khuo vannuoi ah,
Ka tuoidawng pal lunlai sing bang tanta.
Ngai ing ka juo Sau nunnuom gal in don veng,
Lungkham lusun naubang kana um nawn vawtlou;
Lungdei ka ngai tuongtung masateng khun,
Nunnopna Mang nunnem pahbang tawi uh.
2. Gel sau ngam lang e i tan ding shina khu,
Bang ka suoh tadiei ka lungkham veh;
Phamngai kap he nem ding umlou simlei ah,
Ka Mang nunnem nopna pallun nanglou.
3. Lungkhamna leh buoina meipi kinawng kal ah,
Don veng nuachieng hei kia talou uh;
Hepi Mang lenna Zion tang loupi khu,
Zuon in kalai silpuon bang baangta uh.
4. Kei zong ka damlai ni ahing bei chieng in,
Lalna gam nunnuom tang tavang in;
Lungdei guol ngai phamsate toh lengkhawm in,
Belamnou phamsa zaila’n awi tavang.
~~~~~~~
210 Buoina Tuipi
Mat. 8:25 8.8.8.6.6.6.7.7.
- Upa Ngama
1. Lei hanse dong na kungtung a,
Solna lummei ahing zin chieng;
Ka Mang mel dei um lie zouta, Jing taikhovah ngah in.
Miellai ah kei tou ing, Jing taikhuo hing vah in;
Miel nei ah kap in vai ing, Pielgal sunni hing sal in (2vei).
2. Buoina tuipi na tung ah khun,
Galili tui kinawng bang in;
Ka melma dougal hang nanleh, Guo leh huipi nei ah.
Lungkham leh gimthuoh in, Hing imm kimvel nanleh;
Kuongmei ah ka Mang Jesu,
Hing panpi ding anai hi (2vei).
3. Simzing a taikhovah ngahte,
Tu tan in zong thawn diehlou hi;
Kei zong ka Mang Jesu ngah in, A thuhun a ding in.
Mang David meivah khu, Ka peina ding tuonglam;
Ka lu hing liekhu ding in,
Mangpa mei hing vah kiata.
4. Na sulnung hing zui in Mangpa,
Gim-um ka thuohnate teng khu;
Hepina silthawnpieh ahi, Zan miel khu khenta hai,
Khuo ahing vah kiata, Thou un Zion vontawi;
Gam lun ding na sem va ui,
Lummei zing ahing thengta.
~~~~~~~
211 Beaulah Gam Nuom
8, 8, 8, 8
1. Gilkiel dangtah um nawnlouna,
Gam nunnuom penpen ka tungta;
Tua gam nuompen nibang a taang,
Mielna himhim umlouna gam.
Aw Beaulah gam nuom Beaulah gam,
Muol sang tung pan galdot leng ing;
Kei a di’n bawl zou sieng mun,
Tuipi etlawm gal ahing lang;
A kilawm dan etchim theilou,
Thangvan sau nuom ka tenna ding.
2. Tua gam nunnuom tuong tung nuom ing,
Hundampa’n ka ban ah hing kai;
A banzal in hing huoi, hing pom,
Tungvan gam nunnuom a hing tun.
3. Gim namtui in hing zam ziiziei,
Pah namtui hui sieng bang lang in;
Vul ngailou pahpe hoinou pah,
Luong tawntung e hinna tui sieng.
4. Vansawlsiengte zaila awi ging,
Lungsim in zong kei hing han uh;
Silpuon minthang a kizem in,
Sal pawtna zaila ngai awi uh.
~~~~~~~
212 Hepipa Pasian in
7.6.7.8. - Chawngkunga
1. Aw hepipa Pasian in,
Ka lungsim sung ah khun;
Hing pieh Hagau nuomna khu,
Van leh simlei ah adim e.
Mihing leh mipilna in,
A geldoh zou vawtsih va uh;
Ka Hundampa na thuguh khu.
2. Aw hepina a sang e,
Simlei pilna sang in;
Hagau hing pieh hinna khu,
Aw ka hinna Mangpa phat in.
3. Aw kei mikhiel mangsa khu,
A hepina vang in;
Hagau nuomna hing pieh khu,
Simlei pilna’n a zoulou e.
~~~~~~~
213 Hinna Singba Kui
Rom. 5:12 9.10..10.6.6.
- Rev. Thangngur
1. Adam hah leh suon lenna sietlei,
Mawna gu in a zelsuoh kumchin in;
A hoilai ni leh a hatlai ni zong,
Pahbang pah manlou in; Hun in muolliempita.
2. Hun muolliemsa sulhei kia tasia,
Pahpe vulsa hing pah kia nawn tasia;
Pienthana Hagau tam sietlei ah,
Khantan hoi in hing hil, Khrista ngaidamna khu.
3. Puipa ka ngai khu melmu ding in,
Jordan lui gal a hing puikai ding in;
Hagau Siengthou nang hing leng inlen,
Buoina mei thengsah in, Khrista hing musah in.
4. Thangvan zawl a Jingsol Alsi khu,
Lei a Saron pahpe sang na hoizaw;
Na mel a van hepina pah in,
Hip in lei mihingte, Van khopi hing tun in.
5. Van khopi tha a ngabang lengte,
Simzing nuoi ah liengvai um ngai vawtlou;
Hinna tulsing zam ziiziei nei ah,
Hinkho tha a leng in; Sihtui sieng a dawn uh.
6. Hithei henlen hat kia thei hileh,
Hun muolliemsa khu han kia zel tavang;
Ama sumil a ka vai lai in,
Ana sepna ding in, Akim a pieh ka nuom.
~~~~~~~
214 Hing hil vawita
John. 19:33 10.10.9.10.
- Upa Ngama
1. Ahing hil zou thei koi a um tadiei?
Sun leh zan in mi zatam ka dong a;
Hil siem leh theisiem tampi um,
Hinanleh hil zou thei mi um vawtlou.
Hagau Siengthou nangma’n hing hil vawita,
A pienna Bawnginn leh a shina Kalvari;
Lei mihiem lungmawlte’n,
Joar hing tunpa khu;
Hil zou thei um vawtlou,
Hin khopi luo di’n.
2. Bethlehem ah van bungpi a phut ua,
Khosah mi leh Belampute puipa;
Jingsol alsi kei zong hing pui in,
Mu nuom ing Mang vontawi sambang zalna.
3. A pienni’n Herod gal ahing lien a,
Khapham ding Judate’n zingvai hawm uh;
Ka khelman din sieng di’n ka Mangpa,
Mikhielte’n phamsah uh khopi pam ah.
4. Mi chinteng in hing en di uo Mangpa,
Jerusalem nunaute dinmun ah;
Hanse dong Singlamte ah khai uh,
Lungkham luonhi luonglou thei hi vawtsih.
~~~~~~~
215 Kilel Minthang
16.17.17.
1. Kilel minthang mihing tapa,
Dougalten Kalvari muol ah;
Ka laukha a lungsiet zal in gilou khut ah a kipekheta,
Mihiem thuoh guollou shina athuoh in simzing in zil akiling.
Ahun a naita ka laukha guobang hinna din,
A thupi tan nichiem khuleh tahsa solna dou zouloute khun,
Van en in kap ta nanleuhzong ngaidamna khu,
Tang thei tasia uh.
2. Van lam en in a Pa kung a,
Thuohlouna ding ngaidam a thum;
Pa vaw hitheileh tami nou khu kei a kipat tawlmang in;
Ahinlah keima deithu hilou in, Nangma thu thu hizaw hen.
3. Nai kuona ding dawn in Jesun,
Eloi, Eloi lam a Sabak thani;
Chi in hapen in a peng sun kim apat ni hing kai dong in;
A Pasian ni leh ha Alsi zong anguui in akapta uh.
4. Lungsietpen Tapa tangkhat khu,
Golgotha a chi mun uah khun;
Uaiin thua toh a kihal khu a dawnsah un a dawn nuom tasih,
Khumin singlamte ah a kilbeh ua anah teipin a sun uh.
~~~~~~~
216 Kipah vai, Kipah vai
12.12.12.12. Lk. 2:8-11
1. Tam nuoi simlei ah Mang sangza ana piengta,
Hinanleh Mang Khrista bang piengkha nai vawtlou;
Hundampa ahing pieng Bathlehem bawnginn ah,
Van Mang Ta pahtawi din lei leh van mi kikhawm.
Kipah vai, kipah vai, Van Mang Ta pahtawi vai;
Apien ni in Vannuoi kipahnan luo dim hen;
Van Mang Ta ahing pieng Manglukhu hawm ding in,
Van misiengte zousien zong hing kipahpi chiet un.
2. Van Misiengten pahtawinan kipah la sa uh,
Khumi Belamchingten a thei un gam nuoi ah;
Hundampa umna khu kichientah in hil uh,
A belam uh nuasien Mang chibai vabuh uh.
3. Suolam mipilte thaunamtui keng in hing pei,
Thangvan Alsin amau uh ahing pui zel a;
Gankuong a atun Marin apom vamu uh,
A goubawmte hong in Mang chibai abuh uh.
4. Leng Herod in tam thu athei in lungzinpi,
Chibai buh a kilep in mipilte dong in;
A galkap hangsante khawm in Juda gam ah,
Chibai buhna mulkimhuoi pe ding in kuon uh.
5. Aw Jesu tu in ka lungsim bawnginn sung ah,
Hing pieng tha kia inlen ka kumtawn Mang ding in;
Ka khut sienglou na tun Mari khut in gel in,
Kumtawn in kipah in Nang pahtawi leng va ung.
~~~~~~~
217 Tangtawn Pielgal ah
Kil. 21:4 6.9.6.6.8.9
- Pi Kimnu
1. Lungkham genthei thuoh a,
Naubang kana nuoi simlei nin-um;
Bangchih chieng a bei diei? Chia ka vadohtahleh,
Kei chinthun albang mang thei siang;
Chinthu neitu tong hing kum un chi.
Aw kumtawn pieugal ah, Leng nuom ing e (2vei);
Kumtawn pieugal ah, Phamsa thoukia leh,
Angel sieng ngabang lenna,
Mang von sieng ah lungkham umlou ding.
2. Gamdai gamgaw mun hi,
Setan gal hatna nuoi gam zau-um;
Ngabang len lunglel ing, Ka von liengvai von lungsiet um;
Lungkham sengseng sih ven aw,
Khum ni chieng tahsa misiengte toh.
3. Van mite nop zailan,
Khum ni chieng in van thawn kimvel van;
Khum ni a tun chiengleh, Lei a na lungkhamna luong;
Hituibang luong hing nulsieng vang chi,
Sian Mang vontawi nunnem in achi.
4. Khumi mun nop ding dan,
Mangpa ngahla in galdot leng veng;
Simlei ka leh mauna, Gam ka pel chieng van Belam,
Nou toh pahtawi zaila sa ding;
Ka gel chieng nuom in naubang nui ing.
5. Ka nuomna leh ka ngai,
Tawptheilou khu phamsate zal in;
Hing na nuasieta uh, Pieugal a khawldam ding in,
Mubang ngai galdot chim theilou,
Van khopi tuolnuom ah lengta uh.
~~~~~~~
218 Kulsin a khaubang chie
11.11.12.11.
1. Kulsin a khaubang chie aw hing ngai tasiang,
Lungkham simjing in kulsin mangbang bawm zong;
Na masang uah Mangpa Jesun nusie zouta,
Ahing hepina banzal in hing huoi ding.
2. Kulsin a sambang na zal melmulou in,
Na manaw Khrist loungal lamdang umlou hi;
Ahing itna banzal in hambang hing huoi ding,
Khielneiloupa pham nua’h khielten lam-et di’n.
3. Kulsin lamzawt chia sietlei tuong nuasie in,
Na laukha lungzau in jilbang kiling zong;
Selung na muonna thangvan sunni hing tang ding,
Serafte nunnop zaila awina mun ah.
4. Kulsin sung zuon lungdei aw hing ngai tasiang,
Tung Sian Mang vontawi in lumbang hing sung ding;
Hing piein hing pui aw hing thasah kia ding hi.
Mangpa pham nua’n phamna gubang um nawnlou.
~~~~~~~
219 Aw Mihang
Joshua 24:29-30 7.9.6.6.6.6.
-V. T. Kappu
1. Aw mihang muolkhum siengta,
Sietlei lungjinna gam nuasie in;
Kanaan gam nuom zuon uh,
Lungkhamna thupi khu;
Ginna ha a jah ua,
Mubang in lengkai uh.
2. Aw mihing a kim nawnsih,
Khelna gallien khuombang dou ding in;
Laukha sulhei kia ven,
Lungkhamna gam ah khun;
Khelna gal ahing lien,
Liengvaite dou ding in.
3. Aw jingvai hing hawm kia in,
Zion kul sung a na hawm bang in;
Jingvai hing hawm kia in,
Mielna gal hing lien e;
Zawna Hagau Siengthou,
Ka tung uah hing leng hen.
4. Aw manlang in aw Mangpa,
Na lungsiet huong sung ah gal alien;
Gam taan zaulou nama,
Zion bitna kulpi;
Zawna hiem hing keng in,
Tuibang in hing lien in.
~~~~~~~
220 Lei Nuasieta uh
13.9.12.12
1. Ngai vawi van Mang Ta khu Behlehem bawnginn sung ah,
Lei mihing bang in ahing pieng hi;
A thupina Van Mangtouna hing nuasie in,
Hing hundam ding in bawnginn sung ah hing piengta.
Pahtawi va ui Lei leh Van mang Ta khu,
Nunnuom in Mang phat la sa va ui;
Liengvaite leh gentheite Mangpa,
Tuanah Bethlehem ah nang din mun umlou;
Tun vang ka sieng uah nang din mun a um hi.
2. A pienna mun genthei Bethlehem bawnginn lou khu,
Ama ding in mun a umsih hi;
Sambang zalta Bethlehem bawnginn daidam ah,
Lei mangte leh Ama miten sumbang nuol uh.
3. Mang tungnungpen mun sangpen a um Mang Jesu khu,
Lei a mangten Ama dou nanleuh;
Kei a ding in vang Mang dei-umpen khu ahi,
Liengvai ka nuomna dia Mang thupi hing pieng khu.
4. Tuana Bethlehem ah nang din mun ana umlou,
Nang misiengthou Van Mang pienna ding;
Tun vang tanah Nang din mun siengthou a um hi,
Jesu ka sieng uah teng inlen hing umpi tan.
~~~~~~~
221 Hing hunkhie in
8.7.8.7.
1. Ka tahsa mawh hatlouna leh,
Gitlounaten hing subuoi;
Khelnate kideh zoulou in,
Ka nuasie thei nawnsih hi.
Hing hunkhie in (2vei),
Khovah mukal ngahla ing.
2. Taikhuo vah ding ka ngahlel in,
Jing phal hing vah kal ngahlang;
Na kot hon kana ngahlel a,
Ka henkol bu hing sut ding.
Khovah ngah ing (2vei),
Zan khomiel lungkhamna ah;
3. Khuo hing vah ding eng singseng e,
Lummei zing daibang theng ding;
Lummei leh guopi kikhawmte,
A then hun hing um ding hi.
Tua then hun ding (2vei),
Ginna in melin mu ing.
~~~~~~~
222 Ken vang Na Linglukhu
Mat. 27:29 9.6.7.10.7.7.
-V. T. Kappu
1. Ka Hundampa Nahing kum lai in,
Na Siemsate in maw; Na linglukhu ding siem uh;
“Mang min a hing kum hiing” chi nanlechin,
Linglukhu ana siem uh, Na Manglukhu ding in maw.
Ken vang Na linglukhu hi,
Manglukhu chiin malbang lou thei siang Mangpa;
Ahing engbawlna uh khu,
Na Manglukhu tahpen hilou i?
2. Na Manglukhu en in kalung hilou,
Van Manglukhu lou maw? Na len laivangel nou toh,
Kibang nawnlou maw Hundampa Jesu,
Na hing lungsiet zal in maw? Simlei ah Na hing vai maw.
3. Ka khel zal in maw ka Hundampa,
Genthei thuohlou ding khu; Shi tan in na hing thuoh a,
Van Mang Ta ka hi chiin na thum zong in,
Na chii Israelte’n Mang ding in, Hing deisih uh.
4. Kouma ding a na thuoh nat dan khu,
Na tatsate in maw; Na theisiemta maleh uh;
Engbawlna linglukhu toh na peina,
Kap in hing sui zel va ung, Kalvari muol tung dong in.
~~~~~~~
223 A Hagau Pui Ka Hi
Kihil. 6:1 10.10.10.11.
- Rev. T. Sungte
1. Jordan gallam ngai a lunghel lai in,
Aigupta Sepaiten ahing imm uh;
Hinanleh ka Mangpan ahing phallou,
Malam a pei ding in ahing hil ahi.
A Hagau pui ka hi,
Hing nuasie lou ding heisung mun ah zong;
A thuchiem a von kim ma in,
Hagau in hing pui zel peh va.
2. Tam sietlei dawngkot khu ka hing etleh,
Kouma pawl, Nouma pawl chi atam hi;
Kei vang khu Khrist pawl in ka lung akim,
Tam ma khu tangtawn gam hing tut galkai ding.
3. Jordan tui kinawng ah khun zau lou in,
Mang Khrist masuon a galkai akul hi;
Gallam a miten malbang ahing han,
Hing kai inlen nualam ngai nawnsin achi.
4. Shi leh hin zaulou in ka hing pei hi,
Buoina tuipi lien in ahing tuom hi;
Hinanleh ka Mangpa hatna zal in,
Hinna tui luonna gam ka galkaita hi.
5. Khuchiin unau nang zong hing kai sam in,
Mangpa hausatna khu hing zou sam in;
Aloupi a nasat dan lamdang hi,
Vannei a ham chinteng in phuong zoulou ding.
~~~~~~~
224 Jerusalem tha
Kih. 21:1 7.7.11.14.11.
- Upa Zalawm
1. Vangam loupitah tanchin, Koi in ahing gen thei diei?
Lungkhamna tam simlei a i lenlai in,
Hundampa Jesu Khrista;
A zilsah lungsiet kung ah,
Vangam loupi dan khu a theisah ahi.
Aw vangam hoi nunnuomtah khu,
Lung kituoh a kikhenlouna gam ahi;
A itna gam hoi jamjiei,
Loupina vah hoi jamjiei,
Ka tung sam ding khun gam hoi leh kilawm ah.
2. Khum khopi vah hoitah khu, Amin Jerusalem tha;
A immna baang khu suongmantam atang hi,
Amin a gen dangka leh sanatui ataanna ah,
A immna tuikep suong a kijem ahi.
3. Khum khopi nunnuom ah khun, Nisa vah ngai nawnlou ding;
Ha leh Alsi tang zong khu ngai nawnlou ding,
Khum mun ah Mangpa Jesu, Ama mai be tavai in.
Mangpa Jesu phat in Ama be tavai.
4. A hepina leh hoina, Pahtawi in la sa vai in;
Lungkhamna leh khelna kidah umnate,
Kidouna um nawn tasia dawngkot ginglawm loupi ah,
Mangpa hepite bou khu lut thei va uh.
~~~~~~~
225 Siet sal a tangsa nua
Gal. 5:1 12.12.12.
- Thanher
1. Eite hing sui in maw genthei chinteng athuoh,
Mang hina nuasie in Simlei ah ahing pei;
Lalieng a genthei in maw ka Hundampa khu.
Siet sal a tangsa nua Ahing tandoh kiata,
Shitan pha a thuoh in;
A sisan lul apawt aw ka maw sienna ding in.
2. Zion inndan sung khu lungsim in galdot vawi in,
Aw ka Hundampa khun A sisan ahawm a;
Lungkham in adawn ua Ama nuazuite khun.
3. Mang kumpi Pilat in Shi diin jingvai ahawm,
Apia a linglukhu leh a khetbehna ding;
Kalvari muol lam ah dougalte’n sangbang naw.
4. A zalzoute haw khu hei sung a um uuh e?
Ka dang atah chi in Kross tung ah a mau a;
Ape ding um lou i Simlei maw pawpa khu!
~~~~~~~
226 Tamna Leng Hen
6.6.8.6.
1. Zan sawt khangkim lai in,
Zalna maimit siing uh;
Belampute husa za in,
Bethlehem tang tung ah.
Tungnungpen ah loupi tahen,
Sietlei ah lem thu leng tahen chi uh;
Tungnungpen ah loupi tahen,
Lemna leng hen chi in sa uh.
2. Lungsiet tuipi kinawh,
Apang anawt let hi;
Aleet in simlei a tumsuoh,
Vanmiten zailan awi.
3. Maimit hem in mel mu’ng,
Sinlai vabang hing phawng;
Tangtawn lemna Mangpa phat in,
Vanmiten zai-awi uh.
4. Nouma vanmite aw,
Sietlei siet miel laai ah;
Lei ah lemna leng hen chi in,
Zaidei awilou ding maw.
~~~~~~~
227 Hing Henem in
9.8.8.9.
1. Aw Mangpa lungkhamnan ka dim zing,
Vangsietnate’n hing tuom kimvel;
Ka leh mauna gam daidam ah,
Luonhi pum in kahing sui zel hi.
Aw ka Mangpa ka lungkhamna zousie,
Na khut sung ah hing kemsah ing;
Nang lungkhamtate henempan,
Kei zong hing henem in aw Mangpa.
2. Aw Mangpa ka lungkhamna nempa,
Nang loungal hing laina umlou;
Koi sieng lambang kahing sui diei?
Nang bou hing hepipa khu na hi.
3. Lungkham meipi kei din a zing leng,
Mang David bitna kullpi in;
Kei zong lumbang in hing sung in,
Khiel liengvai ta kei zong hing pei ing.
4. Malai kanaan gam dung leh vai ah,
Lungkham tate na henem leng;
Genthei taten na mel nuompi,
Kei zong ka nuomnapen khu na hi.
~~~~~~~
228 Hinna damtui a luong
8.8.8.7
1. Ka lenna gamdai nuasie in,
Van Jerusalem nunnuom ah;
Bangchih chieng tuong ka tung tadiei?
Na tangtawn pielgal gam ah.
Aw ka ngai kikhenlouna gam nunnuom ah,
Hinna damtui luong;
Hundam taten a dawn ua,
Tangtawn hinna tang uh.
2. Belamnou lenna gam loupi,
Ngai in nisim in ka don a;
Aw Hagau Siengthou hing leng in,
Na gam ah hing pui kia in.
3. Dawngkot kilawm khu a hong a,
Aging lawm in selung aleng;
Misiengthoute lenna gam ah,
Aw kei zong len ka nuom hi.
4. Khum mun ah khun ka Mang dei-um,
Amel sunni tang lai bang in;
Avahte khu ngoubang jam in,
Tangtawn a damna ding in.
~~~~~~~
229 Loupi tahen
10.9.10.10
1. A pienna sausuon sung khu ka et in,
Van mipi gen angelte nuomlai;
I khel zal in ka Mang Hundampa khu,
Khennan simthu lel Angel lungtuohte.
Aw loupi tahen, i Mang Hundampa khu,
Jawlnei genlawh Mang Immanuel khu;
Ahing tung e tangtawn pielgal lampi,
Thou un leimite, en un i Mangpa khu.
2. Theisen a na pienna bawnginn daidam,
Solna meipi zing nuoi ah ka hing galdot;
Ka sinlai na zen e Mangpa Jesu,
Hagau vaihawm ven Mangpa pahtawi ding in.
3. Mang tamtah hing pieng nanle-uhzong,
Ka Mang Hundampa bang umlou ding;
Lahlieng vannei tanpa Belamnou khu,
Hing nuompi un Van Angel lungtuohte.
4. Na sulnua hing sui in ka Mang nunnem,
Genthei lalieng liemna chiteng thuoh in;
Mihangsan dawng lilipah muol mu in,
Hagau hing leng in awi va ui Kalvari.
~~~~~~~
230 Thangvan Alsi Vah Hoi
12.9.10.8.6
1. Aw Van Hagau sieng mei leh mei bang a lamkai,
Mang Immanuel hing nai kia in;
Tam simlei gamdai a ka lenlai in,
Hing vah kia in Thangvan Alsi;
Alsi vah hoipen khu.
Thangvan Alsi, Thangvan Alsi vah hoi,
Ka Hundampa leh ka Mangpa deipen na hi;
Zauhuoi tuipi kinawng in gal hing hat nanleh,
Ken bel tavang kumtawn hinna Mangpa.
2. Thangvan Jerusalem dawngkot a hon chieng un,
Suongmantam tuollai ah leng tavang;
Gitlou zal a ka lungkhamna zousie,
Gam thupi tuong ka tun chieng in,
Pahbang a pah zing ding.
3. Belamnou lenna gam sunni tumlouna ah,
Tatsa hundam tate lengkhawm in;
Belamnou pahtawinan zaila sa uh,
Hinna singlim dam nuoi ah khun,
Puonvam sil in leng uh.
~~~~~~~
231 Na Lungsiet Kul sung ah
10.10.10.10
1. Hagau hing leng ven Eden a sil lui,
Hing mang van in na gam nuom zuon va ung;
Khuchieng Na loupina zousie mu vang,
Pahtawina zaila tuiluong bang ging va.
Immanuel Na lungsiet kul sung ah,
Solna dougal lien e hing nai kia in;
Hing kile kia in ka hinna na hi;
Na lungsiet kul sung ah,
Aw sol;na dougal lien e.
2. Aw kipahna guolzawlna ni thupi,
Na hin tuonglam muonna ah hing pui in;
Jordan tuipi lien hing kinawng nanleh,
Kanan gam nuom luipi khu galkai vang.
3. Tungleng vabang a leng siem hileng kei,
Ka hinna Kalvari tang vatung vang;
Khuchieng khum gam ka nuasie kia chieng in,
Sunni tumlouna gam nuom zuon tavang.
4. Aw ka damlai ni a bei nua chieng in,
Nopna khopi tuollai ah leng tavang;
Kalvari phamna phat a zai-awite,
Kipahna tul theilou in leng tavang.
~~~~~~~
232 Simlei gam zilza ah
12.10.10.6
1. Kaplou thei ka hilou aw ka lainate khu,
Nualam sulhei ding lah gel nawnlou ua;
Pielgal gam nuom tuong a tung siengta ua,
Sulhei ding lellou in.
Ka kap simlei zilza ah,
Mun in gam lou galdot lunghel niin;
Loubang tulsa ngai in mau ing,
Thelbang thousah tang a hin luite khu.
2. Up hasa he hing nem dingte lah sulheilou,
Ka kahna khuo khaubang sauseng Mangpa;
Laituol lenna mu nuom ing amel uh,
Angelte dungsun in.
3. Zion liimvang bel uh hepi lungdeite toh,
Gal muonna tang tung ah zaila awi uh;
Haibang ngahlang e khum gam kilawm nou,
Laituol lengkhawm ta vai.
~~~~~~~
233 Tom seng taluo veh aw
11.10.12
1. Tom seng taluo veh aw simlei pallun zong,
Hun in peimangpi in a tulkia leng;
Khenna ding tungsunni kawl ah sielbang suohta.
Damtah in unau ngai-umte kikhentani hai,
Hasieng pui a i tennau mun gam lam zuon in;
Mang Jesun hing veng zing tahen kumtawn in,
Hing leh dam a dawnbang kituoh kia di’n.
2. Tongsie kilaw atam man in nunnop kim theilou;
Khen tani hai i Mang nna sem ding in;
Gin zal Kalvari ah mel kimu khawm kia ni.
3. Kingai man a kihou taang thei ding lah hisih hai,
A liemsa hun hat kia thei lah hilou;
Kikhenlouna khopi Salem tha e’n ngai hai.
4. Kap a i kikhenna simlei hinanlehzong,
I ngah Mangpa ni loupi hing tun chieng;
Lungkhamna kipah suoh in naubang nui tani.
~~~~~~~
234 Thangsuoh naw hen
9.10.8.8.
1. Kalvari a Na hepina in,
Thangsuoh naw hen sietlei namchin lai ah;
Nangma tatsa sietlei mite,
Shina hansie kal ah leng uh.
Mangpa Jesu Na loupina leh hepina,
Thangsuoh naw hen namchin lai ah;
Mihing lungsim sietna dimsa,
Na min loupi phatna’n zai-awi hen.
2. Gam lungsiet um leh buoina kal ah,
Koi hei Mangpa nasem ding a kuon ding?
Sim leh mal ah Nangma min lun,
Panpi ding dang mi um vawtlou.
3. Vannei khelna khu lummei bang in,
Ahing zing hi Mangpa ka lunglai ah;
Hing hawhkhien len van meikuong in,
Nang din pahbang ka al kia ding.
4. Ka kap Mangpa Na gam nuom ngai in,
Tangtawn gam leh Na hepite lenna;
Bangchih chieng in lungkham mauna,
Pel in luonhi a hul tadiei?
~~~~~~~
235 Ka Pan ahing theita
8.5.8.5.8.5.8.5.
1. A hepina a ka khawl in,
Ka pan ahing thei;
A deilam na ka bawl chieng in,
Guol hing zawl leng hi;
Phatuom ngaina ka nei chieng in,
Kei din guolzawlna;
Lungngai a ka shina zieh in,
Hepina ka mu.
2. Ata a ka um ma peh in,
Ka pan hing theita;
Gam daidam a ka len lai in,
Aman hing veng zel;
Tutan in hing na pui zel in,
Zau-um lai ah zong,
Nunnuom in keiman zui zel vang;
Zion tang dong in.
3. Mangpa noutawi ding in kipien,
Len simlei tung ah;
Na sietna tengteng toh zuon in;
Hing na dawn ding hi,
Na nuomna tul kia nawnlou ding,
Mangpa ma ah khun;
Mangpa khu phat in zai-awi vai,
Zion tang dong in.
~~~~~~~
236 Hing pei kia ding
8.8.8.6.
1. Ngai vawi hing pei kia ding hita,
Loupina toh van mei tung ah;
Ka Mang Immanuela khu,
Vannei vaihawm ding in.
Namchin chichin a mangtoupha ma ah,
Khantan gen in kikhawm van;
Salem Mangpa ma khun aw,
Bang hei ka gen tah ding.
2. Amel loupi nibang a vah,
Gamdawite leh dougal zousien;
Tatte naubang nui ni chieng in,
Zau in jilbang ling tava uh.
3. Tam simlei lungkham genthei khel a,
Pei masa leh Angel vam toh;
Salem tha nuom a leng in,
Chim ni um nawn tasia.
4. Lungkham leh ka um nawn tasia,
Van semguo dah ginglawm ngai toh;
Kalvari B elamnou phamsa,
Phat in pahbang tawi vang.
~~~~~~~
237 Shina Jordan
II. Samuel 3:31 6.8.10.5.12.
-Rev. Thangngur
1. Lungkham kana goppi, Buoina nempi ka thuohpiten;
Shina Jordan ahing kaisanta uh,
Khattang a pei in,
Anua uah lungkham leh genthei in ka liengvai.
Damlai gamdai khu bangchia zin ding kahei?
Van lilipah khopi hoi a tatte;
Phungkim a lengten,
Ka maban gamdai khu gentheinan lang siengsah uh.
2. Gamdai ka pel ma in, Buoina nempi tuoh ding kahi;
Lungkhamna tha hing tung ding toh tua,
A tungsate zong,
Van nuomnan khaltuibang in ahing nem thei.
3. Gamdai ka zin sung in, Nuachieng-machieng ka en vel a;
Mipi thumgingte a tam hi lungkham,
Mangbang kikou toh,
Van nuomna mulou in nempi liem siengta uh.
4. Sietlei na tung gih me, Miel in aha hing jahkhum hi;
Gawtmun meikhu gim na namsiengta uh,
Na na sem ding in,
Loupina meilum in ka laukha chiel nawnta sin.
Gam lun ding nasem din hingchielzawta uh,
Van lilipah khopi hoi a leng ding;
In na sung ah khun,
Mishi lai van hinna thu khu gen kawizaw tavang.
~~~~~~~
238 Vanmang Von Siengthou
Lk. 2:11 5.10.10.10.5
-Rev. Thangler
1. Kei ka khel zal in,
Van Mang von siengthou simlei ah hing pieng;
:$: Simlei a mihiem min a at lai un,
Bethlehem bawnginn sung ah ahing zal;
Kei ka hinna din (2vei). DS
2. Michinteng a din,
Hundampa Jesu naungeh in hing pieng;
:$: Van mipite khun nuom la hing sa uh,
Tungnungpen ah Pasian thupi tahen,
Chi in zai hing awi (2vei). DS
3. Aw A min lamdang,
Lemguottu Mangpa Lemna Mang hing hi;
:$: Lemna leng henlen simlei tung ah khun;
Suolam mipilten a sulnua hing zui,
Agam bei tasia (2vei). DS
~~~~~~~
239 Zalna Laikhun Simzing
11.9.8.6.
1. Tuon a ipi leh pu suilung mawl zal in,
Eden huon pan jing daw-ai hing puo;
Khangsawn a zinbang ei la e,
Ka sau simkhuo jing e.
Zalna laikhun simjing,
Dai e i sau suon sung;
Heikuom sawlbang ka hei tadiei ngai,
Lusun ngailai na e na sang;
Khamkhan ka veilaw ding bang e.
2. Selung gel ing huiva bang maumau ing e,
Khensa lenna si-al thangvan a;
Na lenna ding melmu nuom ing,
Juomang lumsun gamlei.
3. Tun leh zuo tuong nuasie a khaubang chie ding,
Laitan khomuol na khum zou diei ngai?
Maumau ding lah daibang theng mawng,
Lungkham luonhin hing bawm.
4. Ngilni um diei jing a taikhuo hing vah dia,
Singdang vontawi hing leng dia maw ngai;
Tou ding tuonglam in zawt mawng e,
Selung gel kidang e.
5. Luonhi nul a sunkim naubang awi sang in,
Von zouzam nuachieng zui nuom ing e;
Na sahmel leh aw nem ngil mawng,
Damtah in aw Mangpha.
~~~~~~~
240 Lemna Mangpa
10.10.11.9.
1. Lemna Mangpa a pieng Bethlehem ah,
Amun gamlai niempen Kanaan gam nuom;
Namchin din a kung a hin theina ahi,
Khumnah hinna damtui sieng aluong.
Aw hing kipah in naungeh leng pien ni in,
Kipahna la sa in nunnop zai awi vai;
Chichin namching ding in damna ahi,
Nunnuom in pah vai Halleluiah chi in.
2. Phalbi dap zan khosawt phuoinel nuoi a,
Belamchingten Belam a chin lai un;
Zankhang lai Gabriel in ahing hil hi,
Hin leh damna thupha ka hing puoh uh chiin.
3. Belamputen khopi lang a zuon uh,
Suolam mipilten zong khum khu zuon uh;
Chibai buh in g entheiten aneisun uh,
Lun leh Mangten zong a goubawm hong uh.
~~~~~~~
241 Gamdai ka zin sung in
Sam. 23:23 9.9.13.8. -Duma
1. Damlai gamdai a ka zin sung in,
Nichin sietna leh lungngainaten;
Nuomna a khawlsah ngai in Mangpa kap in ka han,
Tu in guolzawlna hing langta.
Aw a khawl ding phal sinlen (2vei),
Ngai in Mangpa khu han semsem vai.
2. Babulon a sal a tangte khun,
Lungngai leh kap in Zion don uh;
A chingtang ginhoi khawl a lungngai a kapte khun,
A Mang Jeho in a puidoh.
Nunnop Zion laa lem in (2vei),
Nuom in Mangpa ma ah laam va ui.
3. Hagau sem zel in hun nailou hi,
Buoi leh uong na gim-umnate khu;
Sem zel in Mangpa Na hatna leh na theina in,
Miel silbawlte hing kilang hen.
Miel silbawl lamang ta in (2vei),
Mangpa na min bep bou hing um hen.
4. Hagau hing ngai ung hing pui zel in,
Sietlei albang manna gam ah khun;
Na lampi zui dan thei zou mawng e ka Mang Jesu,
Ka lamthuom chin ah ding zel in.
Gam loupi ka tun mateng (2vei),
Lungsietna khut in hing pui zel in.
~~~~~~~
242 Mangpa Hing Nai In
Late 35:22 12.12.11.10.9.
-Upa Ngama
1. Gim-um ka thuoh lai in aw Mangpa hing nai in,
Lungngai a ka ka nin Mangpa nang hing saang in;
Simlei buoina tuipi bang in ahing lien hi,
Ka ngaiteng heikuom tuongtung atadiei?
Havai in kei kap in ka mau hi.
Aw haibang ngahlang Mang gam tun ding khu,
Hing tung henlen valeng ta lei;
Khunah Mangpa itte leh,
Mangpa deitelte khu kimta va maw!
2. Gim-um ka thuoh lai in vaihawmpa nang hing hin,
Simlei na Belamte sietnan a deljahta;
Nangma Vansawlsieng Michael sawlkhien len,
Nuoi zinmang lai mi henkol hing bul in;
Lung liengvai in ei koi leng Mangpa.
3. Gim-um ka thuoh lai in havai ma nanlengzong,
Van loupi apat belamnou aw za in;
Khum miel a na mite na puidoh bang in,
Miel thuneina nuoi a saltangte khu,
Puidoh ding in Mangpa vaihawm in.
4. Aw ka nuomna khu ka gimhuoi thuohna sang in,
Nangma na thei masah ahi khu ka nuomna;
Van inn loupi a um nang zong sietlei in,
Ahing lahkhieh mabang in Nangma’n zong,
Van inn nuom a lahlut ding gel in.
~~~~~~~
243 Damlai Tuipi tung ah
Late 50:12 8.7.7.7.7.7.
-Rev. Thangngur
1. Damlai tuipi tung ah ka vai, Lai in aw ka Mang Jesu;
Ka lutung zawn a vah in Ka ma chieng hing salvah in;
Phaikhi lang in khuo a niim, Lungkhamna tuipi kinawng.
Lungngai simkhuo jing vai ing,
Selung zuong huibang mau ing;
Singgam ngabang lenlai in,
Ka keng veng inlen Jesu;
Ka ma’h Nang hing pei inlen,
Na ban nem in hing pom in.
2. Sun leh zan umlou thei hilou, Damlai tuipi tung ah khun;
Hinanleh ka Mang Jesu, Siet mielnan Na mel hing lie;
Havai in kei ka mau a, Nang a din lah miel vawtlou.
3. Sieng leh siengloute kikal ah, Sietna leh mun zauhuoi ah;
Kalsuon dan siem mawng Mangpa, Nang suondan hing zilsah in;
Mun nunnuom leh gim-um ah, Na ban nem in hing pom in.
4. I thuoh lai a a maunate, Lungsietna ichi thei diei;
Hinanleh Van loupina, A bukim itan chiengleh;
Damsung hun tomnoute khu, Nunnuom in muolsuo tavai.
~~~~~~~
244 Lungzuon huoi sang
Late 130:5-6 9.8.9.8.
-Pautinkhup
1. Lungzuon huoi sang e aw tam simlei,
Bangchih chieng in ka peisan diei;
Mubang ngai ing e kumtawn gam nuom,
Bangchih chieng tuong ka tung tadiei?
Dachieng nuom in tuong tung tavang,
Kei ka lungkham nawnlou;
Mangpa min suong pouleng,
Ka lung kham he hing nem ding.
2. Guolngai zousie lah muolkhum siengta,
Kei bangchih chieng muol ka khum diei?
Ngahla seng ing e aw khum gam nuom,
Guolngaiteng toh buolkhawm ni ding.
3. Aw Van Hagau sieng hing leng inlen,
Ka lung sim miel hing tanvah in;
He hing nem inlen Mangpa Jesu,
Genliengthei vahmang hibou ing.
~~~~~~~
245 Vanmang nang di’n lawmlou
8.10.8.6.
1. Thangvan lalna lawtuol koi a,
Zin henkolbu sietlei khaubang sut dia,
Thangvan pan a tuol nang kumsuh,
Lawmlou! Van Mang nang din!
Lawmlou! Lawmlou! Van Mang Nang din!
Simlei mihing paidia lawmlou;
Simthu leibang lel mawng!
Sielbang lien e Nang khotuona.
2. Bang talawm e sietlei mihing,
Tambang lawmlawm a hekhuo na hing tuo;
Na vontawi zong khotuolou a,
Henkol sut dia nang sawl.
3. Na selung gel teng zong manta,
Na thuohnazousie zong valta bawn a;
Kalvari a nang pham nahlai,
Lawmlou! Van Mang nang din.
4. Nuom tei ing e aw Tung Lunmang,
Houlunmang leh theisen lawmguolte toh;
Tambang lawm a hekhuo nang tuo,
Vondei nang chi nahlai.
~~~~~~~
246 Pisei-Pusei
12.14.12.8. -T. Thongpau
1. Pisei-pusei lungmawlten ana theiphahlou,
Mallam huikhi hing lang in abanban a hing sem in;
Tun ei khangthate lai ah pah namtui bang in,
Ahing zelta lai;lung sung ah.
Bang pahnamtui adiei,
Mallam huikhin ahing sem?
Bethlehem bawnginn pahnamtui ahi;
Khum pahnamtui lut theina dia,
Na sinlai dawngkot na honleh,
Na mawna puonbang sawp sieng ding.
2. Hambang vaina simlei tung a guobang hin sung,
Solna huipi sah, hang, sim-lemal a laang kawikawi in;
Pahnamtui tuomtuomte thelna bang sem kawileh,
Hondam siem in lailung dawngkot.
3. Solna huipi lang in selung kammei bang sem,
Aw Bethlehem huikhi hing lang inlen hing sem mang in;
Na gim namtui sinlai lung ah vaibang tham heh,
Solna huipi lutlouna di’n.
~~~~~~~
247 Jordan lui ka kai chieng
8.7.8.7. -C. Z. Huala
1. Jordan lui chieu gal ka kai chieng,
Kilungsietna gam nuom khu;
Hundampa leh a tatsate,
Maitaitah a kimu ding.
Aw Mangpa khun lung sietna gam emm nuom ah,
Khawlna a siemta hi sisan lul in;
Kei migilou sisan zal in ka hingta,
Sisan in hing sawpsieng in hing khawlsah in.
2. Mangpa gamchiem nuom leh vah ah,
Ngahla ing khuna khawl ding;
Hinna singlim dam nei ah khun,
Bangchih chieng in ka khawl diei?
3. Aw Van Jerusalem tha khu,
A hoi dan sutseng hilou;
Ka laita chiengleh Mang Jesu,
Khopi tha hing tungsah in.
4. Hundampa sieng ka tun chieng in,
Ka lunghelna bei tava;
Gimna gal gam nuom a khawl din,
Ka lungkhamna bei tava.
~~~~~~~
248 VanneI Simlei Sahmin
8.6.8.6.
1. Vannei sietlei sahmin sim in,
Mangpen Kaisar ah khun;
Chiel kawi leh in namchin nunau,
Hambang vai siengta uh.
Aw Bethlehem hing ngai ung e,
Belampute gam kuonna;
Serafimte zaila awina khu,
Ka Mang pienna mun ahi.
2. Genthei nah e Vanmang ta khu,
A zal gankuong sung ah;
Ahing pieng hi Mari vontawi,
Bawnginn daidam sung ah.
3. Tungnungpen ah thupi tahen,
Vannei mi zousie ding;
Lei ah tangtawn tamna leng hen,
Lemna Mang a piengta.
4. Jesu ka sieng uah hing teng in,
Zankhuo sawt nanlezong;
Nuom in taikhuo hing vahpiin,
Na min pahtawi ding in.
~~~~~~~
249 Kikhenna bei tava
13.13.14.13.
1. Luonhi \nul a kikhenna bei tava dachieng in,
Chin leh tuoi it leh ngai zousiete toh Thangvan ah;
Mangpa phat in la sa vai khunah luonhi nul umlou,
Albang dana nuasie in nunnuom laituol leng vai.
2. Tung Pasian siem vangkhuo nunnuom tuong i tun chieng in,
Salem mangpa pahtawi in nunnop zaidei aw vai;
Bangchih tung ding ihei sietlei tung pan gal in don ing,
Albang da leh huibang mau a gibang khenlouna.
3., Luonhi nul a gibang kikhen ding chin leh tuoite,
Don zel vang chin leh tuoi muol zatam in hal nanleh;
Mangpan hambang hing huoi hen i kimu kia masang in,
Tangbang dam in khen tavai Tung Pasian in huoi hen.
4. Mangpa siem vangkho nunnuom a tuong i tun chieng in,
Chin leh tuoi guol it leh ngaiteng mel kimu kia vai;
Laituol ngabang leng tavai kumsawt gibang khenlou din,
Vangam a laituol leng in lengkum vei tava ui.
5. Tam simlei khu gibang khen leh naubang kana dia,
Tui leh leilung pien ma a Mangpan a leelsa hi;
Tungchieng laukha vangkhuo ah laituol ngabang i len chieng,
Nungchieng sulhei lunggel lou in leng kumvei tavai.
~~~~~~~
250 Sianmang vondei
John 19:17 8.8.6.6.6.
-V. T. Kappu
1. Sianmang von dei lai tam en un,
Ama a dia Kross puo in;
Lugu mun mana w in,
Linglukhu khu kawm in,
Melmaten pui uhi!
Aw ka mang kha phamna mun,
Maimit suon ngam lang ken;
A Kross hing tungding uh,
Mang nunnem khaikaang uh;
Aw lai ah na sang ken,
Maimit suon ngam lang ken.
2. Rome Sepaiten a nuoisie ngei,
Aw ka Mang nunnem dei-um khu;
A bawldan uh en un,
A puonsilteng hawhkhien,
Saguoh in kilbeh uh.
3. Ka et chieng in selung gel mawng,
Ka Mangpa hing tatna lawmlawm;
Ka umdan ding gelmawng,
Lungzuong galkhuo don ing,
Van Angelten suun uh.
4. Ami zatam lung in gellei,
Tangbang damna i Mang nunnem;
Anah a sutna uh,
A sisan siengthou in,
A pum in zel zouta.
~~~~~~~
251 Pasian Phatna
8.6.8.6.
1. Pasian phatna selung ka dei,
Selung mawna kailou;
Selung sisan thei zing mi khu,
Kei din a luongta hi (3vei).
2. Selung siengthou leh kipumpieh,
Hing tan loupipa hi;
Mang Khrista in vai ahawmna,
Ka selung sung ngei ah (3vei).
3. Selung atha a um kim khu,
Hepi siengthou a dim;
Hoina leh sienthouna bukim,
Khu hing neisahta in (3vei).
4. Na umdan sinegthou hing guon in,
Tunglam a kipansan;
Ka selung ah hing gielta in,
Nei hepina min pha (3vei).
~~~~~~~
252 Hambang hing huoi
8.8.8.9.
1. Hambang hing huoi Mangpa Jesu,
Simlei zatan lambang pah vai;
Nunkhonuom laituol lengkhawm ding,
Ahing hepinan hing veng zing leng.
Lambang pah ni juo tung Pasian,
A hing na ven zing zal in;
Gibang khensa guolngaite toh,
Nunkhonuom in laituol lengkhawm hai.
2. Khrist min zal a u-le-naute,
Na mel uh mu ding kinem ing;
Na hing na lamdotna uleh,
Zaitongluong in ka selung zuongsah.
3. Simlei lungkham buoina lai ah,
Angelten i machieng huoi hen;
Thangvan hagau hing tuolkum in,
Selunglai vabang hing phawng tahen.
4. Melmuphahlou gam chin apat,
U-le-nau mel kimu tuo hai;
Phatna zaila tung Pasian sieng,
Tung tahen, Thangvan khawn hen, Amen.
~~~~~~~
253 Tangbang dam in
12.9.12.15.
1. Lungdei gibang khenna nuoi simlei jilja ah,
Nunnuom in limnga bang leng nanlei;
Khenna ding tung sunii kawl ah hing suoh kiata,
Lungdei khenna simthu tangbang dam a i kimu kia ma’n.
Tangbang dam in lenmuol khumta unlen,
Tung Pasian in lumbang hing sung hen;
Kisumil sih vai len bangchintan in,
Thumna ah zong kithumpi zing vai;
Lenna tang dang nanleh,
Damtah a i kimu kia mateng.
2. Tangbang damlai simlei gibang khenna ding a,
Tung Pasian in a chiemsa ahi;
Hinanleh nuoi simlei sang a mun nuomzaw a,
Gibang khenlouna thangvan gam nuom lam khu manaw hi hai.
3. Tu in lunglai na in gibang kikhen nanlei,
Tung Pasian in lumbang hing sung van;
Dachieng in khenlouna thangvan gam itun chieng,
Lungdei gibang khensate toh nunnuom laituol ileng ding.
~~~~~~~
254 Aw akhawh ngei!
8.8.8.8.
-Rev. T. Khuma
1. Gilou mei in i gam akang, Khelna in ha ajahkhum a;
Lungkham buoinan atuom kimvel,
Shinan aha ajahkhum a.
Aw a khawh ngei (2vei),
Gilou gal ahing lien; Kalvari tatna theilou in,
Han miel ah sang tampi muolliem.
2. Mangpa leh A gam a ding in, Koi ahei galkap dia kipie?
Chiin vanmang in a dong kimvel,
Kei vakuon vang chi a dawng ding.
Lungdam huoi seng (2vei),
Gospel hing tun mite; Thu kipah-um khantan gente,
A kalsuon khu kilawm nah e.
3. Gilou gallien a beita e, Lungkham buoina ahing thengta;
Bethlehem pah ahing lun a,
Jubilee dah ging kilawm ngei.
Halleluiah (2vei),
Gilou gal abeita; Tungnungpen ah Mang loupi hen,
Hepina Mangpa Pasian khu.
4. Mangpa leh Agam a ding in, Eite zong kipe chiet va ui;
Setan kolbu khaubang sut din,
Gam chin ah Mangpa Kross puo in.
China, Bhutan leh Tibet gam,
Leitung gam zousie ah; I kuon ding gilou galsat din,
Immanuel in a zou ding.
~~~~~~~
255 Van Mang Nna khu
II. Tim. 4:2 8.10.10.6.
-Rev. Thangngur
1. Lei a tahsa vahna ding in,
Aju-asa nuoi a nasep angai;
Akulzaw Hagau vahna ding in khu,
Mang nasep khu angai.
Van mang nna khu hun leh hunlou,
Chilou a Sep ding ahi;
Van lungsietna Kalvari a hing lang in,
Ahing sui hi.
2. Pulpit ah van thu i gen a,
Biehinn sung mai ah Athu i zop in;
Mun dang a zuou thu gen in um talei,
Mang na sem idieima?
3. Bible thu nguntah a sut in,
Thei kisan midangte zong hilsawn in;
Thunuoilut a Mang Khrista zuilou in,
Mang na sem ihi diei?
4. Mang Khrista khantan hoi gen in,
Biehinn leh mun dang a thum kawmkawm in;
Thutah kingahna ban in um talei,
Mang nasem ihiding.
~~~~~~~
256 Kidang seng sang
8.8.12.12.
1. Ka Hundampa vahmang san in,
Sawtpi ka taimang sietlei ah;
Sietlei melhoinate tangtawn ching zoulou ding,
Hepina in hing pui gamchiem khu zuon ding in.
Aw kidang seng sang hing hepina,
Kei ding ahi a thuohna khu;
Hing pei un pahtawi vai,
Simlei Hundampa khu;
Ama phat mai loungal nopna dang um vawtlou.
2. Simlei pallun hoi ka sui a,
Um den lou ding nuoi sietlei ah;
Ka sinlai nem ding umlou tam nuoi simlei ah,
Lungsietna in hing han hing kiata in hing chi.
3. Tu in hing kia tang Hundampa,
Na aang sung muonna zuon ding in;
Nang in Na tate thumna khu Na ngaikhe leng,
Ka lungsim sung ngei ah nuomna lul khu hing pie.
~~~~~~~
257 Ama Na mai sem in
9.9.8.8.8.
1. Mangpa Na nasem dia nei hatna,
Thei in khiel hatla na’n ei kai leng;
Zau leh ling in lam-etna in,
Phatuomlou leh thanghuoi, pui ngai,
Na hatna muong in ka hing pei.
Koima ding a hing nawnlou in,
Ama na mai sem in;
Kumtawn kullpi selou kihung khu,
Thuohna zal in kei a ahi,
Taisanlou ding ka hita hi.
2. Nang toh zawhkhawm dan ding hing hil in,
Na thu hihen ka damsung a din;
Kalvari itna sieng hoi leh,
Itna thuchiem in hing thuom ven,
Na na sem zing theina ding in.
3. Ka pei zel ding Aman hing umpi,
Vanneizawna khu kei a ahi;
Buoihuoina leh solnate in,
Hing tuom nanleh Tanpa ka nei;
Ama a hi’ng tangtawn Mangpa.
4. Tangtawn bukimna mun i tun chieng,
Thupi natei veh Khrista zal in;
Liengvai, vahvai zawna lien tang,
Deituom pahtawina Manglukhu,
Sang a kei ka din mai ding khu.
~~~~~~~
258 Lei Manglukhute khu
8.7.8.8.
1. Dam sung in Mang nna i sem ding,
Khelna meipi jing nei ah;
Dachieng in Mang Jesu zal in,
Manglukhu loupi ikhu ding.
Aw lei manglukhute khu,
Tangtawn gam nuom tunglou ding;
Pielgal a hinna Manglukhu khu,
Aw thoukia taten khu tading uh.
2. Tang a Eden huon siengthou ah,
Evi leh Adamte khu;
Selung ah ana mawl zal un,
Gitlounan a sulamdangta.
3. Semgimte leh puohgihte khu,
Luigal ah nuasie tading;
Lummei lai a ahing hat chieng,
Ka lungkhamna a beita ding.
4. Haibang ngahlang Immanuel,
Lungkhamna gam daidam ah;
Dachieng in kanaan gam nuom ah,
Lungdeite toh i lengkhawm ding.
~~~~~~~
259 Hoi hun laite
8.9.8.8.8.8.10.
1. Khel ni leh hun hoilaite khu,
Hun sawtlou in aliem mang pai hi;
Nuoi a i damsung nite khu,
Tomlou kal in abei mang ding;
Matheilou in hun khatna nei, Na leibatte nasan na din;
Na huntawp khun nang hing peimangpi va.
Khelna mai in na hun mang zou sinlen,
Hun na nei khu sumang sinlen;
Tuoiguo bang in hing seltha in,
Dawn tha kia nawnsih vateh;
Na hinkhuo khu abei ni chieng,
Na hun neisun beina hing hita va.
2. Mothuoi khelna leh lungmot velna mai a
Hun mang nungah Tangval;
A ngaituona zong mi banglou,
Ahoi lungkham ding zong theilou in;
Zu-le-sa leh nopsahna a, Ahun neisunteng mang zou in;
Hun hoi pammai taluo hing chi vateh.
3. Lumlah lumlou, vot lah votlou,
Setan nou leh Pasian nou mangkhawm;
Ngie hang kelbuong vun sil bang in,
Na lungsim ngaituo lah hoilou;
Nitawp ni a vai ahing hawm chieng,
Na suhkhelna tengtengte leh,
Na khelnateng ngaituo in bang na gen diei?
4. Tam nei hamsatna gam bawn khu,
Na lungsim a bawn hoi nasahleh;
Vantung gam noptah hoidan khu,
Na mang beh in man talechin;
Bangtan nuom in na lung-awi diei?
Vangam na ngaisut chieng inleh,
Nei khu pawtsan kal ngahla hiel vateh.
~~~~~~~
260 Hundamna Khantanhoi
14.10.14.9.
1. Shina lim nei a tou in mipi sangtampi mang zing,
Hundamna aw, hundamna theilou in;
Hinna lampi zuilou in singbul suongbul abie uh,
Eima bang a tatsate hi uh.
Hundamna, Khantanhoi,
Gamchin ah puongjah ding in;
Mangpan tu in hing han hi,
Hing han hi, hing han zing hi;
Hundamna huong sung ah hing puilut in.
2. Mangpan hing hepi zal in shitan in ahing thuohta,
Na khel leibat zousie ahing sangta a;
Na leibat na sanlouleh Mangpa sieng bang na gen diei?
Tu khu hundamna ni khu ahi.
3. Amaute hing pui ding in unau bang dia muong nalai?
Hun a tom in ni aliem zing leng hi;
Gammiel a mangpa hepi laukha tampi mangthai zing,
Amaute pui ding mi a um sih.
4. Mangpa kei ka um zing hi, Na hepite pui ding in,
Na dei bang in hing mang in ka kipie;
Nang a din ka hing ding a, nang a ding in ka shi ding,
Ka siemna ka pum in hing mang tan.
~~~~~~~
261 Hing ngai ung Hagau Siengthou
8.7.8.11.
1. Van Hagau Siengthou hing ngai ung,
Koute halna tha hing pien;
Baa sawt seng ung e hing ve in,
Michin lungsung hing luo in hing phawnghal in.
Nangma a Na mite,
A kipah theina ding un (2vei),
Hing suhal kia nawnlou ding maw,
Mangpa aw.
2. Van Hagau Siengthou meikuong bang,
Hing leng ven ka lungsung uah;
Lungsim khelna simkhuo bang jing,
Hing halsieng in hing siengthousah chietta in.
3. Van Hagau Siengthou huipi bang,
Hing laang in koute kung ah;
Khelna toh kidim mite sieng,
Penticost ni bang in hing kilah in aw.
~~~~~~~
262 Hundampa mimbang pieng
Lk. 2:14; 7:6 12.9.13.
-Pastor V. T. Kappu
1. Hundampa mimbang pieng eidin nunnopna hi,
Lunglai ka siel in Thangvan miten;
Anbang a it uh Mangpa,
Gibang khennan zai-awi.
2. Na von khat tawi nunnopna teng tuong nuasie in,
Lungkhamna thuoh guollou na’ng thuohsah;
Hekhuo nei tuona Mangpa,
Ko’n a lel thei tadiei?
3. Aw Mangpa kou ding a Na ta na it mama,
Bethlehem bawnginn ah na’ng piensah;
Khotuona bukim Mangpa,
Tangtawn in nang Na hi.
4. Humdanpa mimbang pieng heisung sawlbang hei e?
Bethlehem bawnginn daidam sung ah;
Sangbang sui din khaubang chiah,
Hing un Mangpa sieng ah.
5. Sui taven ka laukha na Mangpa mimbang pieng,
Nang hing tan ding Mangpa khu ahi;
Angel ven Thangvan vangkhuo,
Tuong hing tun dingpa hi.
6. Van saunuom hing tun chieng Vanmang von dei-um khu,
A nunnopna ningbang zoupi vai;
Lunglai ka gel chieng in aw,
Nun hing nuom sahpen hi.
~~~~~~~
263 Ka Kumtawn Inn Ding
9.10.9.10
-Rev. Liankhopau
1. Ka Kumtawn inn ding lemta vang e,
Kumtawn suongpi Mang Khrist tung a lem in;
A hun lai in theitawp in sem vang,
Ka umna lei inn khu hing mang ding hi.
Kumtawn hinna in kip,
Mang Khrist khu ka neita e;
Damlai huipi leh guopi hing kinawng nanleh,
Mang Khrist zal in hing tuumpha nawnlou ding.
2. Aw en kawi vawi gamtul sietlei khu,
Lungkhamna leh natnan a dim zouta;
A tung ah lungmuonna um nawnlou,
Sietna tuipi a kinawngtah zieh in.
3. Aw shina tuipi ahing lienta,
Zion taten innsang lemtouta vai;
Hagau Siengthou hinna kivon in,
Hinna sangpen innsang tungnung ahi.
~~~~~~~
264 Vanmang tongsie banna
8.8.8.8.
-Rev. Siahkhohau
1. Vanmang tongsie banna simlei,
Huibang ka mauna gam daidam;
Bangchih tuongnung ka sie tadiei?
Haibang ngahlang Vanmang sau nuom (2vei).
2. Aw ka ngai e Van mang sau nuom,
Lungdei chibang a kimna mun;
Khuna len ding haibang ngahlang,
Galsiel bang in don chim lang e (2vei).
3. Sangga lieng naubang in kap veng,
Ngaikhuo nei tuona lien seng sang;
Lahlieng vontawi khuombang luo ding,
Vang nei huol Na sau nunnuom nou (2vei).
4. Singkhuol zinbang ka thamna gam,
Sanggan khuom bang ka douna mun;
Vanmang na Hagau hing huoi in,
Ka zinna tuonglam ngillouna’ng (2vei).
5. Tang dang lenna sing dang lai ah,
Ngaikhuo nei tuona lien seng sang;
Dawn sengsing e vang nei huolna,
Na lel chinthu piendang sengseng (2vei).
~~~~~~~
265 Gospel Itna in
10.9.10.7.
-Songrolal
1. Mangpa nasem ding in sietlei ah khun,
Ka pei zel ding ka puohgihteng toh;
Ka taisan sih ding aw ka Mang Jesu hi,
Melma dougal hatnanleh.
Gospel lungsietnan ka pei zel ding (2vei),
Ka Mang Jesu min ngai khu phat in;
Zaila sa vang sietlei ah.
2. A nasep sunzom ding koi hei a um?
Kei hing tel hi ka Mangpa Jesun;
Kipah in Mangpa na sem zel vang in,
Shitan a gin-um ding in.
3. Ka maban sep ding a hing guotsah hi,
Gospel na khu sem tou zel ding in;
Siet dougalte khu nawmang peh vang in,
Ka pei zel ding miel nanleh.
4. Aw lungsietna, aw lungisetna lamdang,
Hing pui zel hi ka peinateng ah;
Muonna umlou hasa tna mun ah zong,
Ka pei zel ding miel nanleh.
~~~~~~~
266 Salem Vangkhuo
7.8.8.8.
1. Hing zuon veng Salem vangkhuo,
Lungkham umlouna gam nunnuom;
Mangpa kei din mun a um nai?
Sunkim galsielbang don leng veng.
Dana leh lungkhamna thuo in,
Hambang vaiveng tam simlei ah;
Hambang huoi din mubang ngai veng,
Sianmang nunnem ei nuasie lou jen aw.
2. Tangtawn hinna limliep ah,
Vansawlsieng lungtuoh ngabang leng;
Hambang vai veng tam simlei ah,
Lunglai hing ngillou aw Mangpa.
3. Manaw phamna chieu gal ah,
Agal Kanaan gam em singseng;
Tuongtung nuom veng gam nunnuom ah,
Paibang hing kop ven aw laukha.
4. Sisiel bang hing zuon veng Mangpa,
Ka masang dougal khuoibang hang;
Albang dana vansin nei ah,
Banzal hing huoi zel in Mangpa.
~~~~~~~
267 Mang Jesu tellou in
8.8.8.8.8.8.
1. Hing galdot vawi lei hinkhuo khu,
Mi chinteng leh sil hing chinteng;
Siet gal lien in a man siengta,
Lei khu manthaina gam ahi;
Khovel a sil hing zousie zong,
Bangmalou mai ahing hi hi.
Aw Mang Jesu tellou in sietlei zong khu,
Bangmalou mai ahing hi e.
2. Simlei hausat leh nunnopna,
A thupina leh hoinaten;
Hamuonna hing tun thei tuonlou,
Tam sietlei hamsie dong nei ah;
Lungjinpi ding tam nanlezong,
Bangmalou mai ahing hi e.
3. Simlei a thahatna teng toh,
Vanglai leh hatlai nite zong;
Tomnou kal a ding bou ahi,
A zauhuoi hi abeinan;
Mihing taten i tan ding khu,
Bangmalou mai ahing hi e.
4. Simlei hinkhuo vangtahuoi hi,
Nopna leh muon mun in ngai hai;
Sianmang Vontawi Mang Jesu bou,
Mangthaite din hinna ahi;
Ama sieng lam hing zuon lechin,
Tangtawn hinna na nei ding hi.
~~~~~~~
268 Halleluijah Amen
10.10.10.9.
-Kamlala
1. Halleluijah, aw Hallelui, Amen,
Kalvari hepina sisan zal in;
Lungdon kana leh simlei zan miel gam,
Nopna van pielgal in ahing tan.
Nunnopna tullou ding,
Halleluijah, Halleluijah;
Phat in um zel tahen Belamnou khu,
Ahing itna in lungkham hing nem.
2. Aw hing leng taven Vanmang Hagau Sieng,
Halleluijah chiin sietlei daidam ah;
Nuom in hing awi va ung genthei taten,
Nang na umleh lei van a tang thei.
3. Kumtawn gam leh tangtawn a bei mateng,
Nopna vah loupi van Saron pah hoi;
Aw na pallai ni tul kia talou ding,
Nang bou hing ngai ing he hing nem in.
4. Tam sietlei in na theileh ka Mangpa,
Van Angel sieng toh nunnop zai-awi in;
Kalvari a Belamnou hing itna,
Nuom in hing awi va uh tangtawn in.
~~~~~~~
269 Gel zing in Ni loupi
10.10.10.10.
1. Ni loupi hing tung ding ni a naita,
Lemna Mangpa leh tatsa guolngaiten;
Thangvan jawl sil ging kilawm chinteng toh,
Hing han ding uh tatsa guolngaiten.
Gel zing in ni loupi,
Kimansa in um unlen;
Mangtouna sieng a ding diing in,
Mangpa na i sem chiet ding.
2. Malai Noah damlai nite khu,
Geldoh unlen sietna nuasie ta un;
Hing mang van i tenna nuoi simlei khu,
Namchin Jordan luigal kai tava uh.
3. Khum gam loupi khu ahing tun chieng in,
Lei a Hattuomte hutdam tang tading;
Lungkhamna leh kanate nuasie in,
Hundam tate nunnuom in leng tavai.
4. Lei ah genthei liengvai gel zing unlen,
Khum gam loupi hing tunna ni ding khu;
Leng zousie Leng leh Mangpa loupipen,
Damsung in pahtawi vai Mang Khrista khu.
~~~~~~~
270 Zankhuo sawtta
11.8.9.
1. Zankhuo sawtta khen ding simthu lel tavai,
Hun pei zel in lawmguol lungdei;
Sambang khenna ding ahing naita.
I heina tang a dang,
Aw ka buolna siensung khat hilou;
Sietlei ah khun Mangpa,
Ei hing puikhawm kia in.
2. Ahing tungta lungdei lawmguol kikhenna,
Ka donvel a solkhapi leh;
Thangvan alsi aliem siengta e.
3. Hagau siengthou nang in hing umpi inlen,
Ka ngai seng hi lungdeite toh;
Selung tuoh a i lenlai nite.
~~~~~~~
271 Mangpa Nang umna ah
10.9.9.8.
1. Mangpa Nang umna nuom nava ia-e,
Nang umna ah simkhuo jing ngailou;
Na sieng ah ngabang leng nuom ing e,
Nuoi zinmang in palbang hing nang.
2. Mangpa na sieng ah hing leng nuom veng aw,
Simkhuo jing e sil hingten hing phat;
Kei zong Mangpa Na umna ngai veng,
Zion Pasian ma a khupdin in.
3. Mangpa ka thumna Nang hing ngaikhie in,
Sun nisim in Nang ka hing han hi;
Galkapte Mangpa Nang hei a um?
Galdouna ah hing panpi in.
4. Simkhuo hing jing Mangpa hing umpi in,
Ka hinna basam nang hing pui in;
Khelna puon inn a ka um lai in,
Aw Jesu sawnban hing kai in.
5. Mangpa galzou a Na sieng kang pei chieng,
Na dihna inn vah nuomtah nei ah;
Belamnou phamsa thoukiapa khu,
Angel sieng toh phat kal ngahlang.
~~~~~~~
272 Kimanta un gingtute
12,12,12,10
1. Kiman ta un gingtute vaw na vaigei ma’n,
I hinna khu tomnou kal a ding bou ahi;
Sietlei loupina leh a hoina zousie khu,
Tomnou kal a hing vul pai ding ahi.
Ka umna lei inn khu se nanlehzong,
Van ah Inn nuomzaw khu ka nei;
Tam sietlei ah khomun det i nei ngalsih ua,
Khuo hing um ding khu i ngahzaw uhi.
2. Na nei na lam na guolzawlna zousiete khu,
Kiletsah leh ki-uohsahnan mang kha vateh;
Sietlei ah khun bangma i lutpi theisih ua,
Bangma zong pawtpi kia dieh sih va ui.
3. Aw liengvai Mangpa aw nem in ahing han hi,
Pasian in sietlei sil a gentheite khu;
Ginna a hausa ding leh a khotuote,
Kung a a siem gam khu tang sam ding in.
4. Sietlei ah vang gentheitah in ina um leng,
Galdot va ui Hagau kha wlna mun nuom gam khu;
Lungkhamna leh buoina g am khu i pel chieng in,
Mangpa sieng ah nuomna a kim tading.
~~~~~~~
273 Ka kipah hi
10.8.10.6.
-Mr. Lalzarlien
1. Aw Kalvari tang khu ka galdot a,
Ka Hundampa thuohna tang khu;
Mi giin minthang tang havai um ah khun,
Ka thuoh luong in a thuoh.
Ka kipah hi Mangpa ka kipah hi,
Tambang lawm a itna lamdang;
Ka sutsiemlou hoi va-ia tei chie maw,
Hing phat chim thei sia’ng e.
2. Tambang lawmlawm a itna lamgdang khu,
Siet tuipi a tumsa nuate;
Itna in na hing puidoh kiata hi,
Nang bou hing zui tavang.
3. Na sisan in hongta zalenna gam,
Khum mun a hing puitung ding in,
Na Hagau a na hing na thuomna khu,
Ka lung a kim seng hi.
4. Gen chim thei sia’ng e na hing khotuona,
Sietlei thupina genlou in;
Na lungsietna thu bou ken sut tavang,
Mangpa hing panpi in.
5. Halleluijah Amen, Halleluijah,
Amen, Amen, Halleluijah;
Mangpa guolzawlna bukim hing pepa,
Na min loupi tahen.
~~~~~~~
274 Nang puikhawm hun ding
8.6.9.10
1. Aw ka Mangpa tenna gam ding,
A sattha mun ah khun;
Pahtawina lasa a lengkhawm in,
Lungdei gibang khenna um kialou ding.
Aw ngahlang e nang puikhawm hun ding,
Simlei ngailou a Zion Mangpa phat leh;
Lenguol ngai kim hun ding khu.
2. Khunah lungkham kana beita,
Khopi tha nuom ah khun;
Shina lui kai nua a i tenna,
Ding ngai in naubang kalai baang thei sing.
3. Dachieng taikhuo hing vah chieng in,
Leng va uh guol ngaite;
Khunah Mangpa hing pangsah inlen,
Ngailou in simlei tuong nuasie nuom ing.
~~~~~~~
275 Aw Hinna Sing Lim
1. Damlai meipi jing ka pel zaw chieng,
Ka Mang Hundampa mel khu mu tavang in;
Khunah nunnopna a tullou ding;
A mel ah van pahpe alun zing ta ding.
Aw hinna sing nalim nei ah,
Van Angel lungtuoh in leng uh;
Kei zong khum mun ah khawl vang in,
Israel tang siengthou nuom ah.
2. Khum khopi hoi ngai a ka mauna,
Lungkham buoi kanate um nawn talou ding;
Tatna sisan zal a lungdeite’n,
Simlei lungkhamna puon bang a baang tading.
3. Machieng suon va ui Zion tate,
I nunnopna ding gam loupi hing naita;
Kap leh mau a i lungngainate,
I kipahnau pahpe bang in lun tading.
4. Khum khopi hoi tuong ka tun chieng in,
Ka mauna simlei khu ngai nawn tasia’ng in;
Belamnou leh a Mangtoupha khu,
Nunnop piendang leh ka nuomna kimna khu.
~~~~~~~
276 Vanmang saunuam ngai ing
9.9.9.9
1. Ka zinna tuonglam sulnua gamdai,
Luonhi nul a sunsawt ka heina;
Sangga lieng thei hing henem ding in,
Van Mang laukha vabang hing leng in.
Aw ka ngai e aw, Van Mang sau nuom,
Lungdei khensa chibang a kimna;
Haibang ngahlang galkhuon hing don ing,
Tuong tung nuom veng aw khum mun nuom khu.
2. Haibang ngahlang e Mangpa Jesu,
Lungdeite sulnua gam daidam ah;
Khenlouna taikhuo hing vah tahen,
Naubang kap luonhi ka baang ding.
3. Khum mun ah khun lungdei puldouna,
Um nawn tasia Kanaan gam ah khun;
Mangpa phatna zai tongluong lawm in,
Halleluiah chiin phat chim lou ding.
4. Ei hing pui in aw ka Mang nunnem,
Hambang vai a naubang ka ka lai;
Na pielgal sunniin hing tanvah in,
Na sieng tuonglam ka ngillouna ding.
~~~~~~~
277 Na Hing sawlna teng ah
12.12.12.10
1. Na ngaidamna ni thupi kei ding hing vahta,
Mi khiel shi ding bangma theilou ka hilai in;
Na sisan pha mantam in kei na hing hanta,
Khut guoh in na sienglam ka hing zuon hi.
Pei vang Mangpa na hing sawlna teng ah,
Na ut bang in hing zang in ka shi ni tanphan;
Zinmang dawh-ai ka nuasie theina ding,
Ka tahsapte hing guon in banzal hing huoi in.
2. Ka hinna nang kepsahna pen ka ngil vang in,
Laukha saltang mi sang nempi mangthai siengta;
Ka hun tamzaw athawn in ka mang siengta,
Hing ngaidam in Mangpa hing ngaidam in.
3. Na masang ah nuomsa in Mang hing kikhawm ung,
Na hutdamna leh loupina lambang pah in;
Nanleh nang hing thei nailou leh ginglou mite,
Khelna saltang hunkhe ding don umlou.
4. Gamchin ah pei unlen Tangmi pha gen kawi un,
Namchin a mite nuajui in siem unlen;
Ka thupiehte mal khat zong imlou in gen un,
Kap kawm a kuon kipah in na tung ding.
~~~~~~~
278 Mang Pien Ni
7.5.7.6.9.7.6.
1. Mang pien ni lenmuol khumsa,
Kawl ni suoh kiata; Bethlehem vang ngai tulsa,
Pah bang a lun kiata;
Thangvan zai-awi in ma hing pui hen,
Bethlehem machieng suon din,
Mang hing pieng lawm ding in.
Tungnungpen ah, tungtungpen ah,
Pasian loupi zing tahen;
Amen,Amen. (2)
2. Khristmas ni ahing tun in,
Bethlehem ka ngai; Mu ka nuom singkhuol vontawi,
Van Mang ta hing pieng khu;
A lopna Angelte tongluong in,
Ka sinlai ah a tham hi,
Ngilni um talou ding.
3. Nang Bethlehem vangkhuo aw,
Hoi va-ia tei chie; Na min loupi Vannei ah,
Tul ni um talou ding;
Na sung a Vanmang ta hing pieng khu,
Tun liengthei Mari vontawi,
Mang Immanuela.
4. Mang Immanuel lawm ding in,
Mipilte hing pei; Gou sil phate hing tawi in,
Immanuel mai ah;
I Mang Hundampa ding hing pieng khu,
Pahtawi zaila thang vel hen,
Helleuijah, Amen.
___~~~~~~~
279 Aw Hundampa
9.7.6.6.
1. Hundampa Khrista nang tellou in ,
Mangpa nang sieng bep lou khun;
Dam zou sia’ng sietlei ah;
Na sieng ka hing zuon hi.
Aw Hundampa Khrista tellou in,
A hing vul zel nopnapente zon g;
Hepitu dang mu zou sia’ng e,
Nanglou khu ka Mangpa.
2. Sietlei ah nopna ka sui a,
Hing hepipa sumil in;
Nanleh tun ka hing muta,
Tangtawn nopna pen khu.
3. Laukha vahvai Jesu sieng ah,
Hing kia in ahing ngah hi;
Nang a din ka nei zousie,
Ka hing pie aw Mangpa.
~~~~~~~
280 Lungmuonna Kim
8.8.8.6
1. Lungmuonna kim nunnopna kim,
Hepina vah Mangpa meel in;
Lungkhamna leh dana hing nem,
Liengvaite di’n nuomna.
2. A umna mun chin Thangvan suoh,
A kengbul a um zong nuom hi;
Lungkham meipi nei a lengte,
Nuom in akhawldam sah.
3. It leh ngai peisate mu ing,
Ki-itna tullou in leng uh;
Lungtuoh a lenkhawm a nuom hi,
Hing un chiin hing han uh.
4. Luonhi nul a i khensate,
Puonvam sil in leng dieldiel uh;
Lungkham kanateng beisiengta,
Angelte dungsuun uh.
5. Tam simlei ah selung muong lang,
Nanleh hing it Mangpa zal in;
Luonhi nul a khensate toh,
Dawnbang kituoh kia ding.
~~~~~~~
281 Aw Itna lamdang
10.10.10.10
1. Ka khel sawp sieng ding, Ka maw sawp sieng ding,
Kalvari Kross ah Jesu kil in um;
Angelten ensuh lamdang sa uhi,
Mikhiel kei a ding a kipumpiehna.
Aw itna lamdang, aw tatna manpha,
Ka khelna beisah ding Aman pieh thupi;
Tam thu hoi gen un Hundamna man bei,
Mikhiel kei a ding itna lamdang hi.
2. Ka khelna zousie Jesun apuo hi,
Ka tatna bangkim athawn in pie hi;
Kalvari Kross ah ahinna pie hi,
Mikhiel kei a ding itna lamdang hi.
3. Linglukhu khusah Ama peipi uh,
Tua ni mulkim huoi Lugu mun tun uh;
Khuo ahing miel zong Miteng in mu uh
Mikhiel kei a ding a kipumpiehna.
~~~~~~~
282 Khatvei chieng thei vateh
11.11.11.9
1. I Mangpan van a, a katou ding kuon in,
Noute la ding in hing pei kia vang a chi;
A tongsuo tapouma a dihlou umlou,
Unau aw bang ding a niel nalai
Mangpa tongdam nem ngiingei na deilou lai maw,
A aw neem na zahlaipet na deilou lai maw;
Khatvei chieng thei na va chie (2vei)
Na pom nuom vevawlou, khatvei chieng thei na va chie.
2. I Mangpan nang a din thusie gen ngailou,
Na sietna ding in bangma gen ngailou hi;
Nanglah a simthu lelte pom nuomlou in,
Nang ding a, a thuohna naa taluo.
3. Nisim in na shina ding hun nai semsem,
Bangchih chieng na hun abei diei kitheilou;
Nanglah lungmuongtah in ki-um hithietteh,
Kingaisun in na hun abei man.
4. Tangtawn a nopna mun umna pi a,
Tangtawn a gawtna mun na tun mai ding khu;
Na Mangpa a ding in hing kipie mai in,
Tangtawn a nopna na nei ding hi.
~~~~~~~
283 Hepi Pasian khu
10.10.10.5
1. Mangpan sietlei hi ana it zieh in,
Mi zousie a din ahinna apie;
Keima a din zong a sisan manpha,
A hing luongsahta.
Hepi Pasian in (2vei)
Tangtawn in vai ahawm;
Hepi Pasian in (2vei),
Tangtawn in vai a hawm.
2. Ka Mang a khaisang uh Kalvari ah,
Anah a pawt khu ka hinna ahi;
Na seng sang e ka Mang ahing shi dan,
Et ngam din lawmlou.
3. Kalvari tang lam khu galdot vawi un,
Mikhielte kal ah ahing phamna khu;
Ka hinna tuonglam hing siemsahpa khu,
Balemnou ahi.
~~~~~~~
284 Hei lampi na zui diei?
12.14.11.13
1. Lei mihing hinna khu bangchiin ahing hi diei?
Meipi tomnou hing kilang a mangkia bang mai ahi;
Aw sietlei pah hoi vul kia bang mai ahi,
Mihing hoi lai pah vul in lenmuol akhum pai zel.
Aw na lei hinkhuo abei chieng in,
Hei lampi na zui tadieimah?
Na tangtawn mun ding na gel chieng in,
Na lung a awi naimah?
2. Hun leh tui luong in mingah ding simthu leellou,
Mitphet kal zong khawl diehlou in muol a liem zel zel a;
Aw sietlei ah vang leng sawt ding umlou hi,
Khuolzin tham bang mai ihi tam nuoi simlei ah khun.
3. I hatlai leh hoilai hun khu bangchih in zong,
Khrista nuol in sietlei pahhoi delin mang nanlechin;
Aw shina luidung simjing na kan chiengleh,
Jesu lou a lungmuong a tun ding na kingam nai?
4. Hing pah zing van sietlei hoina jem hoi ding in,
Khantawn hinna i man theina ding in ahing sawl leng;
Zui in pielsan ta lechin i van lampi,
Tul kia tavan itan lungngai kana leh mauna.
5. Nuoi simlei ah nopna limna sui nanlechin,
Lungsim leh ngaituona mang in na tha nei zousie toh;
Bangchih leh nopna tullou na mu thei diei?
Musih vateh Kalvari Tuisieng na tun mateng.
~~~~~~~
285 Kuonkhie inlen sem in
12.12.10.10
1. Tangthupha gen dia nei sawlna teng ah Mangpa,
Muolsangpi leh tuipi kinawng tung hinanleh;
Na thu leh Kross etlawm in hing thuom in,
Na itna thupha ken gengen zel ding.
Kuonkhie inlen sem in hun tuibang kiem zel hi,
Kalvari tatna thu thei nailoute hil in;
Na peina munchin a na gam ahing hiding,
Hattah leh hangtah in um phot mai in.
2. Lungke lou in Setan gallien daibang nawh in,
Tangtawn in na kung a um ding in hing chiem hi;
Keiman ka hing sawl ahi jau vawt sin,
Ponthawtah leh hangsantah in ding in.
3. A pel ngailou ka thuchiem suongpi bangin det,
Bangma in dal zoulou ding chiin thu ka’ng chiem zing;
Na peina teng a nang kang pe ding hi,
Pawnthawtah leh hangsantah in ding in.
4. Ka Hundamna muol Zion ah hing puikhawm in,
Amau ding in tangtawn khawlna nuom ka bawlsah;
Pawnthawtah leh hangsantah in ding in,
Na thaman ding Manglukhu etlawm hi.
~~~~~~~
286 Gamchin Namchin amite
14.11.14.10
1. Mangpa Jesu’n a hing it, ei mikhiel a shisate,
Hing Hundamta lamdang lamdang hing itna;
Tangtawn hinna Gou manpha za nailou mite sieng ah,
Theisah ding in koite hei kuonkhe ding?
Gamchin namchin a mite sieng ah,
Hundamna thu koi in tangkoupi ding e;
Kei kuonkhe vang Mangpa aw,
Nang itna thu tangkou ding,
Mangpa na Ha sieng in ma kai zel in.
2. Mangpa a diin na sem vai izaw chieng khawlmun nuom ah,
Manglukhu manpha i tan theina ding in;
Mangpa min a misiengthou, pei masate thei zing in,
Zau lou in gen zel vang a tangmi pha.
3. Daigam leh Arakan gam Tedim gam leh Matupi,
Khantan hoi gen ding in Mangpan nang hing han;
Tun kitheimaw bawl sinlen, Hing kuon ven mang nasem din.
Nang leh kei i sep ding in hing ngah hi.
4. Hagau mangthai mi khatbeh, ka hingpui theina ding in,
Hagau siengthou namsau toh nang hing thuom in;
Shina hankhuh miel mite puikhe ding in aw Mangpa,
Kou khangnoute hing zang in Mangpa aw.
~~~~~~~
287 Aw a thuuh in a saang hi!
8.8.9.9.
1. Mangpa Jesu lungsietna in,
Mangthai tate malbang hing han;
Kei din a sisan lul hing luong,
Mangthang tate hing hundam ding in.
Aw a thuuh in a sang nah e,
Giloute kal ah kikhaikang,
Bangchin ahei maw Van Kumpipa
Mikhiel kei dia ahing shi tahmai.
2. Mikhiel pen zong hing hundamta,
Liengvaite leh a deite din,
Sietlei khelna teng zong asawpsieng,
Adei zousiete hing peikhawm un.
3. Mikhiel eite ahing tatna.
Bangchin ahei Van kumpipa;
Gankuong leh sing Kross tung a hing thuoh,
Aw a thuh in a sang nah e.
4. Chichin namchinte hing pei un,
Hamuonna leh nuomna lul khu;
I Mang Jesu’n ahing pedohta,
A gam nunnuom ah hing pui ngei va.
~~~~~~~
288 Khanglai Hun leh ni thupi
9.9.10.6
1. Khanglai hunte leh ni kipah um,
Aw tu in tuong i tung kiata ua;
I hun leh nite abei ma ngei in,
Mangpa na i sem ding.
Awleh i hinna Mangpa sieng ah,
I pe ding uh khanglai tengteng in;
Muoldawn ah kal in i thaumei vah uh,
Gam miel i tanvah ding uh.
2. Tambang a hun hoi leh hun manpha,
I damsung in i mu nawn sih ding;
I hun leh nite a bei masang in,
Mangpa na i sem ding.
3. Ahing it Mangpa awle tu in,
Na khangnoute hing guolzawl inlen;
Na thu bang zel a bangkim sem ding in,
Nang in hing panpi in.
~~~~~~~
289 Lungdon Meipi jing
13.12.10.11
1. Getsmani huon ah Mangpa Jesu ahing thum a,
Mipi hing kikhawm in i Mangpa khu man ding;
A tung thu lel dan khu a siem sih uh,
Siempu Lal innsung ah shi ding simthu lel uh.
Lungdon mei a jing (2vei),
I Mangpa a hing bawm Kalvari tang tung ah;
Linglukhu leh hamsie dong sing Kross puon,
A bel ding um talou i Mangpa Jesu.
2. Aw Simon Peter leh sawltah lungdongte hing thou un,
I Mangpa khu kai uh a shina ding zuon in;
Van ah hing kumsuh Van Mang genthei khu,
A lungdon nem ding in koima um talou.
3. Sietlei leh Thangvan ah tangmipha hing gen Hundampa,
Kha pham ding simthu lel uh Zion huong sung ah;
Ei dia a phamna sumil ding imah?
I nopna hilou maw idamna uh Mangpa.
4. Aw Seraphimte leh Angelsiengte hing en vawi un,
Panpi ding neilou in i nuomna Mangpa khu;
Vannei khelna puo alungdon lai in,
A pa a han lungkham luonhi luong kawm in.
5. Et ngam ding guol hilou i Mangpa Jordan kai ding khu,
A tha a hing ngui in a lu ahing kai kun;
Laukha sambang hing khen simkhuo hing jing,
Sietna dougal zou in Jordan lui kaita.
~~~~~~~
290 Hinkhuo tha mel
8.6.8.7.
1. Hinkhuo tha mel a lamdang hi,
Hundampa ka mu ni’n;
Ka lungsiet hundampa dei um,
Ka muta Kross phung ah khun.
Lungkham mangbat umta lou ding,
Jesun simjing salvah ta
Thangvan gam nuam a naita,
Hundampa ka mu ni’n.
2. A lungsiet tongdam nem kaja,
Humdampa ka mu ni’n;
Ahundamna simthu pha in,
Tun keima hing tandoh ta,
3. Hundampa malbang kou ja ing,
Min loupi ka tangta;
Banzal in naubang hing huoi in,
Humdamna khu ka tang ta.
4. Banzal naubang in kei hing saang,’
Hundampa ka mu nin;
A Mangtoupha lim liap nei ah,
Hing hundampa ka muta.
~~~~~~~
291 Kumtawn gam loupi
8.8.8.7.
1. Hing ngai veng aw Na gam loupi,
Din tha lei ahing tung ding khu;
Kum sang vaihawmna ni loupi,
Sunni bang hing tang tahen.
Tangtawn gam ka gam loupi,
Aw ngai in huibang mau ing; (2vei)
2. Gam thuhla ding ah Van a pei,
Gam hing chiem ka Mang a thaam sawt;
Zaila’n malbang hing han zel vang,
Tam sietlei a nguui siengta.
3. Lei lunmangte sieng ah Mangpa,
Ka lungngaina ken sut thei sing;
Aw Mangpa mi zatam lai ah,
Ka hing ngai thu gen theising.
4. Ka hing ngai hi ka Mang nunneem,
Mil sih vang taang a Na thuohna;
Na Hagau in khum hinna tha,
Khovah ah kei hing pui in.
~~~~~~~
292 Bethlehm ah hingpei un
8.8.8.8.
1. Bethlehem ah hing pei chiet un,
Lemna Mangpa pienna mun ah;
I lungsim gou bawmte hong in,
Mangpen chibai i buh ding uh.
Nuom leh kipah a laa sa in,
Lemna Mangpa khu pahtawi in;
Hossanna chi a kikou in,
Tungnungpen ah loupi tahen.
2. Mipilte leh Belampute,
Tunglam Alsi in a pui a;
Bethlehem Mang tha pienna ah,
Nunnuom gimtui toh i zuon ding.
3. Van mipite phatna zaila’n,
Tungnungpen ah loupi tahen;
Leitung a mi zata sieng ah,
Lem thu leng tahen achi uh.
4. Khuolbuh tanglou liengvai nanleh,
A thupina lien semsem ding;
Mangteng sang Mang tungnungpen leh,
Vannei Hundampa khu ahi.
5. Tu in zailan lambang pah vai,
Lemna Mangpa hing piengta hi;
A phat lan sietlei thawnsuoh hen,
Loupi tahen Halleluiah.
~~~~~~~
293 Zabawm puoh ding
7.7.7.7.7.7.7.7.
1. Zabawm puoh ding manghillou,
Manghil chieng lah kia teitei;
Sumpi ding manghil tawntung,
Manghil chieng lah kia ngailou;
Bible ken ding donlou in, Vangam tun ding na sawm a,
En vawi in na laukha khu,
Hasie in naubang a kap.
I itleh a meel a hoi, Muda lei a meel a sie;
Phal lehai pieh ding um a,
Phal sihlei pieh ding umlou;
Pei utlei nainou hi a, I utlou chieng gamlapi;
Ki-itna in ahumpen a, Mudana a khaat in kha.
2. Na deiteng leina ding in,
Sum leitawi ding na zau sih;
Pasian a ding khatvei beh,
Sum leitawi din pei ngailou;
Pasian a dia phallouten, Phal hun chi nei ngailou hi;
Nei man a pieh hilou in,
Phal man a pieh hizaw hi.
3. Pasian nasep ding chieng in,
Kei ka tehta na chi a;
Nangma tuom sep ding chieng in,
Koima zau tuom sing na chi;
Pasian nasep tumlouten, Man hun chi nei ngailou hi;
Ka man chitchiet sih chi in,
Chitchiet in hun beisah hi.
~~~~~~~
294 Tungnungpen ah.
7.7.7.7.
1. Simlei miel in bawm nanleh,
Van vah in simlei hing tan;
Van a lahoi hing ging in,
Lem leng hen chi in sa un.
Tungnungpen ah Pasian khu,
Loupitah in um zing hen;
Simlei a mite sieng ah,
Lem leng hen chi in sa uh.
2. Silpuon hoi duong a bat in,
Bethlehem kho paam lam ah;
Hundampa ding hing pieng khu,
Pahtawinan la tha sa un.
3. Angelte a pei nua un,
Thangvan sang a tun nua un;
Belampute lungleng in,
Bethlehem dai a ngah uh.
4. Angelte aw kouma zong,
Belampute pei bang in;
Lei ah lem leng hen chiin,
Phatna laa hing sahpi un.
~~~~~~~
295 Ka hing lamdawn uh
13.13.13.14.
1. Khrista min a hing kalsuon, Nisa leh guo nei ah;
Munchin leh gamchin hing tuon a lamsuh lamtou ah;
Khosa kai leh thatawlte na hing dam chiet na uoi?
Kouman Mangpa Jesu min in kahing lamdawn uhi.
Ka hing lamdawn uh (3vei),
Kipahna Mangpa Jesu min in ka hing lamdawn uhi;
Kouten Mangpa Jesu min in ka hing lamdawn uh.
2. Hattuom nguui leh hatmaw nuatolte suhal ding in,
Hagau sieng a kithuom in Pasian na khu sem va ui;
Na Hagau nasepna Pasian in hing guolzawl hen,
Kouten Mangpa Jesu min in hing thumpieh zing ung.
3. Munchin gamchin a um sanggam u leh naute aw,
Gim leh tawl a Jesu min a hing kalsuon zousie;
Damtah in i kimutuo uhi kipahtah in,
I kikhopna uh Pasian in hing guolzawl tahen.
~~~~~~~
296 Itna Lamdang khu
8.6.8.6.
1. Itna lamdang a min ngai e,
Kei bang mikhiel hing tan;
Kei a mangsa tu’n a hing mu,
Mitdel tu’n ka muta.
2. Khum itna’n zau dan hing theisah,
Itna’n ka zau beisah;
Itna manpha na va-ia e,
Ka gintat laitah in.
3. Zauhuoi thaang tampite lai ah,
Kei ka peisuohta hi;
Itna bephi tutan hing pui,
Itna in hing tut ding.
4. Khum mun nuom ah nibang taang a,
Kum sang sawm kivei zong;
Pasian phatna kiem ngailou ding,
Phat zaila tullou ding.
~~~~~~~
297 Kimute phawnghal ding in
7.6.6.6.6.6.5.
1. Kimute phawng hal ding in pengkul ahing ging hi,
Nou kimute thou un nou din a vaigei ma in;
Na khelna zousie toh Mang Jesu hing zuon naw un,
Hing pei un a chi.
Mangpa aw mang a tum mang ding hi ung,
Siet tui kinawng ah ding ung;
Ka bawn ua kou hinna hing huoi ding in,
Mangpa nang hing ngai taseng ung.
2. A lungsietna gam nuom ei a ding a bawl ahi,
I Mangpa dia ding kip in Kross khu tawi sang va ui;
Khelna nuaheisan lei Van hinna itang ding uh,
Kinepna kim ding.
3. I bawn un hal chiet vai Khrist hattuom zousiete aw,
Mangpa hing deina bang in tu in iding ding uh;
Itna leh kituohna gitlou ngaidamna bukim,
Ei a ding ahi.
4. I bawn un hal chiet vai Khrist hattuom zousiete aw,
Simlei miel tanvah din Van Mang thupiehte itawi;
Bangkim Mangpa kung pie in gamchin ah kikou vai,
I sem zel ding uh.
~~~~~~~
298 Hing kidaw ven
7.7.10.7.7.13
1. Kei ka mang ding khatvei chieng,
Jesun kei hing gu ding a;
Hitui luong a mi kisuina um ding,
Kei meipin hing tuom ding a,
Jesu sieng ah hing tut ding,
Khum Vantung moulopna pawi ah na umsih khadeh.
Hing kidaw Jesu kellei tung ah,
Ka umna leitung ka ensuh ding,
Koi hei lei a um chi ka mu ding,
Mi siemthana’ng hun um nawnlou ding.
2. Gimna tawp theilou gawtmun,
Nopna tawp theilou Van ah;
Tawp theilou gel kigalsai Pasian siem;
Shina hei a um na hei?
Muolte aw hing vua un chi,
Chi a ngaplou sasa a kikouna aw ka za.
3. Daitah in ngailei kiza,
Mishi khuo aw ging vazua;
Koima hing pui sin na piengtha un achi;
Lazar sieng a tui ngen in tu tan in hing tung theilou,
Gimseng ing e ka dang tah innkuonte aw chi hi.
Sa seng sang e ka dangtah innkluonte aw chi.
~~~~~~~
299 Mittaw Khomielpi sung ah
9.10.10.12
1. Mittaw khomiel sung ka um lai in,
Leitung nopsahna te mulou nanleh;
Mang Jesu sieng a ka tun hun chieng in,
Mittaw khomiel umlou Jerusalemtha ah.
Kipah in ka phat ding, Halleluiah a chi in,
Aw ken ngahla seng ing khum mun nuomkhu;
Mang Jesu sieng a ka tun hun chieng in,
Mittaw khomiel umlou Jerusalemtha ah.
2. Kengbai khupzoi in melse gawp in,
Bilbing hamtheilou simmaw huoi nanleng;
Hing tanpa sieng a ka tun hun chieng in,
Mi poi miphaah umlou Jerusalem tha ah.
3. Sietna a kidim tam leitung ah,
Ka mel ni sang in tangzaw phiel nanleh;
Tangtawn a hinna mun nuom ka tun chieng,
Khelna buoina sietlei ngai nawn tasih vang e.
~~~~~~~
300 Akhawh ngei e
1. Muong sawt sinlen Unau nang zong,
Noplai nite hing liem van in;
Na hun leh na hoi lai nite,
Loupa bang in hing vul ding hi.
A khawh ngei e pienthalou khu,
Han leh shina’n a ngah zing hi;
Tangtawn hinna na neilouleh,
Kisia vateh tangtawn dong in.
2. Rapture ni khuo hing tung taleh,
Nu leh Paten ta sui van in;
Taten nu leh pa sui van in,
Kisiana huoisie hi tading.
3. Mangtouna vam kilat chiengleh,
Hankhuh tangsa mishi thou van;
Hinna bu a min tuongloute,
Gawtmun meidil zuon tading uh.
4. Mangpan Getsmani huon ah,
A lungngai a luonhi luong in;
Anah ah sisan hing luongkhie,
Mangthaite hutdamna ding in.
~~~~~~~
301 Gal in Don Vang Mangpa
8.8.10.8.6
1. Lungkhamnaten hing tuom vel e,
Solnan niteng in hing sol leng;
Aw hing ngai ing ka Hundampa deipen,
Ka kullpi leh ka bitnapen;
Hing umpi zel in.
Gal in don vang Mangpa,
Lungkham meipi jing khawlna ding Zion,
Ka hagau khawlna ding Zion,
Leh na mel dei-um khu.
2. Tu in pahbang hing lun kia in,
Tam sietlei khiel simjing ah khun;
Sietlei pah nichin a nuompite khu,
Na lungsietna theisah kia in;
A bei mang ding phal sin.
3. Tang a ka nuom leh kipahna,
Ka Mang mel dei-um nuomlliemsa;
Tu in pahbang tul tadi nanleh zong,
Aw hing pahlun kia ngei ding hi;
Nuom a zai-awi kia nan.
4. Gal in don vai Zion khopi,
Lungdei senguol chibang kimna;
Lungsiette luonhi toh ka khenpite,
Niteng don in hing ngah zing uh;
Taangtawn nuom la sa in.
~~~~~~~
302 Dam Vai Mangpha
9.6.8.9.6
1. Mangpa’n eite hing lungsiet zal in,
Nunnuom in i lengkhawm;
Gibang khenna sunni hing suoh,
Ka lenkhawmpi lie leh tang, tun leh juo;
Dam in chibai mangpha.
Dam vai, Mangpha, man vai
Houlungtuoh u leh nau;
Sietlei a tu a i lenkhawm mamabang un,
Van khawlmun nuom ah lengkhawm kia vai.
2. Mangpa thugentena ma bang in,
Ama Grep gui hia, Eite a baa ihi ngal ua;
Vangam nuom ah Ama sieng a itun chieng un,
Manglukhu i saan ding.
3. Gingtute lampi dihpenpen khu,
Pienthana khu ahi;
Khum khu tui leh hagau ahia,
Khum lampi khu Ama zotna lampi dih hi,
Zui lei i tung ngei ding.
~~~~~~~
303 Muol leh Taang Saang nanleh
12.12.12.10
1. Aw Gospel khuolzin heilam a pai ding nahei?
Nangma ngai a dangtah sang nempi umta uh;
Muzing a mulou leh zazing a zaloute,
Na silbawlthei hundamna ngah zing ung.
Muol leh taang saang nanleh pei ding ka hi,
Mangpa thupieh zuilou thei hising e;
Ngainatnan hing sawl zing ka thulou in,
Mang nasep khu kei ding ahi.
2. Simlei suoh in misangza miel nei ah um uh,
Kalvari a tatna nisuoh lam theilou in;
Setan in sol lungmuongta gawtmun a ding in,
A liem zing uh aw Gospel han naw ven.
3. Gospel hatna asaang nuomlou zousiete khun,
Ka leh hagielna thuoh va uh tangtawn dong in;
Khunah kisia nanleuh ngaidam um talou ding,
Kumtawn siemmawna a tung uah um ding.
4. Aw unau Gospel hatna na saang kim unlen,
Gospel lahtou ni ding Rapture ni hing naita;
A gingta zousie tung vanggam ah teng va un,
Halleluiah chiin khawldam tava uh.
~~~~~~~
304 Kingaituo un thukhen ni naita
14.10.12
1. Vannei sietlei Sodom bang in thumanlouna’n a dim,
Mangpa hun chiem um sawt nawn talou ding;
A lungtuohlou zousie a sumang ding ahi.
Kingaituo un thukhenni a naita,
Sietlei um sawt nawnlou ding;
Pasian thu in simlei ah mun anei zou nawnsih.
2. Mihingte na lungisetna khu a kidang hi Mangpa,
Jerusalem khopi a teng zousien;
Kiletsah leh hoinan vai a hawm uh Mangpa.
3. Hundamtaten na mel mu kal a ngahla uh Mangpa,
Jerusalem khopi tha nuom ah khun;
Genthei hesuo kana um kia nawn talou ding.
4. Jerusalem khopitha nuom hing gel vawi un Unau,
Gel nanlengzong ka muzou nawnsih hi;
Mi lien leh mineute nopsahnan a dim uh.
~~~~~~~
305 Na Gam Hoi a Leng ding in
-By: Thongsat
1. Ka sietna tui bang in a luong,
Mangpan ngaidamna hing tangsah in;
Shina kul sung ka tun ma in,
Ka Mang Jesun hing han hi.
Na gam hoi a leng ding in,
Nei dei amah Mangpa?
Kei mitawnsie;
Puohgih puo mi Vannuoi ah tam nalai e.
2. Ka dawnkhawmpi guol-le-paaiten,
Shina luidung hing pal galkai in;
Jesu hinna tanghou ne di’n,
Mi tawnkhiel kei hing han hi.
3. Jesun mi tawnkhiel a lungsiet,
Na khelnate sisan bang nanleh;
Vua bang in ka vamsah ding hi,
Chi in thu ahing chiem hi.
4. Ka manlai ni khu hing beileh,
Ka thu’n siemmaw hing tangsah van in;
Ka dinna mun shina hi,
Sietlei tuong hing nuasie ta in.
~~~~~~~
306 Zion Vangkhuo hing ngai ing
9.13.11.8
1. Zion vangkhuo aw ken hing ngai ing e,
Naubang kap in luonhi toh gal hing don chim lang e;
Ngailai puonbang ka lenna gamlei kidang,
Ngil ni um thei ngailou ding hi aw ka Vangkhuo,
Zion mubang hing ngai ing e.
2. Babulon chieu kuom dung ah tutkhawl in,
Huisum tulsing hiengzau ah i kaiging i khai ua;
Melma singgam ah Zion laa sa lou in,
Sal a hing puiten sa din hing sawl nanleuh,
Jerusalem hing ngil siang e.
3. Mangpa aw na ta khelna saltangte,
Simlam luite bang in hing pui kia inlen Mangpa;
Zion laa lem in kaiging luong lawm nou toh,
Nangma phat laa sa’n zaila’n hing awi va ung;
Zion mubang hing ngai ing e.
~~~~~~~
307 Lungnopna Kiching
11.11.11.11
1. Ka neu lai in lienleng lungnop ding kisa’ng,
Ka khankhiet vang lungnopna nei thei tuonlou;
Piteh, putehten lungnopna nei tuonlou;
Ada leh lungzuon toh shi ding manaw hi.
Lungnopna kiching lungnopna,
Jesu sieng um hi lungnopna;
Na nei chieng Jesu na nei chieng,
Lungnopna kiching na nga ding.
2. Leitung haunan lungnop hing pethei ding sa’ng,
Ka tha neisunteng hauna suinan ka nei;
Nanleh mihauten lungnopna nei tuonlou,
Lunggim man zan imu maw tampi um.
3. Leitung pilnan lungnop hing pethei ding sa’ng,
Ka hun neisunteng pilna suinan ka nei;
Nanleh mipilten lungnopna nei tuonlou,
Ada leh lungzuon toh shi ding manaw hi.
4. Leitung siemnan lungnop hing pethei ding sa’ng;
Ka tha neisunteng siemna suinan ka nei;
Nanleh misiemten lungnopna nei tuonlou,
Lungkham lunggelnan hinkhuo mangbei uhi.
~~~~~~~
308 Nang tellou in bukim lou
6.6.9.12.11
1. Khokhal tuiva lungleng,
Gam mang bang ka ham a;
Touzing tul dawn a Simbu ham bang,
Khokhal tui umlouna Sakhi bang ka tau a,
Ka hinnan Mangpa ngai in ka tau den e.
Nang tellou in hinna chinglou,
Itna leh ngaina Na sieng ah a um e,
Hing neisah in aw Mangpa.
2. Khelna simjing nei ah,
Khisa thang-awh bang in;
Muoldawn huiva bang in ka tau a,
Ka umna simkhuo jing;
Sung gilkiel ana e,
Ka hinnan Mangpa ngai in ka thum den hi.
3. Itna phuitong palbawm,
Vaza bang i khawllai;
Nunnuom Sien vontawi lie-le-tang toh;
Itna ningtui ka dawn,
Lai nite ka ngai e,
Ka hinna Mangpa ngai in a thum den hi.
~~~~~~~
309 Hun a buoi hun abeita
8.6.10.10
1. I damlai ni tomnou kal a,
Hing bei ding ahita,
Unau kingaituo’n hun um nawn vawtlou;
Na lung hei in Vangam ahing naita.
Hun a buoita, hun a beita,
Lungsietna hun muol aliem zing;
I Mangpa hing pei ding hita,
Na lung hei in Vangam ahing naita.
2. Aw hinna thu muloute khu,
En vawi un Unaute;
Tangtawn shi nina mun lam khu zuon in;
A liem zing uh luonhi luong kawmkawm in.
3. Hun kipah um tomkal sung in,
Mangpa nna sem va ui;
Vaigei sengta aw hun um nawn vawtlou,
Kipan va ui i Mang nna sem ding in.
~~~~~~~
310 Phat vai heina teng ah
10.11.10.8
1. Tam leitung gibang kikhenna gam hi,
Mitphiet kal sung zong lungmuonna um theilou;
Tou nuom pan lei ding, khawl nuom talei pei;
Tam leitung kikhenna gam hi.
Phat vai heina teng ah, Mangpa phat vai,
Kikhen leizong Jesu sieng kimu ding;
Lei ah i kimu diei Van kimlai ah?
Tam leitung kikhenna gam hi.
2. Lungtuoh i khawl zong lungmuon um theilou
Tam leitung khu i khuolzinna gam bou hi;
I khawlkhawm zong houlung kum chim manlou,
I lam-etna Jesu bou hi.
3. Hun leh tuiluongten hing liemsan ding hi,
Tam leitung ah kikhen sawt nawn talou ding;
Leitung a Mangpa Jesu hing pei chieng,
Kikhen um nawnlou ding van ah.
4. Lungtuoh ikhawllai hunte ngaisun vawi,
Khennan leizong Jesu sieng ah kimu ding;
Kithei chiet vai phatna laa i sah chieng,
I lametna Jesu bou hi.
~~~~~~~
311 Gospel Lungsietna’n
10.9.10.7
1. Mangpa nasem ding in sietlei ah khun,
Ka pei zel ding ka puohgihteng toh;
Ka taisan sih ding hi ka Mang Jesu,
Melma dougal hat nanleh.
Gospel lungisetna’n ka pei zel ding, (2vei)
Ka Mang Jesu min hoi khu phat in;
Zaila sa vang sietlei ah.
2. A nasep sunzom ding koi hei a um,
Kei hing teel hi ka Mangpa Jesu’n;
Kipah in Mangpa na sem zel vang in,
Shi tan a gin-um ding in.
3. Ka maban sep ding a hing guotsah hi,
Gospel nate sem tou zel ding in;
Siet dougalte khu nawh mang peh vang in,
Ama ka zui zel ding hi.
4. Aw lungsietna, aw lungisetna lamdang,
Hing pui zel hi ka peinateng ah;
Muonna umlou hahsatna mun ah zong,
Ka pei zel ding miel nanleh.
~~~~~~~
312 Nang leh kei zieh a shi
8.8.8.10.9
1. Pilat in mipi lung hawl in,
Thu adih a tansahlou in;
Linglukhu khu a khusah uh;
Nunneemtah in minsietna Kross puo in,
A kaita uh Kalvari zuon in.
Aw gel vawi un, Aw ngaituo un,
Nang leh kei zieh a shi hilou maw;
Van a, a loupina zousie nuasie’n
Lei ah nang leh kei tan di’n ahing shi.
2. Mangpa meelmate a hing pei,
Khetbuh leh siakil tawi kawm in;
Nuizat bawlna in anei uh,
A khut leh a keng Kross a kilbeh in,
A khaisang uh Kalvari Kross ah.
3. Anah tei in a sutsah uh,
Panpi ding neilou Mangpa khun,
Kross tung a, ashi ding kuon in,
Ka dang atah chiin a kikou hi,
A pe ding um vawtlou Mangpa khu.
~~~~~~~
313 Aw Mizousie hing pei unlen
9.9.6.10
- Songrolal Songate
1. Mangpa na gam ah khun nasep ding,
Atam hi nasem ding atawm hi;
Bangchiin ahi tadiei?
Ka hatna leh theina atawm ngei e.
Aw mi zousie hing pei unlen,
Mangpa gam ah na sem ding in;
I talentte supung va ui,
I Mangpa hing hatna bang zel in.
2. Na hatna leh na theina zousie,
Phallou ding maw Mangpa a ding in;
Aman a Tapa tangkhat neisun,
Nang a di’n a hing pie hi.
3. Mangpa ka hinna nang a ding in,
Mang zou ngei ding in hing pui inlen;
Shitan a gin-um ding in hing pui in ,
Mangpa na hatna in.
4. Ka hing ngai Mangpa hing pui zel in ,
Damlai ni mang siem din hing pui in;
Gitlouna mun a um nawnlou ding in,
Mangpa hing pui leng in.
~~~~~~~
314 Sem Va ui Khrista ding in
7.7.5.7.7.5
-Thongsat
1. Sem va ui Khrista ding in,
Tangtawn khuovahna mun ah;
En in mei gal ah;
Sietlei mit a mu phahlou,
Khumnah kitamna lui luong,
En in mei gal ah.
Machieng suon in Vangam nuom ah,
En in meikaai gal ah;
Sana nguun luon khopi ah,
Khun khatvei i lengkhawm ding,
En in mei gaal ah.
2. Mangpan hing panpi van in,
Solna tui kinawng nanleh,
En in mei gaal ah;
Khelna simjing nei ah khun,
Hing hundam ding ken ka nei,
En in mei gal ah.
3. Khelna simjing nei ah khun,
Jinmang dougaal hat nanleh,
Machieng suon va ui;
Gingtu ei khangthate in,
Mangpa hing pei masang in,
Tu in sem va ui.
~~~~~~~
315 Hundam pa’n mi khielte ngah
11.8.11.8
- Songrolal Songate
1. Aw mikhiel hundampan ahing ngah zing hi,
Sawtpi athawn in hing ngah hi;
Damlai kipahna Manglukhu na khuh chieng,
Na lungkham lai zong hing ngah ding.
Hundampan zaineemtah a ahing hat lai in,
Pieugal vah lam khu zuon in;
Tuzan na hinna khu shina hanmuol ah,
A muolliem maithei ahi.
2. Aw mikhiel ahing hatna ngaisah lou in,
A loupina mu nuomlou i?
Na Hundampa aw neem khu na chimtah ei?
Na chimtahleh bang na suoh diei!?
3. Aw mikhiel Hagau Siengthou in ahing chiel,
A hing chielna na pomlouleh;
Gawtmun hesuo mielna mun a tung ding in,
Hing nuasieleh bang nasuoh diei?
4. Aw mikhiel Pasian in hing ngah zing lou ding,
Na laukha nuasieta van in;
Na lungtang khausah a na nuangatsanleh,
Shina khuh miel zuon tei vateh.
~~~~~~~
316 Aw Nazareth Jesu
12.12.11.14
1. Aw Nazareth Jesu hei a pei ding nahei?
Lenna vangkhuo tuolnuom khel gamdaidam manaw in;
Mikhielte na hing it vang in maw Kross po kawm in,
Kulpuo gamdaidam ah lenna mun nuasie mai ding maw!?
Aw kap in ka mau zel a,
Nanleh tawp ding simthu leel in umlou;
Melmaten pui zel uh gam daidam lam zuon in,
Aw Nazareth Jesu hei a pei ding nahei?
2. Manna vangkhopi tuolnuom a sawlbang heina,
Sietlei nunnop pal zou mangthaite hunkhe ding in;
Pa angsung nuom nuasien mangthaite sui ding in,
Ka kipe ding Hundamnan na chi maw ka Mang Jesu.
3. Leenmuol khum na tai maw sietlei Hundampa,
Baa in pua zel nanleh tawp ding simthu a leellou;
Anbang hing it zieh in aw en in muolkhum ding,
Kap in ka mau zel a nanleh tawp guol ahisih hi.
4. Nazareth Jesu hei sung pei ding nahei?
Mipi pungkhawmte in na tung ah Kross anga uh;
Nanleh Mangpa Jesu kei din damna nahi,
Na gam na tun chieng in hing thei gige’n aw ka Mangpa.
5. Aw meelmu nuom veng na thuohna Kalvari muol,
Hangsan tuoidawng Lili pah Vanmang Ta phamna;
Hasieng hing lengin Halleluiah chiin lem vai,
Tangtawn Van khopi kotkhah i awi ding Kalvari ah.
~~~~~~~
317 Piengthalou piengtha a kingai
12.11.10.9
- Pastor Liankhopau
1. Piengthaloute piengtha in kingai nanleuh,
Mangpan atah leh bu lem khatvei khen ding;
Butah leh alem khen ahi bang in,
Mangpan ahing khen ngei ding ahi.
Hing tung pai tading Mangpa thukhenna ni,
Vannuoi thukhenna ni ginna dih leh dihlou;
Atah leh alem khen ahi bang in,
Tuachiin alem zousie Tangtawn in gawt hiding.
2. Aw kingatuo va ui Mangpa Vaihawm ma in,
Shina mun a hei hinna mun na umna;
Kingaituo hun ahi a vaigei ma’n,
Tangtawn mun heisung na mang diei mah?
3. Na ma ah shina leh hinna lampi a um,
Na thun siemtang ding na thun siemlou tang ding;
Midangte ngai a dih bang a um a,
Atawpna khu shina mun ahi.
4. Hattuom Upa, Pastor leh member lah ah,
Hinna bu a min tuonglou a tam taluo;
Jesu toh kituoh khalou na hileh,
Kingaituo’n a lem na hi maithei.
~~~~~~~
318 Alien amengte vaw
12.12.8.8
1. Alien amengte vaw, Ahepina nuoi ah,
Tun hing pei chietta un, Vah mangthai kia lou din;
Vaigei sengta kinmeng unlen (2vei)
Hepina kot kihon sung in.
2. Jesun hing hat lai pet, Suonlam ding sui lou in,
Liengvai genthei zousie, Hing peikhawm chiet ta un,
Tu in bangkim kimanta hi (2vei),
Munhoi pen zong i tang thei hi.
3. Jesu Kross sisan pha, Amawhnan luong lou hi;
A thuohna zousie toh, Khatma zong mang lou ding;
Agam letnan silloupipen (2vei),
Hepinan a bawl zouta hi.
4. Mi zousie hing pei un, Belamnou masang ah,
A min pahbang tawi vai, A loupi seng zal in;
Lei leh van mi thu kiman in (2vei),
Tangtawn in pahbang tawi leng vai.
~~~~~~~
319 En Vawi Nu Na Tate
11.10.11.8
1. En vawi Nu na tate gawtmun lam zuon in,
A pei zing uh han in han kinmeng in;
Samgi bang na khen ding khu na ngai ngam diei?
Tangtawn in zong mu nawn sia teh.
Han kin in a hun lai in,
Han kin in a kikhel ma’n;
Han kin in hun in nang hing ngahlou ding;
Tung Thangvan khopi dawngkot na tun chieng in,
Na von deiteng a kim nadiei?
2. Shina luipi gal a kikou aw na zahleh,
Ngai pha vawi in nu aw koi aw ahei?
Hing pui in chi a kikou aw na zahleh,
Na vontawi liengvai aw hilou maw?
3. Pienpi bilbing hilou, pienpi mittaw hilou,
Ut man a pei hilou gawtmun lam ah;
A siempa Tung Pasian na samzang theisuohpa’n,
A sisan man hing phul ngei ding hi.
~~~~~~~
320 Nang sieng loungal
12.9.9.9
1. Tam leitung ah tomnou tangbang ka dam sung in,
Mangpa na nasem in hing pui in;
Na aangsung zuon in ka hing pei hi,
Mangpa nang hing kem in hing pui in.
Nang sieng loungal ka Mangpa taina ding ka neilou,
Ka Suongpi ka Kullpi nang nahi;
Hing it hing lei ka it Hundampa,
Na dei dan in hing zang in Mangpa.
2. Ka damsung khuolzinna ah Mangpa hing pui in,
Lampi hoi leh kilawm atam hi;
Na Hagau lam hiltu hing sawl in,
Gin-um a kalsuon din hing pui in.
3. Mangpa ka damsung nite sim dan hing hil in,
Nangma deina bang in zang nuom ing;
Na itna kiem theilou hing guon in,
Na tatna thei nailoute pui din.
4. Mangpa nang lungsim Hagau mangthaite hutdam,
Thei nailoute sieng tatna thugen;
Nangma gingte hinna Manglukhu,
Shitan a gin-um thuoh nawnlou din.
~~~~~~~
321 Namchin ding a shi
8.7.8.7
1. Pasian galthuom mangtute khu,
Taangtawn muol vum a leng in;
Buoina pielgal tuong a tung in,
Lungkhamna thuoh nawnlou din.
Lei leh van Mang namchin ding a shi khu,
Thu in phat seng sih uh;
Pahtawina dah tum in,
Tanpa phat zai-awi uh.
2. Tawpta lou ding tangtawn dong in,
A phat zaila sang deudeu ding;
Khunah puonvam sil in leng uh,
Hinna Manglukhu khu in.
3. Kei zong sietna ka um sung in,
Kalvari muol a leng in;
Dihna galthuom kim mang vang in,
Gallien ka dou thuh ding hi.
4. Ka zou ding ka pahtawi ding,
Tangtawn Mang hepi loupi;
Mikhiel kei dia a shi zal in,
Simlei ah lambang pah vang.
~~~~~~~
322 Aw Kross, Aw Kross
10.10.10.8
1. Hagau saltang leh gitlouna puo a,
Lungkham liengvaitah a ka um lai in;
Kalvari hansie dong Kross tung ah khun,
Ka Mangpan zawna hing peta.
Aw Kross, Aw Kross,
Aw Kross kei gilou siemtanna;
Aw Kross, Aw Kross,
Aw Kross kei hing tawisangtu.
2. Kei migilou leh mi bawlthei neilou in,
Ka theina suong in pahtawi ka sawm zing;
Lungkhamtah a havai hinanleng zong,
Ka Mangpan zawna hing peta.
3. Kei migilou mangsa kikhen den in,
Keima a khun Mangpa Krist ahing hingta;
Sietlei in keima hing subuoi nawnsia,
Ka Mangpan zawna hing peta.
4. Damsung in lungkham buoina tung nanleh,
Zau nawn sia’ng Mang Khrist in hing mapui zel;
Nisim in Ama zailan phat tavang,
Ka Mangpan zawna hing peta.
~~~~~~~
323 Aw Nang Umna Pou
11.8.11.9
1. Aw nang umna pou ka hinnan nuomsa hi.
Gim ka thuoh lai in nang kang han;
Sunchin ka kinepna zan khosawt ka laa,
Ka lam-et, ka damna, ka bangkim.
2. Hing chingpa it aw heisung a um nahei?
Na Belamte itnan na pui;
Bangdin shina lui guom miel ah ka zau diei?
Tam sietlei gamdai ah vahvai in.
3. Bangchin na sieng apat ka taimang dieimah?
Gamdai a gilkiel a kap in;
Na melma’n ka lungkham muleh kipah in,
Ka hitui muleh mai tai ding hi.
4. Ka Hudampa aw na melmu zing ut ing,
Na hamuonna in hing tuom in;
Na hepi ngaidamna kitheina muong in,
Ka ha lungkham thawmhau nuomsah in.
5. Angel siengthouten na melmu nuomsa uh,
Sang tamtah in na kam ngah in;
Ka kamsuo tangtawn mang lou in ging zing,
Tangtawn a Mangpa nangma phat in.
~~~~~~~
324 Envawi lungsim miel khu
7.7.7.11
1. Envawi lungsim miel nei ah,
Mangpa na it na tate;
A mang zing siet miel nei ah,
Mangpa Hundamna thu theipha nailou in.
Aw Mangpa na hundamna thu thei nailouten a thei na’ng,
Kei mikhiel hing tahlou khu;
Missionary in hing sawl in,
Aw Mangpa ka gen zel ding na thu hing.
2. Mangpa keima ka hing pei,
Missionary ding hing sawl in;
Kalvari a na thuohna,
Kei a ding in na shi zouta hilou maw?
3. Koi e ka tang a pei ding,
Koi e ka tang a gen ding;
Chiin Mangpa dong uhi,
Kei ka pei ding tuipi kinawng gallam ah.
~~~~~~~
325 Shina hankhuh miel
10.10.9.10
1. Mangthai sa’n sietlei ah na hing pieng a,
Na pienna zieh bang e tun ngaituo in;
Na damna zieh bang e ngaituo in,
Na shina ni leh hun ahing tun ma’n.
Shina hankhuh miel in hing ngah zing kiging in,
Leitung noptat in um maimai sin;
Na pienna san Hagau mangthai mat khu ahi,
Khum khu ahi Mang nasep thupi.
2. Leitung a ka pienna zieh theilou in,
A nopna bou ka na sui leng a;
Ka damsan Hagau mangthai sui khu,
Ka na theisih Mangpa hing ngaidam in.
3. Mang Jesu hing peisan thupipen khu,
Mangthai sui a hundam khu ahi;
Hattuomte sep ding tulmawpen khu,
A nasep Hagau mangthai sui ahi.
4. I damlai nite khu a manthai ma’n,
Mangthaite puilut din sem va ui;
Lalna, thuneina leh saannate,
Suon ding dang umlou Mangpa mai ah khun.
~~~~~~~
326 Aw ka kipah hi Mangpa
8.10.9.9.9
- Upa Liensiem
1. Ngaituona chin a galdot in,
Ka Mang lungsietna kilang tawp thei lou,
Kou ding a na hinna na hing pieh,
Namchin jatan mel in theile uh,
Kalvari a na sisan luong khu.
Aw ka kipah hi Mangpa,
Na thupha leh zaila in hing pawl zing inlen;
Ka lung sung thuneina mun sangpen tang inlen,
Hundamna ZOAR hing tun in.
2. Na thupha leh late phuong di’n,
Ka chinglou Mangpa ka lungmawl taluo;
Nang hing phuongzaw in it siem Mangpa,
Mite lungsung ah na thu hing khu,
Hing giel in tangtawn a hing ding in.
3. Leitung thuneina paikhie un,
Sildang zousie sang a a deipen hi;
I lungsim thuhpen ahizaw hi;
Mangpa a ding in mun awngsah in,
Mangpa tenna khu nopna ahi.
4. Mangpa aw kei hing nuasie sin,
Ka lungsung thuneina hing luo inlen;
Hing teng zing in Mangpa Jesu aw,
Sildang bangma zong ngai nawnta sia’ng,
Zion laa lem in nuomsa tavang.
~~~~~~~
327 Nunnuom in ama phat vai
10.9.10.8
1. Genlieng tungtuong maw vanmi a hing pieng,
Bethlehem bawnginn daidam sung ah;
Ama khu mihing leh Pasian ahi,
Mang leh hundampa ahikhawm.
Nunnuom in Ama pahtawi va ui ,
Hing hundam ding in hing kingainiem;
Loupi tahen, aw loupipen tahen,
Pasian i sieng uah a hing tung.
2. A vangletdan koima in theipha lou,
Tangtawn in a Pa aangsung ah um;
Mipilte leh a lalna tung Si-al,
Van mipiten ahing gen uh.
3. Nuom in la sa vai Mangtha hing piengta,
Lungsim zousie toh Ama bie in;
Edom gim namtui leh suongmantam sang,
Lungsim a thum a lulzaw hi.
~~~~~~~
328 Siengthou, Siengthou, Siengthou
13.12.13
1. Aw hepina ka gen siemlou, ka sut siem theilou,
Lei leh van Mangpa loupi leh siengthou hoidan;
Halleluiah aw i theitawp in lambang pah vai.
Siengthou, Siengthou, Siengthou,
Siengthou, Siengthou, Siengthou,
Hing hundampa ahi.
2. Aw hepina gen siem laang e aw a thuh nah e,
Sietlei mielna leh lungkhamna meipi jing nanleh;
Anang zou la gawtmun in zong aw a vahmang e.
3. Halleluiah aw Halleluiah a loupi hi,
Zion tang tung ah siengthouna la ngai sa uh;
A phatna tuipi kinawng bang in a dai theilou.
~~~~~~~
329 Pa vaw ka tan ding sum leh pai
1. Pa vaw ka tan ding a kilawm na sum, Hing pie in khuolzin nuom ing;
Lungnop suotatna hauna lunggul in, Leitung nate sui nuom ing;
Zudawn thaikap in noptatna sung ah, Kidie in puon hoipen toh kijem in;
Ann tui nou ne in gilou numei toh, Kipawl in ka neisateng ka zang bei.
2. Tun ka lungkham ka neisateng beita, Ka neh ding bangma umlou;
Tangvalpa lah jawna chiin zong gawpta, Mihaupa sieng hing tungta;
Mihaupa lou ah voh a hing chingta,
Voh-ann neh begap na chieng dugaw in;
Koiman lah donlou neh ding lah pelou, Ama tang vohkuong phung ah tou ngiungeu.
3. Tam gam ah gilkiel in ka shidehta, Kiel nasapi hing tung a;
Kei lah sung sil kiel a shi ding hitang, Ka pa inn ah pei nuom ing;
Voh-ann kuong phung a khakun ngiungeu in,
Agamtat khelna teng hing kitheita;
A khangdawng lai hunte lah bei zouta, Hepi huoi tangvalpa hing thum ngiungeu.
4. Aw ka pa inn ah nesemte kham vaal, Bangzatah a um tadiei?
Ka pan kei hing phawh nalai kha dieimah? Tu in thou in pei tavang;
“Pa vaw kei mikhiel migilouta hing,
Na mai leh Pasian mai ah khiel zoutang;
Na ta china ding zong kilawm nawnsing, Na nasemte bang in hing zang mai in”.
5. Apa in ata a mutah chieng in, Nuom in del pai vingveng a;
Aw ka it ka ta ngawngkawi in nam a; Itna hitui toh kidim,
Puon hoipenpen hing la in silsah un,
Zungbu zong, kengdap zong hing bulsah un,
Bawngnou thaupenpen gou in nuomsa vai,
A shisa ka ta hing thoukiata hi.
~~~~~~~
330 Na jangaina ging in
6.6.8.6
1. Khiel in mangthai nanleng,
Koi dang e ka chi ding;
Ka hinna san zong ka theiloupi,
Mangpa hing ngaidam in.
Na jangaina ging in,
Na aangsung ka hing zuon;
Na lungsiet banzal in,
Na ngaidamna kahing ngen hi;
Mangpa hing ngaidam in.
2. Bangza a tam ahei,
bangchi a gil atai?
Ka khelna teng ka puong senglou;
Mangpa hing ngaidam in.
3. Bangzieh a thuoh atai,
Koi ding a thuoh atai?
Ka khel simsenglou ngaidamna;
Khrista sisan hing luong.
4. Ka ha ba a khawlta,
Na sisan pha luong ah;
Na hundamna mun galmuong ah,
Ka khawldam hun ding khu.
~~~~~~~
331 Van Jerusalem Khawmpi
10.11.10.11
1. Van Jerusalem a khawmpi loupi ah,
Khawmpi loupi hing um ding ahi chi in;
Mangpa Jesu in ahing puongdohta,
Chichin namchin kung ah ahing puongdohta.
Van Jerusalem a khawmpi zousiete,
Hinnna singliim dam diidiid nei ah khun;
Sil gingthei zousieten Mangpa a pahtawi uh,
Nang zong na tel thei diei aw khum mun nuom ah?
2. Van Jerusalem khawmpi na haw ding,
Tunkim ni ding khu ahing naita ahi;
Khawmpina tel ding na man sieng taimah?
Nang zong tellou ding namah khawmpina ah?
3. Tam khawmpina a vaihawm puitu ding,
Mangpa Pasian leh Belamnou ding ahi;
Khum mun ah zan chi um nawn vawtlou ding,
Pasian leh Belamnou in a tanvaah ding.
4. Van Jerusalem a khawmpina mun ah,
Silsienglou kidah huoite leh suomhatte;
Tel thei mawngmawng lou ding khum mun ah khun.
Belamnou HINNA BU a min tuongloute.
5. Van Jerusalem khawmpina hawte,
Kikhen kianate um nawn vawt tasih van,
Tawp kia ni um vawtlou ding khum mun ah,
Damtah in aw chibai chi um nawnlou ding.
~~~~~~~
332 Jesu nei ka nuomzaw
11.11.11.12
1. Jesu nei ka nuomzaw, Gou lulpen sang in,
Ama ahi ka muon lei gouteng sang in;
Jesu nei ka nuomzaw, Gam leh inn sang in,
A khut siakilna hing puitu ka telzaw.
Gam lientah a Mangpen a ka um sang in,
Khiel thunun a ka um sang in;
Jesu nei ka nuomzaw bang dangteng sang in,
Leitung pumpi sang in.
2. Jesu nei ka nuomzaw minthanna sang in,
Gin-um a Ama panpi ding ka nuomzaw hi;
Jesu nei ka nuomzaw pahtawina sang in,
Amin siengthou phatna laa sah ka nuomzaw.
3. Lili pallun hoipen sang in etlawmpen,
Khuoizu sang in humzaw ka Mangpa aw neem;
Ka ha gilkiel dangtah Ann tuipen ahi,
Jesu nei ka nuomzaw hing puitu ding in.
~~~~~~~
333 Lawm ding a hoipen Bible
13.9.8.9.8.8.7
1. Gou manpha hina e, i Pasian silthawnpieh khu,
Hagau lungmuonna lampi hing hil;
Nunkhonopna Jingsol Alsi,
Ka lailung simjing hing tanvaah hi;
Ka peina teng ah tawi vang in,
Lawm bang in ka jawhkhawm ding hi,
Kei leh ka Holy Bible.
Lawm ding a hoipen khu Bible ahi (2vei),
Niteng a na sim zel a lawm hoi a na nei photleh;
Lampi hing kawhmu van in;
Lawm hoi gin-um zuau ngailou Bible,
Ka Holy Bible.
2. Envawi thuhun zousie alui leh atha kigawm,
Pasian Belamnou thupha hing hil;
Jawlneiten a genlawhsa khu,
A hing puo khantawn hinna thupha,
A kigiel zousie sim vang in;
Leitung gam zousie ah peivang,
Kei leh ka Holy Bible.
3. Nuomthu kahing tut hi Immanuel ka Mangpa,
Hundamna tangmipha thutah in;
Ka lungsim ah dimlet henlen,
Laukha mitmiel hing salvaah tahen;
A sim zousien jauh henlen,
Vantung gam zousie ah hing pui,
Kei leh ka Holy Bilbe.
4. Guolzawlna bukim khu atha in hing tung zel hen,
Pilna siemna minthanna teng zong;
Laibu dang himhim a um lou;
Zang zel in khantawn hinna thupha;
Khrist tangmipha hoi leh deihuoi,
Pasian thu hing taihil theitu,
Kei leh ka Holy Bible.
~~~~~~~
334 Sietlei ka inn hilou
6.6.6.6.6.6.6.6
1. Sietlei ka Inn hilou, Singkhuol ka zinna hi;
Ka gou manpha a um, Van dum diidiei gal ah;
Angelten van dawngkot pan khut hing zaap uhi,
Tam sietlei tung ah khun nuom sathei nawn vawt sing.
Mangpa Na thei,
Nangbang lawm ka neilou,
Van ka inn hisihleh,
Mangpa bang ka suoh diei?
Angelten van dawngkot
Pan khut hing zaap uhi,
Tam sietlei tung ah khun,
Nuomsa thei nawn vawt sing.
2. Kei hing na lam-en uh, Hing ha theichien mama;
Hundampan hing ngaidam, Tun van zuon in ka pei;
Ka thei in hing tun ding hi, Hatlou nanleng zong;
Tam sietlei tung ah khun, Nuomsa thei nawn vawt sing.
3. Vangam loupitah ah, Hing it ka mu um hi;
A khut ka tuh mateng, Khawl maimai ka utlou;
A kihong dawngkot khah pan Aman hing ngah hi,
Tam sietlei tung ah khun, Nuomsa thei nawn vawt sing.
4. Vanggam loupitah ah, Tangtawn in i teng ding;
Angelten kimvel in, Guolzawna la sa uh;
Aphatna Zaila sah un Van pan lei hing thawn;
Tam sietlei tung ah khun, Nuomsa thei nawn vawt sing.
~~~~~~~
335 Pasian Ta’ Hi’ng
11.11.11.11
1. Aw lei mimaw nang din sisan hing luongkhie,
Pasian Tapa tah khu sing tung hing kikhai;
Singtung a shi ding khu kei hizaw ngel veng,
Khelna pan in keima ka suohta tahi!
Tu’n kei Pasian Ta hi’ng khelna pan suohta ing,
Pasian gam luo ding in hing chiemte zouta a;
Hinna na ngana din Jesu sieng va zuon in,
Khelna kisawpsiengna Jesu shi manpha.
2. Leitung mi zousie in nopna i sui a,
Khatveileh hasatna ituoh thei zel a;
Nanleh khawlmun nuom khat ei a ding bawlsa,
Tua sisan vang ngei in hamuonna hing pie.
3. Lungkhamna na nei maw ka it sanggam aw,
Setan bawlsiet zieh in gimna na thuoh maw?
Pasian zangai khut in hing tu suh ding a,
Jesun sisan vang in hing damsah ding hi.
~~~~~~~
336 Na kamah ka thu kakawi
9.9.9.9
1. Mangpa thu ka siengah hing tungta,
Na nu sunga kahing siem ma in;
Mite sieng ka thu puongzah dingin,
Ka hing guot ka thu va hilh dingin.
Ngaiin na kamah ka thu ka kawi,
Kap leh maute thawm ka sieng hing tung
Ziet leh vei theilou mi tampite
Khumte hingpui khawmin man langin,
Man langin pui in
2. Kamawl chisin kang sawlna pou ah,
Kathu piehte na va gending hi;
Nangma theina in kinga sinlen,
Lungke tuom sinlen semzel lengim.
3. Na peina leh na umna chin ah,
Bangchih tanin kang nuasie sih ding;
Ginum in umin na shi tanphan,
Simlei beitan phan hing umpi vang.
4. Mangpa kasieng thu nang chiem bangin,
Ka vagen ding hi na tangthu pha.
Hahsatna nempi in hing bawm nanleh,
Hing umpi in ka bahlou na ding.
~~~~~~~
337 Lungkham meipi zing
10.9.10.9
1. Na siem leimi dougal in tangta uh,
Zinin manin huolkhau in khi zou;
Kon phel thei ding e Mangpa nanglou in,
Aw hing leng in Mang Imanuel.
Lungkham meipi jing daibang thenna ding
Aw van laukha aw hing leng inlen;
Zata lailung sung ah,
Tangtawn hinna simthu hing lel kia in.
2. Suol silhpuon a kijem leimi hingte,
Zin dougal ten huol khauin khi zou;
Kon phel thei ding e Mangpa nang louin
Laukha khawlna tuong tunglou ding uh.
3. Simlei tuipi luong kihawt kimvel in,
Unau nempi te taimang ding hi,
Kon lakhe ding e Mangpa nanglou in,
Zinmang lal heen in naubang kap uh.
4. Simlei mi jatam muolliem zouta uh,
Hunin khangthah suolin hei liem zel,
Lei Belampu ten zong ching zoulou uh,
Aw hing lengin Mang Immanuel.
~~~~~~~
338 Na gam na tun chieng
8.8.8.4
1. Ka khuol zinna nei hamse gam,
Lungkham meipi bang zing nei ah,
Panpih ka ngai ka Mang nunnem,
Hingpui zelin,
Jesu na gam na tun chiengin hing thei zing in,
Vannei khelna asang taluo;
Kadou zoulou ka Mang nunnem,
Jesu na gam natun chieng in hing theizing in.
2. Kahin khuo hun tomnou te khu,
Theilou kalin muol aliem zel;
Sawlna meipi zing nei ah khun
Hingpui zel in.
3. Kahin ni khuo mandan te khu,
Nangma hingna hil zel inlen;
Ka hun hoite nanga ding in
Mangjing ta vang
4. Sietlei pahtawi zousie sang in,
Na hoipen hi ka lungsung ah,
Hamsietna linglukhu na
Khu malechin zong.
~~~~~~~
339 Hingpui in ka hundampa
9.7.8.7
1. Khelna solna tui kinawng lai ah,
Ka haliem in baa zouta;
Khawlna tullim liep ka ngai e,
Hingpui zelin aw Mangpa.
Hingpui zelin ka hundampa,
Ka damna Kross lim nei ah;
Kei dinga liemna khut ngei in,
Hingpui zelin aw Mangpa.
2. Lungkham naubang na kahna gamah,
Hing theisah in Kross manpha;
Aw khuna tenden ka nuom hi,
Hingpui zelin aw Mangpa;
3. Enven Mangpa na tatsate khun,
Nunbang nopna dai siengta;
Aw Hagausiengthou hing leng in,
Hingpui zelin aw Mangpa.
4. Nangma ngai in Mangpa thum ung e,
Hing halsah thah kia inlen;
Na keng tuin ka nuom zing hi,
Hingpui zelin aw Mangpa
~~~~~~~
340 Hingpei la’ng e kata
8.7.9.6
1. Manggam tunkal ngahla seng ing,
Nuom a ngabang lenna ding;
Hing nai ven Mang Immanuel nang,
Tatsa ten hing ngai ung.
Hing peitang kata hingpei tang e,
Na nuom nan Tangtawn Mang khu;
Kiging ven ka ta hing pei tang e,
Van sawlsieng tungnung pen aw toh.
2. Ka siet gihpuo leh gim-um khu,
Pel in ngahbang leng nuom ing;
Lilipa lutna gam nuom ah khun,
Gim thuohna bei tava.
3. Laukha mansa’n ana um un
Hingpui vang Manggam ah khun;
Hinna singlim dam diidiei nuoi ah;
Lungkham lou nagam ah.
4. Khelna pan sieng Mang deilam in,
Siet tuipi a tum lou in,
Dettah a dingin hing ngah leng in,
Tatsa na hi a chi.
~~~~~~~
341 Van mang lUngsietna
1. Si-al tunga Innpi bawl pa.
Van Mang thupi dan khu gensiem leng aw;
Bang chi dana lei a hing pei.
A lungsietna gensiem ka ut seng hi.
Taanga phuntong kun duamduam aw nu
Ka nau a dang a tah
A genbang ua kun duamduam van Mang
Thupi hing iitna khu;
Hinna tui ahing dawn sah hi.
2. A dihna leh a sianthou na
A thupi nate ka don kim velin;
Kei a dingin mun a um sih.
A lungsietna tuipi ah chi lou ngal.
3. A hepina a hing lut in,
A sisan in ahing na sawp sieng a;
A dihtatna hing dom kai in
A thupina tandong tangtei dingin.
~~~~~~~
342 Phungguol lambang
8.6.8.6
1. Phung gual lambang teng va’n
Kei mi vangsia sausuan sung ah;
Ka lungzuan lungkham meipi hing zing dia Mangpa,
Hing ngai seng talaw vang.
Vangsia hing umpi’n len,
Nagam siengthou tung hinan leh;
Sietlei a hin sungin ngaisiem thei sing.
Ka Mang lungnem thuah ha ning panpiin.
2. Lungdei lenmuol khumta,
A suulnua sietlei lung zuonna;
Pham ngaibang kim don in kap in sunni tum ing,
La liang mang e Mangpa.
3. Sunni tum ha chilei.
Zan khuavui khaubang sauzel e
Phamngai puuldou thuoh in tawp chi neithei lou ding,
Zaam mang mai leng kiawl.
4. Singkhual zinthei hileh,
Khapham tuonglampi vazui in;
Tuoidei hoilai taan toh selung tuohkha navai,
Khapham vangkhuo zin sawm.
~~~~~~~
343 Melma kal ah Eden sietna
8.5.5.12.11.10
1. Ka Mang Jesu melma kal ah,
Eden sietna liem;
Kha napham ni in.
Vankhopi a Elsadai khu bangchin um diei?
Na dung sunn in kavon dawnglai kataan hi.
Naubang ka tapuon bang baangthei sing e.
Hanzel in galkhuo don zingvang vangkhuo.
Munuom ing e tulsa pahlun kia ding;
Lili pahhoi ka ngaini baangthei lou ding;
2. Sui kawikawi tang muzou singe.
Ka lan zai awiing;
Sietlei suohta e,
Theibang senna khal tuibang ka ngahla noukhu;
Phalnawn sih e vanlai saunuom zuonsah uh,
Ka sietlei hinan ngaisiem thei sing e.
3. Aw ka hin sung hei muolliem in,
Kalung khampi gam;
Tungta leng aw van,
Salem Zion lungguolna tang khenlou na ah;
Albang vaina simlei lungkhamna gam khu,
Kajuo Mang sieng ah genkal ngahlang e.
~~~~~~~
344 Lungsietna huipi
6.10.6.8.6
1. Ka Mangpa Lemguot dan,
Ka mihinnan theisiem hasa kasa;
Tahsap lungkham nate
Melma dougal ang hi chiengin,
Na lungsiet mel hinglie.
Aw van lungsietna huipi,
Melthei ha hing sa’ng e.
Ka Mang lungkham genthei Kalvari tang tung ah,
Eloi Eloi chia kikou in;
Vanmang Tapa kikou vavung
2. Balnaba ha inlen.
Jesu a chiuh Kross tungah kilbeh in;
Chia kikou aw gin in,
Tangtawn Council vaihawm hingtung;
Theisiem dan ha kasa.
3. Lungsiet ding hiva chiing
Hossanna aw gin lamdang tasam e;
Sawltah lungkham taimang,
Gethsemani suongpi tungah
Ka Mang lungkham in mau
4. Ka Mang sulnua zui ding.
Genthei chinteng thuoh dingin kiman tang;
Thuohna leh genthei na,
Hundam kathei masa’ng Mangpa
Hingpui khe talawm sin.
~~~~~~~
345 Hundam pan mun siem zouta
8.8.7.8
1. Shina mielnei a itou laiin
Pielgal zing taikhuo hingvah kalung sungah;
Mit a muthei lou leh bil a zah ngailou,
Ka Mangpa mel leh thu khu;
Tuin mutang lungsietna mit in.
Aw hing en chiet un Mangpa thuohna khu,
Mulkim huai talawm me Mangpa shidan khu;
Galdot in sunni tum vai,
A en din niteng in peiva ui.
2. Nangma gingtute sunggil lam ah,
Hing kilang sah kiasawn in hagau siengthou;
Jerusalem nute hing kisia bang in,
Kapin lalieng vontawite;
Nungsul bang ang hei theina ding un.
3. Aw miten a hing gen valuoi ua,
Mangpan a min pahtawi chingin kilang sah;
Kumtawn dongin van Mang hing lungsietna khu,
Gentawp chi umthei lou ding.
Khangtha ten a tha in genva uh.
4. Ka ha liengvai Mang ngil kha vateh,
Vanmang ahi belna kim a kithuom khu;
Lei mipi leh Van mi Angel hon ten zong,
A lungsietna thuhdan khu,
Gentawp zousie uh kangtha ten zong.
~~~~~~~
346 Pielgal jing taikhuo vah
10.7.10.8
1. Leitung hinkhuo khu khatvei veinopna,
Khatveivei sehnel gam bang;
Chimaw beidong in damlou jawngkhal in,
Khatveivei lam-et bei kisa’ng.
Mangpa vang kiemlou kikhellou,
Ahoina kiemlou kikhellou;
Hing itna jing nisuoh bang in,
Mangpa bawltheina kiching tanlou.
2. Gallilee gam ah Jesu hing vah lai in,
Damlou tampi damsah in;
Mishi thousah in miphah siengsah hi,
Natna chinteng damsah hi.
3. Lungkham mi a ding lungnopna um hi,
Bang in hing lunggimsah e?
En in na mai ah guolzawlna um hi,
Na muon ngam jatn muding hi.
~~~~~~~
347 Van saron pah khu
8.9.7.6.7.7
1. Aw vannuoi a mite nuomvai,
Vanmang in hundam kim ahing pie;
Lungsietna ding zong thuh e,
I Mang Krista leh Pa;
Ki thutuoh a muon um in,
Mikhiel hundam vaihawm uh.
Van a kim a kikhen in,
Hinna thu genna dingin;
Sietlei mihingte dingin,
Mang Krist in ahing sawm;
A sung ah lut kinnaw in,
Vanlam sawmkia ding ahi.
2. Zawlneiten ana genlawh uh
Leng David in alim ana nuompi;
Nuomna kim van belna ah,
Mang Krist mel kilang;
Van Saron pah ahing pieh khu,
Bangchi i nuom ding uoi.
3. Kei thutah van zawtna tuonglam,
Leh hinna khu kahi Mangpan achi;
Lemguotpa lemgel banga,
Vanmang lempi loute;
Shina a hing kipan in,
Shi nina khu tangva uh.
~~~~~~~
348 Bethehem dah ging
8.6.8.7.8
1. Ngai un Bethehem dah hing ging,
Van mite hing kikhawm;
Van Mang Immanuel lawm dingin,
Belam chingte hingpei uh;
Eite’n zong va nuompi va-ui.
Aw agin kilawm na e,
Kristmas dah in selung hinglen;
Bethehem ahing theisah,
Mipilte bang a pei dingin;
Aw ka hagau kuong tan.
2. Mipilte puipa Mang Alsi,
Bethehem hingtun in;
Vanmang zalna bawnginn sung ah,
Sun khosawt tom sahnuom ing;
Mi ngaiin mun ngiem hinanleh,
3. Mangpa Kristmas guol hingzawl in,
Kipahte lungsim ah,
Gamhawi sing pallun lai bangin,
Vanmang thupi na ding in;
Van nuomna khu hing pah sahin.
4. Bethehem leh aw Kalvari,
Van Jerusalem khu;
Eite khiel leh liengvai te a,
Dingin ahing kizawm sah;
Vanmang hing lungsietna thuh in.
~~~~~~~
349 Ei ding in kipah um
Luk 2:14 -Pastor V.T. Kappu
1. Ei ding in kipah um, Hundampa hing pieng khu;
Nanleh van mipi gal khuon doning,
A ngaipen uh Hundampa; Khennan zaila sa uh.
2. Nata tangkhat neisun, Nopna zousie taan in;
Genthei thuoh guollou nahing thuohsah,
He khuo nang tuodan talawm; Genseng guol hisih e.
3. Hing Tanpa hingpieng khu, Heisung kava sui diei?
Behthlehem dia bawng inn sung ah khu’n,
Aw kaha vapei taven; Na Tanpa sieng ah khun.
4. Sui zelin ka hagau, Na Mangpa hingpieng khu;
Ama i mapui pa ding ahi,
Angel van khopi ah khun; Nuom in tuong hingtun va.
5. Tuong hing tut ding vanah, Van Mang von lalieng in,
A kipahna vatang ngei ding in,
Ka gel chiengin aw Mangpa; Kipah louthei hising.
6. Aw Mangpa kou ding a, Nata dei tahmai khu
Bethlehem bawnginn a nang piensah,
Aw lungsietna bukim khu; Nangman nanei zou hi.
~~~~~~~
350 Zion khovah ngahte
8.7.8.7
1. Lei genthei gam shina mun ah,
Zion zingkhovah ngahte;
Muongtah a na lusute khu,
Mangpa dawn din kaithou un.
Ni thupipen hing tung ding khu,
Kawlni suo bang in I Mangpa hing tang van in;
A aw gin in han ate thou va un,
Van leh meipi kal ah;
Khensate toh i Mangpa,
Lamtuo din hain leng vai.
2. Lungkham naubang kapte nuom un,
Hunsawtpi ngah nawn ta sia’i
Lungkham mau aw in van a thawn,
Mangpa ngaiin buoinawn lou.
3. I Mangpa thuchiem bangzel in,
Hun kidang sil hing tha ta;
Lungsim gilou siengsah unlen,
Hagau siengthou hanlut un.
4. Lei leh Van silzousie sang in;
Mel munuom ing ka Tanpa;
Kei dia Saron pah bang nalut,
Ni tuong hing tungsah ta in.
~~~~~~~
351 Kaisar inn thupi
Mat. 2:9
1. Guolneiten a gen khol Mang Messiah khu,
Kaisar Leng ni thupi tuong hingtung ta;
Mangtha nuom umpen khu phat un phat un (2)
Aw Angel sieng leh Belampute,
Mipil hingpei singkhuol a mi;
Tung si-al leh misiengthou ten.
Kipahin Mangtha pieng khu hinghil uh.
2. Lunmang zousie Lunmang bang hing pienglou,
Bethlehem bawnginn sung ah ahing pieng;
Khrist lemna Mangpa khu phat un phat un. (2)
3. Angelten hahnan zaila ngai sa-uh,
Mihingte sieng ah lemleng hen chi in;
A min kidang Mang khu phat un phat un. (2)
4. Hundamna dah vanmang Jubili khu,
Lei leh van gamteng ah kithang suohta;
Mang Immanuel khu phat un phat un. (2)
~~~~~~~
352 Sietlei ka khuol zinna
13,13,13,10 -By : Rev. T. C. Khup,
1. Sietlei ka khuolzinna gam nunnopna kim vawtlou,
Kipahna leh muonna mitphetkal sung a bei zel;
Nanleh ka Mang lenna gam Van Jerusalem ah,
Lungkhamna leh danate beita ding.
Sietlei hi gentheina leh kana mun,
Mitphetkal ngel zong kipahna um thei lou;
Mangpa hing nuasie sin,
Na chiem gam nuom tung ding in;
Sietlei lungkhamna jousie ka peisan ding.
2. Mangpa na kouna aw bangchiin ka taisan thei diei?
Hasatna huipi leh guopiten hing tuom nanleh;
Panpi ding neilou in khattang sawlbang hei nanleng,
Nangman nei umpileh bang ka zau diei?
3. Aw Mang Immanuel nichinin hing umpi in,
Nunnop kim theilouna sietlei ka nuasie chieng in;
Na lungsietna bannem a nahing lamdawn ding khu,
Ka geldoh chieng kipahna’n ka dim hi.
4. Pienpi, Unaute aw Mangpa ni khu anaita,
Sietlei aloupina jousie toh hing bei ding hi;
Hepina hun ahi hepina toh nasemvai,
Mangna sem chiet vai hun inei sung un.
~~~~~~~
353 Lungkham Banna
8.7.8.7.8.7.8.7.
Kihilna 21:4 - Lt. Neithang
1. Sietlei shina gam hinanleh, Van khu hinna gam ahi;
Sietlei khenna gam hinanleh, Van kituokhawmna ahi;
I ngai lungdeite i khen a, Pham ngai a lu i suun chieng;
Van khuo nunnuom gal in don lei,
Lungkham bannan zang tavai.
Nichin tung tha a lamdawn ua,
Kipahna nichin sang zel;
Shi leh kikhen zau nawnlou in,
Nunnop tawp thei lou tang uh.
2. Melma nunsie shina Lengpa’n, Sun chin naubang hing kapsah;
Kingai setuom umsih va ui, Koima tawntung ding umlou;
Pasian hinna hing pepan zong, A tapa lu a suun hi;
Nanleh van khuo ahing tunzaw,
Lawm hoi in ngaizaw va ui.
3. I nu i pa i lawm itte, I unau i lawm itte;
Nupa zong shinan a khen chieng, Pasian Ta shina zoupa leh;
Shi lungmuonna neipa khu, Bel henlen kulpi in zang lei,
Lungmuong in kipah tavai.
~~~~~~~
354 Van Khopi Simpina ah
10.9.10.14.
- Siemlien
1. Dachieng mipi sang tam hing pei dingte,
Mangtoupha maa a kiguol dingte;
Mangbang in phatna la ngai in awi uh,
Mipi sang zatam koima simsenglou hing hi tava.
Van khuo simpina’h vanmi hing kisim,
Lei genthei mi leh khelna hing pei;
Pasian Tapa van mi lai ah a sim ding uoi?
Van khuo simpina ah.
2. Van mipi tamdan sim ka sawm zel a,
Ka gel kawm in zong simseng zousing;
Ka sim senglou zieh a ka tangtel khu,
Mipi tam mama koima sim senglou chiin kikou ing.
3. I na duhdah lou zieh un i nuomnau,
A dai siengta a i lungsiette;
Toh i kikhen bang a ngai nawn ta diei?
Lungkham a kithuom ngai nawn talou ding tangzawta ding.
4. Van kotkhah vengpa in thu nuom-um khu,
Ana lasawn a vengpa dawnna’n;
Mikhiel kisia ngaidam a umte khu,
Tangtawn innlam zuon in a hing pei uh Halleluijah.
~~~~~~~
355 Kituokhawm Ni thupi
10.6.7.9.
Kihilna 5:13 - Upa Ngama
1. Pei zel in muolkhum zel hun leh nite,
Nung sulhei thu lellou;
Tua tuipi bang a luong in,
Noplai ni lenmuol khum siengta e.
Kituohkhawmna ni thupi hing tun chiengleh,
Lungsietpa Mang loupi;
Mang nunnem pahbang tawi vai,
Hallelui, Hallelui, Halleluijah.
2. Tam sietlei tuipi thuh ka pal lai in,
Panpi ding dang koima;
Nei vawtsing ka Hundampa,
Hing ha sih galmuonna mun tun ma’n.
3. Ka khuo ka veng leh ka innkuonte lai,
Mel theilou vangla mi;
Singkhuol zin ka tham sungin,
Van khopi ka ngaina sang deudeu.
4. Hun sawt nawnlou kal a tung ding hitang,
Mal huipi sim hui leh;
Tui nawng in hing nuoi nanleh,
Lungkimtah in thuoh nem tavang e.
~~~~~~~
356 Ka Hagau Sieng ah
7.7.7.10.
1. Jing ka zinna vang in la,
Singkhuol ka thamna vangla;
Ka lungsim leh polam ah,
Melma simsenglouten hing im kimvel;
Ka lungkham aw in nang ka hing han.
Aw ka laukha sieng ah leh,
Ka tahsa kung tung ah;
Vengpa thupi tanpa thupi ka hi,
Chiin Mangpa gen kia vel in.
2. Mi gam a ka um sung in,
Singgam vaibang tham sung in;
Khattang sawlbang hei ngam lan g;
Job lawm hoite bang in ka lawmte zong,
Sol hat in pang uh Nang toh lou in .
3. Kipan kiata uh e Mangpa,
Midih tungtaang thu phiel uh;
Ka Ha aw nang pang vawt sin,
Eliza galmang Davida galten,
Thupi a lel uh Mang Herod in.
4. Thawmhau huoi gamdai mun ah,
Solna huipi hing laang in;
Mipi sang tam albang mang;
Kei zong Mangpa solna huipi lai ah,
Albang man ding zau ing Hundampa.
~~~~~~~
357 THUPI TAHEN
10.11.11.10
-Rev. Vawmsunthang
1. Ahingpieng vanmangta Bethlehem ah,
Namchin damna dingin bawnginn daidam ngah;
Khiel sala hing tanding midang um vawtlou,
Mang Khrista aw Lilipah nang lougal.
Aw tungvan Angel vamte,
Na tawng luonglawm hingsuo un;
Tawngluong lawm ginglawm in Zaila ngai sa un,
Tungnung penah thupina Ama hihen;
Loupi tahen Haleluijah AMEN.
2. Na thupi aw Mangpa lei leh van ah,
Na thupi dan khu zailan saseng sing e;
Na silsiem zousie Na sawltah ahi uh,
Na thupi dan hing hilte ahi uh.
3. Manghil siang e Mangpa Bethlehem tang,
Bethlehem khuo tanphan hingsui zelvang e;
Bethlehem khuolbuh a NA tunna ding umlou,
Ngiemseng taluo Na zalna gankuong khu.
~~~~~~~
358 KA MANG LENNA
10.11.12.8
-V. Hawla
1. Ka Mang lenna Jerusalem tha khu,
Phatna ginglawm leh thupina in a bawm;
A thupi dan ham chinteng in gen leng nanleh,
A kimkhat zong gen zou sih uh.
A kimkhat zong gen zou sih uh,
Khopi nuom sung;
Mang Tungnungpen lalna,
A kimkhat zong gen zou sih uh.
2. Misiengthou tengteng leh Angel siengte’n;
Khopi sung Suongmantam hoi chichintengte;
Khangtha pieunel jat bei nua in zong tha zel ding,
A kimkhat zong gen zou sih uh.
3. Chichin Namchin lai a simsengloute,
Nichin Belamnou lalna gam ah lut uh;
Hagau tampi khopi sung lutte nuomna khu,
A kimkhat zong gen zousih uh.
4. Zoupa leh hinna bu a min tuongte,
Ding a Hundampan a sattha sa ahi;
A sep gimnau khawlsan uh Hundampa zal in,
A hausatna tang ta va uh.
~~~~~~~
359 Na hing itna
11.10.11.11
- Taivela
1. Na hing it zala maw Mangpa nathuoh na,
Galin donvang Kalvari tang dong in;
Linglukhu khuhpum a namel sisan a luong.
Hing en ngam sing e na seng sange Mangpa.
Na hing lungsietna khu
Simthu’n leibang lelmawng;
Na min kaphat ding bang in,
Mangpa aw hing pahtawi theising.
2. Gal sielbang don mite laina umlou hi,
Ka dang ataah chi a athum in zong;
Ka Mangpa dangtah tulding koima um vawtlou,
A nget loupen zuthua leh silkha pie uh.
3. Na lukhu bang Mangpa koi e khungai um,
Kilawm maw e nangdin linglukhu khu;
Na vanmang lukhu khu aw hei a um ahei?
Eng bawlna mangpuon san leh lingphan na khu.
4. A thuohlai mel enlei ngil ding a lawmlou,
Lei leh Vanmang nang leh kei zieh a maw?
Lungkhamna thuoh ngailou lungkham in a mau a,
Pahtawi va-ui lungsietpa Mang dei um khu.
~~~~~~~
360 Shina khu punna ahi
14,12,7,12,6
- Hrangkapchin
Phil. 1:21
1. Eden huon a pi leh puten THUHUN a bosiet un,
Mang PASIAN in na shi ding uh chin a chiem a;
A thupieh khu pawta uh,
Khum mi zouin hundamna thuhun sisan khu;
Kalvari ah hing lang.
Sawltah Paul in shina khu punna ahi,
Chiin a gen a;
Koi lungkham um ei?
Gingloute bangin shinate zau tasiaiin;
A tung ah lengva ui.
2. Edenlui shipi nanleizong Edentha ahong ta,
Hong nanlehzong shina’n ahei suh lamdang;
Ahiei a ka umsihleh,
Khum khopi khu khelna tahsa leh sisan in;
Luo zouleng kilawm sih.
3. Shina thuohnem tava ui aw van kot honna ahi,
Donleng vange Tangtawn gam a hinna singlim;
Nuom in lung deite leng uh,
A loupi hi zawna Tumna tawi a leng in;
Van khopi nawhvel uh.
~~~~~~~
361 He hingnem in
8,6,8,6,
- Petea
1. Tanglai hinlui loubang tulnua,
Kilatna tang um diei?
Galdot zellei ngoumei kal ah;
Ngilni a um dieimah.
Hingnem in Mang Immanuel,
Kaplai ka banna di’n
Tulnua ngaitang khovui lummei bang’n,
Kithengin bei tahen.
2. Thangvan hingmau lunglai hing phawng,
Hinlui kangai deudeu;
Lallai palzou lawmguol kim leh,
Vansang kai hing ngaisah.
3. Khapham ngai suunin naubang kap ing,
He hingnem ding umlou;
Zangva banga buolkhawm nite,
Mukia ni a um diei?
4. Ngainan lei zong nunlui muolliem,
Sangga lalieng khiel ing;
Galdon vang thangvan sang khonuom,
Nemdiel in thuoh kaivang.
~~~~~~~
362 MANG NUNNEM
7.7.11.7.7.11
Late 23:2
1. Mang nunnem Belam chingpa’n,
Vangam phaizang hing nuom ah;
Hinna tui luonna mun ah hingpui a;
Khawldamna inn nunnuom ah;
Van hinna tui dawn dingin,
A lungsietna thu leh haatna thu muong un.
Kumtawn hinna tui dam dildiel,
Misiengte laituol lenna;
Mang nunnem Belam chingpa,
Vang a latsah nuom um khu;
Salem tuolnuom kumsawt hin kiemlou.
2. Lungkham lungzinna beita,
Shina lusun na umlou;
Hinna sing nuoi dailim nunnuom nou ah khun,
Hinna khovah zamvel ah;
Mang nunnem lambang pah un,
Vangou sil ginglawm toh laituol leng ding in.
3. Salem tuolnuom a lengte’n,
Nun khonuom lambang pahin;
Mang nunnem zaidampa khu a pahtawi ua,
Min lun leng Mang vangkhuo ah;
Sangga nunin nuom tavan,
Pahbang lunin lambang in heita va uh.
~~~~~~~
363 Hingpei sansin Ka Mang
9,11,10,9
1. Lungkham buoina dougal hinglien e,
Lungkham ni chieng aw na vah hingtang zel leh;
Gal hinglien e setan dougal lien e;
Hing veng ta in Nang ma’n tanlou in.
Hingpei sansin ka Mang Immanuel,
Nang hing ngaipen tam sietlei ah;
Buoina dougal hinglien nanleh,
Kabitna galven bul kulpi nahi.
2. Aw hundampa solna gal lien e,
Kahing peding hi Gehen gamnuom achi;
Peingam lange mikhielte gawtna mun,
Na gam galmuon Kanan gam loungal,
3. Nopna chieugal ah leng nanleng zong.
Kahing hanzel ding hundampa mel dei um;
Ahing lien e nagam doute sietgal;
Ka peina ding daltu nang zou tan.
4. Navah zemvel manna gam nuom ah,
Dougal beita maw kalung kham nawn tasia;
Melmu nuom ing hing pui galkaita in,
Angel sieng leh misiengte lenna.
~~~~~~~
364 Nopna tullou ding
11.11.7.8.11.
Luke 10:20 - Rev. Thangngur
1. Lei nopna tomnou khat bawn i henlaleh,
Tangtawn nopna ding Van nopna sui va ui;
$ Simlei maunan dim siengta,
Ken kipahna muzou nawn sing;
Nuomna tawplou van nopna khu sui va ui. DS
2. Hin genthei tomnou khat bawn i ngaileh,
Kipah nopna van hinna khu zom va ui;
$ Mikhielten a tan ding uh,
Bible in gawtmun a gen hi;
Kipah nopna Van hinna khu zom va ui. DS
3. Ut leh utlou thute hing kidonglou in,
Niteng shinan sang tampi a pui mang zing;
$ Shi lungmuonna ngai hai e,
Sietlei Tangtawn tung ding umlou;
Shina zoupa Mang Khrista khu bel va ui. DS
4. Puipa ngai hai tam simlei genthei mun ah,
Puipa ngai hai sietlei pawtsan ni chieng zong;
$ Shina dah ahing tung dinga,
Van inn a hing tungsah ding in,
Puipa ngai hai Mang Khrista hagau mama. DS
~~~~~~~
365 MANGPA AW HING Leng IN
8.7.9.7
1. Lunglai ah aw ka gel chieng in,
Aw ana i gam simthu;
Mangpa mel loubang atulzouta,
Aw lung in i gel ngam diei?
Mangpa aw hing leng in,
Ka gam uah Nang vai hawm in;
Mangpa aw hing ngai ung,
Nanglou in vang muonna aw a um ngailou.
2. Sietlei muonna ka sui zel a,
Muonna ding a umlou e;
Taikhovah dong a ka siel lai in,
Siel zatam tuibang kang zel.
3. Aw Na mite Na hing vel chieng,
Lung Na aw naimah Mangpa?
Itna leh lainatna beizouta,
Mangpa aw hing ngaidam in.
4. U-le-naute kingaisut vai,
Lung igel a hunta e;
Ngaidamna ei a ahi lai in ,
Mangpa sieng i zuon ding uh.
~~~~~~~
366 Muolliem lou aw Mangpa
11.12.11.
- H. Nengzathang
1. Tung Pasian hing tuolkum aw nuoi simlei ah,
Lungkham puonbang thuohpi’n vangsiet henkol khai ing;
Aw leitung natna vei hing sutkhe ta in.
Muolliem lou aw Mangpa,
Muolliem lou aw Laukha;
He hing nem in;
Leitung natna lungzuon muol ah dah veng aw,
Zata lusuun naubang hing awi in.
2. Tongdam nem ngiingei nou aw e van Hagau,
Nang ngai in duong vul veng he hing nem in laukha;
Aw leitung natna vei Mangpa hing ve in.
3. Jangkhuo khal e aw a gamlei piendangta,
Tullel lengthe khuon toh selung zuon kidang hi;
Aw nunnopna ding Pasian gam nuom aw chi’ng.
4. Nuoi simlei ah vang lailung muonna umlou,
Ngaitam sielna hi e gibang khenna hi e;
Aw nunnopna ding Pasian gam nuom ngai ing.
5. Buolna ding Pasian gam nunnuom don vai e,
Nam chinteng nunnopna Pasian gam nuom don vai;
Aw Angel leh misiengthoute tuollenna.
~~~~~~~
367 Na sieng a um ut ing
7.6.7.6.7.6.7.6
1. Jesu sieng ah ka bit ding, A angsung nuom ah khun;
Ka laukha khawldam van in, Aman hing liekhu va;
Vansawlsieng aw ngai ka ja, Gam loupi a pan in;
Zaila ngai sa in hing han, Khum luigal hoi ah khun.
Jesu, Jesu na sieng um ka nuom,
Jesu hing lungsiet pa aw
Na sieng a um ka nuom;
Gentheina bei sieng masie,
Nang in hing liekhu in.
2. Jesu sieng ah ka bit ding, Ka buaina thengta va;
Solnan hing chiim thei tasia, Khel na’n hing khoi thei sia;
Lungkhamnate beita van Ka leh hesuo zousie;
Luanhi luang zing nanlezong Gen thei sung sawt tasia
3. Ka laukha bitna lulpen, Jesu kei din ashi;
Kumtawn a ka bel ding pen, Tangtawn suongpi ahi;
Kei dia mun a siemna ah, Khum ahing pui ngei ding;
Zan mielna um ta sih van, Loupina vah ta va.
~~~~~~~
368 Naubang kana um nawnlou
7.10.12.18.
- Hranga
1. Aw Hagau siengthou nunnem,
Lungkham thuoh sun naubang in hing don in;
Kha pham ngai a sun sawt naubang ka ka lai in,
Naubang ka ta puonbang baang thei sing e.
Sun khosawt a ka ka lai in,
Simlei lungkhamna mun ah khun;
Aw ka Mang nunnem nangman hing umpi inlen,
Naubang ka tapuonbang baang tavang.
2. Kha phamte mu nawn ta sia’ng,
Chia lungkham naubang kap in vai ing;
Belamnou toh vangam tuol nunnuom nou ah aw,
Leng uh chi ka thei in nuom in nui ing.
3. Tangtawn gam hoi mi gen khu,
Zuon in i mi ngai umteng muolkhum sieng;
Nuomna damtui sieng bang kiching va khum mun ah,
Khunah lalieng vontawi nunnuom tavai.
4. Pahbang in vul mai tahen,
Kha phamsa nuate toh nunbang nuom in;
Hinna tulsing pallutna mun nunnuom nou ah,
Hinna tulsing lutna mun nunnuom nou ah,
~~~~~~~
369 Shina Zawna
10.8.8.10
I. Cor. 15:55 - Dangvel
1. Damlai gamdai gam khu ka pel chieng in,
Mang mel dei-um khu mu vang in;
Ka lungkhamna beisieng tavan,
Kumkhuon nuom in nui zing tavang e.
Shina na gu hei a um ahei?
Shina na gu hei a na koi e?
Chiin atung ah thu hing neita,
Vai in Mang Khrista zal in.
2. Mang tate khopi dih Mangpa bawlsa,
Lungdeite mun ding a siem gam;
Midih leh siengthoute lenna,
Atung uah shinan vai hawm nawn ta sia.
3. Sietlei zoupan shina nuoi ah zal zong,
Ka ta lungsiet in lungkham sin;
Nichiem loupi hing tun chiengleh,
Shina tung ah laituol leng nava teh.
4. Sietlei siet miel nei ah ka vai lai in,
Shin’an ka tung ah thu anei;
Guolzou loupi Khrista zal in,
Ginnan shina tung ah leng hitang e.
~~~~~~~
370 Simlei ah Khuolzin Kahi
8.10.9.8.
- V. Huala
1. Tam sietlei ah khun khuolzin ka hi,
Aw ka ngai leng zel hi ka innkuonte;
Ka tham sung in buoina chinteng in,
Tui lienbang nichin in hing tai.
Aw hun a hing daltu khu abei chieng in,
Munmuong gam khu ka zuon ding;
Khunah ngainou sieng ka tenna gam,
Buoinate toh nuasie tavang.
2. Lungkham dah ging thang velte leh,
Buoina chinteng thawm gin ka jahte khun;
Ka tangtawn gam hing ngaisah deudeu,
Ka pa mel nibang a tanna.
3. Ka khuolzinna gam daidam ah,
Ka Mang gam lutpi tah ding nei vawtsing;
Hinna thupieh neilou hilengpen,
Khut guoh a ka gam zuon ding hi’ng.
4. Ka Mang gam in ni ngai se lou,
A mel hoina in khopi sung salvah;
Vaihawmna Mangtoupha a tou in,
Phatna ging luong lawmten abawm.
~~~~~~~
371 Hundampa ngai ing
10.10.10.
- Taivela
1. Kei din sunni leh solkha tang nawnlou,
Miel in hing bawm e aw ka Hundampa;
Na mun thupi tuong tun kal ngahlang e.
Hundampa ngel khu ngai talawm mang e aw,
Na lungisetna thagui in hing kai in;
Hundam tate lenna mun nuom ah khun.
2. Van kotzing ah khun Belamnou aw in,
“Ka ta hing pei in na siet puohgih toh;
Hing na dom vang” chiin ahing han hi.
3. Na lungsiet dan leh na thupi dan khu,
Koi e gen thei ding leimite lai ah;
Vanmite zousien zong gen theisih uh.
4. Na lungkham aw a bawn lei a liinleh,
Na loupina toh nahing pei chieng in;
Lei leh van in zong hing thuoh zou sih va.
5. Khumbang nite khu ahing tung ding a,
Na melma zousie zau in liing va uh;
En vawi hing tanpa khu chi tava un.
~~~~~~~
372 Sulbang heisah in
12.12.12.
- Pastor Rova
1. Khawhna lawmlawm e maw aw ka Mang Hundampa,
Kalvari tang galsielbang hing don sah theisih;
Sietlei nasepna a kadim siengta ziehin.
Aw Lungsim siengthou loute,
Bangchin ka bawl ta diei?
Na hagau pang louin,
Khapham vangkhuo lam ah;
Shinan puimang siengta.
2. Hing ensah kiata in na sisan luonna mun,
Shina sangpen nuoia leng a liengvaite khu;
Nung sul heisah kiata ven mihang Mangnun nem.
3. Mangpa sieng itun chieng bangchin igenta diei?
Sietlei laukha liengvaite i puilut sih leh;
Van mihang Mangnunnem sieng ah bang igen diei?
4. Setan sulbang ngui hen a gam pahbang muolhen,
Nam liengvaite nuomnan hing dim sieng tava un;
Na gam loupi sung ah hing leng samta va-uh.
~~~~~~~
373 Kilawm ka sah laitah
8.6.10.12
Heb. 12:13, 14
1. Shina mun ngiem shina siengthou,
Van Mang ta deitelna;
Lungsietna tawp sisan a seal nam in,
Van Mang sausuon liengvai hamse dong singliim bel.
Ken kilawm kasah hun laaitah nou khu,
Saguoh set a sielbang a tailaai uh;
Vuoh sidup leh dangtah in a mau a,
Lungsiet ding umlou laai.
2. Leimiten han zaisa laam in,
Silpuon a sutpieh ua;
Koipen tan ding chiin daw-ai asaan ua,
A saguoh ni ding uh hing tung tei nava chi’ng.
3. Mipiten meel a simmaw in,
Galhangte kikhawm uh;
Kei ka Mang ka lunglaai henempa leh,
Ka hinna tulsing leh ka Mang mel hoi ahi.
4. Miellaipi in a mai kaan ua,
Sidup zeen in vuo uh;
Khaile khovaah chieng pahbang hing lun van,
Lili leh Saron pah sang zong hoizaw tava.
~~~~~~~
374 Zion sihtui dawn
7.7.7.7.7.7.8
P.L.No.47 - C. Lalthlunglien
1. Khanlai ni leh hun hoi lai, Man zing sawm ngabang len lai;
Theilou kal i guol ngaite, Jingzin tuong tung kia talou;
Theisiem hamsa mihinna’n, Nungsie tuollai lengte khu;
Kaplai nemsiem mi’n hing nem aw.
Ka ngai e, aw
Zion sihtui da wnlai nite khu
2. Khankhuo lunggel lunglai na, Koppi neilou i tamta;
Pa neilou Nu neilouten, Hun nailou a hun nailou;
Chi in kalan zai awi uh; Ka lei inn a siet chieng a,
Kituohkhawm hun ding ngahla ing.
3. Damlai hinkhuo tomkal sung, Du-amna a mangbei in;
Umlai singkhuol i tuoh chieng, Ateh a khang umlou in;
Khamguollou in muolliem zel; Pielgal zol zalam tuong ah,
Ngailai na e geldoh ni chieng.
4. Tanglai pi-le-pu’n a na gen, Phamsa tuongtunna saunuom;
Tuonglam dang mal um vawtlou; Zapi tuonglam Khrist loungal,
Genthei, liengvai, hausa leh, Namchin phuibang a kimna;
Tua khu Mang Khrista ngei ahi.
~~~~~~~
375 Mangpa lenna Jerusalem
11.11.15.11
- Rev. T.C. Khup
1. Mang lenna Jerusalem tha ka gel chieng,
Tuanah hundam tate laituol aleng uh;
Belamnou khu kimvel in tatsaten zaila ngai sa in,
Kei zong tua gam nuom khu haibang ka ngahla.
Ka leng ding, Tangtawn khopi nuom ah,
Hundamte tuollenna ah
Tua mun ah lungdei teng kim tading
Zion khopi ka Mangpa mun siemtha ah.
2. Tua mun nuom zuon a ka lawmzawt zel lai in
Lungkham genthei kanate’n ahing tuom zel;
It leh ngai gibang khenna nunnop kim theilouna mun khu
Nuasie kal ngahla naubang kana simlei.
3. Damlai hun tomnou khu ahing bei chieng in
Tangtawn Inn loupitah ah leng khawm tading,
Tuanah lungdei pei masate toh laituol leng khawmm vai in
Sepgimnate ngil in kipah zing tading.
~~~~~~~
376 Hing un Mangpa sieng ah
9,12.10.12
1. Malai apat hundam ihita,
Ki-itna leh lemnan i g am uah vai a hawm;
Nanleh Mangpa maitam a chim zouta,
Hing unlen Mangpa maitam siemtha kia va ui.
Hing un, hing un Mangpa sieng ah,
Hing un Mangpa sieng ah kia va ui;
Hing na bottel ta nanlehzong,
Ahing sudam kia ngei ding hi;
Hing na suliem ta nanlehzong,
Hing tuom dam ding ahingal a.
2. Tulai Khangtha hun in Khanglaiten,
Khovel teeh nua nawitui umlou khu a teep ua;
Taina umlou lungkhamna bou ahi,
Hing un Mang Khrista hinna tui khu dawn va ui.
3. I gam leh inam huhdohna din,
Temzaam tawi a dougal thupi lel angailou;
I galthuom khu Gospel bou khu ahi,
Khum ngei khu i kihumbitna din zang va ui.
4. Mun detlou gam khuolnan i buoita,
I meelte uah zong kipahna a um nawnlou;
Mangpa a kipahna bou i ha tna,
Tunglam galdotlei luoseenglou gam i tan ding.
5. Muvanlai bang in ei gingtute,
Simlei tung ah lim in leng in vahviel nanlei;
I hinna khu van saang a leng ahi,
Khelna nawhphahlou din Mangpan ahing domsaang.
~~~~~~~
377 Teng kumtawn tavang
10,9,10,10
-Evan. T. Goihpum
1. Ka buolna simlei simjing a man chieng,
Tung thangvan mite heina munnuom;
Khuombang kaluo ding gam vangkhuo nunnuom
Jesu sisan zalin teng kumtawn vang.
Tatsate khunah pape lunlai noubang
Silpuon nem ngingei duong abaat;
Simlei ngailou a tuong nuasie’n
Mangpa lambang pah uh aw Halleluijah chi in.
2. Mangpa gam nunnuom sunni bang tang ah,
Lawmguol ngai khensa naubang nui uh;
Simlei lungkham buoina tuong nuasie in,
Nun khonuomin laituol ngabang leng uh.
3. Simlei simjing buoina loubang tulsa,
Lambang pela tuong nuasie nading;
Laambang ka et chieng ka ngai aw khum gam,
Ka ngai silpuon bang tha thangvan khopi.
4. Ka zuo Sianmang sau nuom tunkal ngahlang,
Kawlni suohchin lungkham mei hingbawm;
Umlai vei ngaitam siel ka um louna,
Mubang ngaiing sianmang sausuon nunnuom.
5. Aw hambang hinghuoi Hagau hing lengin,
Naubang ka he hing nem aw laukha,
Ngaitam sielna nuoi simlei gam daidam,
Tuong nuasie’n lengnuom ing vang khuo tha ah.
~~~~~~~
378 Aw kalenna gam nuom
8,8,8,6,
- Patea
1. Mau in kangah gam loupi khu,
Hing naiin Mang Immanuel;
Ka laukha leng thangvan sang ah;
Nunnuom in leng tavang.
Aw nang kalenna gam lungmawl,
Natang tung ah genthei vontawi hambang vai ung;
Aw nang gamloupi manna pahhoi in ahing bom,
Nang mama nahi ka gam ngaipen khu.
2. Ka laukha leng lailung zuonna’h,
Pahbang in vul tadi nan leh;
Nopna gam siengthou tun ka chiengin,
Tulni um nonlou ding.
3. Sietlei pallun laini tulta,
Nunlui muolliem sa ngai na e;
Muonna ding umlou simlei ah,
Lalieng naubang ka kap.
4. Jesu hing kaiin hingpui in,
Na lungsiet tuipi lut va-ung,
Zion khuo ging leh gam siengthou,
Mu kanuom hi Mangpa.
~~~~~~~
379 Mangpa hing ha vawtsin
12,12,7.
- Rev. Zousanglien
1. Suontu khelna zalin Eden pahhoi vulta,
Mielin ka kiimvel bawm miel lai ah vahvai tang;
Lungkham meipi hingjing e.
Mangpa hingha sinlen,
Na hatnan hingpuiin,
Hinna tha a lengte
Aw kei zong leng dingin.
2. Sietlei shina gam leh manthaina gam ah khun,
Sunchin gal in don ing lungdeite lenna gam,
Silpuon bang baang thei vawtsing.
3. Hinna thain lenguh buoina tupphah louna’h,
Hinna tui a dawn ua shina zaunawnlou in,
Mangpan a sattha gam ah.
4. Kipah laini te leh a nuomlai mel nuom um,
Tanpa mel nuom um leh alenlai ka gel chieng,
Sietlei gentheina tawmleng.
~~~~~~~
380 Sietlei gamteng tung ah
10,9,10,8.
1. Sietlei gamteng tunga namchin tengte,
Vangkhuo ilenna gamlien nanleh;
A hoina leh loupinate pumin,
Nichin kumchin in bei zelleng.
Tamna’h khomundet i nei ngalsih ua,
Khuo hing umkia dingpen sui ihizaw;
Khawpi tullou galmuong mun khu.
2. Khum khawpihoi zuonin peizel va ui,
Sietlei silte nuachieng a sie in;
Khopi tha pahbang lun tulni neilou,
I tun chieng nunnop teng kim ding.
3. Belamnou Manglenna khopi ah khun,
Lungkham lusun leh natnate zong;
Mangbat buoina leh kikhennate zong,
Um nawnta sia khopi hoi ah.
4. Phamsaten sul heilou lei nuasie uh,
Hansuong a zalnau ngah hibou hai;
Mangpa khawpi sattha tuongtung ta uh,
Tangtawn a beilou ding khopi.
~~~~~~~
381 MICHIN NUOMNA
11,8,8.
Diu. 32:49 -Pi Runchong
1. Ngaina mang e aw ka Mang lungnem lenna,
Hagau Jordan hingpui kaiin;
Sunni tumlou gam hingtun in.
Aw michin nuomna pielgal gamnuom,
Hepina zam kimvel nuoiah;
Lili pah hoi lutna gam ah.
2. Solna lummei a hing zam kimvel a,
Misiengte leh mun thupi ah;
Laituol lenkal ngahla nang e.
3. Tul maita hen aw tam sietlei gentheina,
Hingpui inlen aw Mang Jesu;
Simzin umnawn louna gam ah.
4. Khum gamnuom tuong kahing tunchieng leh khun aw,
Kalenna gam ngainawn louin;
Khawldam in laituol lengta vang.
~~~~~~~
382 Tanglai Eden Huon
12-9-12. 14.14. -
Eden tha - L.Thanzau Eph. 2:1
1. Tanglai Eden huon sung a singchin pallun in,
Damtui siengthoute a luong dieldiel;
Hinna singhieng leh pah hoi chinteng in abawm,
Lenkawlni vah hoi zam kilvel loupi leh nuom um khu;
Aw zehotna vang in maw damlai pieugal i taa mai.
Ka pa Adam, Ka nu Evi,
Eden pal zou a lenlai nite;
Puonbang in hing tha kia theileh maw;
Solna leh hamsie thuoh khawmlou in,
Eden tha ah tawnban jah in,
Zaidei awi nuom veng e.
2. Ngabang ka lenna gam khelna simjing Mangpa,
Shina leh buoina nichin in pung;
Eden gam gim hing tuomvel pen khu hawhkhienlen,
Damlai pieugal gam nuom um hoi leh taanta nanleizong;
Theilou gam a khuolzin sung in Jesu Lili pah hoi.
3. Hinna leh hinna singkung a pahlun kiata,
Hinkho tha a i lenna ding in;
Lungsietna tung a a lungsiet nawn sawnsawnna,
Dihna leh hepina kisiemlemta kipah um e;
Eden tha a hong kiata e nuom in zaila’n awi vai.
~~~~~~~
383 Ka ngai Belamnou
7,7,7,5,7,7,7,5
Heb. 11:38 - Hrangkhuma
1 Ka lungkhamna lei genthei, Leh ka kana gamdai khu;
Hengla nawn sing e Mangpa, Na mel munuom inge;
Theilou gam kahing tung a, Nang Lili pah Mang Jesu;
Siet huipi leh solna ah, Khun hing tu leng ta in.
Ka ngai Belamnou nunnem,
Na tatsate toh na lenna gam;
Ngaina mang e aw,
Hing manghil vawtsin aw;
Na puul kathuoh khu.
2. Lamdang lieiluoi ngut ma e, Thuoh zou sing e lungkhamna;
Siet thuneina zieh in maw? Ki khenna i tuoh;
Shina lusuunnate khu, Siet huipi bang in hing lang;
Aw kangai tangtawn pielgal, Lung deite lenna.
3. Aw kangai Tangtawn gam ah, Ka khensate laituol leng;
Mang nunnem Belamnou khu, Zaila sa’n awi uh,
Hingkai in Tangtawn gam ah, Lei gentheina hengla sin;
Chi a ahing hatnau khu, Ginna’n kaza hi.
~~~~~~~
384 Ka lenna gamdai
8,10,9,8,7
1. Gamdai ah lungkham zousie ten,
A Mang Jehovah puipa ngaileng uh;
Van hatna muong a dougal zuonte’n,
Hagau panpi leh guolzawlna;
Toh langai thupi sa uh.
Aw keizong kalen nagam daidam ahi,
Hing lengkia ven namchin selung sung ah;
Tatte sen naubang a nuasa,
Nagam pahnamtui hinghieh in.
2. Hing taanvah in zingsol Alsi,
Hundamna ni lenkawl ah hing tang in;
Tanglai Kanan a napui bang in,
Nagam hinna tuikhuh hoiah;
Khun gentheite silsieng in.
3. Nangtoh louin sietlei ah khun,
Dougal lien nuoi ah khun bain mauing;
Galthuom hingpien len keizong douvang,
Kalvari namsau zang zousie;
Ten setan dougal zou uh.
~~~~~~~
385 Van kanan gam Nuom
10,10,10
- Upanu Chiinhau
1 Sietlei lungkham leh luonhi nulna,
Douzou sia’ng e keima hatna muong in;
Hing umpi zingtan aw ka Mang nunnem.
Aw van Kanan gam tunkal haibang ngahlang,
Van misiengte toh lending ka nuom hi;
Sietlei huibang mauna ken ngaita lou ding.
2. Mangpa nagam katunni chieng in aw,
Tun leh zuo chin leh tuoi vontawi te;
Kim louding vang Mangpa lai ah nasang.
3. Sietlei a i damlai ni hun sung in,
Mangpa deilam semkhaloute pen khu;
Tuong tung zoulou ding van Kanan gamnuom.
~~~~~~~
386 Mangpa aw gin ngai un
8,5,8,5
1 Mangpa aw gin khu ngaivawi un,
Sietlei a miten;
A hingpei na ding ni naita,
I sepga kimlou.
Hing pei ding (2)
Van huikuong sieng tung ah;
A thupi aphuon tawpni chieng in.
2. Aman a teltuomte apui,
Tuani chieng inleh;
Anua siete zousie teng khu,
Gim genthei thuoh ding.
3. Gotmun meidil a umte khu,
Kum sangsawm sang za;
Lungkham genthei thuoh muolsuoh ding,
Hin utnan leu zong.
4. Van gouluo dingte zousie khu,
Tang singseng ding uh;
Pa lungkimna um zoulou ding,
I sepga kimlou.
~~~~~~~
387 Hingpei ding Vanmangta
7,6,7,
1 Sietna tuisuogiet gal ah,
Muong zoulang e Mangpa (2)
Solna sietlei tung akhun.
Hingpei ding Hing pei ding,
Van meikhu kuong tung ah;
Vanmangta Belamnou.
2. Solna sietlei tung ah khun,
Hingpei ding Zion ah; (2)
Olive singkung sang tung ah.
3. Olive singkung sang tung ah,
Hingpei ding vanmangta;(2)
A Vansawlsieng sangza toh.
~~~~~~~
388 Hing ngaituo un
8,7,8,8
1 Nipi lou dawnglai hita e,
Theipi na zong hingnou ta;
Khumbang main teel tuomte zong,
Mangpa phat ding in dawngkia hen.
Hingpei lunggel un hingpei dan,
Khelna shisa thohun ahi ta;
Gam hingtung ding kinem in,
Ngahzing va-ui kiman sadiem in.
2. Tulthei leihau pah maimai bon,
Hun tomnou khat kal ding in;
Gimnamtui nou a hingpah in,
Namchin lunglai taisah zou hi.
3. Khuzieh in unau hingpei un,
Mang Krist lungdamna ding in;
Kukal tahin nasem va-ui,
I Lei hinkhuo abei masang’n.
4. Hun thupite hingmang vanin,
Guntu leh lung kinem in;
Hing kisan mansa diam chietin,
Pa Mangtouna sieng a ding din.
~~~~~~~
389 Awi khawm chietvai
10,11
- Kamlala
1 Um muonmaw lungzuon nin muol chin don ing
Lummei khovui kai e aw khotang hing bawm.
Awi khawm chietlei,
Mangpen i muonmo lung zuon nin;
Sil hing leh sil hinglou leh a ginglawm te toh,
Gamchin ah dimhen i nop zaila gin.
2. Halin katung vankhuo kagal dot a.
Aw nuomna vah, vah zamvel in kalung hing len.
3. Vanmi leh chingtang zai awi gin thangvel,
Sietlei a thonvel hi lungkhamna gam khu.
4. Hing un zaila savai i Mang ma ah.
Aw hepina loupi zailan pahtawi vai.
5. Zai awipi nuom ing e sil hing chinteng.
Aw van aw ginlawm tetoh lei lunghel a.
~~~~~~~
390 Gentheina in tuom
8,5,8,6,
- Upa Lalkamlova
1 Genthei nain tuom kimvel e,
Lei hamse dong khu;
Mangpa min a kaguol ngaite,
Khenna ding ni hingsuoh.
Aw kikhen thei lou ding.(2 vei)
Aw kalawm guol ngaite,
Mangpa na hagau hingleng in;
Sunni tum hing um pin.
2. Sunni tum zan khuon zaila san,
Na min kaphat pi;
Aw ka khenna diu kawlni suoh,
Genthei naten hing bawm.
3. Na min pahtawi akul zel leng,
Ka laukha nuomnan;
Na lungsietna zamvel nuoi ah,
Van mi hindan zil ung.
4. Na kikhen nan uleng hagau,
Hing umpi zel in;
Genthei thuoh a ka kalai un,
Saron pah hing hieh in.
5. Lawmguol ngaite i kikhen nau,
Ni ahing tungta;
Dam tahin kikhen tava ui,
Pa’n hing pui zing tahen.
~~~~~~~
391 Damtah in Mangpha
7,6,8,8,8,
1. Hun tomnou khat i neita,
Guolngai i lenna ding;
Thuoh nemmai vai lailung zuon khu,
Koute hingngai nawnta sinlen;
Tangtawn munmuong ngam in nemin.
Lawmguol ngaite nuomin pai un,
Damtah in aw mangpha ;
Ki galthuom un mei leh sisan,
Mang Immanuel gam dan bang in.
2. Lunggel bangkim thuoh khawm a,
Ngai pum a khen pite;
Tung sunni hing sunem inlen,
Solna meipi na zing salvah in.
3. Zion tanchin gen ding in,
Lenna tang dang nan leh;
Hinna tha taang singseng mun ah,
Misiengthou leh Angelsieng toh;
Guolkim laituol lengkhawm tavai.
~~~~~~~
392 Na peina tuonglam
12,10,11
1 Selung tuoh a Mangpa kalen nau tangtung ah,
Kalvari tui hing kadon pite khu;
Tomkal a kalen nau tang atuom ding khu.
Aw napei na tuonglam sau nanleh zaulou in,
Guolzou hang Mangpan hingpui ding hi;
Dam tahin ngai muolkhum tan,
Mangpa guolzawlnan.
2. Aw napei lai niten Kross bang nanleh zong,
Mang Hagau siengthou in hingpui ding hi;
Lungkhamna meipi leh gallien thengsah in.
3. Lei a guolngai kikhen Zion tang hoi tung ah,
Ginna sing leh i Mangpa halym nuoi ah.
Hinna sing leh i Mangpa haliim nuai ah.
~~~~~~~
393 Damtah un chibai
10,10
1. Lei a guolngai te kikhenna ding in,
Kawlni nou hingsuoh kiata damta un.
2. Simlei tung ah khun lungmuon chi umlou,
Khelnan nichin in eizui kiveng un.
3. Nikhat kipah in nopla sanan leng,
Lili pah avul bang in avul hi.
4. I kikhen ding uh simlei gambang nguui,
Gam leh guo zong nguisiengta peitan lawm.
5. Thangvan gamnuom ah kikhenna umlou,
Khuna kimu kinem in hingha ung.
~~~~~~~
394 Gam thupi Zion hing ngai ing
10,7,10,8
1. Gam thupi Tangtawn kangai hi Zion,
Khrist munsiem gam loupi khu;
Suongmantam dongkot a hon hun chieng in,
Angelte toh zaila savang.
Ngai sieng lei chimtah huoi,
Zan miel lungkham kapel hun chieng in,
Pasian Belamnou i thaumei khu taang zingta vang in,
Lungkham tate naubang nunnuom tava ui.
2. Zion vontawi gam siengthou zuon un,
Ginna thaumei dekuong un;
Engham tahmai a hing demsahte khu,
Lungkham in naubang kap va uh.
3. Kanan tha gamnuom tuong katun chieng in,
Mang Jesu’n hingna dawn van;
Lungsiet kitawp siengthou dai nawn tasian.
Zalenna gam siengthou ah khun.
4. Mangtoupha kang loupi masang ah khun,
Namchin tengin zai awi van;
Babulon mite zouin pei zelun,
Hing puipa Mang Khrist khu en un.
~~~~~~~
395 Manggam Nasep Kuul
8.7.7.6.
- Pautinkap
John. 9:4
1. I dam sung hun tomnou kal in,
I Pa nna sem chiet va ui;
Hun a muolkhum sieng masang’n,
Mang nna sem chiet va ui.
A kuul hi Mang nna sem va ui,
I hagau damna ahi;
Mang nna sem va ui,
A kuul hi akul hi chi in genkawi un.
2. I Mang Jesu Khrist loungal khu,
Pasian dang um vawtlou hi;
Lei leh van vaihawmpa khu,
Nasep in phat va ui.
3. Sietlei thupi lainatte khu,
Khelna leh puana ahi;
Kilungsiet leh kingainiem,
Pielgal tuonglam ahi.
4. Van a ka Pa phuloute khu,
Bawdoh sieng ding chi ahi;
Henla ding um vawtlou hi,
Mang na sem chiet va ui.
~~~~~~~
396 Et Chimlou Pah hoi
10.6.8.
1. Et chimlou heisa pah ding mi hing pieng,
Pom chimlou in kipah zing vang;
Pomlai von sen duong hoi.
Tangbang dam hen Mang Jesu nasem dia,
Laituol nunnuom valeng tahen;
Mang Sepai galdou ding;
Zion galthuom zang in Mangpa,
Guol hing jawl in.
2. A tun nuomna ding leh a juo nem ding,
Namchinteng i nuomna thupi;
Senlai heisa pah nou.
3. Silpuon nem a tuom in sausuon sung ah,
Nuom zaila sakawm in awi vang;
Von sen heisa pah nou.
4. Sietlei thangvan jingvaihawmpa Mangpa,
Kipah thanuom ung na zal in ,
Theisen naubang pom khu.
~~~~~~~
397 Sun leh Zan in Hing ngah ung
9.8.9.9
1. Mangpa lei a na lungsiette khu,
Sun leh zan in hing ngah zing ung;
Bangchih chieng ka nuom nau ni thupi,
Etnop piendang ka mu tading uoi?
Aw Mangpa Tangtawn muolvum ah khun,
Misiengthou simsengloute toh;
Jingsol Alsi bang in hing tang inlen,
Khun Aigupta tuong nuasie va ung.
2. Ka hing nai hi Mangpa na gam khu,
Ngahla mang e aw Mang Jesu;
Zawna tuumnna tawi a zaisate,
Pawl hun ding khu Mangpa ngahla ta’ng.
3. Khumi luipieu naupangte umna,
Hinna singliim leh a hoina;
Jing haveng nei in leng galkai lei,
Sietlei zauhuoi mun ah kia nawn sia’ng.
4. Hing pei maitan namchin Mangpa thupi;
Na nuomman hawm ding hing tawi in;
Vanlai zawl ah hing na dawn va ung,
Jerusalem zaisan zuon va ung.
~~~~~~~
398 Sunni Tum Zou Siang
9,11
1. Lungzuong in tangchin galkhuo don ing,
Lummei khovui kai e lungkhamna gam ah.
Aw tung sunni tum zousiang tam simlei ah,
Aw bangchih chieng lungzuonna gam nuasie in;
Lawmguolte toh nunnuom in kaleng diei?
2. Ngahlang e lawmguolte melmu kal,
Hehing nem hi luipi gala kimu din.
3. Thangvan khopi tuollai kadon leh,
Zaila tha ngai semguo lentawm pin thawnvel.
4. Ngaichim thei sieng e van latha ngai,
A phatnau zaitong luong lawmnou kalung zuong.
5. Simlei genthei na tawpna umlou,
Aw bangchin lungzuon lungkham pul kadou diei?
6. Thuohla tang Mangpa siet genthei na,
Aw hing hamuon in na tong kamdamnou in.
7. Sietlei kumtawp ding kal ngahlang e,
Kumtawp chin Mang Khrist pahtawi kia ding khu.
~~~~~~~
399 Gam ngai kinepna
9,8,8,8,8
1. Gam ngai kinepna kagel chieng leh,
Sietlei pan galkhuo’n kadon a;
Aw kangai hi khum gam nuom khu,
Sietlei lungkhamna nuachieng leh;
Khum gam nuom khu enzing tavang.
Peitan ka laukha liengvai,
Na hundampa Mangpa Jesu nuajui inlen;
Siet puohgih khu,
Sietlei ah hing nuasie tanlen;
Gam ngai um khu zuon in peitan peitan.
2. Ka ngai nun khonuomte lailenna,
Gam nuom vanmite zai awina;
Lengthei hileng huiva bangin,
Lengta vang khum gam nuom zuon in;
Hinna singlim ba ah tuongvang.
3. Dam lai kawlni suo kagel chiengleh,
Simlei lungkham nan hing bawm leng;
Ka ha lengtan gam nunnuom ah,
Humdamte tenna vasui in;
Damlai lungkhamna beita va.
~~~~~~~
400 Kama simzing kochiih
7,7,12,9,9,7
-Upa Ngama
1. Ka ma simzing kochih seng,
Tachieh seng ing Mangpa Jesu;
Ka ma lam gentheina leh kanan hing lamdawn,
Chi loungal bangma dang gen thei sing.
://: Nuakia sin hing pei in ka sienglam,
Jingsol Alsi’n hing pui vang. DS
2. Theina bangma nei vawt sing,
Ka kum in zong chin zoulou;
Gensietnate thuoh zou mel zong paw zou naising,
Ka puohgih seng taluo ka Mangpa
://: Hohkhe sin kang pie hi sil thupi,
Lungsietna’n puoh kang guon hi. DS
3. Ka puoh gihin tambang law,
Genthei in hing bawl nanleh;
Ka masang misiengthou tampi sulnua a khun,
Hatna tha in hing thuom kia zel in.
://: Hingtu vang hing thuom vang hagau in,
Lungsietna’n hing pui zel vang. DS
4. Aw nuom seng ing ka Mangpa,
Baa louin hing pui zel in;
Gentheina Dangkatah minsietna Manglukhu,
Punna ding zong shina gallam ah,
://: Lungkham sin ka ta mi lungsiet um,
Na Mang kipahna’h lut in. DS
~~~~~~~
401 Gentheite nuomna
9,7,8,8,9
- Thavung
1. Awi va-ui Kalvari tang khu,
Saron pah a hiehna’u khu;
Laukha lungkhamlouin don in,
Na van tuonglam siempa ahi;
Kalvari tanga a khetbeh khu.
2. Kalvari tang i galdot sihleh,
Lungkhamna thuoh guol hilou;
Ka Mangpa thuohna ka etleh,
Ka lungkhamna leh ka buoina;
Tui bangin a hing nem dildiel hi.
3. Lalieng vontawite kipahna khu,
‘ Sietlei tungah um vawtlou;
Hinanleh zong Kalvari tang,
Galin donlei i nuomna khu;
Mang mela sisan kai ningniang khu.
4. Sietlei gentheia zalenna khu,
Mangpa a nuomna ahi;
Mangpa ah hing kipah chiet un,
Khuna’h sietlei lungkhamnate;
I nuomna zaila hing hi tava.
~~~~~~~
402 Zion kulsung khu
10,6,12,10
- Rev. V.T. Kappu
1. Zion kulsung khu lung in geldi uo,
Mangpa lungkhamna khu;
A sisan etsahnan uoin nou a dawn a,
Aw a lungkham mel khu en ngam votsing.
2. Ka Mangpa lungkhamna tuibang in liene,
Nan guol ding hi vawtlou;
Tai ding simthu lellou lungkham guopi nei ah,
Linglukhu a khu hi hing en chiet un.
3. A min lugu mun zuon in puita uh,
Ka Mang nunnempa khu;
Ba leh lungkham in maw Zion Tang muolkhumta,
“Aw ka Mang hing kia tan” chi um vawt lou.
4. Israel vontawite hiemngam seng ue,
Mi lungkhampa tung ah;
Van khopi ngui henlen lei in kala’n awi hen,
Aw ka Mang shina mun Kalvari tang
5. Vankhuo gambang ngui nop zaila daita,
I Mangpa shi niin;
Simzing in a mel lie tung sunni’n en ngamlou,
Mang nunnem suun dingin sietlei zilling.
6. Lei mihang shini’n van leh lei kal ah,
“Sa hing zam” chi uh maw?
Van mihang Mang nunnem Kalvari tang tung ah,
Kha donbang kiehni in Sa a zam ei?
~~~~~~~
403 Chigenthei lungkhamna
9,9,9,10
1. Chigenthei lungkhamna gamah khun,
Lungkham luonhi pumin hing ngah ing;
Tawplouin Mangpa hing umpi’n len,
Nam genthei liengvai pahbanga pah din.
Aw hing lengin Mangpa hing ngai ung,
Kalvari a na lungsietna khu;
Silpuon bang hing zah in katung uah,
Nam genthei liengvaite pahna dingin.
2. Na gam nuom zot nuasie tananleng,
Muong zousia’ng e Mangpa nanglou in;
Senlai naubang a ka ka laiin,
Namchin lungmawl lah ah nang hing tang in.
3. Gitlounate’n ei nai nanlezong,
Shina simzing neiah um nanleng;
Mangpa hing pie’n hinna hagau sieng,
Na lungsietnate pah banga pah ding.
4. Gentheina zieh a Vanmang lukhu,
Siet gentheina mun ah hing pei in;
Na gam leh chi kal a gentheina,
Ka pa angah pahnamtui in a pah.
~~~~~~~
404 Hingpei tain Mangpa Jesu
10,10,8,12
1. Tongselaw umlou Pasian Belamnou,
Mangtoupha a um a zan umlou ding;
Meivah tang leh nivah ngailou,
Pasian toh Tangtawnin vaihawm khawmta dinguh.
Amen hingpei maitan Mangpa Jesu,
Mangpa Jesu hing lungsietna khu;
Misiengthoute kungah um tahen
Halelluijah Amen Halellouijah Amen
2. Mangpa guolneite hagau Pasian in,
Sil hingtung pai dingte khu ensah in;
Ngaiin hingpei bai ding hitang,
Tam thugen lawh pom zousie a hampha ding uh.
3. A hunlah a hingtung khielta ngal a,
Midihloute dihlouin um tahen;
Misiengthou khu suhsieng thouin,
Aw na umzel tahen hingpei baiding hitang.
4. Genkhawlna thute min a lah mang leh,
Hinna sing leh khosiengthou a atan;
Khu Pasian in alamang ding,
Tamthu theisah pan”Hing pei bai ding hitang chi”.
~~~~~~~
405 Shina leh dachieng hun
12,11,8,7
- Saihnuna
1. Shina Jordan piau ah lungkhamnan ha azah,
Buoina mei zingin khuo hing miel hi Mangpa;
Kama ah hingtang kia in len,
Aw Hagau ka nuomna pen.
Nangtel louin sunni tum zoulang Mangpa,
Eden lui a laituol lengte’n
Han ung Mang nunnem hingpui pa,
Na Siengnuom a-len kanuom ta uhi.
2. Nuomna muoldawn vah ding kapin galkhuon doning,
Muni a um diei ngailai na e Mangpa;
Keidin zingkhuo vahsah kia in,
Naubang kaplai baang tavang.
3. Kalenna ding gamnuom ngaiing tam sietlei ah,
Khumna’h Mang nunnem pal zouin zaisa uh;
Tawp louin Saron pah hieh uh,
Galdot in lungkham kawm in.
~~~~~~~
406 Hingtanpa a piengta
7,7,9,7,7,9
- Ralngaam
1. Lemguot Mang Immanuel, Adam suon khelna ziehin;
Van khopi dangkatah gam pelin,
Juda gam Bethehem ah; Mun umlou Mang pienna din,
A ngah gankuong Bethehem khopaam
Nuomin pahtawi va-ui hingtanpa apiengta,
Haleluijah a min ngai phat un;
Leitung ah lem lenghen michin namchin tung ah,
Ei a din damna ahing tunta.
2. Sietlei mangmin gel laiin, Juda gam Belampute;
A kimvel Mangpa thupinan salvah,
“Zau sih unlen ngaivoi un; Khantan nuom um hingtun ung,
Hundampa a piengta hi” chi in
3. Ngailou nama hundampa, Na van khopi tuolnuom khu?
Bang dinga gankuong tung hing zal?
“Aw ngaiing ka van khopi, Nanleh na khelna ziehin;
Lei genthei miel a vah hing” achi.
4. Sietlei ah mang tamtah pieng uh, Inn hoi thupite sungah;
Envoi Vanmang pienna bawnginn khu,
Aw kaha na Mang ahi, Suidin peiin gankuong ah,
A tunlieng Mari’n a pom chi uh.
~~~~~~~
407 Mangpa lemguot dan
12,12,6
- Pastor Nagamlalchaw
1. Ka Mangpa lemguot dan koiin athei zou diei?
A tapa khattang zong itlou a hingpe pan;
Sil dang zong itlou hi.
Tuipi san san vazung,
Hingpui galkai Mangpa khun;
Gamdai mun ahing tunta,
Gamdai mun hingtun pa khun;
Kanan gam ahing tun ding.
2. Muonglasin muong maitan hingpuipa muonhuoi hi,
I tunga i Mangpa akipah nah pou leh;
Gam khu ei a ahi.
3. Aw kilawm kilawm e ka Mangpa mun chiem gam,
Lungkim louna mawngmawng umvawtlou bawngnawi tui;
Leh khuoizu luonna gam.
4. A hoidan genseng lou a bukim hinai lou,
Van Jerusalem tha a hoi genseng guollou;
Khum gam khu ana hi.
~~~~~~~
408 Sietlei tungah khun
6.9.9.6.9.10
- Jampiniang
1. Sietlei tungah khun aw, Tungleng vabang a kalen laiin;
Hing lungkham sah ding solna hat e,
Nua leh ma hiam leh thal;
Hiem e kei dingin sunni chinin
Lungnuom leh hamuong theilou hitang e.
Pasian lungsietna tuisuogiet ging bang,
Hei a tham a lung liengvai koi adiei?
Tung Pasian in sietlei tung ah khun aw,
A na sem ding a ei hamuon ana diei?
2. Nichin in solna mei, Pi zingin ei zinkhum nanleh zong;
Mangpa hatnan ei khu zing tahen,
U leh nau lungtuoh in;
Mangpan eipieh ana sem va-ui.
I hinna pahbang avul masang in.
3. Kipah tahin pevang, Tungnungpen Khrist siengah ka lungsim;
Mang loupipen nuoi sietlei ah leng,
Khrist a dinga kahin;
Na khu genthei thuoh dia kaphal leh,
Bangma lou a kei kisia ding kama?
4. Sietlei tunga kalawm, Te leh ka zat leh chipite aw;
I chin lana kingaidam va-ui,
Khrist Lalmun thupia;
Salem gamnuom i tan theina ding,
Khat leh khat kingaidam tuochiet va-ui.
~~~~~~~
409 Zion tate zalenna ni
9,10,11,7
1. Leisiet puon inn kiphelkhie nanleh,
Khopi dettah khu keiman kaneita;
Mangpa in asiem Zion tate lenna,
Khu ka Tangtawn inn ding.
Zion tate zalenna ding ni khu anaita,
Na pang na diei aw Unau?
Muong sawt lechin Tangtawn kot kihong nawnlou ding.
Tangbang damsung Mangpa a din sem vai.
2. Lei lungkham nan hingpui mang khava,
Tangbang damsung deigaw ding atam hi;
I damsung mel pahbang muol ding kuon nou khun,
Mangpa na sem va-ui
3. Ni tum kuon vaipei hun a hita,
Angelte leh misieng peimasaten;
Pengkul leh semguo thuo in ei ngah zing uh,
Van a kilamtuo ding.
4. Mangpa Khrista lalna gam ah khum,
Leng leh Mang taga genthei um nawnlou;
Tuongtun kal ngahlang Zion tate lenna,
Khu ka Tangtawn inn ding.
~~~~~~~
410 Kei a dia gou mangpha
By: Rev. Zosanglien
1. Kum tamtah sulliena nung ka tuamaw lungsietna,
Ka donkia a, a hunlai in zual deu deu,
Na tangnem sihtui lul del a kalen laiin,
Hamsie mangsie zong tuoh ngai sing e,
Kei a din goumangpa ahi.
Aw ka nu Jerusalem na tangnem tui khuh khu
Kalvari sihtui tawi in tawi vang in,
Nam chin sahluong buahna din
Nam chin damna Kalvari,
Namchin chichin nameel jem in,
Kei a din goumangpa ahi.
2. Ka mu phuntangpi paahna zel dailim mam ah,
Nam chin khuai bang a kaina na zal kilawm khu
Hinna tui khuhtal suang a lep dawngkot kilawm,
A mun hing tam tung salem tuol hoi,
Kei a din goumangpah ahi.
3. I tuunnu tunglam a Jerusalem Zion,
Hinna sihtui luong dieldiel salem kul sung ah,
Lungngai leh beidonna beita Zion a khun,
Nung ngailou manna Tangtawn khopi
Kei a din gou mangpah ahi.
4. Guolzou lalta khawldam salem kullpi sugn ah,
Lungngai lou in Zion ah a leng dieldiel a,
Hinkhaw nuom khopi ah khen ding simthu lellou,
Nuomna kim van pielgal a kaita,
Kei a din goumangpah ahi.
~~~~~~~
411 Damsung nisim ka siemla
10,10,10,10
-B. Lalthlengliena
1. Ka lei damsung ni kihei liem zel ah
Natna leh lungkham kiel leh gentheina;
Sum leh pai tahsap leh gentheinate’n
Hing tum vel nanleh mun atang nawnsih
Leitung buoina leh shina hingtung in,
Ka hinna Khrist ah, a suling ngailou;
Mang lemguot hing tung ka hing tuoh zel a,
Ka buoilou damsung ni ka sim siemta.
2. Mang lemgel lou siltung mawng a umlou,
Sil hing tung ding khu tung ding mawng ahi
Sillamdang, siltha mawng zong a umsih,
Tangtawn a Mangpa guotsa ahi e.
3. Mun leh gambih zong ana um tuomlou,
Mun ngiem leh mun sang zong a um tuomlou;
Milien leh mineu, hau leh gentheita,
Lungtuohna Zion tang a leng ihi.
~~~~~~~
412 Lam dieldiel vai e
5,8,7,7,7,5,
- Rev. Zosanglien
1. Kei ka khuoljinna, Hamse dong shina liim gam ahi;
Ka pawt san ni ding naita, Sisan gam lah pieu gal ah;
Sisan kaithousuo puon toh, Hing na lamtuo ding;
Lam dieldiel vai aw (2)
Guollou hanglam in lam dieldiel vang e
Melma hanglu galthuomte
Salemtha hoi tuollai ah
Nei khawm ta vai e
Lam dieldiel vai e
2. Chau leh baasam a, I Mauna gamdai mun ah khun;
Liemna pawte masuon in, Angel khopi pielgal ah;
Thansuo silpuon kilawm toh, Hingna dawn ding uh.
3. Mang thuhun puoin, Nisim in vahvaipi nanlei;
Lungsiettu ka Mangpa in, Mihang pei masate toh;
Zawna puonlap te tawiin, Hingna dawn va uh.
4. Giehmaw vabangin, Zou gam a vahvaipi nanleing;
Melma hamsiete puoin, Enghou musit tuoh nanleing;
Zawna Manglukhu tawiin, Hingna dawn va uh.
5. Kel leh belam vun, Sila mun leh gam neiloute;
Gamdai mun leh tanggam ah, Nisim vahvai nanleu zong;
Hundampa leh tatsate’n, Ang dawn va uh.
~~~~~~~
413 Mishi leh mihing kipawl
8,8,6,9
- Rev. Zosanglian
1 Mishi leh mihing kipawl in
Umjie mawng mawng anei thei sih
Nadam leh dam chien in
Na shi leh zong shi kichien vet in
Aw ngambawm, kalvari maitam ah hing zalin
Na lungtang khu hagau siatuul in sunsah in
Laukha gam nuom ah lengkhawm dieldiel vai.
2. Aw ka tahsa leh thupina,
Kross singlel ah khenbeh tang;
Zuong hing thou kia nawn suo,
Hing hakhe tang e ka hinna aw.
3. Tangtawn guolzawlna kiem ngailou,
Tangtawn tuinah a kang ngailou;
Khupching leh Ngambawm in,
Tangtawn nopna zal zoukhawm ta vai.
4. Damlai pielgal gam kilawm ah,
Hinna sihtui luon mun ah;
Nga bang a leng khawm in,,
Lung guol tah in nop zaila sa vai.
~~~~~~~
414 Mangpa nuom ing
8.7.8.8
- Pastor Suolian
1. Mangpa nuom ung koi a ding a,
Na hing siemsah gam hoi khu;
Tunglam Jerusalem tha ngei khu,
Ka tangta damsung ni ngei in.
Hossanna, Halleluiah, Amen,
Tangkhawm hai tangtawn hinna ah;
Thou kia tate zalenna gam,
Jerusalem tha ngei khu.
2. Khrista a ka hinna thuguh,
Nuoi gam miten theiphalou;
Tangtawn mi ka hina thuguh khu,
Khrist ah khun phuolsel a hita.
3. Khrista lungsietna paal zoute,
Tangtawn hin kiemlou tangte;
Kilangta hai tangtawn tangvum ah,
Hossanna phat zaila sah in.
~~~~~~~
415 Hoi seng taluo
9.6.7.7
- Pastor Thangsuolien
1. Ka Manggam kilawm ka galdot in,
Khum gam tha kilawm ah;
Nuomtah a banzal jah in,
Khelna’n mun anei nawnlou.
Kanan tha gam nuom ah khun ka leng vel a,
Mubang in ha a leng a ka galdot leh,
Hei aw, kilawm seng e,
Heiha, Hoi sengseng e.
2. Khum gam inn hoi a leng zousiete,
Noute khu Paula pawl;
Koute khu Apolo pawl,
Pawl lou pawl a um tuomlou.
3. Hamuonna kim in i dimta e,
Guolzoupa Mang Khrist zal in,
Nuomna tullou i tangta,
A hoidan genseng hilou.
4. Tullou in ahoina in a thang zel,
Ka Manggam thuguh khu;
Mutu zousie’n i chienta,
Hallelui chiin zai i awi.
~~~~~~~
416 Shi leh shi, dam leh dam
11.10.10.11
- Mrs. Ngulneitam
1. Hagau tuipi khuptan a ka pallai in,
Kawngtan a pal ding in ahing chiel a;
Diiptan apal chia kakingai lai in,
Zapthaw ding in a hing han kia ta uhi.
Shi leh shi leh dam leh dam,
A hing puipa mei leh meipi kitawl zel;
Khogam nua ah khun,
Bang e ka tan tuom ding,
Hing zui kia phot mai tavang aw’le
2. Ginna’n kanaan gamchiem lam ka zawt lai in,
Mei leh meipin ka ma a hing pui a;
Manna, Vamiimte ka donlai in aw,
Puitu ngaisahlou in um den ka sawm hi.
3. Tang a Mousi’n Kannaan gam a jot lai in,
Dan zang in puitung ana sawm a;
Kanaan gam tun ngei dia a zot lai in,
A it a ngaiteng aphamsan siengta hi.
4. A suitu leh suite kituohna Kanan,
Ka leh hagiel hamsiete a bei;
Gul muh leh naupangte a tuollenna,
Alai a salvah leh vengpa Belamnou.
~~~~~~~
417 Lamdang seng sang
8.6.14.13.8.6
1. Lamdang seng aw, lamdang seng sang
Liengvai kei a ding in ;
Dana hitui hing nul siengta Nuomna ngen in dimta;
Hing itna thei semsem lei Nuomna hitui hing luong,
Leitung hauna sang manphazaw,
Nuomna kei a hita.
Aw! Jesu Hagau siengthou hing leng Jesu,
Innkuon sung hing um chieng;
Nu leh pan zong la sa khawmta,
Tate zong hing laamta,
Innkuon in laa sakhawm lei,
Buoina lah um nawnlou.
2. Kihau kiselna um nawnlou,
Nopna ngen in kidimta;
Nupa kal zong hing nuom semsem;
Hasung ah buolkhawm lei;
Tu leh tate masuon in Biehinn ah peikhawmta,
Kiten kum lah hing tam semsem,
Ngai meel lah hoi semsem.
3. Thangvan Hagau siengthou hing leng ,
Zogam hing phawng ding in;
Vangletna itna khut hat toh,
Khanglaite hing manta;
Enven tamnah khanglaite,
Biehinn ah hing lamta,
Hun khat lai a amangthaisa i Tate a vele?
~~~~~~~
418 JESU NEI KHU PILNA BULPI
1. Jesu nei hinna nuom,
Kipahna thuguh khu,
Ka hagau muonna hing pie:
Jesu nei khu kipahna.
Jesu nei pilna bulpi,
Jesu nei hauna bukim:
Jesu nei khu vannuoi toh kikhenna.
2. “Jesu ka nei hi” chiin,
Gen kawileng, vannuoi ah
Ginna in ka muchienta:
A shina mel Kross tung ah.
3. Jesu nei hinna nuom,
Mihaute’n neizoulou,
Mipilte’n theisiem lou uh,
Koi zieh a dangtah amah?
4. Van Kanan ka inn ding,
Sietlei ka khuolzinna
Aigupta a hah taluo,
Ka Mang Jesu hing pui in.
~~~~~~~
419 Kot khah hoi kihong zing
11, 8,9,8
- Pastor Ngamlalkhawl
1. Gingtute aw zam lou in pei zel va ui
Gamdai gau pahlun lou ding hi
Gil kiel sa guoh shina gam hibou
I tup gam lam khu zuon zel in
Thuoh hat in a itun masang un.
Halleluijah aw halleluijah
Zion khopi tha a lang e
Don va ui ginna hagau mit ngei in
Kot khah hoi honsan a um zing hi.
2. Gamdai gam khu ipel ma in gingtuten
Lungngai, beidong, lusuun, thaphaang
Bei lou ding, Mang lemguotsa ahi
Nan leh ginna in don zing lei
Kot khah hoi hon san a um zing.
3. Jordan luidung ipel hun chieng gingtuten
Van dang katah khopi hoi ah
Siel vate bang a leng dieldiel in
Kot khah hoi ah lawi khawm vai in
Halleluijah nop va ia tei ve.
~~~~~~~
420 MANGPA HING ITTNA
7.11.7.7.11
1. Mangpa nang ittna lien hi,
Vanpan nata nang sawl a,
Mawneilou Jesu kei mawna puoh in shi,
A chinglou chingin nangbawl
Mikhiel keisiem nangtang sah,
Tuah thamlou in navan khopi nangtang sah.
Hing phat vang Mangpa
Na min thupi hing phat vang,
Keitang Jesu hing shi hiel lamdang seng sang,
Mipil misiem tampi um,
Mihau mihoi tampi um,
A chinglou keibang nangtel lungdam seng ing.
2. Lam-et bei a ka um in,
Lam-et natha nang guon a,
Belding neilou beldin nang hing nei nuom ing
Ka tasap chieng nang panpi, hausatdan nang zilsah a,
Tam ittna lamdang abei ngailou ittna.
3. Ka ha zawngkhal leh baa a,
Nang ngai gilkiel dangta a,
Nang muchieng hinna tuikhu a nang puizel
Ka nat chieng nang panpi a, kipah ing nangdam sah man,
Halleluijah Mangpa namin thupi hen.
~~~~~~~
421 HINNA HING PEIH
10.8.10.8
1. Hinna hing pie ka Mangpa hing itt ing,
Mangthai lungngai ka um lai in,
Lunglai gilla hamuonna hing pie a,
Muonna tuibang na hing luonna.
Hinna hing pieh ka Mangpa aw,
Nanglou muonna ding a um diei maw?
Lungngai huibang ka mauna sim lei a,
Nang toh umleng ka lung nuom hi.
2. Suon ding neilou ka hoina zong umlou,
Nang toh um di’n ka ching zoulou,
Hizong Mangpa na itna awnem in,
Kang itt hi chi’n na hing han zing.
3. Keima lampi kazui jousiete leh
Ka lunggel leh ka ngaituohna
Mangpa nang di’n a chingzou ding umlou
Nanleh kang itt kata nang chi.
~~~~~~~
422 EN VEN KA TEEN NA’NG
7.7.13.7.7.6.7
Doh is B
1. En ven ka teen na’ng gam nuom,
Leimite’n a theizawlou,
Mizawng, mipoite leh tagate nopsahna gam;
Kei hing simmaw sih un aw,
Inn leh lou ka neilou va’ng;
Lei inn sang a nuomzaw,
Van ah inn nuom kanei hi.
Ngahla ing, Van khopi ka tun hun ding;
Mang Jesu a khutpawn ka tuh hun chieng;
Lungdamna hituite a luong ding a,
“Kei hing tanpa aw” chiin,
Lungdam in laa ka sa ding.
2. En ven Belamnou aangsung ah,
Meelsie, mipoi tampite;
Vanmi bang meel etlawm,
Mangpa’n bawlpha zou siengta;
Lei a i gentheinate,
Manglukhu in khuta uh,
A lutung taang singseng,
Suongmanpha toh kizem hi.
3. Shina hanmuol hing liemsan,
A peisa it leh ngaite’n;
“Tam sietlei gimna gam nuasie in hing pei un” chi;
“Kei ngaai in kap sih unlen,
Kei umna ah hing pei un”;
I tun ding hing ngahla,
Van khopi pa’n khut hing zaap.
~~~~~~~
423 HINDAN KA SIAM TA
11.11.11.11
By: Lalthangzuol
1. Tam khovel a khun gingtu atam ngei e,
Nanleh gingtu hindan siem a tawm ngei e;
Nanleh puohgih puo leh hinkhawl loute din,
Hindan siem hing zilsah Mang Jesu ahi.
Hindan ka hing siam ta (2)
Hing zilsahtu Mang Jesu ama ngei ahi;
Lungkim zel ka chingta (2)
Lungkimna hing zilsa, Mang Jesu ahi.
2. Sum leh pai hausatna, Du am nate in,
Huntoh anei thei sih lungkim dan aha;
Genthei liangvai zong khu Jesu panglou in,
Thuasiam dan a um sih, lungkimna a haa.
3. Genthei dan ka siamta hausatdan ka siamta,
Niang leh tai gilkiel a umdan ka siamta;
Hing lungsiattu Mangpa ka bangkim ahi,
Hing suhattu ah khun bangkim kabawl thei.
4. Khrista lungsiatna, Bangma’n hing khen lou ding,
Shina leh lungngaina gentheinate in;
Nuomna leh lungmuonna hing petu ahi,
Hing suhattu pan in bangkim kabawl thei.
~~~~~~~
424 KHANG LAI TE THOU UN
1. Khanglai te thou un ni tum ding hi ta,
Sun ahi lai in na sem va ui,
Khelna nuasie in silhoih bawl va ui,
Nahinna Mangpa din jang in.
Hun leh ni akiem zel hi,
Buoi na a hing tun ma’n,
Na khang dawn lai in Mangpa na sem in.
2. Mangpa Jesun i khelna ngaidamta,
Siatna lampi khu zuikia lou ding
Galjawna laasa’n kipah thanuam in,
Aloupina dom sang va ui.
3. I siatlei hinkhuo a hing bei chiang in
Zawna laasan kipah tava ui
Salem tuol lai ah hin sing lim nei ah
Tangtawn laasa’n leng khawm ta vai.
4. Mang Jesu zuidin nichin ross puo in
Kipan va ui lei nopna nuasian.
Puanlap dom sang un jawna tang ding in
Hundam pa’n amou din hing han.
~~~~~~~
425 Ka thu hilou
By: Mr. C. Lalthlunglien
1. Ka donvel hing mi leng,
Vanglai solsing bangin,
Vuoi in a pul zung zung ngal ua,
Hei sung a um e vanglai hun.
Ka umdan leh ka tan
Ka thu hilou
Bangkim tung a thunei tu in
A dei dan a a lel ahi.
2. Leng chin hin ka don a
Tan tawh lung kim um lou,
Tawldam a nuam na chia sui in
Lam etna thawn a tang zel uh
3. Tun juo saunuam et in,
Lunglai na hina e,
Sulkia lel lou vou duot laite
A hun lou in i ha liem zel.
4. Aw tuanglam ka zawtte
Sawtlou kala bei ding
Lungdei khensate leh Mangpa
Dawn bang kituoh kal ngah laveng.
~~~~~~~
426 AW MANGPA MIKHIEL KAHI
11.4.9.14.10
-HP Runremthang
1. Aw Mangpa mikhiel kahi hing peisan in,
Ka hoina leh felnate ka hinna tengteng et in;
Na mai ah khun suon ding ka neilou;
Ka innsung ka et chieng in Na tenna tah ahilou,
Hinanleh itna in Nahing kem hi.
Aw Mangpa Pasian kei koi ka hiei?
Ka innkuonte koi ahiei?
Tam tantan Nahing Na pui.
2. Khovel mite et bang a hing en lou in,
Ka sahmel leh etlawmna ka siemna leh pilnate,
Ka phulou in Nahing domsaang a;
Nei guolzawlna khellam ah Na Van Mangtoupha loupi,
Na hing tangsah Mangpa ka phulou hi.
3. Aw Mangpa Na meel vah khu ka en ngamlou,
Na hoina leh sienthouna, Na lungsietna ka mu in,
Ka khelnate a lang chieng ngal a;
Tambang lawm a Mang loupi itna toh hing puitu khu,
Ka hingtaisan khaleng hing ngaidam in.
~~~~~~~
427 Aw Nopna Ni, Aw Kipah Ni
10.10.13.6
By:- Rev. G.K. Samte
1. Aw miel nei a umte hing thouta un,
Hinna thupha khovah hing taangta hi;
Sang nempi hagau shina hanmuol a liem nua un,
Jubilee tuong hing tung.
Aw nopna ni, Aw kipah ni,
Jesun hagau kolbulna a phelta;
Nuom in tawi vai A min Halleuiah chi in,
Jubilii tuong hing tung.
2. Pi aw, Pu aw, Pa aw, Nu aw, Lawm aw,
Shina havat lungkhamna bei siengta;
Shina haliim miel nuoi a touten ngai vawi u tah,
Jubilee dah ging hi.
3. Tum vai Jubilii dan ngaitah tum vai,
Nuoi jinmang shina Hell khopi thawn hen;
Shina pan in hing pawt unlen hinnah hing lut un,
Jubilee dah ging hi.
4. Hundampa Mang Jesu min i law chieng,
Nuoi jinmang shina Hell khopi kiliing;
Tam lahoi toh nawh vai I Mangpa min suong kawm in,
Sal pawtna dah ging chiin.
~~~~~~~
428 A Hun a Umlai
11.9.11.11.
1. Hun tom tangvang i dam sung Mang nna sem vai,
Dachieng in khuo ahing miel ding hi;
Sun ahi lai in, a hun a um laai in,
I Mangpa a din i sem chiet ding uhi.
Ahun a um lai, lahtou ni a tun ma’n,
Shina in nang ahing pha masang in;
Na hatlai na hun a um lai in sem in,
Nang a ding ni hoilou ahing tun masang.
2. Vantung Mangpa tuol hing kum ding anaita,
Khodah un silsiem zousie kiliingta;
Ahun ahing tun ma’n, ani ahing tun ma’n,
I Mangpa a din i sem chiet ding uhi.
3. A loupina toh ahing pei masang in,
Kilungsietna ahing bei masang in;
Ki-itna toh Mangpa nna i sem ding uh,
Kuon khie in i Mangpa nna i s em ding uhi.
4. Tawplou in thum vai i hat semna ding un,
Ngen va uii Mangpa kung ngen va ui;
Tangtawn gam i tun masang un ngen va ui,
Hing sang ding, hing dawng ding i thumnate uh.
~~~~~~~
429 Minthang Hen, Minthang Hen
11.10.11.10
1. Pasian meel hoina itna maitaina leh,
Kalvari khovah nibang hing taang hen;
Mittaw khomiel sung pan ahat Zomite,
Khelna henkol pan hundamna ngata.
Minthang hen, Minthang hen, (Zogam lei)
I Pasian minthang tahen ;
Thawnsah un, Thawnsah un,
Kuol kuom zanglei thawnsah un;
Mangpan lamdih hing hil in,
Hing guolzawpi ding hi,
2. Hundamna thupha leitung mun chinteng ah,
A kihilna din sep ding inei hi;
Hitui leh Hagau toh i sepna teng ah,
Mangpa gam zai hen tangzai tawntung hen.
3. Lamdang itna toh kei ahing tankhie zou,
Lei leh vantung kellei hing dawsah hi;
Shina pat guol zou vangletna toh thou kia,
Tawntung pan tawntung minthang denta hen.
~~~~~~~
430 Vang lai ni leh hunhoi lai
1. Vang lai ni leh hunhoi lai, Man zingsawm ngabang lenglai;
Theiloukal igual ngaihte, Zingzin tuong tungkia talou;
Theisiem hamsa mihinnan, Nungsie tullai lengte khu
Kaplai nemsiem min hing nem aw.
Ka ngai e, aw
Zion sihtui idawn lai nite khu.
2. Khankhuo lunggel lunglai na, Koppi neilou itamta!
Pa neilou Nu neilou ten, Hun nailou ahun nailou,
Chi inkaplan zai awi uh, Kalai in a siet chieng a,
Kituoh khawm hun ding ngahla ing.
3. Damlai hunkhuo tomkal sung, Huoihamna a mangbei in;
Umlai singkhuol ituoh chieng, Avuoi akhang umlou in,
Khamtheilou in muol liem zel, Pielgal zot zalam tuongah,
Ngailai na e geldoh nichieng.
4. Tanglai pi leh pun agen, Phamsa tuongtunna saunuom;
Tuong lamdang mal umvawt lou; Zapi tuonglam Krist loungal,
Genthei liengvai Hausa leh Namchin phui bang akimna,
Tuakhu Mang Krista ngei ahi,
~~~~~~~
431 Mangpa na sem vang
9.9.9.9
By. Upa Ngulzakham
1. Na sem un Mangpa muongin sem un,
Kalsuan un mangthaite lam juan un,
Tangkouun khantanhoi genkawi un.
Nang leh kei Jesu’n gen di’n ei sawl.
Tuin’n nang koina nasem diai?
Mang na sem louding namah?
Kei leh ka innkuan pite vang in,
Mangpa na ahi kasep ding uh.
2. Gimthuoh a jinmang saltang te khu,
A tandoh ding mi kimu zoulou,
Mang Jesu’n nang leh kei hing hing ngansie,
Jinmang saltangte vapui ding in.
3. Joshua leh kalep hangsan bang in,
Kristian galkap hangsan te kuan vai,
Meipuo leh nuailam ente vangin,
Jinmang gal dou ngam lou ding uhi.
4. Kalsuan vai singlamte puo kawm in,
Mangthaite mudi’n va domsang vai,
Kalsuon kilawm valian in peivai,
I vah un Zogam mial tanvah vai.
~~~~~~~
432 Hangsan in sem vai
8.8.8.10
1. Khantanhoi tangte eite in,
A hundampan thei nailoute
A tanpa loupi theisah hi
I bawldih nasepna khu ana hi.
Semva ui hat leh hangtah in
Mangpa thu ngaikhe jing kawm in
Missionary sawlkhe dingin
Silpieh leh thumna i pang ding uh.
2. Krista min lawlouna mun ah
Thei nailou ten athei thei nan;
Mangpa Jesu namu nailou ten
Amu thei nangun bang ibawl ding uai?
3. Krista nasemtu palai te
Pasian thuguh enkol tute;
Mizousie hundam theina ding
Leh thutah theidin deilou ding imah.
4. Eite gingtu Pasian taten
I shi tang ua shi thoukia din
A gam a let zel theina ding
Silpieh leh thumna in i sem ding uh.
5. Bu at ding tam at ding in
Mangpa a dia kipete din
A guolzawlna idawn te hi.
Lanva ui Laukha mang ipui thei na’n.
~~~~~~~
433 Jesu nuazui ding kisui
8.8.8.8
1. Jesun anuazui ding mi sui
Leigou sum leh Sana dangka
Hauna min thanna hing chiem lou
Gilkiel gamleh gen thei hing chiem.
Akam guoh a hing it lou
Lungsim tah a kei hing it ten
Keima it na bang it na toh
Mangthai te nahin na pien chi.
2. En un i zougam simpin jing
A tan vah ding koi e kuonding?
Hing ngah la uh mangthai taten
Kap kawm in hing han han uhi.
3. Gawtmun gei ah thawm hau aw toh
Unau mangthai ding ten hing han
Koite zong hing han naw un chin
Hitui toh hing galdot zing uh.
4. Khangthate aw hing thou naw un
I Zogam miel tanvah ding in
Gideon meisel hing taang un
Mangpa leh Gideon nam sau.
~~~~~~~
434 Jesu’n kuon un chi
8.8.7.8
1. Jesun noute va kuon un chi
Laisiangthou ah na gen zouta
Hatna aw ging dang ngah sinlen,
Jesun noute va kuon un chi
Hundamna Jubilee dahging
Kalvari Singlamte tung ah
Mangthaite dia suotat nadah
Hunki khel man tangkou pivai
2. Lei-galkap sang in loupi zaw
Eite Vanmang galkap ihi
Ginum in i Mangna semlei
Zou ding leh zoukia din hing chiem.
3. Kapkawm in buchi kuan pivai
A khophun chiang ki pah tahin
I Mang Jesu maitai mu in
Nuomna Mang lukhu i tang ding.
4. Dangka sana suongmantam sang
Laukha hundamna manpha zaw
Mangthai te Laukha hundam khu
Van-gou Sana Suangman tam hi.
~~~~~~~
435 Hing ngaidam in Mangpa
1. Hingngai dam in aw Mangpa hing ngai dam in,
Ka bawlding thei lou in sawtpi kana um a;
Kanopna ding bepin, kang thei Mangpa,
Hing ngai dam in, Mangpa hing ngaidam in.
Kaima zieh in Laukha sim seng lou,
Amang thaita tangtawn miel nuoi ah khun
Na mai ah bang e kagen tah ding?
Hing ngaidam in Mangpa hing ngaidamin.
2. Na hundamna a thawn in kana neita,
Naguolzawlna simseng lou in nahing vuh
Nanleh kei ding mai in kana mang jou,
Hing ngaidamin Mangpa hing ngaidam in.
3. Na nuom napen Mangpa Laukha mang hutdam
Na na kul pen Sietlei a khantanhoi gen
Nanleh koima kahing pui ngai sih a,
Hing ngaidam in Mangpa hing ngaidam in.
4. Na hatna kithei maw bawl thei hi sing,
Nangman nang sawl hagau mang hundam dingin
Na Hagau siangthou in hingpui inlen
Hing ngaidam in Mangpa hing ngaidam in.
~~~~~~~
436 Babilon lung angah
10.10.10.10
By : Mr. Lalhngahsang
1. Babilon luipang a a dingin kap ing,
Nuamna hun pha gam a linglang bang in,
Zion la lem a nuam ding in hing phut
Sing gam a Mangpa zaila lem thei siang.
U khummei khu va awi vai aw,
Mei tah tah ding na ngaituo e
Aw hepitu lem Neithang zai ahi,
Ka ha zui sin aw khawldamna hilou.
2. Khovel hoina huang sung kahing dah a,
Hin khawlna um ei chi a sui vel in,
Sunkhuo zankhuo’n hin khuo mang zou hiel in,
Lamdang na e chin vanglai hun liem zel.
3. Tun lou hepina khelna in hing lan
Sal gam in i tunna ding a lan lou,
Tung Jerusalem i tuunnu ahi,
Khun nuam in Zion la lemta vai e.
4. Ka ngai, ka ngai e Zion khopi tha,
Khum khopi juan a i lawi khawm hun ahing,
Hundampa ngai toh mala i vaina,
Gam ngai kia ta siei aw Halelluijah.
~~~~~~~
437 Khantan hoi nuom um
11.9.11.9
- Rev. Khaizakham
1. Sepgim lungkham buoina kinawng kal ah khun,
I Mangpa Pasian in hing pui zing;
Pa thuchiem ni loupi khu ahing tungta,
Saltangte pawtdohna ni loupi.
Khantan hoi dei-um pei zel inlen,
Gammiel dang a saltangte pui din.
2. Tanglai pi leh puten tam ni loupi khu,
Mu nuom in galdot zing nanle uh;
Mulou in thangvan sang a kai zouta uh,
Van zawna loupi khu tang ding in.
3. Aw damna damna Gospel leng vel inlen;
Kawlmong tan in va lengle inlen;
Gentheite nopna vahvaite din innnuom,
Na pah gimtui namchin damna hi.
4. Aw nam zousie leh silsiem zousie ten zong,
Mangpa loupi phat in aw suo un;
Kalvari hepina piendangtah zal in,
Ei a din damna lui a luongta.
~~~~~~~
438 Mangpa Aw Hing Sang In
6.11.6.9.8.8
1. Nun tom pahpal bang lel,
Ka simlei tangbang damlai hun leh nite;
Vul pai ding hinanleh;
Paal zatamten Mangpa pampai in,
Sietlei paallunte zou nanleh,
Ke’n vang Mangpa di’n zang vang e.
Mangpa aw hing sang in,
Ka paallutnate hatlou nanleng;
Nang a ding in hing pie ing e (2vei).
2. Anbang itna simthu hemlam a,
Naubang a saangte vang in maw;
Na meel englou zongleh;
Silpah etlawm namtui,
A leng hieuhieu bang in maw kei zong, Mangpa
Na gim ka duong atheng lou ding.
~~~~~~~
439 Seinou Guolte Aw Thouta Un
9.9.9.8
1. Seinou guolte aw hing thouta un,
I gam ah Gospel thu thangsah di’n;
Mangpa’n hing han hi hing han zing hi,
Kitheimaw bawl nawnlou ding in.
Thou un, thou un Seinou guolte,
I gam lummei bang jing thengsah di’n;
Zu leh sa khamtheite taisan in,
Mangpa min khu tawisang va ui.
2. Midangten muol hing liemsan zouta,
Kanaan gam lam zuon in liemta uh;
Ei zong Mangpan tha leh zung hing pie,
I kimut kal hunteng liem khielta.
3. Mangpan gam lah ding nempi hing pie,
Heisung zuon a pei lai ding imah?
Mangpan hing han hi hing han zing hi,
“Hing thou ta’n aw ka ta” hing chi.
4. Van Hagau sieng aw hing leng inlen,
Kou Zomite hing suhalta di’n;
Lung kituoh a tuibang luongkhawm din,
Na ban hat in hambang hing huoi in.
~~~~~~~
440 A hamsa ngei maw
12.12.12.11
1. Hagau guolzawlna leh Mang thuhun phuong ding in,
Pienna gam Bele phung Pa inn pawtsan angai;
Suohnu leh pieng masa upatna nuasie in,
Goulul lankhie ding in Mangpan ahing phuut hi.
A hasa e, a ha ngei e, Goulul piehdoh khu,
Dimlet Hagau guolzawlna tang diin,
Hakhiet nangai tahi aw ka goulul mangpha.
2. Suol gallien pal ding leh goulul pekhie ding in,
Hatna ahing tungta dawn dan ahasa ngei;
Lungkham luonhi pum a bangkim ka gel chieng in,
Lunglen lunghel um e, aw ka neisun goulul.
3. Goulul latkhietna mun Moriah tang ka tungta,
Taan leh taan, thuoh leh thuoh, shi leh shi, dam leh dam;
Gimum chinteng thuoh a sisan a hing tanpa,
Mang dei-um hatna aw dawng ding in kiguong tang.
4. Ka hinkhua leh bangkim Mangpa kapieh ni in,
Ka ta lungkham vawtsin hing tuin hing thuom vang;
Pielgal a na nuomman hing hi ngei ta van in,
Chi thu ahing tungta Hallehluiah, Amen.
~~~~~~~
441 Mangpa nang loungal
9.10.9,10
1. Aw Pasian nanglou lawm dang nei sing
KaLaukha jawngkhal tha hing guon kie in
Ka dana jousie hing thuopi in
Nang lou lawm hoi jaw ding mu jou sing e.
Aw hing zui vang aw, lampi hasa nanleh
Dawimangpa’n lampi hing khah sah nanleh
Napeina jousie hing zui vang maw.
2. Ka laukha in sietna lam zui in
Ka khutte khelna bawlna khut ahi.
Ka lungsim ngaituona zousie jong
Du-aam naleh gitlouna ngen tang.
3. Aw ka laukha lunghel ma chie maw
Ka ginna je-et na dou jou lou a
Pasian mai a kilawmna neilou-e
Hing juan vang aw Mangpa hing maisah in.
~~~~~~~
442 Khawmpi ki khen kia louna gam
11.12.10.9
By : Pastor Thangsuolien
1. Lenkawl in hingsuoh sahleng mual kilawm ah,
Khenna sim thu hing lel lennguol ngai umte toh
Gen hamsa ngei aw ka lennguol ngai te,
Simlei ah mangpha mangpha vangut.
Kikhawmpi khenkia nawn lou na gam
Tangtawn Pa saunuam salem tha ah
Gibang khen um lou in i leng ding.
2. Tahsa dan a gibang khen lunglai ana,
Lunglai nat um louna Mang Khrista ngei a khun,
Sunchin janchin gibang khenna um lou,
Lenna tang dang in kal la nan leh.
3. Gam chin leh mun chin a lenguol ngai umte,
Ngoumei jam vel kal a deisahna ang van in,
Immanuel hing umpitu Mangpa,
A khun lemguot ngai luanhi nul nawnlou.
4. Thoukia Khrist gamtha kilawm keh lu hei ah,
Lenguol ngai luanhi nul um nonlou na gam ah,
I lei silpuan hawh a i len hun chieng,
Khawmpi kikhenna um nawn tasia.
~~~~~~~
443 Itna sisan luong
11.11.11.10
1. Itna sisan luong in, Ka tatsa mite,
Khuomiel gimna sung a kahna aw kaja,
Lainatna’n kahi luong, koi sawl ding ka hei,
A mangthang hate kon puidoh ding e.
Mangpan nang hing han, leinatna aw toh
A na sem dingte a tawm seng e,
Laukha mang te siang itna thugen ding,
Nang hing sawl vang e na hithei diei chi’n.
2. Na neih na lam zousie kang piehsa hi a,
Khatzong khetlou a lakia theipa ka hi.
Hizong lakia sih vang na phal bang pie in,
Van ah nang peichieng hawmthoh khavateh.
3. Na hatlai in sem in tumbang na vuoi ding,
Na neilai pie in beina hun hing tung ding,
Gal leh sa hasa in buoina’n hinglap ding,
Sep theih lai seem in khuo hing miel ding hi.
~~~~~~~
444 Aw Lazar ka lei ah khun
8.11.10.9
1. Keima lei a kalen lai in,
Ka let, ka lal, ka siem dan gen seng guollou;
Sana dang inn hoi kidang,
Khumten ka Laukha a hundam zou nadiei?
Aw he keima hing zou nawn vawt sing.
Ahitheileh aw Lazar ka lei ah khun,
Na khut muh ah tui themkhat;
Hing tahkhesah in ka lei ah khun,
Aw hei keima hing zou nawn vawtsing.
2. Lazar lei a a len lai in,
Mihaupan dangka nei a annmal khu;
Kilaw ding in kon a pe sin,
Amapa khu mihausapan na kidahta,
Nanleh Pasian in panpi hi.
3. Mihaupan leitung a nuasie a,
Vangam pel a meidiil a a pei lai in;
Lazar Abraham aangsung ah,
Tou khu a mu in Lengpa a kisiata,
Aw he keima hing zou vawt sing.
~~~~~~~
445 Khrist min a ka ngai tullou
8.8.7.8
1. Khrista min a ka ngai tullou,
Lungsiet um ngei na paallai ni;
Mangpa Jesu gen bang in,
A liemta tu nin na khang hoi
Lampi thutah hinna,
Zuon in Mangpa lungsietna nei a;
Damtah in peitan aw lungdei.
2. Khang khat pallai muolliem nanleh,
Mangpa guonsa khang kile in;
Vangphatna chinna tung ah,
Um zing hen aw Khrist min zal in.
3. Ngainat silpieh nei zou vawt sing,
Ngaidam aw nem in hing ngen ung;
Na gen leh Khrist zal in aw,
Millou zen aw chin leh tuoite.
~~~~~~~
446 Khovel loupina
9.9.9
1. Khovel loupina ka sui lai in ,
Ka lungsim apat thu hing gen in;
Lamvai nang hing kile in hing chi.
Ka Mangpa loungal ken muon ding neilou,
Ka lamvaina koi in ei hun diei?
Mangpa nang loungal muonna umlou.
2. Liengvai genthei in lamvai nanleng,
Na lungsietna zal in ka awlta;
Leisiet lunggimna mil ta vang e.
3. Aw Hundampa malbang hing kou ing,
Ka hinna a un in hing pe tang;
Hing zang tan Mangpa na nasem din.
4. Tun vang sietlei sil nuasie tang e,
Ka Mangpa na hinna thu bou khu;
Zailan awi tang e Tangtawn dong in.
~~~~~~~
447 Mangpa adia hun mang
13.11.12.7
By : Mr. C. Lalthlunglien
1. Damsung tomnou mang ding in saguoh in ipieng a,
Nan leh duthu aisam nawt phahlou suiin,
Saguoh a kia mai ding kiging sih nanlei zong
Tawp hun nei i lei hin khuo.
Kiging in, kiging in,
Nichin shinan ahing nai e
Thei lou kal kha phamsia tang va chin
Mangpa a dinna hun hoi
Manglou a mual liem ding
Khawh na e, a khawh ngei aw.
2. Hun dei um a liem masang dah khienlen envel aw,
Theina ding a nah nei leh mit nei jousie ten,
Lei gou sil mangthai mai bep ding suiin i hun tom aw,
Mang nawn suo ka von dei um.
3. Tung lang en in ngaituo voi, Ni leh Ha, Ahsi te,
Poi khoi lou in lengjah uh siemtu lung a kim,
Nang zong sullen khovel sil siemna hausatna mai
Sui nawn suo ka von dei um.
4. Mangpa ding a hun zat khu kisiana um vawt lou
Lungngai zan nei ah zong khuo hing vah ding hi
Sah lung nei lou melhun in khapham tang nana leh chin
A bukim in tang vate.
~~~~~~~
448 Nopna thuguh
6.8.6.8.
1. Liendoute unau in,
Kipahna thuguh amu uh;
Sa gilpi sung ah khun,
Damsung dai gou a mukhie uh.
Eiten nuomna thuguh,
I mukheta uh Mang Khrist khu;
Khovel ngai a gimneipen ahi,
Hepinan sisan atahta Mang Khrist khu.
2. I siemtanna Khrist khu,
I bukimna van Mang tapa’n;
A mukhiet gam ah khun,
I pal suohta Mang vontawite.
3. I seplou guolzawlna,
I ngetlou silthawnpieh tamsem;
Tang ding Mangpan achi,
Hinna gam siengthounapan in.
4. Mang Khrist gam Liendou dah,
Hinna puong ding Mangpan chi;
Thoukia taten i puong,
Agam silpuon a kithuom in.
~~~~~~~
449 THANGVAN MEIKUONG
8.8.8.7.
-Kham T. Valte
1. Thangvan meikuong hing leng inlen,
Ka tung uah vabang hing tuong in;
A tungsa Penticost ni bang,
A tha in hing sem kia in.
Aw vanmei, van meikuong thupi;
Hing tung in ka’ng ngai uhi;
Aw vanmei, van meikuong thupi,
Hing tung in ka’ng ngai uhi.
2. Mangpa Na Hagau hing sawl in,
Halna thupi tuong hing tun in;
Sietlei mielna’n hing tuomzou hi,
Van meikuong aw hing leng in.
3. Mangpa aw Na thu bang zel in,
Na mite hing suhal kia in,
Hing ve in van meikuong pha in,
Michin lungsung hing vah hen.
4. Thangvan dawngkot hing hong inlen,
Na van meikuong hing sawlkhie in;
Van Mang na kung ka’ng thum uhi,
Hing sem in tanglai bang in.
~~~~~~~
450 Ka ta aw zau sin
9.12.11.8
By : Pastor Dongzathawng,
1. Mangpa’n ka tasapte ahingpe ding,
A ma Jehovah Jireh Kereth luipieu ah;
A jawlnei vaahpa Pasian in amite,
A muolphou lou di’n ana chiem.
Ka ta aw jausin keima na Pasain hi’ng,
Natha muvanlai bangin hatsah kia vang;
Ka thu nava gen ding hi,
Ginum in hang san in pang in aw.
2. Mangpa’n ka lampite ahingpui ding,
Kavaah vaina vaka phai dung, ahing pui dan;
Te, theisiem sih nanleng, aman sietlei tawp dongin,
Kahing umpi ding hi achi.
3. Mangpa’n hitui luongte anul sieng ding,
Tun kapkap in lunglai na in;
Dachieng aban banin kahing theichien ding,
A mel dei kamu nichieng kagentheinate ngil tavang.
Mangpa aw hingngai ing kaha liengvai seng,
Ka tha bah leh tawlin lungsim athawmhau;
Hing taisan vawtsin ka siengah um zingin,
Hingngai ing e nang hingngai ing e.
~~~~~~~
451 Galthuom hing pie’n
12.6.6
Late 66:11
By : Pastor V. T. Kappu
1. Solna dougal lien e Mangpa hing panpi in,
Na hing panpi louleh (2);
Keima tang zousih vang (2).
2. Aw nguilou in hal un i dougal khuoibang hang,
Sisan in kivon un (2);
I zaw theina ding in.
3. Tuibangin a hing lien keima hing dou dingin,
Galthuom kim hing pie in (2);
Miel gal ka zawna di’n (2).
4. Ka phu guollou gal in nichin in a hing buon,
Hing en di vawi Mangpa (2);
Lungsiet um mang e maw (2).
5. Tam gal douna mun ah meipuote shi va un,
A hingte hing va unb (2);
Zawna la sa va uh (2).
~~~~~~~
